阿翁廚房 (已結業)

#阿翁廚房下午茶時段 ⬇上海炒年糕 + 飲品 （$36)小籠包（4隻）+ 擔擔麵餐 （$50)-中文 ：下午茶時段食物價錢算平食物亦有質素上海炒年糕有鑊氣份量足夠小籠包湯汁很多 不俗擔擔麵少少辣但份量超多十分抵食-English : (May contain grammatical mistakes 🙇🏻‍♂)I went there in the afternoon tea period. The price is quite cheap when compared to other restaurants selling similar food. The quality of food is high considering the price isn’t too high. The rice cake’s well cooked and the portion is more than enough. Xiao long bao are good as well since they are really juicy. The dan dan noodles’ portion

呢日難得嚟筲箕灣。雖然想食珍姐嘅泰國菜，但男朋友想食上海菜多啲，所以就搵咗呢間隱世上海菜。地點有啲偏僻，但跟住地圖不算難搵。去到門口見到得好少人，不過都照入啦，隱世嘛。我地叫咗五個小籠包、香露醉雞湯麵，跟餐熱豆漿。小籠包ok，唔算特別好，但就係食完冇咩印象嘅水準。皮唔算厚，餡唔算少，但湯汁味道唔算特別好。上一篇寫嘅食評咁啱係「手拉麵小廚」，果度小籠包喺香港超晒班。香露醉雞湯麵酒味濃郁，雞肉夠滑，份量不少。唔怪得隔籬枱四個人叫咗大大個醉雞煲。湯麵純粹飽肚，男朋友話個湯淡到水一樣。跟餐熱豆漿少甜重豆味，唔錯。

劣評只留俾今日嗰位長髪帶口音女店員平日下午茶時段，算抵食之選，以往都有幫襯過，其中一位戴眼鏡丶微胖姐姐很好，每次都很有耐性介紹各款食品，招呼周到。唯獨今日係另一位長髮店員送餐丶收銀，本身佢送餐已經很有問題，每碗丶每碟食物都大力放低，完全唔知佢想點，都算！臨走去門口埋單，共$68，我俾咗$109(一張紅色一百蚊紙及一個五蚊兩個兩蚊)，長髮店員只找了一個一蚊俾我，即想轉身返回店面。我就同佢講：依，我俾嗰張係一百蚊紙喎？！佢噔大對眼話：你係俾咗一張五十蚊同兩張廿蚊紙喎！我好愕然，再表示自己的確俾咗一張新浄嘅一百蚊紙，唯有再問佢有無閉路電視，叫佢翻查睇清楚，無謂拗… 佢打電話叫同事查吓閉路，點知話壞咗定無開，之後極不滿意咁晦晦氣氣放返$41找續响枱面，反我眼之後就走咗，呢啲態度俾人感覺真係好差；我之後都仲會幫襯，因為價錢合理，食物不錯，但一定要搵返微胖姐姐先食得順心。P.S. 呀小姐，就算我係俾咗$99妳，又點會只找返$1呢？呢條數係點計出黎？最後我再強調佢只係俾咗$1找續，佢個人要重新load一次先成功計到應該找$41先啱，希望妳埋數嘅時候，計清計楚，我係絕對無亦唔會呃妳嗰幾廿蚊囉！

喺筲箕灣一條後行生存左幾間食肆，其中一間食上海菜嘅就係阿翁廚房。巷仔一邊就係食小菜、雞煲、煲仔飯，另一邊就係阿翁廚房，雖然阿翁廚房冇另一邊咁熱鬧，但係每日都有佢嘅捧場客其實好多時都會過嚟食嘢，不過就冇寫食評，今次食完就趁住呢個時候寫左一篇今日晚飯時間大約八點半嚟到，晚飯時候已經去到尾聲，入到去食客已經唔多生煎飽 平時食生煎飽最怕就係用油炸個飽底，搞到個飽吸晒啲油，跟住一食落口啲油就爆出黎，但係呢一度嘅山煎飽完全冇呢個問題，個底仲係煎得岩岩好而且個餡菜同肉比例都做得好平衡京醬前蹄 呢一個係冷盤嚟，佢個前提做得都幾鬆化加埋醬汁食都唔錯嘅，係前蹄底下會用咗一啲酸菜去鋪底，記得食埋啲酸菜 非常開胃干菜紅燒肉 佢個紅燒肉非常惹味，加埋干菜一齊炒，會食到淡淡的甜味而且唔會好油膩要嚟夾埋個夾饃食或者要來送飯都係一流

终於等到放工啦、一早己约埋家人係屋企樓下間阿翁厨房、食完晚飯先回家、去到餐廳、睇完菜牌、叫咗楊洲抄飯、椒鹽骨飯同埋糖醋排骨飯、加埋幾杯飲料、楊洲抄飯先到、味道一般、另外嗰椒鹽骨飯都係差不多、好在嗰糖醋排骨反可以保持水準、幾杯飲品、還可以、希望下次會好啲。

