雄記美食

营业中

休息中

𝚆𝚊𝚗 𝙲𝚑𝚊𝚒 | 𝙲𝚑𝚊 𝙲𝚑𝚊𝚊𝚗 𝚃𝚎𝚗𝚐🍳💛最高5分👇🏻味道：👅👅👅👅.5環境：👅👅👅👅價錢：👅👅👅👅回頭率：👅👅👅👅👅.有冇試過想食茶記但摸門釘？香港咁任性嘅茶餐廳唔多，雄記就係其中一間xd但佢的確有本錢可以咁任性，望下餐廳門口條龍就知🤣雄記其實係香港70幾年歷史茶餐廳強記個仔開嘅，同強記唔同，佢主打做牛雜～但食物嘅味道完全冇失禮爸爸，可以媲美蟬聯咗8年米芝連嘅強記🌟今次難得撞到佢有開門，我哋就試咗雄記嘅🍳雞蛋香煎蝦米腸粉（$24），腸粉嘅賣相十分吸精，煎得好靚，仲有少少燶邊。雞蛋呈現完美嘅金黃色，包住晒啲煙煙韌韌嘅腸粉，食落十分香口，蛋味香濃🥹醬料方面就自由落任加唔嬲😆個人認為雄記嘅煎蛋腸粉好食過有米芝蓮嘅強記，十分推介大家去食！另外想花多少少筆墨介紹下佢個環境，因為雄記令人有種置身舊香港嘅感覺📼有好多懷舊玩具嘅擺設🚂個勞力士大鐘認真搶眼🕰️朦面超人公仔（？）放滿成間舖咁濟😂如果你係Fans，就應該嚟朝下聖啦！其實雄記有最低消費每人$50，所以今次去仲有試熟食，不過又係冇影低🥹而呢度主打嘅牛雜都冇試，下次有機會再介紹！如果大家鍾意食茶記，就唔好Miss咗呢間🫶🏻.🧑‍🍳 雄

雄記美食，久仰大名，但係因為營業時間短（甚至飄忽😂），所以一直冇機會試。月頭要去灣仔搞文件，搞完搵嘢食，第一時間就自然諗起呢度。去到門口見到條人龍，猶豫咗兩秒，最後都係決定排，因為如果唔堅持，唔知幾時再有機會食。好彩唔使等好耐就有位。一睇 menu，二話不說就叫咗咖哩牛腩撈通再加支腐竹糖水。咖哩汁香濃，揀咗少辣，剛剛好，牛腩切成細細粒，容易掛汁，配又係容易掛汁嘅坑紋通粉食，滋味非常。腐竹糖水支裝上，幾特別，唔太甜，腐竹味都算濃，好飲。意猶未盡，想叫多份雞蛋煎蝦米腸粉，點知阿姐話冇得加單，可想而知呢度嘅客人流轉速率有幾快。唯有希望下次再嚟。

自從「雪雪」介紹過這裏後，便立即和太太過來試吓，一試便愛上了；可惜因時間關係，只能間唔中過來。😬店內放滿很多懷舊海報、玩具和古董電影椅，最近更加入這些木製學生桌子，很是有趣。😍這裏的煎腸粉加入大量蛋汁，把腸粉煎成一大餅，形成外脆內軟的口感，加上惹味的蝦米，確實好食。😋豬骨粥口感綿密有米香，加上豬骨內的精華已完全溶於粥內，老婆什是喜歡。😋新鮮熱辣的羊腩飯，食材非常豐富，羊肉炆得軟腍又入味，更完全沒有羊羶呋；加上「雪雪」腐乳汁，真係無得輸，一碗白飯又點夠我食呢！🍚#羊腩飯 $118#花生元貝皮蛋豬骨粥 $25#雞蛋香煎蝦米腸粉 $24#雄記美食地址: 灣仔克街6號廣生行大廈B座地下B2號舖電話: 37088715

