陳記燒鵝花園餐廳

营业中

休息中

今次一大班朋友專程入到深井食燒鵝，深井裕記燒鵝呢一個廣告就由細睇到大，不過有朋友講其實深井出名嘅燒鵝唔只得裕記一間，仲有一間叫陳記嘅老字號。所以就選擇嚟咗陳記食燒鵝成大班人一坐低嘻嘻哈哈，開心聚舊 就梗係相當興奮啦！一坐底即刻叫咗一隻燒鵝食住先，當然唔少得一人一碗瀨粉啦，燒鵝同瀨粉呢個組合可以話係天衣無縫上到枱燒鵝唔算熱 暖暖地，我哋就即刻搶着夾嚟食，個外皮係脆脆地，而且肥美 肉質嫩滑忍唔住食完即刻再夾 不味道少少偏鹹我就好彩 食到一隻燒鵝髀 當你成隻燒鵝脾拎上手食個感覺又係另一會事，大啖大啖咬落去 成口都係油香 成咀都係燒鵝香 成手都係油脂個感覺真係要一試冇幾耐就成碟清哂

深井這個地方，給我第一個印象就是食燒鵝！每當搭巴士由荃灣入屯門公路到深井，經過嘉頓麵包廠附近的轉彎位，會見到一隻疑似鴨又似鵝的立體鵝公仔！在兩個月前，男朋友約了我及他認識多年的教友一家四口連工人姐姐，我們一行7人 (5大2細)，走到深井他推介的 <陳記燒鵝花園餐廳> 食晚飯！這是自從我認識他以來，第一次在深井食飯！ 日後還有大把機會呢！他認為在深井好幾間燒鵝店，這間最合胃口！由於，今次人多，加上有 BB，男朋友提早約兩星期 book 枱，好衰唔衰！我們倆人先沿扶手電梯上一層，去到1樓的 <陳記燒鵝花園餐廳>，店方竟然不見有 booking！他即時咋型！肯定新店員的錯失吧！幸好！他是熟客，即時找到經理幫手，安排一張8人大枱給我們！😅😅 還可挽回服務分數！聽他說，這間坐得較為舒適，其他燒鵝店有室外用餐區，相對較熱！ 實而不華的裝潢，鏡上掛滿圖片，食客來到這裡，最實際還是著重其燒鵝質素！當晚菜式由他發辦兼請食飯，並買了兩支紅酒助興，他實在很客氣！大家把酒言歡！這裡不收開瓶費！金牌脆皮燒鵝 (例牌) $145份量十足！ 燒鵝皮油潤甘香豐腴，肉質嫩滑鮮美，做到皮脆

一個人黎到深井陳記食晏，通常都叫個凈例牌燒鵝，唔叫瀨粉同飯，份量剛好足夠!呢度嘅馳名燒鵝真係好鬼正，成隻脾o黎免切，火喉十足，鵝味滿瀉，點埋個酸梅醬淡淡肉，好味到不得了。

開山祖師陳金盛先生在1950年代是在深井村做小販，後趁市區客入來食燒鵝之勢，做燒鵝食店，再兼做地產。「老店」在深井村口，位置偏西，是路邊「大牌檔」格局，室內只有幾檯而已。我專程進行鵝踪之旅，帶了滿腦疑團，「西征」至此，午飯時間剛過，我在露天圓檯坐下，食了一碟燒鵝飯。燒鵝稍乾，飯亦不熱，價格則配合新界牌檔，十分便宜。餐具很吸引，有「草地鵝踪」的標誌，隱約宣示此乃祖庭店。茶香隨風送，不收半文錢。可能是半世紀以來的習慣。下午去了深井姐家做街坊資料搜集。得悉老店附近沿青山公路的地產，均屬陳家擁有，只志在重建為酒店。黃昏時姐姐請我去「總店」食晚餐。先去釣魚沙灘觀落日，回程經「老店」，掛滿黃燈籠，大書「琦哥號」，標示此店分給琦哥經營，雖共用同一款「草地鵝踪」的標誌，但與其他分店劃清界線。請記得「老店」店名有「海鮮」兩字。晚上坐在半露天座位，食海鮮，吹海風（沒有海景，河景）是近年少有的享受，但留待秋後吧。「總店」在自己物業-陳記商業中心。暮色之中，霓虹大招牌在招客，須注意店名有綠色「花園」，暗示此「總店」較「高尚」。請留意上圖右下方有黃金色招牌，標示是「燒鵝酒家」。這是酒樓式分店，姐姐說在深井陳記三