第一次到筲箕灣食上海菜，點了醉雞，小籠包，紅油抄手，回窩肉炒粗，跟餐還送一杯豆漿。醉雞上枱有驚喜，雞上面鋪了雞腎，腎很淋，不硬，但雞腎略嫌不夠凍和不夠酒香味，但主菜雞是夠凍的。小籠包熱哄哄的被送來，皮有點厚，但湯是多的。紅油抄手和，不過不失。回窩肉炒粗值得一讚，回窩肉椰菜爽口，大碟，價廉物美，沒有得挑剔吧！還不用加一和茶錢，相信港島東找不到第二個地方食上海菜又這麼抵食便宜了，而好不好吃就見人見智吧，但不是差的。

想起到筲箕灣吃飯，每人都一定想起東大街，住了東區很多年，今天才知道有第二條食街，這就是愛民街後巷，竟然區區後巷都有4-5間食店，今天就先試這間阿翁廚房。阿翁廚房是吃上海菜，可能因為位置太偏僻，人流不多，不用等位，店內約有40座位，我們點了鐵板蔥爆豬肉、回鍋肉粗炒、煙鴨絲春卷。鐵板蔥爆豬肉（跟四個饅頭）- 有點油、味道可以，夾在饅頭夠特別回鍋肉粗炒 - 餐牌寫是辣的，但一點辣都沒有，味道普通，份量十足煙鴨絲春卷 - 炸到很濃，不算太好味豆漿 - 有渣跟餐湯 - 是凍的，飲了兩口無飲總結：食物普普通通，但價錢算是便宜，份量大，緊緊合格。

太太帶着興奮嘅心情約我去阿翁廚房，起初見到裝修簡潔，餐牌中嘅食物亦都好吸引，我哋三個人連續一起叫咗七樣嘢食！可惜令大家都有點失望！石頭鍋魯肉炒飯好濕，醉雞雞肉完全沒有酒味！冷盤雞絲粉皮䁔的！鐵板京蔥豬肉（饅頭）得個咸字而且燶晒！韮黃炒鱔糊無離味道！唯獨小籠包達到水準！

我好鍾意食小籠包，於是決定食呢間阿翁廚房，因為聽人講d小籠包好好食，一入到去，地方不算細，都有幾張枱，仲有房間，一大班朋友都唔怕嘈到其他人我地先叫左個炸雞扒上海麵，先試湯，個湯清得黎唔會好淡，但又唔會好重味精味，至於個麵，我本人鐘意腍dd，所以啱哂我，至於雞扒，食落唔會食到好多麵粉既口感，肉質不韌好啦，到左我最想食既小籠包啦，我地叫左兩籠阿翁上海小籠包，呢兩籠都係一次過送黎，要趁快食小籠包個皮幾簿，唔會食到好厚既面粉，個湯汁好鮮甜，肉既份量亦剛好，對於鐘意食小籠包既我，呢間係唔錯！

My families and I went to a restaurant called" Yung’s Restaurant" (阿翁廚房) located in Shops 14A-16A, G/F, Hung Lee Building, 30-50 Ngoi Man Street, Shauna Kei Wan筲箕灣愛民街30-50號鴻利大廈地下14A-16A號舖.The restaurant uses beige as the theme color."Black vinegar fish fillet" (front right)黑醋魚柳 (右前)HKD$62..Not many restaurants will present this dish...The deep fried fillets are coated with tangy, sweet and sour black vinegar...Very intense flavourful dish..."Fried chicken" (front left)酥炸雞扒HKD$20/ pc 件..Incredibl

呢個星期天氣真係好涷, 愛賜父母既小妹(嘻嘻)都唔想爸媽為左晚餐而濕涷水, 所以呢個星期都會keep住外食!!! 係星期一因為爸媽要去筲箕灣買點年貨, 所以順便係呢度開餐~ 行過呢間叫"阿翁廚房", 見到門口有伙計在烤肉, 好香呀, 再望下門口既餐牌, 原來係食上海菜, 不過呢度又有雞煲食, 再加上唔洗加一, 茶錢又冇, 價位又實在太親民, 慳妹既我就拉住二老入左去了~我地點左幾個菜- 包括: 拍蒜油渣炒菠菜, 阿翁上湯小龍包, 銀絲卷(蒸), 上海生煎包, 三鮮炒年糕 拍蒜油渣炒菠菜 - 好特別!!! 本身好少見到油渣會用來做材料, 所以好有驚喜!! 油渣幾脆口, 肥肉部份咬落一啲都唔油笠, 好香口好好味!! 菠菜炒得剛剛好，咬落去唔淋,係好好送飯既一味菜! 阿翁上湯小龍包 - 一客五隻, 只係hkd 38, 抵! 小龍包粒粒肥嘟嘟, 外皮薄內裡啲餡又夠多, 豬肉好香好嫩滑! 三鮮炒年糕 - 服務員話年糕係自家整, 比坊間的更煙韌好食! 於是就試一客~ 原來係水年糕來, 唔怪得食落冇坊間韓國年糕果D 咁實, 呢款比較煙韌又唔會太實, 幾有咬口, 好味道! 另外再配上椰

