阿四車仔麵 (已結業)

食飯時間雖然得一個鐘番工辛苦梗係想有個地方坐得舒服抖下好需要食下好嘢補充體力比簡單乾淨嘅裝修同寛敞嘅座位吸引睇埋餐牌🤤開心價格🈶豉油大雞脾🍗仲係慢煮又有咖哩吉列炸豬排飯實在太難揀😂所以兩樣都食飯煮得好好，好軟熟，我好鐘意咖哩汁好香濃，所以我問老板可唔可以要多少少汁撈飯😂雞脾好滑，味道剛好，我食得好乾淨得番條骨😂

當日起身想食車仔麵 上OpenRice一搵 嘩！200個好評 馬上揸車去試 同女朋友一齊嗌一碗 再加兩款小食車仔麵最基本係湯底 只能說這個是沙嗲辣醬水湯 一飲已經覺得好離譜 豬紅原全唔入味 油麵係發脹 仲有兩款小食先誇張 麻辣牛柏葉: 食落去明顯分得出麻辣味水味加牛柏葉 好Hea姐....炸蠔: 好腥 但未到臭 其實難食我係唔會上黎打食評 呢次食評亦都係我第一次 重點係太多好評一心諗住去試但完全完全不配有好評 非常失望大家晤信可以去試 ！！

成日覺得港式車仔麵好有地道風情🥳旺角依一間車仔麵店好乾淨企理裝修仲以舊式大排檔做藍本門口見到有銀色鐵閘，都幾有feel坐得又舒服🥳特別正！揀咗炸豆腐丶豬大腸丶貢丸⋯炸豆腐大大件外脆內軟豬大腸好入味😋個湯底仲可以免費加腩汁唔太鹹好惹味～

星期日放假瞓完個晏覺口淡淡又唔想食飯本身想求其煮個麵食算啦但係諗諗吓 放假喎梗係要把握機會出去食餐好啦過去豉油街食阿四車仔麵先!我有時都嚟買外賣食㗎今日悠閑一下 坐底嘆個麵店內環境企理寬敞 招牌麵 $609個餸 大滿足啱晒餓底又選擇困難嘅人仕😏有鹵水味嘅餸又有咖喱味嘅餸兩大塊清甜蘿蔔而且我經常都係叫米粉鍾意個米粉質地係勁正👍🏻慢慢食係唔會怕佢漲到白晒易碎濕濕-豬腸乾淨入味係一碗出色車仔麵嘅精髓👍🏻記住試吓個菜甫👍🏻另一碗揀咗5個餸+$3 讚岐烏冬第一次試吓炸片頭 有4塊 份量好大方溏心蛋都好出色小食好抵食唔係唔加呀嘛 -吉列蠔 $26熱辣辣炸得香脆豉油雞髀 $26Size大過隻碗 好好味車仔麵真係香港人嘅名物食極都唔會厭但用心又高質經營嘅車仔麵店似乎已見少賣少尼間咁出色更加要大推俾更多人知道呀!

車仔麵我自己私心最愛其實係上環分店既麵x😋之後都有試過其他既車仔檔，但都係普普通通，直至最近新嘗試呢間車仔麵。呢間走新式型格路線的車仔麵店，提供多款餸既配料，麵同醬汁比大家揀，食車仔麵我通常都會揀油麵，先至有風味。醬汁方面免費附上，有楠汁，辣醬，麻辣醬等等。仲有常餐餐牌，不過一場黎到梗係試車仔麵配菜方面問過老闆特別點名 蘿蔔，炸墨魚卷除咗嗌咗呢兩樣之外，仲叫咗腩肉，糖心蛋腩汁分開上好貼心，鐘意幾多就落幾多炒墨魚卷，真係必食之選 好有咬口蘿蔔好入味，好甜腩肉雖然得兩片，但脂肪平均分布油麵 - 香腸，炸豆腐，魚皮餃，溏心蛋（楠汁+麻辣醬）呢款車仔麵揀左車仔麵，湯底加左腩汁同小小麻辣醬，令到湯底更昇華。個人比較鍾愛炸豆腐和溏心蛋，炸豆腐即叫即炸，外脆內滑，溏心蛋好濃酒香味特色樽仔奶茶同樽裝麥精日式吉列蠔外脆內軟，仲有汁爆出嚟！一點都唔腥總結，想不到旺角都有咁高水準既車仔麵！

