陳記燒鵝花園餐廳

营业中

休息中

渣車同老婆周圍兜風，去了黃金海岸的沙灘玩下水，之後就過了深井食燒鵝。這間老字號陳記有免費代客泊車，晚飯小菜亦非常抵食，平均六十元已有一個小菜。蒜蓉粉絲蒸蟶子皇：蟶子表面舖上了炸蒜及粉絲，蟶子完全無沙，肉質爽脆，充滿蒜香味。黃金脆蝦球：蝦肉新鮮彈牙，表面沾滿了咸蛋王，入口有蛋王的甘香，十分邪惡。竹笙魚肚浸勝瓜：湯底鮮甜，而竹笙及魚肚吸收了湯的味道，入口清甜，勝瓜煮得夠腍。燒鵝：有名你叫陳記燒鵝，點可以唔食呢！燒鵝燒至有焦香，鵝皮帶脆，但鵝肉仍然保留了豐富的肉汁，不會燒得過乾，鵝肉有咬口又juicy。燒鵝脾配啤酒真係無得輸。生炒臘味糯米飯：糯米飯加了臘腸及潤腸，增添不少香味，不過糯米飯蒸得過腍，飯粒不及爽口。

周末同男朋友屋企人入深井行下夜晚當然食深井最出名嘅燒鵝啦💁🏻‍♀️男朋友就帶左我哋入陳記燒鵝餐廳燈光足夠💡員工非常多 座位都分得好開⭐️燒鵝（例牌）💲1️⃣4️⃣5️⃣呢個絕對係神之燒鵝🔥皮脆肉滑👅外皮超級脆⚡️但係脆得來水份又鎖在皮內咬個下口感爆棚💦啖啖油香🌪肉質油脂均勻🧡鬆軟多汁 味道一流配上酸梅醬 唔覺有油膩感絕對係齒頰留香既一個菜💯為着呢個燒鵝我一定會再次光臨👍🏻👍🏻⭐️五頭網鮑扣鵝掌💲1️⃣2️⃣8️⃣見咁迷你就叫左一份試下👀鵝掌炆得林、滑流而且非常入味🦶🏻一咬已經分得出皮同骨鮑魚選用五頭網鮑 味道濃郁 煙韌有咬口👍🏻⭐️清蒸石斑💲2️⃣0️⃣8️⃣魚肉🐟肉質厚實而有彈性 鮮嫩可口魚皮清潔得好乾淨 一啲魚鱗都冇 食得舒服又安心鼓油汁加彊聰絕對係撈飯一流🍚⭐️鼓椒炒蜆💲6️⃣5️⃣每次去酒樓食飯都要叫鼓椒炒蜆 今次亦不例外❤️蜆肉粒粒脹卜卜🎈水份非常充足 咬落醬汁同水份係口入面爆出💥而且鑊氣十足 份量好多💨⭐️蝦醬炒通菜💲5️⃣8️⃣陳記既火喉控制已經毋庸置疑每一道炒既菜都色香味俱全👍🏻🔥濃濃嘅蝦醬味加上通菜 又要食多碗飯了🐷⭐️黃金海中蝦🦐💲9️⃣8️⃣黃金大家必然熟悉吧！就係鹹蛋黃炸嘅蝦陳記選用新鮮嘅海蝦 肉質新鮮爽口彈牙💥外皮炸到薯片咁脆 再加上咸

深井燒鵝，遠近馳名，專門入去食燒鵝嘅人大把，我就係其中一個，講真真係冇樣好食，燒鵝普通到同屋企樓下街市冇分別，瀬粉都唔洗介紹啦，深井E個地方又冇街行，真係唔知點解可以咁旺

周末，一行8人來到深井食燒鵝。通常來深井，我哋不是食裕記，就是食陳記。今晚的決定食陳記，食了一個$1980全包宴套餐。套餐包了4罐汽水和兩支大啤，當然區區兩支啤酒唔夠飲，所以叫多了4支Asahi，每支只是$25，唔貴。先來樣鹽九肚魚拼魷魚，餸啤酒一流。一斤白灼海蝦，新鮮，肉爽。全隻燒鵝，單點一隻都要$540啦，呢個套餐包套一隻，所以覺得好抵。燒鵝皮脆肉香，好食。帶子、珊瑚蚌炒西蘭花，份量大，夠鑊氣。冬菇鮑片炆鴨掌，就比較肥膩，但味道其實唔錯的。之後，仲有蒸魚、炒飯、乾燒伊麵同埋番薯糖水。呢餐真係好抵食，埋單每人只是$260。

