阿夫利拉麵 (The ONE)

营业中

休息中

呢間 AFURI，我以前層經去過一次，當時食左柚子塩味拉麵，食評係麻麻地，因為個湯太淡太薄弱，唔夠力量。今次再光顧，主因係今日身體狀態唔太好，想食碗清爽淡麗型嘅拉麵，咁 AFURI 就係一個唔錯嘅選擇。《柚子🍊醬油拉麵🍜》香味 (5/5) - 香味非常充足。柚子味，醬油味，燒烤味，鰹魚湯味於一身。我甚至於認為係我聞過最香，最有層次嘅拉麵。湯 (5/5) - 比起塩湯，呢個醬油湯真完全係兩個世界。湯色清澈，似普洱茶色。因為有左上次經驗之後，知道呢道個湯頭係清爽淡麗型，醬油嘅鹹鮮係淡淡然唔係濃厚嗰種，而且醬油風味獨特，雞骨味清楚地可品嚐到。個湯味道好之餘，餘韻仲有淡淡嘅八角味。整體來講個湯我係十分鍾意。麵條 (4/5) - 細麵，帶全粉小麥粉，直身，口感極好，爽口又有韌性。最難得係，佢個湯夠熱之餘，個麵係由頭爽到尾，唔會話浸到腍左。小麥味中上。整體個麵為我帶來相當不錯嘅滿足感。配料 (3/5) - 豬叉燒方面，係豬五花，有滷入味，而且爽口唔油膩，又唔會話一夾就散，幾好食，可惜只有一塊唔夠皮。荀方面，夠爽脆，分量係唔少，但切得都太幼身，滿足感差d。比較差嘅係荀味係好淡，唔夠味。溏心蛋方面，正

拉麵🍜-柚子甘露沾麵，醬汁清新，麵條爽口彈牙，不太鹹，不油膩。小食-章魚燒🐙嘅醬汁係蛋沙律醬，好特別。餐廳😋-自助下單，出餐快，員工友善有效率，地方整潔。

有時去東京想食都好多人排隊，次次都冇食到。尖沙咀呢間有時都要等一陣，等嘅時間唔長可以接受。點咗柚子鹽味拉麵，加小食（炸豚肉餃子）同飲品（玄米茶）套餐$158。柚子味真係幾清新，個人不嬲鍾意唔係太鹹嘅拉麵，呢款真係啱晒。另外麵嘅質地順滑有咬口，唔錯👍🏻餃子外脆，肉質鮮嫩👍🏻

同朋友嚟尖沙咀行街，條街真係好熱，頂唔順行入The One食下午茶。行過見呢間餐廳清清靜靜可以傾下計，朋友又想食拉麵。我哋各自點咗一個自選拉麵組合再加多一個甜品，食物味道ok，小食同甜品幾好，環境靜靜哋都幾舒服。唐揚炸雞，雞肉又熱好嫩，個醬都好味。炸豚肉餃子，少食餃子嘅我都覺得唔錯。柚子醬油拉麵。豚骨鹽味拉麵，細細磅。太熱要飲啤酒。日式豆腐甜甜圈，上面好似係肉桂粉，好軟熟。日式豆腐甜甜圈配柚子醬，呢個口味大眾化啲。

又貴又難食，難食到嘔份量極少，一張紙巾咁大既紫菜，一塊薄到透既肉，無處理過既蛋，個湯好似就咁倒鼓油落去咁，自己煮出前一丁仲好食為足之體驗做左篇文“那碗難以忘懷的拉麵體驗絕對是我一生中最艱難的飲食體驗之一。這碗拉麵不僅價格昂貴，而且難以入口到令人忍不住想吐。份量稀少到令人難以置信，一張紙巾大小的紫菜、一片幾乎透明的肉，以及一顆毫無處理的蛋，仿佛是壓倒駱駝的最後一根稻草。而那湯頭更是令人匪夷所思，彷彿只是倒鼓了些許油的清湯，毫無味道可言。這樣的拉麵體驗實在難以忍受，甚至令人感到極端的反感。自己在家煮的方便麵都比這碗拉麵美味得多。希望這次糟糕的經歷能讓您更珍惜好吃的美食，並學會區分優質的拉麵和劣質的拉麵。期望您未來能品嚐到更美味的拉麵，讓這次糟糕的體驗成為一段難忘的回憶，為您帶來更多愉悅的飲食體驗。”

