阿佳拌麵 (已結業)

最近冇得出去食晚飯，都唔想餐餐喺屋企食住家飯，就會買啲嘢食返屋企。深水埗呢間台灣店本身葵芳都有一間，最近係新開，同樣價錢性價比高。最出名就係麵線同埋拌麵，如果鍾意食飯佢哋都有咖喱飯以及其他小食等等選擇。拌麵鹽水雞拌麵 原味 $35+ 千頁豆腐$5肉操拌麵 原味$35+ 夜市魚蛋$5唔好睇佢咁樣正方形，其實裏面嘅份量好多，如果細食嘅話可能食唔晒分分鐘要分兩餐。鹽水雞分量十足，有鹹香；肉操拌麵就有好多肉粒，好夠味！加上加咗啲千葉豆腐同魚蛋，醃得入味，加餸！除咗原味之外其實仲有沙茶等等口味，可以自由選擇醬汁。蚵仔面線$35大腸面線$35面線我哋就鍾意小辣，成碗裏面好鍾意佢裏面仲有好多花生同埋芫荽，味道夠香，而且仲有一粒粒Juicy 蚵仔，味道唔腥；大腸入味夠淋，掂！

因為冇左晚市堂食既關係, 所以就黎到深水埗西九龍中心美食廣場睇下有咩好外賣返屋企食見到concern位有間好台式既舖頭, 連招牌都係台灣既格式同埋字體, 咁耐冇得去台灣, 我都想食返當地既美食牛肉拌麵(加麻辣): 牛肉煮到好腍, 好香牛味, 拌麵係好似粗麵咁, 加左麻辣醬都幾香口, 同埋都算辣, 下次可能要叫小辣鹽水雞拌麵(加麻醬): 我覺得麻醬撈落鹽水雞好夾, 味道配合得唔錯, 仲要每個拌麵都會配3舊豆腐& 2片黃蘿蔔, 好欣賞個豆腐, 好爽口, 又夠味咖哩雞飯: 珍珠米好好咬口, 咖哩唔辣以椰汁為主, 雞大件, 有薯仔同紅蘿蔔, 會食得飽, $35真係好平!要讚一讚師傅, 得佢一個負責哂全店既野, 又要落單, 整野食, 包裝…但對客態度依然好好!

係阿佳拌麵啊！以前經過葵廣都一定會買個招牌拌麵食下～而家西九龍中心就有得買，對我呢種經常遊走九龍嘅人來講簡直係福音！雖然已經無晚市堂食，不過買返屋企同屋企人食一樣咁滋味。本身一心打算聽屋企人推介買貴妃雞卷試，殊不知7點去到都已經賣曬😢😢店主見到我有點失落就推介咗糯米雞卷俾我試，既然都係雞卷，即管試下啦！於是我就買咗一份糯米雞卷小食同一份拌麵。糯米雞卷好香好好味，但係始終係糯米會好易滯。屋企人食糯米雞卷拌麵再加一隻流心蛋都話食到超飽。我就例牌叫咗招牌拌麵，一如既往咁好味！再同屋企人分咗小食魷魚同生煎包，好滿足又抵食嘅晚餐！不過可惜都係未試到貴妃雞卷，希望下次幫襯有得試到啦！

阿佳拌麵係一間賣台灣地道食物既舖頭, 係西九龍中心8樓, 由於疫情冇堂食, 所以只能外賣返屋企食, 呢間都係不二之選超平民價錢已經可以食到好飽! 麵線同拌麵都係呢到既招牌菜我地就揀左蚵仔麵線, 鹽水雞拌麵, 台醬牛肉拌麵, 台南生煎包蚵麵線好多蚵仔, 麵線好幼好正宗既台灣口味, 蚵仔同麵線好夾, 不過可能我地本身唔中意食酸野, 就會覺得個麵線湯底好酸, 係醋味黎鹽水雞拌麵, 雞唔霉,個麵煮得好煙韌, 唔會好乾,  麻醬唔會太多, 岩岩好我比較中意台醬牛肉拌麵d牛肉煮得好淋, 唔痴牙,沙茶醬唔似打邊爐咁咸, 岩岩好吊下味台南生煎包熱辣辣即食一流, 入面多肉汁, 個飽面煎到脆脆地, 更加好味, $10 三個, 好便宜!

