陶源酒家 (已結業)

叫左個雀籠點心，兩個人食岩岩好，有鮑魚雞粒酥，幾好蝦餃、黑魚子燒賣，有酒樓水準煎堆仔、香口幾好味帶子餃，OK燕窩蛋撻仔，好味奶皇馬拉糕，好軟熟酥炸魷魚，炸粉厚左啲，幾油下。

又一個星期日在黃埔教完鋼琴的早上,在附近找個地方飲茶...所以走到陶源酒家去。我們二人點了一個石鍋飯和三個點心。鮑魚雞粒石鍋飯 - 用石鍋上的飯有一個好處: 就是熱度可以保持得較久, 這款石鍋飯用了生菜鋪底, 所以不會有飯焦; 飯粒都炒得一粒粒企身, 雞粒鮑魚也有一點點, 當然鮑魚粒小得像飯粒的SIZE喇哈哈! 整體來說味道不錯。燒賣 - 燒賣中的豬肉都幾入味, 即叫即蒸夠熱辣辣, 燒賣上有一隻蝦, 味道ok, 不過同個燒賣唔係特別夾, 2樣野我會分開黎食...我還是比較喜歡重香菇味的燒賣多一點。千層蘿蔔絲 - 蘿蔔絲夠甜而外層的千層酥夠酥皮夠香, 味道很好的說!叉燒腸粉 - 腸粉單看照片都感受到它的薄身吧!  腸粉真的很滑很薄, 不過略嫌不夠米香, 而內在的叉燒比較瘦, 不過整體來說都是好吃的。

一家人在台灣遊玩了十多天，23日晚才返回香港，相隔不到4天的時間，剛共遊台的弟弟又相約午飯會面，大抵是暑假快將完結，好讓兩位小天使在僅餘的假期可與老爸多聚一刻吧！一向愛吃的小天使，這趟又道明要與爺爺嚐點心，小小的人兒、主意卻多多！弟弟謂黃埔陶源的價格跟同區非集團式經營的街坊酒家相比，只是稍高，但用餐環境較理想，而我已十多年沒到過黃埔的陶源了，幾乎已從記憶中刪除，若不是弟弟相告，真不知箇中情況。前一天訂好位，準時飲茶去。被小天使稱為 "脆卜卜" 的燒肉是他們的至愛，弟弟每次也不忘點上。這正方體的冰燒三層肉，個子矮小、工工整整的，有點兒倒模的味道，不過女士們可不失儀態地一口嚐之，極為方便。從目測，不見皮下肥瘦相間的腩肉層次，不管了，先把三層肉送進嘴巴裡再定奪吧！焦黃鬆脆的皮層帶點微硬，而皮下的肉質，雖不具油感，但卻非常幼嫩可口，加上適度的輕鹹，這道冰燒三層肉是最不肥膩但嫩滑的燒肉！工人姐姐是首位嘗試涼拌珍珠耳這道小食的，試後隨即眉頭緊皺，然後發出幾下嗆喉的咳嗽聲，她說調料中有日本芥末的味道，我們均表詫異。一試後，木耳爽勁十足，除溫和的酸醋外，底蘊確是帶著微薄的日本芥末，也許工人姐姐一時不適

今日在黃埔完成教琴任務, 在附近找個地方跟飯伴飲茶, 便走到陶源酒家去了。我們2人叫了6個點心。XO醬銀芽炒腸粉 - @$48, 以這個價格我們覺得份量少了一點, 但XO醬味道算突出, 而且腸粉幾滑身, 味道是不錯的。奶皇包 - 它沒有標榜自己是流心的奶皇包, 但是一打開中間算是'半流心'的狀態, 而且上檯後再過了一會兒我才吃它的時候, 內餡依然熱辣辣的! 感覺應該是即叫即蒸的。奶皇餡料味道夠香夠滑, 好味道!荀尖原隻鮮蝦餃 - 蝦餃的皮沒有被蒸太久而變得乾身, 入面鮮蝦餡料足, 滿好吃的。蘿蔔千層酥 - 外層的千層酥夠酥皮和鬆脆, 入面的蘿蔔餡亦夠熱辣辣和帶有一點的蘿蔔甜味。叉燒腸粉 - 腸粉皮夠滑, 可惜不夠香。叉燒亦比較乾身, 不夠肥美, 比例一般的點心。燒賣 - 飯伴說吃得到有菇味覺得不錯, 但我就不太吃到冬菇的味道了, 不過在燒賣的底部有一隻大大的蝦, 算是足料吧!

