阿元來了 (鴻圖道)

营业中

休息中

Honey 特登上openrice 搵九龍區既台灣菜食，見呢間多好評就專登坐車去試下去到裝修設計係幾有特色既，不過就坐得一般舒服我地叫左鹽酥雞、魯肉青菜、香菇肉羹、蚵仔煎同魯肉飯鹽酥雞炸到有少少乾，味道好普通魯肉飯算OK既，個汁同肉都好味，去到一試無妨香菇肉羹足料，但係質素唔太得，個芡太勁太杰，有啲失望結論係比我們期望既差，暫時唔會有去第二次既諗法，始終係一分錢一分貨

阿元的台灣菜在香港算是非常道地的，去吃過好幾次。今次open rice ordered 外賣，去拿的時候臨時決定改為內用，有點趕時間，打算快快的吃完，然後再order 一些外賣帶走。裡面有幾張空枱，我們跟服務員講了一聲想要內用就自行找一張空台坐下。由於趕時間我們快快的吃，後來有服務員來問我們一些摸不著頭腦的問題，又拿了一張點菜單叫我們要另外下單最低消費每人$40。但我們的外賣已經$190 ，由於趕時間也沒有多說就另外order了$91的東西吃完拿了外賣就走。現在回想起來可能外賣跟堂食價錢有差別，或是有服務費？作為客戶我並不知道這些，他們可以直接跟我們講 比如說要多收一成服務費或是怎麼樣，該給的就給 只要講清楚。但是服務員從頭到尾都沒有提這些事情，只是過來問了一些讓人不清楚來意而且無語的問題最後$91結帳的時候，可能是我小人之心吧，覺得是故意讓我們在櫃檯等了好久。直到我從皮包拿出一張$100打算說不用找了，櫃檯小姐才抬起頭來幫我買單對於阿元的食物，我會推薦給別人完全沒有問題，我也會再回去吃。若在服務態度與溝通能力方面能加強一下，相信你們餐廳會更成功

良久沒吃過台灣菜，之前工作的地方附近就是一家人氣台菜餐廳，由裝潢到食物味道都接近還原台灣當地，這次專誠找來很愛吃台灣菜的閨密來到這店懷念一下當地的美味 塩酥雞 $44開胃小吃首選塩酥雞～ 一口size炸得金黃好看，外皮香脆但炸漿做得薄薄的，雞肉醃製過不會太鹹，咬開雞肉仍保持嫩滑多肉汁，加入惹味的調味粉令整個小食的味道跟口感也是非常棒！炸花枝丸 $38另一款台灣小食會選花枝丸！這個真的有夠好吃，同樣是炸得金黃酥脆，咬開裡頭即滲出香濃的花枝味道，內軟又彈牙，還有花枝碎粒增加口感啊～ QQ紫薯地瓜球 $38另一款必點小吃也是每次到訪台灣夜市都會買來的紫薯地瓜球！份量不少，地瓜球分成兩種紫薯跟地瓜兩種顏色，外面脆口，一咬軟糯煙韌，裡面還夾雜了綿密的紫薯餡跟蕃薯餡～ 微甜的口味能嚐到食材原有的味道，相當有驚喜的一款！絕對推薦給愛吃紫薯跟地瓜球的朋友芋泥蛋餅 $34閨密點名要吃的這個～ 雖然有不少機會吃到蛋餅不過嘗到蛋香的蛋餅真的寥寥可數，店家的絕對是其中一家！蛋餅入口軟綿有蛋香，中間包裹了綿密香甜的芋泥，簡簡單單的組合卻是如此美味～ 閨密非常滿足呢～魯肉飯 $38魯肉飯幾乎是每次吃台菜必吃之選！