一直愛吃上海菜，可是來來去去也只是光顧一些較大型的上海菜連鎖店，感覺已經沒有新意。 早前，家住筲箕灣的同事表示，她家附近有一家上海菜小店，價錢合理，且不收加一，碰巧這星期她的父母罷工，到日本旅行，所以就相約我同這家菜館試試。放工後，跳上往筲箕灣的丁丁，正式開始搵食之旅。阿翁廚房的位置並不難找，基本上不遠處就是巴士總站及地鐵站，不過，這天有熟人帶路，路程就變得更短、更方便。 一坐下，立即點了最愛喝的酸辣湯，這個酸辣湯煮得超有水準，辣味及酸味不但能取得平均，而且湯質濃稠適中，湯內的材料亦非常足料，基本上每一口都有著爽脆的筍絲及黑木耳，口感豐富，層次感重，最重要是價錢便宜，大大窩也只是HK$68，非常超值。 蒸銀絲卷 這裏的銀絲卷有蒸的及炸的兩種，而我一向都較喜愛吃蒸的那一種，因為吃時可以吃到一絲絲的饅頭，口感較特別，而這裏銀絲卷口感較熟，蘸上練奶後，味道會變得更香更甜。 杭州醬油鴨 這個醬油鴨是店員極力推介給我們吃的，果然沒有騙我們，醬油鴨的味道超讚，鴨肉不但肉質鮮嫩，而且入味之餘，又有濃郁的醬油香，最重要是味道不會過鹹。 上海燻魚 很多人以為燻魚是燻出來的，非也，其實是用油炸

熟識筲箕彎的朋友們都不會到大街上覓食, 想吃飯都會到不同的巷中找想吃的, 晚上, 後巷中可是比大街有著更多人.今天晚上本想去"常會面"或"峰記"吃過雞煲. 但兩店門前擠滿了人, 滲不進去. 只可選別家剛巧經過這間店, 門外有燒烤, 老闆跑出來說是長洲燒烤, 其實我不懂什麼是長洲燒烤, 有名嗎? 二話不說進店試試看叫了3瓶藍妹, 一鍋雞煲, 中度辣度. 剛放在桌上, 已垂涎三尺, 一口一口放進嘴巴, 可算美味. 下一次, 我倒想他們上海菜式, 聽說也是不錯的

搵食搵到嚟筲箕灣嘅呢個小巷，估唔到有上海菜食，為咗心愛嘅小籠包，毫無疑問地入咗去首先叫咗兩個冷盤，一碟手拍青瓜，一碟雞絲粉皮兩碟嘅份量都俾想像中多，不過係冷盤所以可以一路keep住食手拍青瓜好正宗，青瓜大細不一，睇得出係手工菜而且呢度嘅調味唔會好似出面咁淨係落辣油同豉油，相反，從青瓜表面就睇得出有啲幾特別嘅辣醬，麻油同芝麻，好香好開胃青瓜一律處理得好好，爽脆清甜，一啲苦味都冇雞絲粉皮都係水準以上，下面嘅粉皮涼浸浸又好薄，完全掛起到啲麻醬雖然好薄，但係佢都有少少粗幼，長度不一，讓人覺得真係小店嘅出品雞絲粗幼適中，食到雞肉之餘又唔會鞋整個嘅配搭都幾好食，略嫌調味有點重手偏鹹重頭戲嚟啦：阿翁上湯小籠包上菜嘅時候配埋一碟有好多薑絲嘅醋5個小籠包漲卜卜，想像埋入面嘅湯汁，真係不得了小籠包嘅皮厚薄適中，咬落唔會粉，夾起又唔易穿，完整安全地包住內涵是常識吧！朋友教了我正宗嘅小籠包食法：咬開小籠包嘅頂，讓入面嘅湯同餡稍稍放涼(免得燙傷嘴巴)，然後沾醋，一口吃掉肉汁豐富，餡料滿滿，加埋高湯嘅精華呢個小籠包性價比高想encore趁熱食完，主角之後，當然唔少得兩個小炒一個係寧波家常炒鱔糊有好多韭黃，連埋紫色

今日跟朋友開工去開筲箕灣，發現了一間隱世小店，價錢便宜且有質素，絕對要支持。雞絲粉皮，粉皮切得細細塊，每塊都佔滿了麻醬，有爽脆的青瓜絲及雞肉絲，味道咸中帶點甜。小籠包，外皮很薄而且不易穿，咬開外皮後，裏面有大量湯汁流出，湯鮮且甜，有濃郁的肉汁味，而且價錢便宜，性價比高。排骨炒粗麵份量十足，排骨很多，粗麵炒得很爽口，而且有很多椰菜。雪菜毛豆百頁，雪菜帶點咸味，毛豆不會太硬，而且有豆香，百頁有點似厚身版的腐竹，質感腍中有咬口，素菜來說味道不錯。酒釀桂花湯丸，份量十足，有六粒麻蓉湯丸，湯丸內的麻蓉餡既香且甜，桂花味清新，加上有陣陣酒香味，整體很不錯。所有小食都是幾十蚊起，飯粉都是$50起，人均消費不用百元，而且質素不錯，一定會再幫襯。