陶園燒臘飯店 (已結業)

昨天要去佐敦報名，早咗到，就行吓寶靈街搵食，經過陶園燒臘，記得有媒體介紹過就入去試吓，下午三點幾，全店無客人，只有兩個侍應，心諗會唔會有伏呢？但天氣咁熱即管入去坐吓，試吓啦。叫咗碗燒鵝燒肉米粉，米粉同燒味係分開上，有四舊燒鵝五舊燒肉，份量都夠嘅，但係啲燒肉全部都係沙尼篤，又乾又硬，完全食唔到，燒鵝得兩件肉，其他係皮同骨；一碗賣$62嘅米粉竟然係呢個質素，真係接受唔到，仲差過$25一盒嘅燒味飯，中哂伏，冇下次

在佐敦附近工作，今晚要斬料買番啲燒味返屋企加餸，見呢間傳統燒味店嘅燒味好似幾靚，便買來試下。<燒腩仔>燒腩仔外皮燒得好脆口，新鮮出爐，鹹味適中，沒有過鹹。燒腩仔每一件都切得長長方方，厚切得來，厚度亦是剛剛好。燒腩肉屬於多瘦少肥，中間夾雜着一至兩層微薄薄的油脂，令入口感覺更加肥美。另外，燒腩肉肉質實在，但卻完全不韌，肉質鬆軟，吃完脆口皮再吃燒肉，非常好食。<蜜汁叉燒>呢個蜜汁叉燒同樣高質，蜜汁味道濃郁，而且味道又香又濃，烤得好靚，入口咬落去好軟腍，肉質夠軟夠鬆化，完全不乾不鞋，非常驚喜吖!!小店除左有燒味外賣，仲有堂食供應，四十幾蚊就有大大碟燒味飯，都幾抵食吖!!除了油雞、白切雞、叉燒、燒肉、仲有新出品的口水雞、滷水鵝同滷水鴨，都有好多選擇。買了叉燒和燒腩仔都係$126，仲要甘好食，下次一定會再來呀！

星期一拜山返了佐敦，附近又沒有什麼好吃，所以就去了一間開了很久的燒臘舖吃燒味。4個人不想只叫碟頭飯各自食自已，於是點了乳豬例牌（忘了影相），一隻燒鵝，一隻白切雞。另外叫了瀨粉及例湯。例湯沒有味精，吃飲完後不口渴，我光顧那天煲的是赤小豆粉葛，非常下火。老闆娘很好人，見我們叫了這麼多肉，主動問我們要不要例湯。乳豬真的好吃到無話可說，很少地方可以吃到新鮮的乳豬。平時只有在宴會的時候才能吃。想不到在這個小小的燒臘店居然可以吃到外皮很脆，而且很香的乳豬。他的肉不太肥，也不太鹹。貴妃雞貴妃雞吃入口沒有怪味，雖然都知道不是新鮮雞，但是最低限度不要吃到滿口雪味。這裡的雞皮光肉滑，雞脾沒有血水，岩哂我。要知道平時大多數顆到的貴妃雞，雞脾肉通常很多時候半生熟或者得八成熟，啲骨頭仲有點點血水呢一樣野。我係最棹忌㗎啦😖。難度呢度又滑又無呢個問題。燒鵝燒鵝來講佢唔算做得好出色，外皮脆的都可以，酸梅醬不太甜，總括來說只是肉比較鞋一點，不過燒鵝來講普遍都有這個問題存在。

如果午餐想食碗靚D嘅飯，就一定要搵間燒味飯店。本身係一個好鍾意食飯嘅人，今日午餐突然間想食飯，所以就選擇左嚟呢間老字號嘅燒味飯店！價錢都係平民化好公道，三十零蚊有一碗燒味飯燒肉飯D飯一粒粒一啲都唔淋好爽，有飯味，唔會好似有D燒味有米糠味(差嘅平米)，幾條菜都有菜甜，好鮮嫩，燒肉需然係好瘦，但係唔硬，有豬香味！聽老闆講係用新鮮豬燒！例湯好夠味每碗湯都會有一隻雞腳另外響埲牆度睇到，有啲大酒樓嘅訂單，訂燒乳豬同埋燒豬！

