阿夫利拉麵 (The ONE)

营业中

休息中

💚💚💚💚下午1:30，過了中午食飯時間吧，所以只有3枱客人。在自助販賣機點餐時，服務員馬上前來協助及安排枱號，並提醒仍然有lunch set，態度良好。食物味道沒有讓人失望，醬汁散發香濃而又清新柚子味，沾麵軟靭度適中，肉略嫌有點肥，可是入口即化。Lunch set 包飲品，選了玄米茶，芳香醇和，配上香濃的沾麵，絶對是完美的平衡。Lunch set 還有一客小食，選取了蒸餃子，可惜忘記影相，餃子肉汁鮮嫩，也不錯。整體來說，很有日本風味的拉麵，喜歡柚子味的，要嚐嚐喔。

🇯🇵日本東京好出名的拉麵，Afuri拉麵以其獨特的柚子風味湯底而聞名。原來幾年前已經在香港開店，但一直都沒有試過。👍🏻Afuri的湯底以清淡的豬骨湯為基礎，並添加了柚子的香氣。的確比一般豬骨湯拉麵湯底清爽，也比較不油膩。但柚子味不是很突出，醬油味為主。面的口感紮實又不會軟爛，有彈性，不過掛湯程度稍遜。叉燒好食，軟嫩多汁。此外，配料還有半熟蛋、海苔和蔥花等傳統的拉麵配料，份量對女生來說足夠。還叫了唐揚炸雞，味道不過不失，夠熱夠脆！

餐廳地方不大，座位空間算是寬敞舒服，員工態度也不錯！枱上附上樽裝清水及餐具，擺放十分整齊。點餐需要在門口Kiosk 自助落單及付款後才會送上食物，食物送餐時間也算是很快，跟一般拉麵店很不一樣。柚子鹽味拉麵，味道幾清新，柚子味道很淡，拉麵質感也適中，不太遠不太硬，份量對女士來說還足夠，對男士應該需要加些份量！海老雲吞是白灼的，配上醬汁，清淡得來也很美味！

今次有機會食到日本過江龍拉麵店🇯🇵以清爽風「柚子鹽拉麵」為主打除咗卡位之外佢仲有bar枱位可以坐😏🔸豬骨濃湯拉麵 $108佢個豬骨湯比起柚子較為重口味，啱晒啲鍾意食濃湯嘅朋友仔😝湯底再加埋個黑蒜油，聞落已經夠晒重口味🤤Ps. 另外佢有得揀要唔要辣🔸柚子鹽味拉麵 $98依個係佢其中一個嘅招牌冇味精柚子湯拉麵。淡淡嘅柚子香氣同鹽味互相配合，食落都幾fresh😋就算食晒成碗都唔會覺得好肥膩🤭絕對係夏日清爽嘅首選🏝️#FEVI_Ramen#FEVI_尖沙咀📍阿夫利拉麵 AFURI Ramen尖沙咀彌敦道100號The One 2樓i.t orange forest

「向更高邁進」- AFURI2001年於日本神奈川縣成立，取名自其地區的阿夫利山，所以品牌標誌亦是一座山🗻之前曾經想在東京食，但那店沒有開門，想不到尋尋覓覓，最後在香港食。柚子鹽味拉麵「湯底就是拉麵的靈魂」第一步是喝喝湯底，它的招牌是無味精的柚子雞麵湯底，一入口又飲到滿滿嘅柚子香，又有少少雞油香，但係湯頭整體比平時豚骨湯底清淡，唔會太過油膩，整體嚟講風味偏簡單清晰，不會有太多層次，但好處是沒有雜味，就是柚子香和鹽味。麵底有點與眾不同，採用北海道產全粒粉及裸麥調和製成的細麵，麥麵條吸滿了柚子清香，即使浸了很久湯底，口感也有彈性，喜歡細麵的人應該會喜歡。火炙叉燒西班牙栗飼豚叉燒經過火燒之後，脂肪慢慢揮發出嚟，叉燒邊充滿焦香，一入口即溶，夠晒肥美。配料方面，只有少少筍同香菜，仲有拉麵一定要有的糖心蛋，呢隻蛋無咩味道，應該無經醃製。份量方面，麵底非常之多，但叉燒只有一片，略嫌孤寒咗少少。另外都有純素的食物，適合不同人士需要。如果喜歡重口味少少，點醬油拉麵會比較合適，但坦白講我就覺得一般般。原來有午餐set (拉麵+1個小食，加一杯飲品 $118)平時一個拉麵都$108，呢個set平好多。推薦指