身為香港人冇理由唔識陳記深井燒鵝難得爸爸提議想食燒鵝， 當然要帶佢食好啲啦😏去到已經滿曬座位， 不過唔使等好耐就有位喇座位都好闊落坐得好舒服坐低之後就叫咗set餐，大約$598有半隻深井燒鵝西芹油泡龍躉蒜蓉粉絲蒸蟶子5隻真係好低食 開頭仲以為會係例牌份量得嗰幾舊黎到見到 真係開心估唔到比預期中大份量燒鵝皮脆卜卜， 肥而不膩有燒鵝點會少得 瀨粉嘅配搭呢媽媽叫仲咗個 豆豉鯪魚炒油麥菜同埋椒鹽九肚魚呢兩樣都炒得好有鑊氣個個都飽住個肚出門口 今餐真係我覺得係唔貴因為係真係抵食之餘大家都食到舐舐脷

成日都係市區食飯食到有啲悶！今次想去下啲比較遠嘅地方食下飯！散吓心就同屋企人去咗深井食燒鵝啦！食完燒鵝仲可以食返個糖水非常滿足！兩個人好難食中菜，幾個人食中菜一流可以食多幾個餸🤤🤤黎到陳記燒鵝係必食之選，佢仲有三個抵食套餐💋我地揀左套餐b：有燒鵝半隻，海斑一條同薑蔥肉蟹👍🏼$638燒鵝脆皮，燒鵝汁惹味😋，海斑新鮮，肉質好滑！我地仲叫左酥炸桶蠔，皮薄脆口，蠔身鮮味！半邊蝦蒸糯米飯出面比較少食到，仲有臘腸做配料，非常滿足～

外邊烽煙四起，周末來到深井，簡直就有走進世外桃源之感。一場來到，不吃過燒鵝的話，別跟人說來過深井。至於要吃燒鵝的話，當然首選陳記。名店當然是旺場，幸好來得早，否則要等位了。天氣熱至35度，不喝啤酒消暑，對我們來說是絕不可能。飲! 爽呀!叫咗5樣嘢，樣樣都有水準。【蒜茸粉絲蒸蟶子皇】特價$38，趁熱吃。蒜香味滲入新鮮蟶子皇份外香，蟶子肉質很爽甜。叫咗一個【燒鵝拼叉燒】。燒鵝髀是我的至愛，皮香肉滑，配酸梅醬一流。叉燒厚切是半肥瘦，有蜜汁，口感一流。【黃金脆蝦球】蝦肉大隻又爽口，鹹蛋黃香味很出。【竹笙魚肚浸勝瓜】湯底清甜，勝瓜爽脆。魚肚和竹笙吸收了上湯，味道更鮮甜。【蟹肉伊麵】份量很大，而且足料，有很多蟹肉，好味道!【番薯糖水】吃個飽之後，竟然還有番薯湯水贈送。番薯甘香可口，至正的是，有薑味。吃飽後，我們趁天色尚未黑，便走到海邊吹吹風，感覺超爽。

今日特登入黎食遠近馳名既深井燒鵝， 好耐無黎不過水準依舊。第一樣叫當然係燒鵝，叫左下庄、係雞脾位，佢既皮真係好脆，又唔會好肥，配粉同飯都好正呀真係。之後都有叫小菜。第一樣係通菜煲，拎上黎好熱、份量好多，食落仲要好新鮮，唔會過老。豉汁帶子豆腐既豉汁好惹味，帶子同豆腐淡淡，令豉汁既香味更突出，每粒都有大粒帶子，好正呀。另一樣係酸梅排骨，酸酸甜甜真係好開胃，可以撈十碗飯。排骨好大舊，就算炸左都唔會好乾身。咁多個餸又飽又好食！仲要價錢都好相宜，可以多啲黎喇之後。

趁假期同老公去左遊車河，路經深井順便去埋食燒鵝，同老公拍拖時都會入去食野，燒鵝甜品都有得選擇，今晚近傍晚1845 到達有代客泊車，非常方便$30 可拍足3小時，食得安樂不用擔心被抄牌，讚！熱辣辣香噴噴豉椒炒蜆 $65size雖然細細隻但 d肉漲卜卜兼無沙，炒得惹味非常，我同老公都最鐘意，好味道。點少得主角燒鵝 價錢分開 全隻 半隻 下裝$165 例牌 $145 兩個食就要左下裝燒鵝脾 皮脆肉嫩因為熱辣辣保持溫度，因為鵝本身偏肥美，如果夏天無乜問題，冬天就容易鵝油凝結。椒鹽鮮尤 $88金黃香口外層嘅脆漿薄薄鹹得惹味，咬落尤魚肉質的鬆軟。蒜蓉蒸蟶子皇 $38 一隻 最少2隻起蟶子本身鮮味無比，但粉絲吸收蟶子皇啲精華更好味！ 兩公婆嘆翻支冰凍大啤，夏日炎炎爽呀！

