陳興發魚蛋粉茶餐廳 (已結業)

四月廿六日(六)吃完滑滑豆腐花就去左九龍城廣場行街，老婆係尼度買番條攬枕俾我消除連人黎既怨念。夜晚本來打算係金水壽司度睇下有無夜市半價，但原來尼間只得下午茶而無夜市半價，於是打消食壽司念頭。由於九龍塘到九龍城楽中不停的吃，到晚上決定吃麵。到廣場公用電腦搜尋一下，決定到陳興發魚蛋粉試試~尼間舖行行下原來都離廣場頗遠，好彩查完地圖後亦都順利搵到。入到去見剛好有張卡位淨，於是立刻入座。研究餐牌途中侍應亦友善的介絕可吃粉麵或套餐飯。因為想吃粉，選了以下:淨魚皮($14)先來的是魚皮，連一碗白色湯，相信是魚湯，湯味道不錯，比一般舖的味精清湯好。魚皮質地不錯，夠脆，浸很久才淋，很好，size亦長大不碎，口感不俗。牛腩+魚皮鮫河+凍檸茶($27)因想吃牛腩，所以還是叫了這個，這裡的牛腩也炆得淋，但搭的一條大牛根則完全未炆透，雖不至於咬不開，但一點不淋，不太好。魚鮫則頗鮮美，size不算大，饀不算多但味道不錯。魚蛋+魚片(變左魚鮫)河+熱檸水($25)魚蛋爽口，感覺上大粒過普通既小小，幾有魚味，淋淋的但都有d彈呀唔會實。加上清既湯底算唔錯。魚蛋粉尼d普通小食當然唔值得專誠坐車黎試，但經開尼碩想食粉麵都

識飲識食復活節(一)近幾天都吃了不少好東西，趁著復活節的正式來臨，也要繼續找好野食。今日由於想去秀茂坪，所以先來九龍城找陳興發試試。點了紫菜魚旦河，都等了5分鐘才來。湯底是奶灰色，證明是有D料吧？喝上一口，甜甜的帶點魚味，感覺和那些魚湯粉麵專門店有差不多的質素，估不到。魚旦爽口，但魚味不及魚片般濃烈，整體都是水準以上。河粉頗滑，不會煮得過諗，亦不易爛。吃完後，有一點點口喝，是有味精嗎？不知了，但我又多一間會Encore的食店了。祝大家復活節快樂，繼續食好野!!

食完魚蛋及魚片，點可以少得魚皮?來呢度買，某程度上係因為方便，因主要係响龍城附近買大部份嘅材料。雖然係咁，揀得呢度，水準當然唔太差...脆啪啪之餘亦夠魚味。對小弟而言，最好嘅食法就係就咁食落口，卜卜脆，比食薯片高級百倍...

試左佢地個魚旦河,加多碟菜心同埋一杯凍檸茶!魚旦河味道十分之好,魚旦唔係彈牙嗰種,而且鬆pau pau嗰隻,但係都爽爽地,魚既味道充足!辣椒油唔太辣,點魚旦好好食!湯底呈現深灰色,飲一啖,讚不絕口!下次又要嚟食吓先得!

一入門口,有一陣燒魚味,係大地魚!大地魚通常會係潮州蠔仔粥搵到,味道濃烈,好似燒魷魚味,呢間店既魚旦粉應該係潮州式!坐低見到樽辣椒油,confirmed!嚟一碗魚旦河,味道幾好,但係湯底味唔夠,一般!魚旦得三粒,加兩塊魚片,好似唔係好夠食!可以再好d!

最近再到此店,發覺品質無之前咁好了..老闆好像轉了第二個,以前的肥肥老闆不見了,不知是否換了老闆的關係,味道都不同!魚旦粉的湯味道比以前淡好多,要再加魚露才夠味,可幸魚旦仲算好味..如果係咁,好難會生意好的..

我在這店食左碗魚旦河,味道其實唔係差,但係唔知點解咁多前輩讚不絕口,我就認為一般,因為個湯好清淡,我要落好多魚露先夠咸仲有係碟菜心跟餐雖然平,但都唔使送條菜虫俾我掛!!

