陳記燒鵝花園餐廳

营业中

休息中

星期日，即興地去左深井，人生第3次入深井😂😂😂細細個就聽～入深井緊係食燒鵝😂今日一於一試陳記燒鵝！我們大概兩點鐘到達，可能過左lunch hour,又未到下午茶，所以店內較冷清 環境都ok, 睇餐牌時，男友見到有5頭鮑說想試一試 於是，我們點了一個燒鵝例+一客五頭鮑+一碗白飯。 男友話五頭鮑都算入味，反而鵝掌就無咁入味，但鐘意淡口味既我，就歡喜鵝掌多d😅我們都是本住試一試既心態，所以ok 啦～俾7分🤔跟住就係個燒鵝例啦～佢俾左下脾我地😁, 賣相好吸引,味度都OK, 但個皮真係唔脆,同埋如果可以少d油就更好～所以俾6分~ 呢餐飯食左285,相信同樣價錢都係可以有好多選擇既，午餐黎講😂😂😂😂

已經嚟過深井食燒鵝好幾次，今次係第一次嚟深井食午飯，幫襯陳記亦係第一次，但亦都係最後一次⋯陳記位於馬路邊顯眼處，午餐時間都坐滿九成半客人，個個都係食碟頭飯，就係見咁多人，不如試一試!由於室外位置都坐滿人，所以被員工安排去坐室內⋯環境相當⋯餐檯對坐好窄！而且好污糟⋯餐牌痴笠笠⋯⋯心諗：算啦，都係食個lunch...好快就走⋯眾多碟頭飯中揀左個燒鵝飯⋯冇記錯就應該4x蚊一碟⋯嚟到見到個賣相何其差！菜都冇條送⋯燒鵝皮已經唔再脆，多肥少肉⋯味道一般⋯山長水遠嚟食一個咁一般嘅燒鵝飯⋯酸梅醬味道燒鵝汁味道燒鵝肉味碟頭飯擺相環境服務衛生咁嘅價錢咁嘅質素？sorry...再評唔到落去⋯其實陳記個名氣都唔細，但以燒鵝聞名，卻好似唔太尊重燒鵝嘅味道同品質⋯不過⋯如果燒鵝生意做得好，都唔使靠午市做碟頭飯吸客喇！冇下次喇。

聖誕節避開人群又唔想食貴餐, 最好就係食中餐.晚上7:00到達深井陳記, 意外地不用等位, 西式節日有呢樣好, 食中餐唔駛等兩人叫咗三樣野:燒鵝下庄例牌豉掓炒蜆西蘭花斑塊最失敗係炒蜆, 完全冇味, 其他兩樣都ok既, 間唔中黎食下都可以, 不過真係幾貴下,三餸加一個白飯同瀨粉, 盛惠$442

突然想食深井燒鵝，所以就落左去深井。兩個人想點二人餐，但個餐有成半隻燒鵝，實食唔晒，所以決定散叫。豉椒炒蜆都幾大碟，不過D蜆就細粒左d，唔算太新鮮，但都炒得OK香。大家會唔會覺得出去食菜好ON居?豆豉鯪魚油麥菜又煮幾好好食我同男友都話好食!不過鯪魚就得好少，重好碎，豆豉就好多~主角燒鵝，熱辣辣~點左例牌size要脾位個part的。燒鵝真係好香好好味，不過燒鵝又真係好肥，一路食，一路想係咀邊漏油當然重點左2碗靚仔啦~靚仔就唔洗上鏡喇XD最後，估佢唔到有糖水送wo! 又幾好飲~

第一次同屋企人入黎深井食燒鵝，揀咗呢間老字號，好在都無令我失望😊因為都差唔多九點，過咗食飯時間，所以人唔多，一去到就大把枱揀~地方乾淨企理，燈光明亮，我地坐露天位置，今日天氣又涼涼地👍好舒服~

星期六四點幾好肚餓，無啦啦好想食燒鵝，之後就衝去陳記喇！下午茶時段無咩人，正！師傅都有心機炒啲。話說小妹以前有住過下深井，一到晚市就會bing ling ba lum，多人到呀……啲野好食極有限。說真的，以前食過幾次感覺真係同普通大排檔差唔多…… 但係！而家呢個鐘數黎，終於有番食燒鵝應有既chill chill地。質素即刻出番晒黎！ 味道很錯，詳情請睇圖。過，話就話下午茶時段，實際全日同價再加一，兩人茶位三送兩飯一瀨一可樂承惠$400左右。間唔時，ok既。