一家人週末食飯，好耐冇去過深井！呢一間陳記花園燒鵝餐廳裝修比較新式小小，由於坐得比較舒服我哋就選擇呢一度開餐！來到咩都唔使諗，大家都二話不說要咗一隻燒鵝先！燒鵝真係好大隻，應該係燒好不久！上到枱好香！垂涎三尺！燒鵝不太肥，肥瘦適中剛剛好！表皮冷立立睇到都想快d食！自制一碗燒鵝瀨粉！鵝香滲到湯底！好享受 ！冬瓜盅做緊特價！炎炎夏日最啱吃！好清甜！麻辣雞保煲都好惹味！雞份量算多！但始終係雪藏雞嘅關係，鮮味欠奉，勝在醃料搭夠。蒜蓉粉絲蒸帶子做得不錯，蒜蓉香滲進彈牙嘅粉絲 ！椒鹽鮮油炸得好香脆！即叫即炸熱辣辣。好惹味！一條接一條停唔到！

今個weekend 同屋企人去游車河，游完青馬大橋就轉左落嚟深井，來到深井梗係想食燒鵝啦！陳記係呢度嘅老字號，好彩一早預先訂定位！一來到就有得食 ！先來全隻燒鵝！好大隻 ！剛剛燒出嚟，仲係熱辣辣！隻鵝好厚肉！皮燒得好香！但又唔太肥 ！唔會好似平時咁有一層厚厚嘅白色肥膏！而且好入味！燒鵝當然要配瀨粉！爽口彈牙超級正！豉椒炒黃蜆好大隻！味道小小辣好惹味 ！估唔到一碟只係幾十蚊但份量有咁多！椒鹽魷魚亦都即叫即炸，熱辣辣好香脆好好食！冬瓜盅亦都係必點，夏天食消暑一流！

陳記深井燒鵝一直以來都深得香港人喜愛，每逢周末假日，必定座無虛席！總店就是一貫舊式中式酒樓的格局，超熱鬧的！駕車往深井，方便又快捷，而且有代客泊車，泊3小時只需$30，遊完車河再過黎食燒鵝，係周末最佳嘅行程！冰凍汽水 $10/罐燒鵝下庄 $165落單五分鐘左右，燒鵝已送到，極有效率！上菜時香噴噴熱辣辣，令人垂涎三尺！燒鵝充滿光澤，賣相極吸引！呢隻燒鵝極其肥美，皮薄而脆，肉質軟嫩，油脂位置入口即溶，咀嚼時有爆汁的感覺，而且醃得入味，啖啖油香，真係正到爆炸！陳記果然冇令到我哋失望！店家特製的酸梅醬，帶淡淡梅香而不酸，能稍稍降低燒鵝的油膩感。椒鹽鮮魷 $88粉漿夠薄，炸得香口，魷魚炸至僅熟，鮮味得黎仲好易咬開，很好！京蔥爆牛肉 $78不算太辣，極為濃郁惹味，牛肉片唔靭，而且份量亦頗多。金銀蛋莧菜 $5850幾蚊超大碟，莧菜唔老，湯汁香甜，唔錯！

位於深井的陳記燒鵝花園餐廳，主打廣東菜。餐廳位於深井天主教小學對面，老遠便會看到「陳記」的招牌。餐廳的格局有點像酒樓，六時多陸陸續續有人到達用餐。牆上貼滿了不少推介菜式和價錢，五十多至百多元的菜式也有。小菜即點即炒，新鮮熱辣。餐廳最有名的是燒鵝，兩個人來到吃晚飯，點一客百多元的例牌燒鵝已經十分夠吃。例牌燒鵝約有十多件，外皮微脆香口，特別是胸的位置啖啖肉，肉質一點也不韌。鵝的肥膏不算太多，醬汁香濃微甜而有層次，能吊起鵝肉的鮮味。再點少許自家製的酸梅醬，令燒鵝味道再添豐富。點了一客蒜茸粉絲蒸蟶子皇，蒜蓉預先用豉油醃過，味道鹹鹹香香，送飯一流。蟶子肉質飽滿肥美，啖啖肉，肉質新鮮彈牙，吃落很滿足。避風塘小炒熱騰騰地來到了，韭菜芯口感細嫩，充滿鑊氣，其他配料有魷魚片、蝦乾、腰果粒和菜甫，味道豐富，份量十足。海皇粉絲雜菜煲來到了，特別點了一客相對上較為清淡的菜式來平衡一下。面頭的海鮮有帶子、珊瑚蚌、魷魚、蝦仁等，份量慷慨。朋友特別喜愛吃尺寸頗大的蝦仁，肉質爽口彈牙。底下還有大量的雜菜和粉絲，侍應還特別附上了湯勺，上湯的味道頗清新。順便一提，侍應貼心地提醒，待餸菜來到時，才點白飯，免得白飯放得太久變