住了呢區咁耐, 都差不多食勻晒所有麵檔/茶餐廳, 今日想食魚皮餃, 就竟然毫無頭緒, 上0黎Openrice 搵到呢度, 0拿0拿臨過0黎食.叫了個魚皮餃+ 魚片頭+ 紫菜魚麵($33), 真係魚到痹... 湯幾清, 飲落典型潮式魚蛋紫菜湯咁味, 唔會好鹹, 雖然話係"無人造味精" 就一定係呃人, 但起碼少過出面好多麵檔, 算唔錯; 魚麵黐埋一舊舊, 好彈牙, 魚味濃, 食落仲帶少少碎了的魚骨(!), 好好食! 魚皮餃都唔錯, 皮好煙韌, 不過餡料稍差, 質感好散, "wear" 到一pat 0野咁, 味道亦鹹0左d; 魚片頭夠彈砌, 相比起超掂魚麵無乜特別, 不過一定比得個名的德昌好食起碼20 倍.環境少少up dup, 衛生情況一般; 落單阿姐有禮貌又有笑容, counter 收錢0既老闆娘(??) 又係好有禮貌, 招呼比預期中好.唔錯0既一間0野, 會再0黎食... 唔知佢d 碟頭飯/魚粥/煲仔飯得唔得0架呢?

渠務處爆石修路或什麼, 不知陳南記幾日無開.想起陳興發有魚麵, 打邊爐外反正未試過, 於是多走幾步.目標明確, 爽快要了魚餃魚麵.先呷口湯, 味清鮮, 卻不會叫人十分難忘.之後，嘗魚麵, 其食味如魚餃一樣, 魚味濃又不鬆散, 絕非那些擠擠魚麵可及.只是魚餃被比了下去. 魚餃餃皮就如魚麵, 肉餡卻總欠什麼, 該是不足油份而不香.下次要魚麵已可以.

26/6(五) 7pm家母對那頓汗顏上海菜耿耿於懷,強烈建議到清真吃回當晚類近的菜式;相約七時會合,一干等人連影都未見;自己已肌腸轆轆,餓得發慌.踱步到此粉麵店,即時萌起暫且擺平腸胃的念頭!店子外觀看似地踎,甫入內發覺環境乾淨整潔.選了卡座位置,點了魚蛋魚餃河扣底加紫菜$21.魚蛋魚餃各三粒,雪白魚蛋圓渾中見方角,咬落結實彈牙魚味重,這才是魚蛋嘛!此外,魚皮餃外皮滑溜煙韌,手工精巧;味道方面肉餡實在,肉味濃,像樣像樣!河粉也不失禮,柔滑爽口;紫菜一大撮富口感;連湯底也是非一般的粉麵水,$21吃到水準超然的出品,別無所求!

One recent dinner, we had double-shell crab, mango beef, fried tofu/fish ball, steam fish, ribs in hot-pot. The crabs themselves were lacking flavor, the beef were tender, flavorful, and complimented with mango well, the fish was streamed just right, ribs were a bit overcooked that some of the meat came off and were mushy.

九龍城好多人會識去德昌食魚旦粉,但陳興發卻不見有人談論,大概是此店沒什麼名氣吧!若論味道,陳興發的魚旦粉不會失禮,甚至有過之,特別是湯底,相比較德昌,陳興發的湯水準更高!或者有點不公平,我會喜歡潮州人的魚旦粉多一些,因為湯底會有魚露,此調味料用來配合魚旦是十分合適!湯和魚旦在味道上相輔相成,令魚味更香濃!魚旦的水準不錯,但味道和德昌差不多,只可說是平手,不過已經足夠!要彈係今次杯檸茶,水吧大叔失準..苦的!味道俾足五分,係碗魚旦粉既分!

如果你覺得樂園的魚麵已經很好吃的話,不妨試試這間在龍城衙前圍道的"陳興發".這客簡單不過的魚皮餃魚麵,魚皮餃皮味濃且煙齦,餡亦鮮.魚麵質感粗中帶幼,魚味濃郁.本身有供應廚房飯的陳興發,可惜並不見有炒魚麵之菜式,如果有的話,不排除會成為熟客.

腸胃認真差，幾日來唔係食粥就係食粉，頂唔順..>___<食咗幾日canteen嘅粉，真係火都嚟，決定去九龍城揾靈感..好耐好耐之前响呢度食過一次，印象模糊...簡簡單單叫碗魚餃魚扎河算數..魚餃係自製嘅，魚味濃，皮煙韌，好；魚扎就普普通通...食得過嘅...

要了魚蛋粉及凍檸茶.魚蛋及魚片, 誠然係幾鮮甜, 估計就係所謂的魚味, 但魚片就嫌略為鬆散. 河粉的確係幾滑, 但好快就散. 湯較淡, 卻至少不會令我口乾. 食完碗粉, 於肚仍空空下, 繼續逛…