今次係我第一次去深井，當然要試吓總有一間在左近嘅燒鵝飯店。於是我哋隨意咁揀咗陳記。下午茶時段只有小貓三隻，叫咗兩碗燒鵝瀨，好快就送到。燒鵝瀨 ($45，免茶芥，免加一)下午茶冇特別的優惠或套餐，燒鵝粉麵同飯同價。燒鵝瀨有大約七件燒鵝、兩條菜。瀨粉係正常份量，面頭嗰啲有少少碎。燒鵝只有幾件塊皮係燒得脆，有三件左右係厚肉，其他都係薄薄一件。鵝肉係比較肥，每件都有一層厚厚嘅肥膏，開頭食一兩件係OK，後尾就要咬走肥膏，太膩了。整體調味做得幾好，燒鵝再靚啲會更吸引！未試過其他深井燒鵝，所以比較唔到

一個人食飯諗住買個雙拼飯盒加隻咸蛋，比錢後揸住張單去油雞檔已見刀手切好雞鵝擺落盒飯，再加埋隻咸蛋後交比後面一職員，正當該職员加薑時我已立即話唔該比多D薑蓉，個亞哥話吓？我就重覆話唔該加多少少薑蓉，佢突然登大隻眼講，你唔很早D講，我咪話你加薑蓉時我已講喎，佢竟然話佢已放咗落去我先講，之後加多咗少少就唔吩氣遞盒飯比我。返到屋企發覺盒飯D菜同隻咸蛋好乾，D雞係雞翼得皮同骨、D鵝還可以但份量少，D飯就不提也罷。上次諗住買四十蚊义焼已踫咗一鼻灰話咁少唔賣，今次就.....總之我以後都唔會幫襯！

阿女揸車遊車河，最啱扮遊客搵食。最後決定去深井食燒鵝，又有免費泊車，一舉兩得。由代客泊車到樓面的叔叔都好招呼，叔叔介紹食套餐，$880 有半隻燒鵝、足料例湯、西蘭花花枝片、白灼蝦、一條班仔，仲有炒飯。之後送咗個木瓜雪耳糖水，飲埋啤酒汽水，埋單都係 $920，又有泊車服務，相當扺食。可惜未知是否套餐關係，啲餸完全唔熱，由落單到上菜都唔使十分鐘，所有菜都係微暖，感覺是製成品等上枱。入坐時未夠半數枱有客，根本不用急於出菜，浪費了好好的一餐飯。我地話下次黎食要散叫，仲要避開套餐內的菜式，應該會現炒吧？飲後贈送的木瓜雪耳糖水好足料，比較一般糖水店的絕不遜色。讚！

又是因爲有朋自遠方來，朋友提議駕車去深井食飯「洗塵」。其實深井有多間食燒鵝的舖頭，駕車朋友跟老婆卻鐘情陳記。他們算是熟客，就由他們發辦。很肚餓，先來半隻燒鵝再慢慢點菜，我們笑說因爲師傅太倦，燒鵝斬得很大件，但皮脆肉厚，是好食的，當然燒鵝通常較肥，要自行把肥膏咬掉。另外朋友推介的九製陳皮骨很特別，淡淡的酸味配合香口的排骨，好味！另外一個得意的小菜是炸墨魚鬼。墨魚咀或墨魚頭都聽過，以為墨魚鬼是一個未聽過的墨魚部位。原來是把墨魚膠釀進油炸鬼再炸，香脆好味，墨魚又非常彈牙！推介👍🏻👍🏻👍🏻👍🏻👍🏻另外點了粉絲蝦米雜菜煲，朋友說之前食過，它的份量大得驚人，但今次覺得並不是所形容般大。但食得肉多，是需要吃些菜的。而砵仔焗魚腸，由於本人不食魚腸，未能評論，但朋友説是中上水平。不過這店比我想像中早關門，星期五的晚上十點幾已接近打烊。