呢间嘢水準好高好食過D酒店, 什至利X但係份量好細, 平时5個人, 10個點心都够但係而家11個加埋湯至ok...因为我嗜辣嘅關系, 食點心鐘意加辣但係呢间, 我願意唔加去試真D味蝦餃ok, 皮薄餡靚, 彈牙非常帶子餃皮薄餡靚, 但係有芫茜架仲有有咬口嘅什菜粒鴛鴦奶油包皮薄餡靚, D奶油真係好滑, 個包又鬆軟又薄食完第一啖已经好大聲講:'好味呀!'响螺湯甜美到爆响螺又靚, 又甜, 又有咬口脆蝦腸脆, 唔油腸粉 - 滑叉燒包皮薄餡靚 - 個餡嘅酱very juicy, 唔會杰鮑魚燒賣唔多like, 得两隻, 點解冇正常燒賣食?點解一定要加两隻鮑魚整到貴哂?都冇人吼, 推嚟推去! 唔會encore!布拉腸粉唔單止滑, 忡要有咬口, 再加有少少see-through如果多D sauce 同個sauce 冇咁杰, 成個就perfect!!!豆苗餃皮薄餡靚, 個皮真係入口即溶開心到爆乳鸽唔會燶, 亦冇乜油肉質嫩滑, very like涼拌本耳very good, 本耳嫩+彈牙有少少Wasabi味very special dish日式燒茄子我都唔明點解會唔油D粉劲薄Service very goo

第二次黎食飯，兩次都係公司既 annual dinner。出品、環境同服務都滿意，中上級酒家。八點幾差不多八點半喇，仲未開飯，枱面依然空空如也，想餓死人咩 ﹗好采今日醒目 lunch 去食碗麵啫，最初仲諗住留肚食餐勁添 ﹗今晚食飯唔想飲酒，次次飲到飽晒好鬼蝕，食唔到野囉 ﹗嘆吓鐵觀音，打吓機、睇吓電視，爽爆 ﹗公司包左間房食飯，christmas 連埋 annaul 一齊食，慳返唔少 ﹗有年直頭留係公自食垃圾到會自助餐添啦，依家仲可以出黎食咪算偷笑囉 ﹗但抽奬都已經 cut 左幾年喇，唉。依家七點幾，唔計我就只有十二位同事到場竹戰，其他人有排都未到。 麻雀戰況激烈 ﹗鬼哭神嚎 ﹗慘無人道 ﹗特約戰地記者曉奧報導。嘩嘩嘩 ﹗頭盤黎喇，花生一大兜加瑤柱 XO 醬，我一向最憎食花生，但勁肚餓，唔理咁多，咩都放啲落口先啦。本來全晚都唔想飲，我淨係想食野乍，但老闆叫到，點都要比下面飲幾杯啦 ﹗飲醒 ﹗ 叉燒，有點普通，不過不失。燻蹄，淡淡咸香不太濃，質地棉棉不鞋口，滿意。煙鴨胸，難得做到皮脆肉香，軟棉得黎有趙口，好食。 海蜇，好爽脆，好耐無食到咁靚架喇。拍青瓜，小小豉油配小小蒜蓉，好清新既味道。