而家因為無咗堂食變咗成日早食晚飯有時真係諗唔到食乜所以乜都食啲就啱唒我呢啲三心兩意嘅人車仔麵都係一個唔錯嘅選擇如果講開車仔麵俾我嘅感覺都係傳統舊店環境都係較污糟但原來旺角有間咁高質又好乾淨嘅車仔麵店舖真係好大 而且店內環境好舒服所以食得好自在車仔麵餸類都好多種而且份量好大碗 食得好滿足不過如果麻辣湯底可以再辣啲就正啦特色小食都有好多炸物類係用心製作即叫即炸但吾油膩自己特別愛炸燒賣燒賣好煙銀炸雞同炸蠔亦很香口總括然而 性價比頗高值得光臨

聽聞政府又想延長無得出街食晚飯🥲前幾日途經旺角，晏就4：00幾�，間間都好多人，呢間唔洗等位所以入左黎食#阿四車仔麵 @a4noodle 唔食由至可，一食就覺得點解間車仔麵會無人黎😂我地當呢個係晚飯所以叫左超多野食但其實賣單都比我地想象中平🤣我地總共叫左兩碗車仔麵加個炸蠔我個碗叫左蘿蔔，辣魷魚，牛柏葉，腩肉，加沙嗲汁，車仔麵就當然要油麵啦😎蘿蔔非常清甜，無渣，食一間車仔麵既蘿蔔絕對可以睇到佢既質素牛柏葉係一定會encore😭港女平時收收埋埋其實好鍾意食內臟，尤其係牛柏葉，呢間可以話係我食既牛柏葉，無論咩菜式會係top3既牛柏葉，超級爽脆唔un!其餘兩樣都無特別，但係都唔會失準，依然覺得好好食😋朋友叫左豬腸，魚腐，加豆卜朋友去親食車仔麵都叫呢三個鐵膽☺️豆卜，佢第一下見到已經話舖頭好佛心，會比完整一個豆卜豬腸係好特別，唔係一般既豬腸，係豬腸包豬腸🤣非常特別！魚腐係硬硬地個隻，食落都好好食，重點係份量好多！！佢地都有樽仔奶茶！連我呢個唔飲奶茶既人都飲左幾啖 奶味香茶味濃！ 兩個人加埋都只係$130😂食過返尋味指數：8.5/10下一次會再叫牛柏葉🥰阿四車仔麵地址：旺角豉油街108號地舖

🍲咖喱水魷豬皮冬菇豆腐油麵🐖 $41 (8/10)咖哩湯底味道夠香，有少少辣，配料大大份，一啲都唔孤寒🤩。油麵偏淋左，有啲似米線質感🤓。🦑水魷、豬皮都幾爽，雖然唔係好入味，但口感已經夠正。值得一提係冬菇肉厚鮮香，感覺超值。好在咖哩湯味道夠濃，可以補救到配料唔夠味嘅缺點👦🏻。🍲沙嗲牛餐肉油菜墨魚卷河粉🥬 $53 (7/10)沙嗲味道正常有蒜味、花生、小小辣但就比較清同淡，襯托到湯嘅甜味。墨魚卷嘅鮮味夠香，整體就比較普通👀👀。小食：🐓瑞士雞翼 $22 (7/10)瑞士汁冇黏黏甜甜嘅感覺，個人覺得叫做滷水雞翼比較貼切，覺得滷得可以再入味啲～😣