經過牛頭角點都要試下阿元紅極一時嘅台灣食店咁我前後食咗兩次嘅 一次下午茶 一次晚餐😋魯肉飯 $38滿滿肥瘦相間嘅肉 配上半片酸蘿蔔味道鹹甜 肉質軟爛配上白飯一流配上蘿蔔 降低肥肉嘅油膩感雖然睇上去細細碗 但食落去都幾飽 😋台南擔仔麵 $40一碗配有滷蛋 蝦 貢丸 肉燥嘅油麵味道清淡帶住淡淡嘅蔥油香肉燥甜甜地 但攪拌好其實食唔出味就一碗油油地嘅蔥油麵唔算驚豔 但食咗好多唔同嘅小食呢個會係一個好選擇 😊台灣黑輪拼盤 $36黑輪係魚漿製品味道有啲似魚蛋 口感扎實仲有一粒豆卜包魚蛋再配上甜口嘅辣椒醬都別有一番味道😋QQ紫薯地瓜球 $38入邊有8-10小粒開頭以為空心但原來紫薯球夾蕃薯餡蕃薯球夾紫薯餡口感扎實綿密 相當有驚喜😋鳳梨青茶 $23 (加配$12)叫咗微糖少冰 可能係果醬嘅原因 所以都係幾甜但有一說一菠蘿味好足 茶味都突出出邊好難有兩者都相得益彰嘅茶絕對可以一試😋冬瓜茶/冬瓜綠茶 $23  (加配$12)一個冬瓜糖加水 一個加茶但冬瓜綠茶係比到驚喜我整體冇冬瓜茶咁甜但有茶香 冬瓜糖蓋過茶嘅苦澀好解膩真心推薦😢芋泥蛋黃卷 $36兩大件似薯餅嘅炸物切開有滿滿嘅芋泥同一點點蛋黃但除咗油味 我

之前路過想食，但由於係午市高峰時間，排緊十幾台，所以就轉咗場，今日晏左食飯，大概2:00去到，只係等咗5分鐘就可以入座。食物種類好多，冇套餐，所以我哋幾個人，就每人叫咗個飯或者麵線，再叫咗啲小食大家share，嘢飲亦都有好多款揀，我就揀咗冬瓜茶。QR code落單，唔使2分鐘就上菜，超級快。我食嘅係控肉飯，相當好食，點着幾樣小食，分別係粟米芝士蛋餅，滷肉白菜，鹽酥雞，酥炸魷魚，滷味拼盤。我最鍾意係酥炸魷魚，大碟得來10分鬆脆。店入面每一個位置都適合打卡，影唔停手，絕對係一間好食嘅米芝蓮。

想食台灣菜嘅時候就發覺公司附近有間阿元來了😜 隔離仲有賣紅豆餅真係不得了一定要試🙈 起司蛋餅 蛋餅配芝士真係冇得輸😋 仲要落埋醬油醬同辣椒醬！ 十足十台灣食到嘅風味吖🤤 餅皮煙韌，好食！ 阿元魯肉飯 魯肉肥瘦均勻，食落好香口又甜甜地😝 配飯食好快就扒哂成碗飯

‪在港都食到台灣地道風味的台灣菜🥺💖.‪‪❤︎‬ 魯肉飯 $35‪‪ ❤︎‬阿元的魯肉飯是我在香港吃過最好吃的魯肉飯🥹已經食左好多年！🤣魯肉肥瘦均勻！肥既入口即溶 瘦既都比較淋身啲肉好入味 醬汁都濃而不膩🥺💕.‪‪❤︎‬ 蚵仔煎 $40 ‪‪❤︎‬外邊炸得香脆 而中間係比較Mochi Mochi的口感！醬汁好夾好好味🥹💓.‪‪❤︎‬ 炸甜不辣拼盤 $34‪‪ ❤︎‬有兩種口味 上面有少少椒鹽非常惹味🔥口感煙煙韌韌 比較有咬口！.‪‪❤︎‬ 炸花枝丸 $37 ‪‪❤︎‬一共五粒大大粒（食了一粒先記得影相🥹比較重花枝味！同啲港式墨魚丸扮花枝丸完全不同！表面脆脆地內裡彈牙 好香口😋.📍 阿元來了 (鴻圖道) (觀塘)觀塘鴻圖道28號地下後座...♡ ••┈┈┈┈┈┈┈┈•• ♡#香港 #美食 #香港美食 #打卡 #hkfoodie #hkfood #hkfoodblogger #hkfoodstagram #foodie #food #foodblogger #foodstagram #阿元來了 #阿元來了觀塘 #觀塘美食 #觀塘好去處 #香港台灣菜 #香港台灣美食