🐑 一個人的羊腩飯🐱每年天氣特別凍嗰幾日都會特別想食羊腩！但係有時一個人又食唔晒一個羊腩煲，而且又好貴，返工意外發現呢一間原來好出名餐廳，佢哋有一人羊腩飯！！！正合我意！一個人食份量啱啱好！但係唔好睇小佢，佢真係有齊晒一個羊腩煲入面應該有嘅嘢，羊腩、冬菇、枝竹、筍都齊晒，而且仲炆得好好味，羊肉炆得好腍。雖然冇得一路滾下滾吓，但係能夠一個人都食到羊腩煲，送一碗白飯已經好開心滿足！📍 雄記美食 (灣仔)灣仔克街6號廣生行大廈B座地下B2號舖⚡️為食貓：😻😻😻😻😻⚡️氣氛貓：😹😹😹😹⚡️翻食貓：😸😸😸😸💡食物中吾出小道💡雄記美食算是一間小名人食店，不少藝人也會光顧及推介，但一位平民如我光顧，老闆及老闆娘仍然熱情招待，一個不出100元的牛腩飯，滿滿的羊腩和配菜，絕不欺場。老闆空閑時會到客人間了解食評，可見不停想將食物質素改良，實在難得。謙虛真誠的心果然時成功的第一步。

📌港島灣仔良心牛雜店🍜💛今次嚟到灣仔雄記牛雜 過咗午市時間 出面都仲有一條好長嘅人龍餐廳裝修風格係行懷舊港式style🤓舖頭有好多舊時嘅雜誌同海報 令人回味80 90年代嘅香港情懷🇭🇰今次食佢哋最出名嘅牛雜米😋佢哋嘅港式牛雜係家傳落嚟 同出面嘅味都有啲唔同😝佢哋嘅牛雜米裏面有牛腸牛肚牛蒡牛肺全部都係由老闆每日新鮮製造👍🏻牛雜雖然好多地方都有但係要特別一讚係佢哋清洗得好乾淨少少令人唔舒服嘅內臟味都無😙先講講個湯底 湯底比較濃牛味之餘唔會有好多油另外食得出有比較重嘅酒味 小妹就非常鍾意呢種味～牛腸喺出面非常少有 食得出非常新鮮牛肺好爽彈😆想特別一提就係蘿蔔 平時食牛雜都一定會食到蘿蔔 估唔到佢哋嘅蘿蔔係咁鮮甜 應該係我食過嘅蘿蔔裏面最鮮甜嘅😍餐廳除咗牛雜出名之外 佢哋嘅 腸粉 糯米飯 同埋其他餸菜都好出名 值得大家過嚟一試😎🍽️ 食物：🌕🌕🌕🌕🌑🥂 飲品：NA👩🏻‍🍳 環境：🌕🌕🌕🌕🌗💯CP值：🌕🌕🌕🌕🌑✅回頭率：🌕🌕🌕🌕🌗💰牛雜米 $55Overall: ⭐️⭐️⭐️⭐️ (out of ⭐️⭐️⭐️⭐️⭐️)📍 雄記美食 (灣仔)地址：灣仔克街6號廣生行大廈B座地下B2號舖Hashtags🔎#eatgoo

今天12時來，終於食到，之前三次4点左右來，巳關門！又話五時關，無奈！食物ok, 但粥偏鹹。此外，服務態度超串，問服務員粥可放幾耐，一個回答說：我吾知你放邊，另一個答吾放衣櫃便ok,我無反抗，但沒有下次。

又是慕名而來，平日1 點多來， 也有一條短人龍， 等了約10分鐘便可入座。牛雜粥$40潮州粥路線??不是我想像中的綿綿粥，而是碎米水。有不同的牛雜牛肺金錢肚牛膀牛腸， 偏肥皮蛋除了牛腸偏肥外，其他也正常， 不過不失，沒有很出色吧？粥的味道不會太鹹，牛雜也沒有鮮味。只是粥的口感與我想像有所落差。蝦米蛋煎腸粉$24不錯的選擇，不是說很好吃， 只是較特別有點蛋香芝麻香，腸粉也滑。雞蛋和腸粉煎得香脆。 友人點的車仔麵豬紅菜心蘿蔔牛肚米粉$62豬紅有腥味，蘿蔔有渣。味道一般。雖然未至於劣評，但性價比真的很低，未能理解此店被大推的原因。 