中秋節翌日，一家四口o黎黃埔陶源飲茶。好在訂o左位，唔係又要等好耐啦。12點半的訂位12:45前入坐，還好~只係洗完杯碟叫o左3次都冇人俾個洗碗兜我，激鬼氣成家人放哂d裝滿水0既碗o係枱中間牛咁眼望住d碗，終於有人拎起d碗幫我地倒水。再黎就係d開胃花生個兜仔有大撻0既不知名醬汁墊住… >.< 算了，叫野食~我最鍾意食芋角，呢度0既芋角係我食過最難食0既!硬到不得之了! 有一個硬殼，殼入面係冇芋頭0家，亦都冇芋角應有0既味道。俾個喊佢!然後大盤子的一角出現那小小的春風得意脆蝦腸亦令我覺得自己今餐要比平時叫多幾樣野先夠飽… 什菌魚肚扎也很普通。我諗呢度咩都叫有鮑汁0既點心就得o勒~叉燒包同鮑汁鳳爪都好味~因為點心又貴又吃不飽，再叫多個蝦籽山珍銀絲煲。蝦籽係有，粉絲都有，山珍係咩呢? 我只係食到好多肉粒囉…結論係:服務不好，食物通常只有佢推薦0家先好食，咁0既價錢我有更加好0既選擇。

今日妹妹的朋友相約飲茶,其實她是妹妹的小學同學,也是我們的舊街坊,原本是她媽媽提議的,可惜她今日突然有事去了澳門,不過我們如期赴約.這裡的點心好多都好精美,而且有些名字也改得特別好聽,不過食完都忘記晒,今日主要由妹夫點叫.陶源鮑汁叉燒包~~固然是用鮑汁做餡料,食落帶些鮮甜味,幾好蝦餃~~蝦都幾爽口豬肚燒賣~~賣相幾好,可惜無食到,因為只叫一籠,想再叫時已無得落單了小籠包~~超多汁好味白芍菜心~~有些老,不是太鮮嫩叉燒腸~~唔夠熱,麻麻地馬拉糕~~用了黑糖,所以味道有些怪怪地,妹妹好像不太喜歡姬松茸遼參翠果~~聽個名好矜貴,食落一樣有驚喜,好味道焗燒餅~~餡料調味恰當,熱辣辣好好味鴛鴦奶黃包~~外形好吸引,包身軟熟,奶黃清甜蜂巢脆芋盒~~唔夠酥脆,但餡料味道唔錯鳳爪~~鳳爪好入味,好有嚼勁珍珠雞~~一般般以上的點心大比數都好味道,有機會可以再來.妹妹的朋友一早話她請客,謝謝!下次再約伯母,到時就到我們作東啦!

公司第二年黎依度搞 annual dinner，貪依度夠實惠經濟，上年擺六圍有房坐，但今年訂唔到房要坐大廳啊 ~燒乳豬，睇個名諗到頭爆都唔知係咩，叫堂弄萬泉奶豬，淨係諗到係乳豬，但點堂弄法呢？咩叫萬泉呀？點解係奶豬呢？未戎奶？定係用奶浸過呢？個師父叫萬泉？幾時開始乳豬變奶豬架，係咪大陸傳落黎。乳豬件皮脆肉嫰，又不太肥，肉味濃且帶咸香，好味。豬腳仔又香又脆又嚥靭，正呀。玫瑰雪影蝦球，最初仲諗係西施蝦，即蛋白芡炒蝦，原來只係沙拉蝦，蝦用粉漿炸過再用沙律醬兜混。唔太喜歡，粉多汁多，好鬼漏又滯。珍菌珊瑚蚌仁，麻麻地，平時去酒樓晚飯好過佢百倍，全無鑊氣可言，暖暖地，我仲食到有啲桂花蚌係凍架。珊瑚蚌還可以，鮮味爽口，但桂花蚌好碎，睇吓張相。唔多覺有啲咩珍菌囉，有幾片木耳咁大把，無其他。我唔食西芹既，但同事話有渣喎。發財多子柱甫，即係發菜、炸蒜子、乾瑤柱爬豆苗。我最鍾意既一味菜，好味。但近年啲豆苗越黎越差，去邊度食都好，就算自己買返屋企煮，都係太大棵，唔夠嫰口，口感硬實。瑤柱同發菜都香腍美味，非常滿意。宮廷雞煲翅，最平價雞煲翅，高湯足料，可接受。清蒸海星斑，每次目標都係對好肥美既面珠燈，今次跟同事一