今晚約埋男朋友同屋企人食晚飯，同屋企人食梗係食中菜啦，男朋友約咗我哋去食深井燒鵝！記得好細個嘅時候食過，唔知而家水準點呢？👀叫咗個燒鵝海鮮三寶B餐，食物好豐富，有半隻燒鵝、一條海斑，仲有蟹食！✨✨嗰晚係星期一，不過當晚例湯就唔係餐牌所寫嗰款，而係眉豆花生雞腳湯。👏🏻如果鍾意食海鮮，餐牌有啲時令推介，當晚就係蒜蓉粉絲蒸蟶子皇！！我哋全家都鍾意食，即刻叫咗每人一隻！😆🦀薑蔥肉蟹煲🔸份量有整整一隻蟹🔸薑蔥味道濃郁，最啱送飯🔸肉蟹啖啖肉，而且又多汁！😍🥬腐乳通菜🔸份量多‼️🔸椒絲惹味，腐乳又唔會好鹹🦢燒鵝半隻🔸老字號果然係老字號，呢碟燒鵝超級出色‼️🔸脆皮+油香充斥成個口腔😛🔸本身唔係咁鍾意食燒鵝，覺得好穌，但係都覺得呢個好好食呀！🔸酸梅醬都係重點，唔好唔記得點啊！😉🍲花生眉豆雞腳湯🔸以為例湯會好淡，不過佢一啲都唔似例湯，反而係一煲老火湯！🔸料多味濃，雞腳煲得好林，老爸好鍾意😆🤩蒜蓉粉絲蒸蟶子🔸$38一隻，價錢合理🔸而且大大隻，味道又正！🐟清蒸海斑🔸條魚好多肉，四個人食都非常夠🔸個人覺得豉油汁濃味左少少，不過薑蔥好香，最後都清晒成碟-老實講，陳記好有驚喜，尤其係燒鵝，老字號嘅光環真係名不虛傳‼️而且

連續落雨，今天終於放晴☀️，中午決定去黃金海岸坐下沙灘，回程深井晚飯，真美麗嘅一天😘入到深井，遠遠已看見巨型燒鵝《陳記》，車子駛到商業大廈門口，緊接停車塲，十分方便。陳記係老字號，老土啲講句，真係由細食到大，點餐服務員好nice, 大家街坊咁好好傾，燒鵝我哋叫左三寶餐，半隻燒鵝上枱前，廚部才淋上惹味燒汁，香噴噴的引死人咩😝燒鵝入口暖暖的，鬆化脆皮油潤甘香，鵝肉質感Q彈易咬，肥瘦適中，吃到骨位還帶D香料味道，爆汁燒鵝眾望所歸，一件都冇得留低😝😝😝燒鵝三寶餐仲有油泡龍躉球，龍躉大大件厚切走油，嫰白爽滑魚扒啖啖肉，習慣的以西芹拌炒，咁傳統嘅菜式，陳記絕對靠得住。蒜茸粉絲蒸帶子，材料新鮮已經冇得輸，四個人食仲有一隻剩，猜赢食多隻，猜輸咪飲多杯，$598.- 呢三寶，大大牒有肉又有菜，認真抵食。👍👍👍椒鹽鮮魷人見人愛，薄薄脆漿裹著鮮魷魚即炸，脆脆外皮再用紅椒香蒜淮鹽兜炒，十分惹味，食到內層，魷魚彈牙鮮甜，越𡁻越好味，個個都搶住食，非常正用上湯煮蜆，鮮甜蜆肉已經好好食，加埋絲瓜入饌，絲瓜充滿蜆汁，腍滑清新，天然味道鮮上加鮮，真係夏天妙品至愛港式小炒，傳統叫餸食飯永遠都啱食，深井陳記幾十年來伴我成長，