陳漢記 (已結業)

睇完三色台去試就中伏了!老實說，不值得排兩個鐘再等食... 排個位係後行，唔太阻街，但連挨下都無，要食既可能要同長輩借張凳仔排隊食啦～煲仔飯唔係唔好食，但打開個下唔香，焦亦無焦香既味... 已經唔係期待再失望咁簡單! 你問我我會覺得只係好平凡既，我自問都應該可以用bruno/砂鍋電陶爐做到同樣既味，一般有賣既亦唔難食到呢個味道...不過個腸粉就值得食啦！我地叫左豬潤腸，腸粉係薄既，豬潤亦好好味，呢個combination蒸得剛剛好， 所以腸粉係值，但未至於要咁排囉...

想試呢間煲仔飯好耐，但無耐性嘅我，一見有人龍係會馬上調頭走。所以尋日星期五晚6點鐘就到，睇睇有無機會啦，好彩一入就有位，但睇下周圍嘅枱，好似真係坐滿曬喎，睇完個餐牌一抬頭就睇到門口有人排隊啦😆😆😆!叫左2個煲仔飯，臘味滑雞煲，同窩旦牛肉煲，講左要等30分鐘，所以如果叫其他野，又想一齊食就咪叫住啦！所以我等到過左25分鐘先叫個腐乳通菜。好準時，真係半個鐘先黎到，我地等左幾分鐘先打開蓋，熱到要用2張紙巾先拎到個蓋，一般其他食煲仔飯嘅店係會幫你開蓋😑😑😑飯同豉油係一般，雞肉就好滑但有少少碎骨，好在我都食得好小心，臘腸潤腸同件臘肉好好味呀，甘香又吾係死咸。個油菜就真係吾掂，個腐乳汁係無咩味🤨窩旦牛味道都吾錯！ 下如果下次再黎都會係6點前啦！走嘅時候7點幾條隊都幾長，同埋個煲仔飯都要等成半個鐘，即係正常每枱客最快都要成個鐘先走得，有排等😖

今晚個仔約左我一起去大埔試吓好出名的㷛仔飯，因為個仔放工未及時趕至，我先到店外排隊等候先，是晚有雨，不過不算下得太大，大約等左50分鐘，方可入座，店內環境和一般普通茶記無異，無裝修，而且坐得算幾擠迫吓，叫左牛肉腸粉，鮮蝦腸粉，咸蛋肉餅㷛仔飯同臘味排骨㷛仔飯，牛肉和鮮蝦腸粉整得不錯，牛肉味道正常，鮮蝦都有彈牙感覺，腸粉皮薄實在有点功夫，鼓油尚可，但兩者上枱時祇係微温，感覺到並非剛做好的，咸蛋肉餅㷛仔飯正常，飯非常熱，都不錯，但臘味排骨飯D臘腸和潤腸味道不錯，臘肉就好乾同硬，好難咬得開，排骨就斬得太碎，每件好似手指尾小節還要細，(大約正常一件排骨斬開4件左右)要不停吐骨，但又少肉食，其實㷛飯味道不錯，但從未見過排骨竟然可以斬得如此的碎，太沒有口感啦！(可能想食材快熟D啩)，總括黎講，味道可以，如果要等候咁耐又特意來食是不值得的，真心講其他食店也有此水準既㷛仔飯

大埔既陳漢記一向都出名 天氣凍時更是排長龍！由於落雨既關係 今次去副唔洗點排，等左幾分鐘就入得去！白灼鵝腸，好多蔥，好爽口！加埋佢既醬汁好好食！鵝腸洗得好乾淨，一點異味都冇，值得推薦！炸兩就一般了 入面條油炸鬼唔夠脆！蠔豉花蟹粥，非常好食！入面好多蠔豉！每一啖都好香蠔豉味，加埋個蟹，好鮮！隻蟹是有膏的！牛肉滑雞煲仔飯，上台熱辣辣！入面既牛肉真係好滑，而滑雞都好入味！不過飯底有點軟，唔夠粒粒分明！不過都一樣有飯焦！大大煲咁，都算好抵食，只係$56！！難怪咁多人排隊！呢度開早上11點，開到凌晨4點，夜貓都好合適！！！