灣仔返工嘅手足無理由無食過🫢入去食嘢隻眼會好忙，因為太多懷舊玩具擺設，重點係呢個展覽會時不時換展品！我大概一個月食一兩次，食食下就會留意到某個角落嘅擺設唔同左😙👍🏼雞蛋香煎蝦米腸粉 $24每次黎到必叫， 一入門第一句通常就係問：「唔該重有無蛋腸粉？」因為通常兩三點就會賣曬。有啲似酒樓煎薄餅，唔太喊，蛋味好香，少脆嘅燶邊（蝦米都脆脆的），不過其實唔太食得出腸粉滑唔滑😂，但煙韌🤤高質花生元貝皮蛋豬骨粥 $25重豬骨香味，比普通粥舖嘅豬骨粥重味dd，加埋少少胡椒粉個咸嘅程度就啱啱好！料足！不過一碗份量唔多。咖喱牛腩撈粗(BB辣/小/中/大辣) $55唔食辣嘅我表示BB辣係完全唔辣，咖哩汁夠香夠多，味方面大概係似大家樂咖喱牛腩飯嘅咖喱，牛腩偏淋身。不錯！冬瓜鴨腿湯飯 $55份量十足，鴨肉唔算好嫩但有湯汁啖啖肉東瓜湯底清甜消暑，好啱夏天食嘅湯飯👍🏿腐竹雞蛋糖水 $10同蛋腸粉一樣係必叫，終於唔係日日凍檸茶！腐竹味唔假，蛋香味淡淡的，唔會太甜，夏天飲真係由頭爽到落腳趾甲！雖然座位少，都唔算寬敞，食物選擇唔多，但勝在價錢太合理(灣仔！旺區！)，食物唔錯又好有家的感覺。

【 家傳秘方。牛什】位於灣仔既呢間小店每日只開幾小時、 賣完就收鋪。任何時間去到都會見到一條長長既人龍。值得一提，整個用餐過程店員們都好有禮貌，包括座位安排，點餐，收錢。此外，店內環境乾淨，仲有一些懷舊玩具同埋擺設。❈ 咖喱牛腩撈麵 +牛筋 HK$55 + HK$15咖喱汁香濃有層次感兼帶，辣度可選擇大/中/小辣，牛腩切成粒狀，炆得好腍好入味，咖哩汁掛麵，帶點後勁。連配料薯仔都滿滿咖哩香。麵底可選油麵,米粉,河粉,粗/幼麵或淮山麵❈ 香煎雞蛋蝦米腸粉 HK$24必點招牌小食，蝦米腸粉香滑，剛好咬到蝦米時就更加鮮味，加蛋煎得恰到好處，焦脆又香口。❈ 芫茜餃 HK$50一碗有5粒大大粒飽滿度十足既芫茜餃，餡料豐富，湯底鮮甜，芫茜味道清新又不搶肉味。

雄記美食灣仔茗物，牛腩撈麵一流，用料上乘絕無隔夜，加上位置方便，堂食外賣均可，老闆兩夫妻合作無間，食物質素得以保證，確實可能好貴，可惜是不是經常營業，假日必然休息，如果想去嘅朋友一定要留意佢哋嘅social media，以免關門大吉！

📍雄記美食🧭灣仔克街6號廣生行大廈B座地下B2號舖💰人均消費: HKD66聽講好出名，走去買個外賣俾父皇食😂👎🏻咖哩牛腩撈粗麵$55𝑪𝒖𝒓𝒓𝒚 𝑩𝒆𝒆𝒇 𝑩𝒓𝒊𝒔𝒌𝒆𝒕 𝑳𝒐 𝑴𝒆𝒊𝒏個咖哩味道本來係唔錯，我揀咗中辣，但係食落係辣椒油嘅辣😅 個粗麵真心唔得，個口感好鞋好差！但牛腩碎到癲咗，最大舊都係半隻手指尾咁大，其他好似指甲咁細！個份量少到癲，個盒已經矮，下面仲放棵菜…🆗牛雜湯油麵$55𝑩𝒆𝒆𝒇 𝑶𝒇𝒇𝒂𝒍 𝒀𝒆𝒍𝒍𝒐𝒘 𝑵𝒐𝒐𝒅𝒍𝒆𝒔牛雜好少少，正常牛肺金錢肚等等都有，牛雜係夠入味嘅，油麵都正常！但個湯好稀，唔夠香濃，份量都唔多👎🏻牛筋腩河粉$55𝑩𝒆𝒆𝒇 𝑩𝒓𝒊𝒔𝒌𝒆𝒕 𝒂𝒏𝒅 𝑻𝒆𝒏𝒅𝒐𝒏 𝑹𝒊𝒄𝒆 𝑵𝒐𝒐𝒅𝒍𝒆𝒔牛筋腩河都唔得！ 牛腩叫大舊少少但得兩舊，筋係冇，因為佢俾嘅筋位係連膜，韌到咬唔開！ 個河粉直頭碎到夾唔到！⭐️雞蛋香煎蝦米腸粉$24𝑫𝒓𝒊𝒆𝒅 𝑺𝒉𝒓𝒊𝒎𝒑 𝑹𝒊𝒄𝒆 𝑹𝒐𝒍𝒍𝒔 𝒘𝒊𝒕𝒉 𝑬𝒈𝒈最正常係依個，蝦米腸個蝦米香就唔算（都唔覺食到）但勝在煎得好香，你當佢雞蛋煎布拉腸咁😂坦白講我冇期待佢特別好食，但亦冇諗過咁！食得出牛腩同牛雜係唔錯，但牛腩實在太碎！而且粉麵