是日食晏時間路過呢頭 諗起有一排無嚟陶園 故地重遊...一坐底 整碗例湯先...大熱天時 冬瓜 正!再叫阿姐嚟碟 燒肉切雞飯 燒肉吾會醃到嚡口 亦都脆皮 一讚切雞就一般的好 肥疲瘦適中~

這是在佐敦道和柯士甸道中間唯一的一間燒味店, 相比起佐敦道向油麻地的一邊的”強記”, 這間光鮮很多, 而且乾淨整潔, 還記得上次去”強記”, 一邊食, 一邊有”小強”在牆身慢慢移動. 但無論如何, 環境整潔和乾淨並不代表食物質素好.進內坐低, 想落單, 但女店員愛理不理, 在背後不知攪著甚麼, 原本以為她看不到我, 誰知我打算起身直接向燒味師傅落單, 那女店員便即刻來了. 真是….义燒燒鴨飯, 講了兩次”走汁”, 最後都係落了汁, 工作與發夢同時進行… 無言. 义燒,顏色頗精神, 但十分..十分瘦, 所以有些鞋口, 但肉質尚可. 燒鴨, 是脾, 但只下半部份, 再加一件只有些少肉的背部骨, 眼看燒鴨皮已覺不夠新鮮脆皮, 燒鴨皮顯有有些少皺皮, 入口肉質較實. 飯身良好, 乾身, 沒有一舊舊的濕淋, 再加三條爽口但凍的菜心, 合格分數吧.這店, 單買燒味取走, 其質素是不錯, 尤其燒肉, 皮脆肉質好,  但是”堂食”飯餐, 質素當堂下降了數級.

這日與友人路經佐敦寶靈街，看到不少街坊在這間燒臘店買出爐燒肉和叉燒。看來應該不錯吧，而且還是熱辣辣的，於是我們也湊湊熱鬧買$60燒肉和$40叉燒回家。燒肉皮鬆脆，肉入味有肉香，肉質軟腍帶點肥膏，好好吃！不一會整盒燒肉已被我們燒滅了。高興無意發現好燒肉。至於叉燒在我們沒有要求瘦叉燒的情況下給了'超瘦'叉燒。吃起來過乾過瘦，失望。最後吃剩下不少叉燒用來隔餐炒飯好了。

時間已兩點半左右，午飯未食，經過寶靈街，看見這間舊式燒臘店，想起約十年前間中在這裹食午飯，那時覺得這裹方便自已，質素還可以及價錢平；今天再試，裝修和從前差不多，都是八十年代的感覺，叫了燒肉飯和湯，燒肉睇落多了些小肥，兩件大白菜，賣相一般，燒肉小小鞋，外皮小小脆，質感一般；飯是暖的，不夠熱；豬骨雞腳湯，有半碗是豬骨雞腳湯料，足料，夠熱及夠味當時都幾肚鵝，但質素一般，盡量食了七成，三成浪廢，真不好意思可能現在很多燒臘也不差，相比之下，他的燒臘不太好吧!

星期一, 因老細要出差而中午被急急召上深圳. 計一計, 好似坐佐敦車, 同坐灣仔車用時一樣, 便決定過左海先, 貴便, 係佐敦D街仔搵野食.時間不多, 最快, 茶餐廳, no, 快餐店, no, 斬大舊叉燒一定是最快的. 出地鐵口, 看到一個高掛的招牌. 燒臘店. 不理好不好食, 吔飽上路比較重要.叉鴨飯, 又快又簡單, 出錯率又低. 病剛好, 不要湯要了可樂, 實在有點不應該. 飯到, 一看, 竟然有點失望, 給我的叉燒是極瘦之餘, 汁又唔夠, 鴨又唔靚, 用片大椰菜鋪住, 原來是為免我看到鴨肋.....好少食叉飯要食到我要落豉油. 那個汁, 實在是唔夠味, 叉燒太瘦, 吃不出味道來, 鴨, 皮下就是骨, 吃不兇味道來, 快快食完要北上, 沒有用心去吃出佢既味道. 可能真的要好用心才感覺到佢既味道. 不過, 有一個味道是很強烈的, 就是我落既豉油.10分鐘完事, 跑去童軍會車站.....一路向北.