Afuri Ramen - 原來呢間過江龍，The One就有一間，睇返原來佢哋係一間於2019-2020年開始紅嘅一間拉麵點，同年佢哋就係香港開咗間分店。見咁耐我哋都未去朝聖，機緣巧合下我哋就去咗食。柚子醬油拉麵 ⭐⭐⭐/⭐x5 推薦指數 - 108$上菜嘅一刻，柚子味芳香撲鼻，見到湯底嘅顏色就知佢係一個好正宗嘅醬油湯底味道，可惜叉燒份量少咗啲，就只有薄薄嘅一片。湯底飲落口... 柚子味呢？原來柚子味都只係掩飾，整個過程只有醬油湯底嘅味道，醬油味只係合格，始終比唔上喺日本食到嘅味道🥲 不過喺香港止下癮就足夠了。喺麵底方面，感覺上佢比較有特色，眼見有明顯嘅小麥纖維，食落口都好似蕎麥麵，麵條夠彈牙，而且食到最後都冇話淋曬，值得一讚。👍至於其他食材方面都比較一般，流心蛋嘅醬油味都較為突出，幾好食。但係竹筍時粗時幼，而且有啲都好老好多纖維。

前兩個月去東京嘅時候喺日本都有幫襯Afuri，返到嚟就知道原來香港都有㗎🥺🍜！！早少少6:00就去到可以直接入座👍🏻餐廳環境都幾靚同埋幾舒服！同男朋友嗌咗一個沾麵同埋一個拉麵🤤⬆️雞肉沾麵🌟🌟🌟一直都知道沾麵嘅麵底係凍嘅，但係呢一間係連沾麵汁都係凍🧐放入口嗰下有少少驚喜😂沾麵汁係柚子加醬油，記得要撈一撈勻佢先，因為佢啲醬油係沉晒喺個碗嘅底！（麵質係我中意嘅麵質 / 溏心蛋有少少overcook / 沾麵汁太鹹 / 總括而言：麻麻地）⬆️柚子醬油拉麵🌟🌟🌟🌟拉麵比沾麵好！而且仲有荀絲🤤最中意食荀絲了（雖然份量不多），拉麵隻溏心蛋比較好喎，而且面嘅質地都唔差，但係整體來講就係一碗平平無奇嘅拉麵，可能係因為心入面拎咗佢同東京嗰間嚟比較🧐🧐不過拉麵嘅嘢真係每個人口味都唔一樣，如果大家有興趣柚子系列嘅湯底，都可以自己去試一試！❤️

拉麵係一種好濃郁、好重味道嘅食物。有時覺得味道好濃，口感好厚滑嘅拉麵湯底好吸引，但往往食完感覺味道有啲膩。早排想食拉麵，然後揀唔尖沙咀阿夫利，由於想治食拉麵癮，但又想清新啲，始終天氣有啲熱。於是揀咗柚子醬油湯底。今次湯底帶柚子的清香，將由味中帶點酸酸香香嘅柚子味，有醒胃嘅作用，真能「自我感覺良好」，一口氣吃了一整碗。

無意中給我發現了Afuri 有無麩質的蒟蒻麵，太驚喜了！立刻點了個豚骨鹽味湯底，味道濃郁，沒有味精，灸燒叉燒肥而不膩，實在太滿足了！再點了兩個季節限定小吃「羽根海老燒賣」和「野菜麻糬餅」配清酒，想不到這裏的清洒和cocktail 也很多選擇，和朋友聚腳又有新地方了。期待銅鑼灣Hysan的新店😊。

黎The One做Facial 做完食番個拉麵 朋友推介話係日本食過好好食✨柚子辣湯拉麵 $118拉麵係幼麵 麵質唔會太硬都幾爽口湯底好清爽 有淡淡既柚子味 好岩夏天食辣度適中 配埋蔥絲一齊食 唔錯佢既叉燒有少少厚度 肥瘦分明 入口好有滿足感✨柚子甘露沾麵 $118沾麵可以揀冷麵或者溫麵 沾麵湯好香濃柚子味 帶少少甜味 唔會好鹹配既係角切豚肉 份量都唔少 ✨辣味唐揚炸雞 $68炸雞炸得好香脆 係一件件既炸雞塊去炸食到一絲絲肉既質感 仲有兩隻辣椒仔同沙津醬配埋可以一次過食兩種口味個人覺得沾麵比拉麵更好食 柚子味會再香啲下次黎會揀沾麵黎試