很久沒有周日陪老媽子老豆飲茶了, 連放兩天假還是要盡盡孝心, 老媽子一聽全家去陶源酒家聚餐就開心得早早去排隊等位了, 果然大半小時後打來叫有位過去時陶源門口己聚集晒很多等位的, 黃埔花園的消費力確實很强, 越貴越多人. 我們五個大人兩個小孩點了個皇牌超值四人套餐, 再加了個鮑汁鳳爪, 三個甜品, 陶源出品確實名不虛傳…….老火湯係土伏靈牛大力煲龍骨, 可以裝六碗, 入口老媽子都贊煲得夠火喉, 喝得出真材實料, 落足料用瓦罐煲出來的味道和坊間確實不同, 而且飲後沒有口渴的感覺應該是沒落味精的, 贊!一哥叉燒拼盤有叉燒、排骨、鴨肉、海蜇, 雖然鴨肉及海蜇很一般, 但叉燒瘦中帶肥, 同排骨燒得剛見一點點焦, 吃落不但香味扑鼻而且不硬無楂咬嚼起來又軟又有點蜜汁, 回味無窮啊三個點心: 鮑魚干蒸燒賣、煎臘味蘿蔔糕、牛柳腸粉 都很有水準, 其中最推介的是蘿蔔糕, 連我最嘴刁的妹妹也贊不絶口, 一般酒樓的蘿蔔糕都煎得硬硬的而且吃落像舊粉, 這家的蘿蔔糕看不到一條條蘿蔔絲, 但咬落軟嫩又吃得出絲絲蘿蔔絲的味道, 鼻子聞到點臘味但又看不到有臘腸或臘肉在上面, 棒!蟲草花炒雙蚌: 香芹、蟲草花、雙蚌、木耳

今日約咗家姐一家一齊食飯，之前一直想來試下黃埔呢間陶源，上Openrice睇到九龍城陶源嘅食評咁差，都有少少驚今餐會食到好勞氣！黄浦陶源系隻船上，感覺又幾過癮喎，門口重有個大平臺可以出去吹吹風添，上到陶源，見到好多人系道等位，好彩我地預先訂咗位，等咗兩分鐘就有位。雖然生意好旺，但我地一坐底就有好多人來招呼，有個應該係經理來嘅女士來問我地想食尐咩嘢，我問佢有咩好介紹，佢開玩笑話，如果佢介紹就係燕翅鮑架啦，跟住呢位經理介紹咗個套餐畀我地，話好抵食，叫我地加尐點心就好夠食架啦。睇食評好多人話陶源成日侷人食貴嘢，親身來睇過，其實並唔係咁樣，反而我覺得陶源嘅服務人員好nice，果位經理重好幽默添生意咁旺，重以為有排等先有嘢食，估唔到話咁快就上第一個菜式上來，睇來呢道廚房嘅效率好高喎，我最怕去到果尐無論生意旺唔旺，都要等成個鐘先有嘢拎畀客人食嘅食店，真係等都等到成肚氣，重邊食得落吖！首先上來嘅，鮑汁玉子豆腐：玉子豆腐稍微過咗一下油，食起來口感更香滑，最值得一讚的，就係個鮑魚汁，好香，真係好香！係我咁耐以來食過最好味的鮑魚汁，再加上菇粒和瑤柱肉一齊勾芡，簡單的玉子豆腐做主料，配上矜貴的鮑魚汁和配料，