車仔面對我嚟講真係快食既不二之選，鍾意點配咩餸就咩餸，今日就經過呢間阿四車仔面，裝潢光猛四四正正，都坐得幾舒服😄呢度除咗食車仔面仲有其他飯類同西式下午茶，算幾多款式選擇👍🏻不過我同朋友就想食面所以都係揀返車仔面🙈朋友懶得選擇就揀咗個招牌面，啲配料仲要款款中哂佢口味，有齊魚蛋、魷魚、豬皮、豬大腸、雞翼尖、蘿蔔、滷水蛋、瑞士雞翼同豬紅，一碗麵有齊九樣餸都係$60，堅抵食！當中必推瑞士雞翼、豬皮同蘿蔔，呢幾款好入味👍🏻好正！另外就叫左碗米粉，配料就叫咗糖心蛋、滷水腩肉同魚皮餃，諗住好少車仔麵檔會有滷水腩肉所以叫黎試下，估唔到咁好味，呢個滷水腩肉肥瘦分明，上面層肥肉好似啫喱咁好味。而糖心蛋有層陣陣嘅酒香味，令我一試難忘。而我哋仲叫咗個炸生蠔食添，估唔到車仔麵都有炸生蠔食，而且炸得幾好味😋呢間車仔面又真係幾唔錯，上菜快又幾抵食，下次再嚟試過！

諗唔到食咩好，頹頹地又食車仔麵喇😂💚 辣魷魚+辣魚蛋+豬大腸+米粉豬大腸洗得非常乾淨，食落冇異味，而且口感厚實，包左兩層大腸，口感同味道都值得讚。辣魷魚爽口彈牙，辣魚蛋味都唔錯，兩樣都唔算好辣。.💚 瑞士雞翼+滷水腩肉+炸魚皮+幼麵+麻辣醬雞翼唔係一咬就甩骨果種，滷水腩肉都幾厚身，但兩樣都唔係好入味。炸魚皮嘅質素令人失望，味道正常但唔係好脆。麻辣醬味道唔錯，加晒全部都冇想像中咁辣。.💚 日式吉列蠔炸得好炸又唔會太油膩，蠔嘅味道都唔腥，估唔到車仔麵店都有得食吉列蠔，而且味道仲好唔錯添!!.💚 炸墨魚卷上枱嘅時候仲熱辣辣，咬落重食到一粒粒嘅墨魚肉，味道同墨魚丸差唔多，炸得略為多油，但仍然值得推介。.值得一讚嘅係店員好有禮貌，落單嘅時候唔記得點腩汁，店員好好咁幫我地加番個腩汁😋.味道: 🌕🌕🌕🌖🌑服務: 🌕🌕🌕🌕🌗環境: 🌕🌕🌕🌕🌘價錢: 🌕🌕🌕🌖🌑📍 阿四車仔麵 (旺角)旺角豉油街108號地下.#tiufufoodie在旺角 #hkfoodie #hkfoodlover #食到旺角 #旺角美食 #阿四車仔麵 #車仔麵 #hkfoodie #hkfoodlover #hkig #foodie

今日去左旺角買衫，準備去朋友婚禮。最近疫情嚴重左，晚市又禁食，結果晚晚都要自己煮或者叫外賣中午出左街，就想搵間餐廳食下飯，朋友介紹旺角一間車仔麵店。餐廳環境乾淨整齊，有別於一般車仔麵店，空間感比較大，採光度又高！食物選擇種類多，我最後懶得諗，叫左一個招牌麵！$60招牌麵魚蛋、魷魚、豬紅、滷水雞翼、豬大腸等等⋯餸菜好豐富！我叫左腩汁！小食加點左豉油雞髀！必食滷得好入味又好腍腩汁底好香濃，又唔油膩！車仔麵餸菜味道好足，又唔會食落擺好耐，新鮮！

天氣凍凍地❄️食返碗香港地特色既車仔面 一般都會有好多餸既選擇 可以自己揀自己中意食既餸 阿四車仔面仲多選擇 除左車仔麵之外 仲有常餐同飯食👍🏻❄️❄️❄️❄️❄️❄️佢係豉油街 行完波鞋街就可以去醫下肚 餐廳門面都幾大 枱同枱之間有一定距離 枱既大細又好足夠 叫好多野食都得 坐得好舒服 👍🏻❄️❄️❄️❄️❄️❄️叫左兩碗面 兩杯餐飲 一個油菜同小食 飽到就快碌出門口❄️❄️❄️❄️❄️❄️河粉 腩汁 豬大腸 蘿蔔 溫泉蛋 冬菇 腩汁油生菜🤤🤤豬大腸唔係好多餐廳會處理得好 呢間佢會清洗得乾淨 仲會用滷水滷到大腸入哂滷汁既味道 👍🏻冬菇 一定要嗌 好少車仔面會用厚肉大花菇 仲要炆得好腍同入味 好有冬菇既香味😆食哂肉又唔係咁好 所以就嗌多左個蘿蔔同油菜去平衡下👍🏻❄️❄️❄️❄️❄️❄️幼面 辣汁 魷魚 雞腎 麻辣牛柏葉如果食得辣既可以叫辣汁 睇你自己可以食到幾辣 車仔面配埋個辣汁去食好過癮🤤🤤再配埋咖哩魷魚同麻辣柏葉 食到個咀會好熱辣辣 特別係呢到個牛柏葉 個辣味好正宗 食得出有唔同既香料整成👍🏻❄️❄️❄️❄️❄️❄️凍檸茶 紅荳冰 紅荳冰 雖然天氣好凍 但係都阻唔到我飲返杯有香港特色既紅荳冰 正👍🏻