今日全日同男朋友去咗深水埗玩💕去到差唔多夜晚就去咗西九8樓美食廣場食嘢🥳見到呢間阿佳拌麵🤗男朋友話之前喺葵芳果度食完幾好食，於是今日都係食佢✨我地基本上想試哂所有item同比較推薦嘅食品，可惜店主話貴妃烤雞卷近期都唔會有😢首先叫咗熱辣辣嘅迷你生煎包，＄20/6粒算係合理價錢，外面脆卜卜，一咬入面就好香餡料味道，仲有少少肉汁，好juicy，一啖一粒，好快食完😝我地兩個人就叫咗兩份主食，一份係五香糯米雞卷拌麵，為食嘅我地就當然不斷加餸，順便試埋店舖不同item😆所以加咗半份夜市魚蛋＋一份肉燥～拌麵揀咗麻辣味。糯米雞卷充滿五香粉嘅味道，而且十分飽滿，糯米煙煙韌韌口感好正，真係好有台灣街頭小食味道，拌麵同肉燥份量都好足夠，辣度啱啱好。魚蛋偏冧身嗰種，5蚊有成4大粒，十分抵食‼️而另一份係烏來烤豬肉腸拌麵，揀咗沙茶口味，烏來烤豬肉腸好大條，味道同一般食落嘅台灣腸分別不大，味道有保證嘅同時，見到個份量係等於平時台灣腸嘅3－4倍，呢份我另外加咗鹽水雞＋千頁豆腐，千頁豆腐嫩滑得黎又有少少咬口，我最中意嘅配料就係佢啦💕鹽水雞絲唔會好鞋口，味道唔算好濃，撈埋d拌麵就啱啱好。最後就試埋小食嘅古早現燙魷魚～都係

黎到西九food court想食台灣嘢我介紹呢間-阿佳拌麵見到佢個店面就好似去左台灣夜市一樣, 個D字體, 燈牌都令你好似置身係台灣咁 無得去旅行2年啦! 唯有食下台灣食物回味下吧鹽水雞拌麵佢個麵係用醬油炒過, 好入味, 唔需要要額外加調味料; 鹽水雞應該係手撕雞, 都係撕開一條條咁。 可以加$5追加魚蛋或者千頁豆腐, 我見未試過千頁豆腐所以就試試佢! 個口感好似魚片咁好夾口好彈, 用醬油浸過睇落似豬紅咁, 但我覺得好好食, 未食過豆腐係呢個口感魷魚麵線係好正宗既台灣麵線, 我好中意食呢種幼幼既麵線, 個湯係杰身, 加上花生, 羌茜好香, 佢係預設左會加醋, 如果唔食醋既朋友可以提早出聲, 好似我咁唔中意醋就會覺得有D酸; 而魷魚好新鮮, 爽口, 好夾!環境

疫情一再反覆，又迎來第5波，又再限晚市堂食，餐廳真艱難；今晚到西九龍中心買外賣，發現這間"阿佳拌麵"，菜式很地道，正想食台灣野。看看Menu，價錢貼地，款式多樣，有拌麵、夜市小食、麵線等，特別在麵線也有蚵仔/大腸/魷魚/貢丸/花枝丸揀，仲可以再追加添。我就試大腸麵線$35再+貢丸$5，麵線味道夠地道，口感濃稠不會稀，而且份量很足，我很喜歡。屋企人就點了鹽水雞伴飯 $35再+肉燥$10，滿足曬又有肉燥又有雞，份量一樣足，滿滿的鹽水雞和肉燥其實都幾夾，肉燥香濃而不膩。這個必試嘅五香糯米雞卷$22，係老闆推薦，外香脆內軟糯，真係幾好食，厚身實在。另外再點了两款小食，夜市魚蛋$10和千頁豆腐$10，價錢就真係冇得輸，魚蛋十分爽口有別一般港式魚蛋，千頁豆腐也同樣有別平時食到的豆腐，口感同樣係爽的，幾特別。

小弟都算喺晌深水埗大，不過，就好耐都無嚟過「西九龍中心」喇，因為一向都無乜行大商場癮，喺真喺有嘢要買，先會逛商場。今日就皆因過到嚟鴨寮街買卡，先順道上去美食廣場搵食。呢度餐廳眾多，如果事先無心水嘅，揀起嚟都幾唔容易，打咗個圈，就揀定「阿佳拌麵」，原因？無喎，純粹想食吓台灣嘢。 「西九龍中心」嘅美食廣場都幾人氣，我就較鍾意啲枱都設定為二人枱，而且，數量夠多，唔怕有搭枱情況出現。 講到食物選項，一版睇晒，基本上，大類可分為拌麵、麵線同小食，數數埋埋，都有成廿多款選擇。 兩個主食拎上手已好覺夠份量，再加埋兩份小食過過口癮，再幫襯隔離檔嘅台式飲品，兩公婆真喺極之夠飽。 其實啲雞卷、豬肉腸都好夠味，但如果嫌未夠，閣下喺喜歡重口味嘅人，店家仲有少少調味料擺出嚟俾你任加。五香糯米雞卷 $22 台灣最出名就喺佢啲夜市，尤其各種小食，都各具特色，就好似呢一款雞卷，咪睇佢好似細細條，其實可以好飽肚，皆因腸卜衣內塞滿糯米，口感外脆，裡面就煙煙糯糯，加上適當嘅調味，食味一流。 烏來烤豬肉腸 $22 小弟都去過一趟烏來，散策一下即日來回烏來喺幾寫意。當地嘅烤豬肉腸都好出名，晌大街到處都有賣豬肉腸嘅小檔。長長嘅豬