難得和朋友黎深井，當然要試下每次都點的燒鵝。兩個人食lunch，叫了一份燒鵝下庄（下半身）和焗魚腸蛋。下庄皮薄肉嫩，啖啖肉，唯脂肪比較多，汁鹹咗d，總體黎講保持到水準（比其他地方食到的燒鵝高一階）。焗魚腸略為腥咗d，要改善。

因為太座安排兩日一夜汀九酒店短trip，作為旅行鍛練，所以晚飯就去左深井。我未食過，但時常聽到深井xx燒鵝毁譽參半，加上自己其實鍾意叉燒燒肉多啲，所以我是帶著懷疑坐下。點了兩餸，燒鵝例牌、芝士生蝦伊麵。燒鵝真係幾好食，（中間幾件）肉多皮脆，當然因爲係例牌，件數有限，不過我兩人都不是大胃，足夠。芝士蝦伊麵份量十足，蝦多芝味濃，但唔知點解太滯。環境就麻麻地，雖然對這類老店無期望，但地面清潔欠佳，勁殘的bb櫈，都需要點勇氣。服務就ok，會主動吹兩句水。埋單300，公道。

—共三人元荃古道行山，由荃灣行到深井，當然食下出名的燒鵝。燒鵝例牌熱辣辣送上，皮脆，脂肪唔多，啖啖肉！好耐無食過咁好食燒鹅。四季豆牛柳條勝在有點菜蔬，味道份量都可以。冬天再來暖笠笠糯米飯，正！－邊話朗胃，－邊狂筆入碗！結果三碟清曬！價格方面晚餐都算可以，如果食套餐，有海鮮鵝掌，半隻燒鵝，真係好貴下。服務都很貼心，上了年紀的叔叔不斷提醒糯米飯要熱食，所以我們沒有灘凉，而係專心快快趁熱清曬。環境光猛，坐卡位很舒適。

燒鵝成隻上，雖然凍左但皮仲維持基本挺身同少脆既口感，肉亦夠入味，沾酸梅醬解油膩更好食，所以過酸同油/甜同咸係最佳配搭，呢4種味道係隻鵝度體現左，加落熱瀨粉度食令瀨粉充滿鵝香。梅菜扣肉太油冇食炸尤鱼，正常上湯菜同菇，咸味適中酸菜豬肚湯，重胡椒味，足料暖胃，第二推介黃金蝦，油左啲，正常蛋黃味唔中意食“線” 冇食普通蒸豆腐

聞名不如見面，終於老遠來到深井食燒鵝，睇下係咪真係咁好食先😁叫左碗燒鵝瀨米，一碟燒腩仔（例牌），碗燒鵝瀨真係唔錯，燒鵝皮好香，仲咁岩比左隻脾位我😋，正！不過燒腩仔有翻叮之嫌，雖然皮脆，但到左15分鐘左右，已標油同色澤有少少唔同。除左野食，其實我比較欣賞佢啲醬！沾燒鵝個碟甜酸醬，好重華梅味！好正！似係自制的！沾燒腩仔碟介辣，都好特別，有好想既介辣味，但唔「公」鼻，質感有啲似腐乳👍🏻

難得假日經過深井, 決定一於食一食呢間好有名氣的陳記燒鵝點了份燒鵝瀨粉, 燒鵝真係好正既, 燒鵝皮光澤好令, 而肉都好淋, 一啖咬落去燒鵝既油都出晒泥, 而肉質嫩滑! 但瀨粉就真係太碎了, 不過清清地再配燒鵝, 係好食既

食物不知所謂，叫左果樣寫好哂單，頭又話冇，叫聖子又冇聖子又話元貝仲好，燒鵝又凍又肥，抄個菜又唔熱，例湯冇味， 油鹽水大花甲仲慘，又硬又干，仲話係咁係咁，地方周圍油膩到不行， 污糟邋遢，永遠不會再黎