車仔麵店比我感覺都係偏舊式 衛生唔太好 所以呢排疫情都冇食過但比我搵到間好四正嘅車仔麵店🥰 環境好 乾淨企理 選擇多 價錢中等👍🏻四餸車仔麵 唔同餸/麵 唔同價錢幾鍾意佢醬汁同麵分開放 自己鍾意加幾多就幾多沙嗲醬有花生香 成碗麵嘅配搭都好好 覺得佢小食幾出色 同埋好多選擇而除咗車仔麵都有飯揀～炸燒賣 $22/10粒新鮮炸起 金黃色 脆卜卜😋 加埋泰式辣醬好好食飲品方面都見到好多選擇 仲有啲特飲試咗比較特別嘅樽仔奶茶 充滿奶香 奶茶好滑 茶底唔澀

車仔麵（滷水蛋、雞翼、蘿蔔、牛腩、大腸、炸墨魚卷）$79 豉油雞髀 $26麻辣牛柏葉 $26炸豆腐 $22樽仔奶茶 $18今日終於出旺角，唔係喺葵廣😂突然又好想食車仔麵就去咗呢間阿四車仔麵！店舖幾乾淨企理👍🏻叫咗碗車仔麵，牛腩同滷水蛋好入味，唔錯，瑞士雞翼仲正，一食肉同骨就分開，煮法好似以前細個媽咪整雞翼俾我食咁，我鍾意，童年回憶又返晒嚟😂蘿蔔煮得夠淋，吸晒啲汁幾正，冬天食蘿蔔是常識性！大腸同墨魚卷就不過不失啦！之後到我成餐最鍾意嘅炸豆腐，我真係好鍾意食豆腐，佢呢隻唔係有好多份癡住，豆腐應該用比較硬身嘅豆腐嚟炸，一碟有幾大舊再加埋chilli sauce，正，如果有啤酒飲一定超好送酒😛炸豆腐可以叫一碟或者係車仔麵嘅其中一個餸，如果係車仔麵嘅餸可以問吓店員可唔可以分開上，咁就唔會淋啦！之後仲有一隻勁大隻嘅豉油雞髀🍗啖啖肉又係超入味，諗起都再想食🤤麻辣牛柏葉我就覺得可以辣啲，朋友就覺得已經夠辣😂最後推介大家飲埋樽仔奶茶，茶香味濃，雖然冇得話走甜，但我覺得都唔太甜，不錯不錯！下次一定嚟食埋其他嘢，但炸豆腐一定唔少得🤤

之前有friend提過呢間嘅車仔麵足料又好味，由是就嚟試試佢。今次我嗌左腩肉、糖心蛋同豬紅，幼麵底。送到上嚟好有驚喜，腩肉係超大塊，好厚身！唔係平時食開簿簿地幾片，而且口感稔得嚟有啲咬口，唔會好削。而糖心蛋就正常發揮。至於豬紅都好正，應該係用湯底煲嚟煮，入曬味，仲要好彈牙好新鮮，堅正！幼麵嘅麵身亦都煮到恰到好處，唔會太軟或太硬。而湯底方面我揀咗腩汁同咖哩汁，同真嘅車仔麵檔一樣可以溝汁，呢點非常好。另外我都嗌左個炸豆腐，唔油膩，外脆內軟，價錢平份量又多。