從未品嚐過深井燒鵝, 另一半專誠帶我來試試。怎知, 中伏了。燒鵝, 叫了例牌下庄,皮唔脆。難聽點講, 跟超市水平也比不上。肉份量少之餘,皮不脆。幸好,沒有聽那些侍應, 阿叔阿姐,點了半隻。否則,我更心痛男友的荷包呢。小菜, 啫啫芥蘭煲, 底部鹹到不得了,放棄了,食完要不停飲水。

郊遊過後已感到筋疲力盡，例牌要食返餐補充體力。既然來到路途遙遠的深井，腦裏首個想法就是吃燒鵝。原先走到當區馳名的陳記正舖，可惜燒鵝經已售罄且侍應態度囂張，惟有轉移陣地到另一間陳記幫襯。甫步入酒樓門口即得到熱情招待，與剛才受到的冷眼實在大相逕庭。這兒的裝潢顯然落過工夫，靠邊的牆壁掛滿著相片，在射燈映照下更覺典雅，環境方面亦算舒適衛生。我們清一色叫了燒鵝瀨粉，店員主動奉上茶水並說免收加一，服務挺是慇勤貼心。食物不消一會便送到，鵝件的外皮燒得紅彤彤，表面泛著誘人的光澤，可是被斬得七零八落，部份位置連著豐厚的鵝肉，另一些則只是皮包骨的貨色。咬下時發覺燒鵝還能保持溫熱，但外皮只是微脆而不夠香，肉質稱不上幼嫩軟滑，但起碼沒有粗嚡韌身的感覺，並且能夠保留些少肉汁。夾於皮與肉之間肥膏很薄，吃時仍能嚐到油脂的郁香。另碟上的酸梅醬能收畫龍點睛之效，其色澤呈半透明的淡黃，肉眼能見內裏混著梅碎，味道酸酸甜甜煞是清新，正好中和燒鵝之肥膩感，令人越蘸越多越上癮。瀨粉可說是燒鵝的最佳拍擋，此品淥得軟硬適中，轉眼間就把它幹掉，可惜湯底調得有些過鹹，若能改善這方面的問題，必能提升這個湯粉的質素。

一向聽閒深井的燒鵝好出名,終於有機會一試.以為會有好多人要等位,所以7點就去到,點知唔洗等位,仲可以坐室內有冷氣的地方添.兩個人,人小小,只叫了一碟列,本人覺得份量小左啲,有一隻燒鵝脾,都算唔錯,但其他果啲全部都係骨同肥膏,無野食.雖然係咁,但啲燒鵝真係好好味,暖暖地,肉的肉汁好多,一啲都唔乾,又好嫰,好味,值得一試.另外叫左個啫啫通菜煲同埋椒鹽鮮魷,全部都好油,不過味道OK.通菜好大煲而且好夠熱.椒鹽鮮魷外層啲粉唔多,都幾嫰.可以一試呀.

好耐無入深井食燒鵝，好多選擇求其入左一間，點知有幾好wor!一行五人，點了6樣野:1)燒鵝一隻, 熱,皮脆,雖然偏貴但值得一試2)椒鹽鮮魷, 有水準,正過很多地方3)檸檬烏頭, 成晚最愛的一樣4)酥炸生蠔, 不過不失5)什菜粉絲煲, 味道適中6)"老"水掌翼, 入味, 幾好我見到有露天花園坐位，覺得環境唔錯，但家人怕熱坐了室內，下次再去一定坐露天

一行九人晚上七時到逹，沒有訂枱walk in 也有枱。位置在露天花園，雖然不算熱，但時不時有隔離坑渠吹過來的氣味，環境一般。共點了七餸一湯。1. 冬瓜盅 - 沒有料，只有水(因為無味，所以不算湯) $882. 燒鵝一隻 - 超級肥，皮下一大舊肥膏，膏多肉少。$350 不值3. 椒鹽九肚魚 - 算是好味了，不過太細碟，只有十小件。$684. 蒜茸炒菜心 - 細碟，味道一般。$425. 豉油皇蒸釀豆腐 - 只是豉油蒸布包豆腐，什麼也沒有釀，為何菜牌叫釀豆腐？豆腐不滑，豉油不鮮。$586. 秘制咕嚕肉 - 細碟，味道一般。$58/68(唔肯定)7. 腰果西芹帶子 - 細碟﹐味道一般。$888. 檸檬蒸烏頭 - size 正常，味道算好。$889. 豆腐花 - 送的。服務大有改善空間，冬瓜盅及檸檬烏頭都等了很欠，叫伙計跟跟，他竟回答：唔等就取消!今時今日這樣的服務，我一定不會再去!