.又黎食阿佳拌麵啦😋依家疫情咁嚴重 當然係買外賣返屋企食！今次買左招牌肉燥拌飯 貢丸麵線 夜市魚蛋 烤豬肉腸 五香糯米雞卷 流心蛋同台南生煎包超有台灣風味 好似去左夜市咁🥲五香糯米雞卷一定要點的 雞肉香濃又嫩滑唔會好乾身 糯米索左雞汁更惹味 一條都幾大條的 用串拮住 方便食用👍🏻烤豬肉腸外脆內軟 唔會太膩 依家諗起都想食～.肉燥拌飯較為濃味 揀左沙茶醬汁魯豆腐食落彈牙 配埋大量肉燥 溏心蛋 蘿蔔等等成個感覺都好豐富 最正係將蛋切開 再將蛋黃汁撈飯一齊食加埋夜市魚蛋 彈牙十足 細細粒 味道會略為清一點.貢丸麵線就真係超有古早味 有花生 芫茜等香料麵線幼身 份量偏多 可能啲湯會濃稠啲 飲多兩啖已經飽飽地🤣下次一定會試埋其他夜市小食～

走過西九龍想食全世界🌏熱門菜～依到都搵到，走過一間門面充滿台灣夜市風味嘅店鋪，就簡左依間試下。-台灣菜必點～招牌肉燥飯$35(肉燥、滷蛋、千葉豆腐）肉燥夠入味撈飯超級正～+$10追加鹽水雞～手撕一條條雞肉嫩滑-柯仔麵線$35完成喺夜市風味😍😍柯仔飽滿新鮮脹卜卜～麵線份量都好多+$5 追加貢丸+$5 追加花枝丸+$5追加夜市魚蛋3款都追加了，夜市魚蛋跟香港的不一樣，更彈牙一點-迷你生煎包$10一口一啖剛剛好，外層小小脆口裡面肉肉嫩滑-五香糯米雞卷$22第一次食，感覺非常特別，外層脆脆的，裡面真的是糯米雞😂😂在店內可直接買埋飲品綠菜$9水很平$5中size,總結嚟講餐廳食物種類繁多，而且價錢仲好親民，值得推介

小小的店面，寫著台灣的手工面線，店內賣的不只有面線，還有魯肉飯、台醬牛肉拌面、羹湯等等，許多常見受歡迎的台灣小吃，當點心或是當正餐也沒問題。魯肉飯稱之銷魂魯肉飯是台灣北部魯肉飯的做法，香氣十足豐富的魯汁非常的下飯，平日在吃亦會多加一碗飯的。燉煮的魯肉飯是豬豬出身，也是台灣人的最愛美食小吃之一，名稱南北說法亦差很多喔！香菇魯肉，拌飯拌麵也很方便喔!自家做的口味，加上雞肉，真的很有台灣感覺。現燙魷魚在饒河夜市有一攤，很多人排隊燙魷魚，這也吃到，口感很脆的現燙魷魚，搭配特調醬料蒜頭、九層塔與沙茶非常棒。夜市魚旦特選魚旦～以濃厚香氣的滾燙湯底，獨特又迷人的香氣讓人停下腳步，很有台灣的感覺，這店的食物棒，這家魚旦有不同之口味～麻辣～原味～綜合～沙茶台醬牛肉拌面紅燒牛肉拌麵的秘制醬料由老板親自手工製作，用牛肉辣豆瓣，加上當日新鮮青蔥跟新鮮大蒜熬煮，原味呈現，絕不添加市售的人工蔥精及人工蒜精等 情意之台灣味