星期五放咗工一個人去咗食✨阿夫利✨拉麵，之前已經食過幾次，覺得好好味所以再簡黎食，慰勞一下工作忙碌嘅自己😆今次簡咗阿夫利醬油柚子拉麵🍜同一杯自家製薑味汽水🥤拉麵麵質爽而且軟硬適中，湯底由於簡咗醬油混合少許柚子，令到拉麵走向清鮮路線，食完都唔會覺得油膩，叉燒有經過燒製處理非常惹味又唔會韌👍🏻阿夫利嘅薑味汽水係自家製，用咗新鮮嘅薑混合汽水，味道唔假新鮮但又唔會有薑辣味👍🏻總結拉麵店能夠維持良好水平，唯cp不算太高，麵量多少少就perfect✌🏻

今晚去完展覽，順道尖沙咀晚膳。尖沙咀the one算是中心地帶，有好多食肆。揀選了一間日式拉麵店，隨了湯拉麵，有沾麵，包類和小食。柚子醬油拉麵🍜夏日炎炎最好食啲清清地。柚子散發出清香，另人醒神。醬油湯底不鹹膩，混合柚子，非常特別。拉麵是幼身的，非常有彈力，有嚼勁。配料是簡簡單單的义燒，溏心蛋和菜蔬。簡單就是滋味！嘻嘻…....炸燒賣嚟個沒什麼，只是噱頭。將燒賣炸至餃子似的，但味道沒什麼轉變，不夠吸引。

尖沙咀 THE ONE商場內，地點方便，餐廳位置開揚，望到對面九龍公園，環境坐得舒服。餐廳採用自助點餐形式，要走出外有部機器點餐及付款，然後服務員再送餐來。今次選擇柚子辣湯拉麵，炭燒叉燒及流心蛋尚可，拉麵屬非常幼細，基本都幾好食，但略為細碗，男士一碗未必夠食。整體都唔差。

AFURI 阿夫利是到自神奈川的日本拉麵 與一般濃厚豬骨湯拉麵店不同 主打同天然食材配搭不添加味精的雞湯底 打造清爽口味拉麵 於日本大受日本女性喜愛一到餐廳 店員會安排座位坐低 之後要記住自己座位號碼 再去門口用自助機落單柚子醬油拉麵拉麵是幼麵不會太軟 保持彈牙口感 湯底清爽 岩不喜歡太油膩、偏好清爽口感的人 一上菜即刻聞到柚子清爽香味 食用時反而覺得柚子味沒有那麼濃烈 醬油味較明顯义燒同糖心蛋正常水準 柚子甘露沾麵 沾麵汁用了秘製醬汁加柚子汁混合 味道酸甜帶有醬油 味道較濃 一上菜雖然沒有即刻聞到柚子清爽香味 但食用時柚子味反而比柚子醬油拉麵濃 沾麵汁只有一小碗但剛剛好 拉麵選擇了溫太麵 拉麵是粗拉麵 沾汁效果出色 角煮豚肉肥瘦均勻 點沾麵汁會再清爽些羽根豚肉餃子餃子內餡材料多 可以食到有豬肉肉汁同椰菜及蔥之蔬菜甜味 不過餃子邊較淋 沒有日本餃子脆身口感 令人覺得可惜下午茶飲品有買一送一優惠 選擇了柚子檸檬梳打及Matcha Horchata抹茶 前者清新推薦 後者重茶味 但有粉感拉麵份量較少 男生食應該會覺得不滿足 不過拉麵口味清爽 岩夏天悶熱天氣 

好食指數:🌕🌕🌕🌑🌑Cp值:🌕🌕🌗🌑🌑•柚子鹽味拉麵• ~$98真係有柚子味！味道湯底係幾柚子鹽味！但發覺偏咗油小小 有一塊叉燒！份量大食應該會覺唔夠！但佢有配菜可以揀！今次揀咗雲吞！呢個雲吞 甜甜酸酸 幾特別 開胃！Ps 自己一個食都好啱！服務細心態度好好～