假日未夠6點黎到阿元來了，唔駛等位，到晏少少就開始full house店舖裝飾濃濃台灣味，亦好懷舊感，枱椅之間算唔太密太迫雙蛋蚵仔煎 $46呢個嗌錯左，本身想嗌正常蚵仔煎，嗌錯左雙蛋😂菜底可以多少少，但蚵仔都唔太少太細粒水準唔錯，係一個好食既蚵仔煎😋冰洛神烏梅汁 +$12清新，好飲，解渴😆魯肉飯 $38正常好食😋QQ紫薯地瓜球 $38正常好食，細細粒到好似魚蛋咁😂招牌珍珠奶茶 $27印象中以前茶味濃啲好飲啲，但都唔錯九份芋圓 $35細細碗，好食整體食物不錯，水準尚算keep到，掛住台灣味都可以來試試☺️

相信喺觀塘/牛頭角返工的朋友就算無食過，基本上都會聽過阿元來了。平日lunch time 如果唔早少少去排隊條隊就長到唔使食。今次收工後去食，唔算太多人。今次叫咗: 台南擔仔麵 - $40 👍🏻每次嚟基本上都會叫，湯底好香蒜味，麵硬度啱啱好炸甜不辣 - $35 👍🏻甜不辣好煙靭，老婆最like炸魷魚 - $44 👍🏻魷魚炸得好香口，一貫高水平雙色香腸 - $42 👍🏻👍🏻小弟最like，市面上台灣腸質素好參差，呢度食到的係台灣的味道同甘香楊枝甘露刨冰 - $49 👍🏻👍🏻一坐低有個姨姨就大力推薦，話係新推出好抵食，一嚟到個冰好大盤，好多芒果果肉而且食落覺得似係愛文芒的味，呢個真心可以一試P.S. 餐廳轉咗用QR Code 落單，夜晚去食唔知點解個menu無咗蛋餅 🥲

由台灣人主理，裝修用心既餐廳，牆身掛滿台灣特色的海報，背景播台灣歌手的流行曲，總有一首你識跟住哼兩句，感覺好似去左台灣咁。滷肉飯、台式蛋卷同鹽酥雞都非常好食！台式飲品選擇多多，總有一款啱你口味。午市不設訂座，都幾多人排隊㗎。

今日約咗朋友係公司附近嘅阿元來了食lunch, 由於呢間餐廳人氣極旺，朋友都特意提早咗少少去等位。餐廳裝修設計別出心裁，好有台灣懷舊風格，打卡一流我哋得兩位要同人搭枱，座位比較擠迫，餐枱都偏細，上菜後都無乜空位淨。由於全場座無虛席，非常嘈吵，我哋坐對面要放大幾倍聲量先聽到對方講野，所以全程都無乜點傾到計。雖然坐得比較局促，不過食物質素都唔錯既。睇餐牌見價錢都幾實惠，原來份量都真係相當迷你，不過咁都好，俾到藉口我哋叫多幾款黎試最後我哋叫咗四款小食加兩杯飲品。阿元魯肉飯 - 魯肉肥瘦均勻，滷得好入味，鹹香唔油膩，撈飯一流。蚵仔大腸麵線 - 麵線幼滑，相當足料。鹽酥雞 - 外皮炸得酥脆，內𥚃肉質嫩滑，香口惹味。芝士蛋餅 - 餅皮鬆軟有蛋香味，同半溶芝士簡直絕配。珍珠奶茶都唔錯，香滑而不過份甜膩。整體食物幾有正宗台灣風味，下次要避開繁忙時段再黎試吓其他小食同慢慢感受吓呢度濃濃嘅台灣懷舊氛圍。