夜晚想食燒鵝，走了去深井。本想吃裕記，但見很多人排隊。就走了去陳記。2個人有卡位坐，有私家電視看。要了一只鵝(半只外賣)、一碟豆腐和炒蛤鵝 - 中規中矩，不是十分肥美豆腐 - 不夠咸，但也香脆炒蛤 - 不夠味，不過肉也很多服務: 也還可以環境:都也可以價錢: 與食物質素不太成正比

昨日同一家人山長水遠去食燒鵝。隻鵝 d 皮又淋又軟, 同佢間野個廣告版隻鵝完全唔同。問個 waitess 點解隻鵝咁難食, 佢話因為預先整定左好多, 所以咁。之後又話隻鵝剛燒完出來好熱, 砍唔倒, 所以要等到佢微暖先砍得。一派胡言。下次您食埋我個份。

繼上次嘅裕記父親節晚飯後，今次慶祝朋友生日，其中一個朋友住起碧堤，於是又走咗去深井食飯。上個禮拜去咗裕記食，包括燒鵝，樣樣都普普通通，實在有 d 失望，所以今次又去深井食飯，於是我又建議要食燒鵝，今次就去陳記花園燒鵝……燒鵝比裕記貴，$350一隻~~~燒鵝上枱，排得非常靚，點知一入口，ooooooooooooooooooo晒咀…… 燒鵝一 d 都唔熱，暖都講唔上，皮不脆，超肥，好咸，肉 un，食完一嚿已經唔想食，只係唔想浪費先多幾嚿，到最後叫半隻差唔多食剩一半……最普通嘅生炒骨都可以做到一d都唔酸唔甜，食緊一碟好紅但無味嘅排骨咁......炒蜆味道亦唔夠，幸好都叫大大隻，無乜沙……其餘冬瓜盅、花膠魚肚浸勝瓜同雜菜煲也是簡單餸菜……記得上星期已經對裕記有點失望，但總算不過不失，但今次陳記，真係「期望越高，失望越大」…… 我諗下次再去深井食飯，我唔會再想食燒鵝喇！！

小妹的第一次食評朋友聚會, 話好耐冇食過深井燒鵝所以特意放工走入去食因冇邊間係食過所以柴娃娃咁入左呢間時間係7-8點到, 都幾多客係度心諗有咁多人應該冇失手啦我地點左8個餸燒鵝一隻, 冬瓜盅, 蟹, 蒸魚, 炒蜆, 椒鹽先尤,芝士蝦伊面, 脆肉瓜炒菇個冬瓜盅其實唔係好想叫但一坐落, 碗都未派好個阿叔已經叫我地要話一日唔做得好多個唔叫就冇其實佢每次經過都講一次見佢咁有誠意, 又唔想佢keep住煩, 要左 來到都ok既夠清囉, 但可能我通常食既都係大酒樓食佢d料相比之下少好多但人人個碗都勁大片冬瓜*2, 冇咩水跟住來左個蝦咪住 !! 我地冇叫蝦喎原來佢地落錯單, 將蟹轉左蝦咁梗係叫換啦, 我地想食蟹嘛阿姐問左好多次『啱唔啱食，唔啱我地換返啦』點知拎返入廚房一陣佢又同碟蝦出返來『蟹賣晒喇, 碟蝦要唔要丫』因為我地係叫一set蟹連魚 or 蝦連魚套餐咁唔要碟蝦佢收條魚正價會好唔抵嘛所以要左, 好有被屈既感覺 !!!仲要過左10min. 另一個哥哥仔捧住碟蟹出來擾攘左一陣頭先個阿叔好惡咁話佢『碟蟹係第二張枱架，人地一早訂左架』唔係話, 食碟蟹都要訂咁大單生意 !?!我都知你碟蝦冇人要就放到鯹但係