陳漢記突然好想食個下午茶，就去左陳漢記。😎叫左個西多士，一黎到個賣相已經勁吸引，半溶嘅牛油瞓左係金黃色既西多土上面😻 食落一點都唔會太油，反而係外脆內軟🤤 味道好豐富，有蛋味，有糖漿味，又有花生醬味，仲有不可或缺既牛油味，但又各色其式，唔會搶左大家既風頭🤤🤤🤤仲嗌左炸兩腸，啲腸粉好薄好滑，啲油炸鬼又好新鮮。外軟內脆，好好食，好邪惡完全停唔到口😛另外仲嗌左豬排公仔面，塊豬排好厚身，好鬆軟但又啖啖肉，好幸福啊！😆😆仲有好香既豉油味😎食得出塊豬扒係新鮮即炸。

Chan Hon Kee is a Chinese restaurant specializing in their signature Congee and Clay Pot Rice dishes that come with a variety of tasty toppings.$50 Crab Congee.Immersed in the thick rice congee is a generous one-and-a-half portion of sliced crab from the Portunus Pelagicus species. The crab flavours are fully absorbed into the porridge and every bite is packed with fantastic crusteacean essence. The prized crab paste is also plentiful here providing the satisfying umami punch.$50 Clay Pot Rice -

Rice just taste better when it’s cooked in a clay pot.There is always a line at this place so I just had to see what it was all about. I think we ended up waiting for about 30-40 minutes before we got a table.Totally worth the hype! They had so many options on their menu which I was surprised by. We decided to go for the classic beef and egg and the not so classic white eel.The beef was amazing and tender and flavourful. And oh my goodness the rice was so fragrant and soaked up all the tastiness

見多人排隊就試下，排咗半個鐘，排到頭會有人問定你要食咩煲仔飯，因為煲仔飯係即叫即整。估唔到夜晚仲有腸粉，試咗豬潤腸粉，都夠滑，豬潤唔會太老。煲仔飯真係好熱，有飯焦，但個人口味重啲覺得士油可以咸啲。臘味正常。聽講出名嘅係鱔，建議試呢個多啲。

到陳漢記吃晚飯要排隊已是街知巷聞第一次吃，所以很誠心地，懷著一顆極期待的心在5點多便來到等候。最後亦排了45分鐘。心想，拜託味道一定要值回票價。點了一個白鱔滑雞加蛋煲仔飯(後悔有點太貪心，不要亂試這個組合，有點兩頭唔到岸)，和鹹魚肉餅煲仔飯。另加了好像是必是叫的鮮蝦腸粉。腸粉質素不錯，也值得推薦。而主角煲仔飯... 我和友人認為， 是不錯吃，但亦非那種必吃必排的感覺。白鱔，滑雞，肉餅，調味真的是普普通通吧。飯身和飯焦相對出色。是老招牌，有功架的表現價錢亦可圈可點。

陳漢記係我嘅印象已經係煲仔飯代名詞，幾年前第一次食過之後就未試過食第二間，每次天氣轉涼就會諗到嚟食。唔係話陳漢記特別好食，而係懷念第一次食佢煲仔飯嗰時嘅驚喜。好鍾意佢地砂煲陣香味。次次嚟食都一定要排隊，今次已經係夜晚10點幾嚟，都等左5-10分鐘先有得入，然後等佢即刻煮都需要時間，餓到暈啊！終於上台，未打開聞到碳焦味已經好餓，一打開蓋香味撲鼻而來，更餓！田雞白鱔煲仔飯 $84 臘腸 +$8最鍾意嘅田雞加鱔，但係煲仔飯點可以冇臘腸，所以每次都會加錢加兩條臘腸。煲仔飯上台我會焗一陣然後落豉油再焗，食過幾次發現豉油好似淋中間會多d 飯焦，淋碗邊就好似會少飯焦（唔肯定，感覺好似係）田雞肉唔算嫩滑，孩孩地都接受到，白鱔就比較滑，而且鱔味十足，就係比較多骨。臘腸漲卟卟，鹹鹹甜甜好滋味，送飯一流。可惜整體嘅肉都比較少，唔加臘腸可能唔夠食。