上個星期奶奶生日飯係黃埔陶源食 一向係美孚食開晏對呢間酒樓有信心 因為係姑奶訂既我地唔知有乜食 原來係一圍商務套餐但郤令人大失所望首先係先來二jar唔多人受落既飲品~圓肉杞子羅漢果茶 跟著便是$4千幾銀一圍食既素鵝~ 很油 然後是"馬崗路尼汁乳龍蝦"~ 成隻炸, 無疑係好惹味, 但啲鮮味都炸哂, 分分鍾都唔知新唔新鮮 ?! 最攪嘢係呢味"翡翠素池艷影"~ 其實係起骨東星魚燉蛋白, 好似用魚塊蒸蛋白咁 ! 條魚腥味好重 ! 個翅係勁濃, 但並不代表佢好飲播, 每人得個半碗,真係濃啊! 飲完好口渴 最後個甜品燕窩糕變成什麼香芋凍 幾千銀一個套餐連佢地最出名既荷葉飯都無 ! 好唔掂 ! 但!!! 唯一要讚係, 啲房有卡啦ok, 而且仲係電腦選曲, 幾好, 啲歌又新 ! 因為奶奶生日所以佢啲仔女夾份, 每人$1500

星期日已經十一點半到, 都要成半個鍾頭等位, 這間應該是全區最貴的酒樓, 門口招呼的女員工, 美貌欠奉, 但十分有禮與客氣 水準合格, 基本上與酒樓的格局相稱, 無奈, 幫襯的客人則水準十分低, 在半小時內見到三四個客人發老皮, 其中一位中年女士一來到就不斷問幾時有位.幾時有位.. 真係.係到不斷咁問, 都已經比左張"號碼飛"你啦. 阿嬸, 重要死唔斷氣咁, 係個櫃台前不斷地說, 咁耐架.. 幾時有呀.., 最後重自己走入去死梗霸左張四人台, 好在有位經理叫翻佢出嚟, 排佢前面果個打交都似, 講完的無質素的香港人, 講翻的食物, 兩個人叫了三個點心加一碟炒飯, 香蒜牛松炒飯好大碟, 我覺得好好味, 夠干身, 香蒜灑飯面, 一口氣食左三碗, 另外點心, 蝦餃皮不太厚又不太薄, 蝦肉彈牙不太實, 剛好,

果日食左一餐好豐富既早茶...由於成日返工既關係...都無咩機會可以去飲下茶...開茶果陣我問佢有咩揀...佢問返我...想飲綠茶定紅茶...之後數左好多種茶比我揀...多到我都唔記得佢up左d咩...^^雖然我不嬲都飲開壽眉...不過黎到高級食府...都想知道佢有幾體貼客人既需要...話明飲茶...除左食物之外...杯茶好唔好飲都好重要...今日有一張黃色既特價紙...比起兩個月前既果張特價紙多左5-6款...價錢$7.8-9.8..我地都叫左好多野食...鳳爪排骨飯: ok既...d排骨好入味...蝦餃: 好味...上次黎無食...因為無特價...第一次食蝦餃入面有汁...足料2隻蝦...唔同出面果d...出面果d除左少蝦之外...仲會夾雜埋一d肥豬肉...蓮藕餅: 呢個好味...上次已經有食到...入面有d粟米同少量馬蹄...爽爽地...牛肉球: 又係好食...不過始終食牛肉球都驚佢入面加左好多肥豬肉..帶子腸粉: 基本上唔落豉油會食到d帶子既甜味...落左豉油都ok既...唔錯豬腳疆: 其實我唔係咁鐘意食...不過mummy 話好食...咪食左一隻...唔識欣賞...價錢係比

作為陶源(黃埔)嘅熟客, 因為就腳同d野好食, 都成日去同幾欣賞. d service都ok不過都想同各位講聲, 佢個燒腩仔真係唔係咁好食, 其他點心都好好, 但以$78嘅價錢食佢果幾舊又唔脆又鬆散嘅豬肉(我試過幾次都係一樣), 真係唔太低, $都事少, 係寜願用d$食佢其他點心好過......