柚子鹽味拉麵一直都唔係我會點嘅口味, 不過咁啱見到呢過江龍店, 又响我公司附近, 訂枱平台評分3.38又唔係話太低, 試吓啦.按一貫品賞拉麵步驟每樣都評吓:1. 香味 (4/5) - 非常充足, 基本上個 waiter 一放低碗麵, 香味撲鼻而來 2. 湯頭 (2/5) - 柚子味鹽味係夠嘅, 但個 base 嘅鮮味好薄弱, 冇野可以 impress 到3. 麵 (3/5) - 幼直麵本身我係鍾意, 但個麵未身麵味不足, 唯一可以讚嘅係質感, 相當的爽彈!4. 配料 (2/5) - 叉燒就基本款, 不過不失, 蛋同筍係全部當中最弱的, 特別係蛋, 接近冇味 T_T整體 - 不推薦, 不過如果你前一晚飲酒飲多左, 冇乜胃口想食清淡口味, 一試係可以, 酸味都幾醒神

傍晚諗住同阿仔食個dinner，阿仔揀咗食拉麵，自助式餐廳，自助機落單和付款。我哋都叫咗豚骨醬油拉麵，湯底濃郁，有龍龍嘅豚骨湯味，麵份量十足，環境不俗。我哋五點幾差唔多六點時間未有人，寧靜舒服。

招牌~柚子鹽味拉麵陣陣柚子果香甚是怡人🌿然而柚子的酸甜融入鹽味湯底的拉麵一酸一甜一鹹，是否合胃口就見仁見智啦😜穩陣起見，豚骨鹽味拉麵會是不錯的選擇小食日式炸豆腐是濕潤型✨薄薄的炸衣輕輕依附在軟嫩豆腐表層另有白蘿蔔蓉、紫菜和大冬菇🍄相當和味哦😋

阿夫利來自日本神奈川縣，以柚子鹽味拉麵為招牌，2020年嚟到香港，但到而家似乎人氣已經唔高。入座點餐安排比較奇怪，先入座後去門口點餐機落單。店員自己都分唔清楚點餐機嘅客人係外賣定已經入座。*自選拉麵組合 $158柚子鹽味拉麵湯底係雞湯配柚子汁，鹽味雞湯底好清，但柚子味好淡，完全唔清爽，個人覺得佢失去咗加入柚子汁嘅意義。西班牙栗飼豚叉燒，半肥瘦啱啱好，但一片太少了吧。半熟蛋入味，蛋黃半流心。自家製麥麵彈牙偏硬，但未夠索湯。唐揚炸雞三件炸雞，炸衣薄又脆，雞腿肉夠嫩又多汁，啖啖肉好爽。南蠻醬好夾但比較淡味，柚子青檸梳打柚子味>>青檸味，甜甜又有氣好解渴。

尖沙咀行街見到呢間拉麵店開，所以想試吓。入面有得食湯拉麵同埋沾麵，就嗌咗個辣嘅沾麵同埋炸雞，仲配埋杯凍飲。開頭都冇諗住有咩expectation，點知食落真係好好食，雖然個沾麵係冇過火去溫住個湯，但係個沾麵湯底真係好香好好味，佢係有個特色，唔知係咪fusion咗啲咩國家嘅風味，好特別，出面未食過呢個味道，個面底又好香又煙韌，份量都好豐富好夠食！個炸雞都好好味。本身真係冇諗過呢間餐廳會咁好食，真係好驚喜