呢間都係我幾鍾意嘅台灣菜 冇得去台灣咪食下😂叫咗個魯肉飯 魯肉較平時嘅大粒 食落唔會好多肥肉 好入味小食鹽酥雞份量都幾多 好脆口 食完唔會話好頸渴 炸花枝丸好香好彈牙👍🏻皮蛋豆腐就不過不失

阿元來了（觀塘）最近同朋友去左觀塘海傍行 🚶🏻‍♀️行行下就去到阿元來了😎🧀芝士肉鬆蛋餅個蛋餅好鬆軟，配咗好多芝士同肉鬆。蛋餅煎得啱啱好，表面金黃酥脆，鹹香得嚟又脆好好食🤤🌽粟米芝士蛋餅同上面嗰份蛋餅一樣，外表煎得香脆。配咗啲新鮮嘅粟米粒甜甜地同鹹鹹地嘅芝士配搭得來味道比較特別。❄️凍仙草芋圓凍仙草帶有淡淡的草本香氣，與彈牙的芋圓搭配得很好。這是一道適合消暑的甜品，味道清爽，不過就同出面嘅相比，冇咩特別比較普通。🐓鹽酥雞鹽酥雞的肉質好好，外表炸得酥脆。每一啖嘅雞食落去都會有好多肉汁滴出嚟，佢係一個唔錯嘅選擇。

成日都好想食台灣嘢，不過呢間阿元來了距離地鐵站有啲遠，所以成日都唔係好想特登行過嚟食。不過因為好想食滷肉飯，所以都由觀塘地鐵站行咗過嚟，幾乎行咗成三個字先到，嚟到仲要排咗一陣隊先有得入座，可以睇得出呢間餐廳真係非常之有人氣。咁我都冇乜嗌好多唔同嘅餸，主要嗌咗一個麻辣滷肉飯，蠔餅，同埋飲品。我最鍾意呢間餐廳嘅其中一個原因就係佢嘅滷肉飯，尤其係佢嘅麻辣滷肉飯，真係非常之好食。可能係佢加咗一啲香料入去個滷肉飯入邊，所以食落去非常之香口，不過對於怕辣嘅朋友來講可能呢一個滷肉飯就會有啲偏辣，就叫返原味會比較好。而佢嘅煎蠔餅就冇乜特別，我個人覺得麻麻地。

吹棒過後依然keep到高質，平民好食台菜👍！・・・・・・・・・・・・・・・・・・・・🐤 鹽酥雞 HK$40・味道：醃得好香口，唔會過鹹啱啱好，皮夠薄。・口感：一口size，唔係走脆口路線但依然好食。🍚 阿元來了魯肉飯 HK$45・味道：半肥瘦魯肉幾正，份量多啲更好～先甜後鹹嘅味道，但整體balance味道得好～・口感：啲米幾粒粒分明幾重米香，菜都夠脆唔會好霉，最鍾意有脆口酸瓜解滯！⚪️ 炸花枝丸 HK$37・味道：重花枝香味，唔係啲冇味港式墨魚丸扮花枝丸XD・口感：唔用炸粉就咁炸都好香口，皮薄入裡實淨，滿足～🍹 白桃綠茶 微糖少冰 HK$23・味道：白桃味好出，係fresh嘅白桃甜味，唔係糖漿。・口感：綠茶茶香都好出，甘香唔澀，順口～・・・・・・・・・・・・・・・・・・・・🤰性價比：高～🤰9衝度：9衝～🤰結論：價錢一定追唔到台灣嘅平㗎喇🥲，但味道同環境都成功還原台味👍，見到有唔少食客反映服務差，近呢兩次都冇遇到，好彩～・・・・・・・・・・・・・・・・・・・・