咁岩今日同朋友行經西九龍中心，發現咗呢間轉系食蚵仔麵線嘅阿佳拌麵，即刻諗起喺台灣食過嘅感覺，想重拾一下呢個感覺，一於去試吓啦！蚵仔麵線$35 口感非常軟滑，調味剛剛好，每條麵線都很分明，蚵仔的份量還有很多呢！口感飽滿味道又唔腥，湯汁酸酸地，值得一試～清心拌麵$35 呢個麵好適合鍾意食清淡啲嘅人，豆腐乾有咬口，驚喜地唔會太鹹，面嘅口感軟硬適中，好正啊，真係充滿台灣嘅味道～五香糯米雞卷$22 好耐冇食過呢種味道啦，外皮脆脆的，內裏嘅糯米軟熟黏牙，大大份好好味！台南生煎包$10 呢個價錢就有有三個包包，而且好足料呢，好有肉味，抵食到有啲難以相信， 可以係邊度搵到？古早現燙魷魚$30 魷魚🦑好香口，容易咬，一啲都唔un，值得一試！帶點古早味呢台滷日本流心蛋$15，蛋味濃郁，時間剛剛好，內裏軟熟～流心效果一流整體來講性價比超高，鍾意食台灣夜嘅人一定要嚟試吓。

好少去西九龍廣場，今日跟朋友童逛發現原來有不少美食，8樓的美食廣場更是臥虎藏龍。一直很想吃台灣麵線，但覺得比較難吃到，這裡就有一間台式地道小台，食材都由台灣空運抵港，當日就有不少人專程來買外賣。一場來到，又無晚市堂食，等我都買些外賣回家與老公分享。招牌肉燥拌麵 $35 （+ $10增量肉燥）肉燥惹味，增量後十分足夠拌勻整個麵。而麵因為是外賣，又給足份量，外賣盒都塞得滿滿！蚵仔麵線 $35 （+$10增量蚵仔）（+$5花枝丸）好大碗！有一大碗車仔麵碗的份量！濃稠度剛好又夠熱，蚵仔肥散，花枝丸彈牙。五香糯米雞卷 $22大推！外層薄脆，入面有香軟的糯米和雞肉、不需任何調味已經夠美味！台南生煎包 $10/3個好抵食！煎得香口，肉餡有汁好味吃。烏來烤豬肉腸 $22好吃，令人回味在台灣劉頭買台灣腸做宵夜的旅行日子。

今日經過深水埗西九龍，見到之前喺葵芳有分店嘅阿佳拌麵，上次誤打誤撞食咗雞卷超好食，諗住翻綽但好可憎係雞卷已經賣哂趁下午茶時間試吓其他熟食！首先叫咗兩個拌麵1.鹽水雞拌麵 2.豬肉腸拌麵拌麵有得揀醬料：原味、沙茶味、芝麻、麻辣。我地分別揀咗原味同沙茶味，我哋都比較鍾意沙茶味，味道較濃。原味就係普通豉油。推薦豬肉腸，即係原味既台灣香腸切片，皮脆而且十分入味，但係唔會咬落有好多油。而鹽水雞就係雞絲，十分入味方便食唔使吐骨，口感似手撕雞！另外叫咗啲小食，最推薦係糯米卷，好鍾意外面層酥皮，食落好香口，搭配埋入面既糯米，外脆內軟十分軟糯，又唔會太細條，十分推薦。然後叫咗魚蛋加麻辣醬，魚蛋爽口，冇粉漿味，麻辣惹味，10蚊6粒好抵食。生煎包一啖一舊，分量啱啱好，完全唔油膩，令人想食多幾舊。整體來講好推薦呢間餐廳，價錢好抵，食咁多野都係百零蚊，又可以填飽肚，味道好好，CP值高。

聽朋友講呢間阿佳麵線係夜市人氣No.1 ，經過見到平平哋，加上而家夜晚禁左堂食，不如買返去做外賣，又可以唔使煮，慳返啲功夫叫咗一份小食：夜市魚蛋$10 魚蛋彈牙，沙茶醬麻辣醬二揀一，我哋揀咗麻辣醬，唔會話太辣，適合唔太食辣嘅朋友仔五香糯米雞卷$22 係我第一次食台式糯米雞卷，糯米煙煙韌韌，口感一流！烏來烤豬肉腸$22 台灣腸出名甜，呢間都唔例外，豬肉腸經過香烤，外皮香脆，雖然冇咩豬肉味，但係都感覺到係好好味雖然啲小食已經有啲飽肚，但點少得試埋佢個大腸麵線$35，估唔到呢個價錢都大大碗，大腸食落冇咩味，感覺算係洗得好乾淨，麵汁味道啱啱好，麵線多，食得飽。原本冇諗住嗌呢個咖喱雞飯， 不過朋友見佢$35 好似幾抵食，又可以飽飽肚，所以就叫咗黎試，味道正正常常不過不失，值得一讚嘅係雞肉夠滑，整得幾好，咖喱味偏甜整體來講唔錯，餐廳嘅衛生程度高，間唔時外賣都好方便下，嘿嘿😁