陳漢記煲仔飯都幾出名，佢一直keep住水準都唔錯，全部煲仔飯都係即叫即煲，新鮮熱辣，飯焦多少就睇你淋豉油嘅時機同方法。鍾意佢嘅飯有砂煲獨特嘅香味，暖笠笠。公司臘味煲仔飯 $50我覺得臘味係煲仔飯嘅靈魂，食親煲仔飯都一定要有臘腸或者臘肉，呢個煲仔飯將臘腸臘肉剁碎鋪係飯面明火煮，每粒米都有臘肉香味，但係獨孤一味，所以味道都比較單調同濃味。黃鱔滑雞煲仔飯 $69黃鱔冇乜骨，肉質幾彈牙，都算嫩滑又唔腥，而且份量都ok。但係d 滑雞就差d 啦，好孩好老，白雪雪，好明顯係雪雞，唔好味，而且份量唔多，仲要冇幾舊擺得入口，下次都唔會揀雞。

踩單車經過，大埔友話我知哩道好出名，眼見成20人係道排隊應該係真踩完單車大約5點無乜人就入去試下牛腩撈麵，份量多，牛腩入味，筋肉均勻，肉質唔靱麵質好爽，皂水味較重，有少少乸脷～但配左佢嘅湯食就唔覺～朋友叫左牛丸河，好一般～河粉唔滑，較厚同實，牛痛其實唔錯，我自己鐘意食有蘇蘇的嘅，有少少奶香，佢唔算重，但都有個種感覺，其實諗諗下應該試佢嘅腸粉同粥～最出名嘅煲仔飯要夜晚6點15分先開始有，我地無緣，唯有下一次再幫襯過啦

I got to the restaurant at around 5pm, but they don't start serving claypots until 6pm. A worker told me to go inside and just wait for a bit which surprised me because I thought they wouldn't want someone to take up a spot in their restaurant for an hour. I ordered the sausage claypot and they said it'll come at around 6:15pm. They only had a Chinese menu so I looked at the picture menu outside the restaurant haha. Little did I know they had so many other choices in Chinese 😅 I really need to l

年初二和朋友在吐露港單車徑踩單車去大埔食晚餐，大埔墟區內好多餐廳都沒有營業，幸好陳漢記有營業。下午6點去到，見到餐廳內有好多客人，只剩近門口的一張細枱，我們二人坐低，叫咗肉丸粥35元、花蟹粥53元、叉燒腸粉26元和炸魚蛋六粒45元。肉丸粥的粥底好味但肉丸一般。花蟹粥鮮甜但蟹肉少。叉燒腸粉皮薄饀多，豉油是預先用熱水座熱，好細心。炸魚蛋好味但好細粒，賣到45元6粒，好貴，唔抵食。四款食物當中，叉燒腸粉最好食，值得推介。

好耐之前已經想食依間，今次終於有機會黎食下煲仔飯6點15分去到正門已經見入面坐滿晒人，店外無乜人以為咁好彩唔洗排隊，點知太天真了，原來條隊係另一邊排，仲已經有廿幾人排緊，最後排左大半個鐘先入得排隊期間會有伙計哥哥黎問你食咩煲仔飯，記得落左單先咁就唔洗等咁耐先食得!入到去另外叫左個花蟹粥，等左15分鐘個粥就黎到，就咁望唔算特別，個粥有一隻半既半隻手掌大既蟹，點知個粥入口係超級綿!好耐無食過咁有水準既粥啦!配上蟹既鮮味真係正到停唔到口本身諗住個粥只係配菜同頂肚用，點知好味得非常有驚喜!美中不足就係可能蟹比較細隻，粥既鮮味唔算非常出~食粥到一半就到煲仔飯就出場，我地叫左白鱔滑雞煲仔飯一打開已經見到非常足料，雞件都算大件，而白鱔好厚身，非常肥美倒埋鼓油入去已經香噴噴，飯粒乾身唔會黏身水準之作!尤其個鱔啖啖肉令人回味無窮兩樣加埋都係百幾蚊，又好味又飽肚，要排咁耐隊都值得既!