因趕住睇戲，喺the one 想快個晚餐，就試左呢間喺時裝店入面既拉麵店。呢個沾麵餐可以㨂冷或熱既沾麵，我就㨂左冷沾麵，配柚子汁，清爽美味，豚肉軟熟，油脂適中，又包一個細既叉燒/雞丼或沙律或餃子滿足左我又想食麵又想加多個小食既想法。仲有一杯凍飲跟餐。我就叫左杯自家製薑味汽水👍佢仲有叉燒丼，大大碗，又有肉汁鮮味既叉燒👍讚仲想試埋佢既餃子、炸雞係要自己買飛有d 複雜，不過waiter 都好主動過黎幫手落單，完全無難度。

柚子鹽味拉麵清香為主，湯底清淡的鹽味和柚子味叉燒厚身，火炙過的叉燒真的不錯，不會柴👍🏻麵度是正常偏硬，未到十分好掛湯柚子辣湯鹽味拉麵辣味有點像中式辣豆瓣醬味，辣味更能突出柚子既清新口感，沒有違和感，可以一試羽根豚肉餃子肉餡比較碎，皮十分薄，煎得更隨身會更香口整體拉麵水平中上，東京店的湯底柚子味更突出更清新，但心思思想吃拉麵，是不錯選擇阿夫利拉麵 (The ONE) (尖沙咀)尖沙咀彌敦道100號The ONE 2樓 i.t orange

有時我自己會好唔小心咁對號入座，見到係飲食集團營運嘅餐廳就覺得應該唔會差，唔係飲食集團營運嘅就不會抱期望，其實咁樣真係唔多公度。首先，其實都有試過某些飲食連鎖質素參差已經唔係新鮮事，同時間，又無明文規定話唔係飲食集團整嘢就唔一定好食。所以，我這種耐唔耐會出現嘅心態真係自己都覺得唔好。就好似I.T旗下嘅餐廳，J.S. Foodie我已經鍾意到極點，佢哋唔算係飲食集團(會唔會其實都算係呢🤔因為佢哋潮界嘅形象太鮮明，我無當佢哋係飲食集團)，但質素非常有保證。啱啱去咗The One i.t. 嘅 @afuri_hongkong ，喂，真係好唔錯喎，碗拉麵嘅水準基本上不比市場上我食過嘅差，甚至乎好過其中一兩間開到用圍都係嘅連鎖拉麵店！另外嗌咗碟炸雞(無影相)，好啱我口味，食落唔會有某啲韓式炸雞感覺上咁熱氣。第一幅相係一個素Gyoza，亦都好出色。食呢一餐其實係未夠鐘食晚飯，行過見到諗住入嚟試一試，見到佢哋裝水嘅玻璃樽有品牌「阿夫利」三隻字，樣樣出品都好，喜出望外！真係要搵次正餐再來試多幾樣其他出品。

依間來自日本神奈川的afuri 嘅柚子鹽味湯拉麵 無味精雞湯底配清香嘅柚子汁，比起一般嘅豬骨、味噌 、醬油味嘅濃湯，個人較喜歡依款清新不膩嘅湯底，正因為咁把拉麵食完後唔會口渴，口中仍留有少許柚子香。

聽同事話幾好食，我又嚟試下去到係有自助機先買野食然後入坐我就點咗柚子醬油拉麵$108一碗坐低一陣好快就有麵食喇～望落都好大碗，啲料唔算多。叉燒得一片，厚薄適中但偏肥。溏心蛋都係半隻正常發揮。麵身係幼麵款幾好咬！軟硬適中幾岩我食。其實重點係個湯，淡淡清新柚子味配埋醬油原來又幾新奇有趣！有啲爽口又唔油膩嘅感覺！不過湯底依啲都係偏高鈉，飲一兩啖試下就夠。整體來講佢都只係正正常常，所以一碗麵要成過百蚊真係偏貴咗啲啲。