星期六下午經過，特登入黎試下😄叫左🥢「牛什撈粗麵」牛什係新鮮， 但份量應唔夠一個男士當午餐，因得一住麵，3啖食哂😛🥢咖喱牛腩河好離譜， 牛腩小又細， 差d都搵唔到一件， 細細粒既薯仔仲多🥲最大鑊係好油， 好難食🥢雞蛋煎蝦米腸粉基乎每張枱都有人叫， 呢碟係好食既， 香滑腸粉配雞蛋🥄（馬來西亞）喳咋正常， 呢配反而多料， 但味道都係普通😅🥤 薏米水淡淡地， 無咩特別～埋單$179， 一d都唔平，但野食麻麻地～ waiters 做野爽快，落單一陣已有野食。

#MyFatDiary灣仔#MyFatDiary粉麵.今日嚟到呢間出名食牛什嘅小店，我12點幾嚟到都等咗大概15分鐘，睇嚟真係幾有人氣！😛.#良心小店系列💛牛什麵 + 蘿蔔 ($55+$12) 🐮🍜✨呢度係用上新鮮牛什，係香港比較少見~✨所有部位都洗得好乾淨，食落無內臟嘅臭味~牛肚食落比出面嘅更彈牙，牛肺都比較鮮味，牛腸乾淨又唔會肥，整體真係好滿意！🥰✨淮山麵都係第一次食，幼身帶彈性，可以吸晒湯頭嘅鮮味，同個湯底真係好夾~✨蘿蔔有4舊，食落無渣又煮得軟硬適中，味道帶甜🥰腐竹糖水 ($10) 🥤✨第一眼睇以為係豆漿，味道無出面d腐竹糖水咁甜，但都有腐竹嘅香味，好飲！😋.俾錢嗰時見佢哋同每個客人都會講多謝晒，服務真係親切🫶🏻見好多人都有叫煎腸粉同牛什粥，下次真係要嚟試試佢！😽.📍雄記美食灣仔克街6號廣生行大廈B座地下B2號舖.#hkfoodie #hkfood #hkig #yellowshop#香港美食 #灣仔美食 #牛什麵 #黃店

次次想嚟食都摸門釘，所以真係要留意住佢IG，佢會更新自己放假同營業時間。今日1:30pm尖沙咀落堂即刻趕嚟，等咗前面兩枱就有位，10分鐘都唔洗，好彩一早諗好想食咩，因為接着我之後落order嘅人，都分別聽到冇豬紅、糯米飯同河粉。今次叫咗兩樣樣嘢，分別係：#雜錦糯米飯 🍚$70一嚟到就香噴噴，咁啱今朝得10度，食佢就啱曬，「暖粒粒」！好足料，有好多臘腸片同膶腸片，面頭仲有粒大冬菇同均勻佈滿飯面嘅葱花，糯米嘅黏稠但又唔會痴埋一舊，呢種口感無得頂，加上呢個年代要搵「糯米飯」食已經唔易，值得嚟食！#雞蛋香煎蝦米腸粉 $24見好多人推介，仲大家再用甜醬係上面唧唔同圖案，我都唧返個字先🤭！點知一用筷子夾開已經好有驚喜，原來佢唔止好似有塊煎蛋咁包住啲腸粉，仲夾開入面有蛋汁流出嚟，唔洗點甜醬都好味，因為有蛋汁當醬汁！

一間長期有人龍的小店，在午飯時間，無論堂食或外賣，都有好多附近上班族幫襯。這天轉程來吃，排隊排了接近半小時才有位。點了出名的咖喱牛腩撈粗麵，選了小辣，咖喱味好濃好香，牛腩同蘿蔔份量多，吃得很滿足。午市可以優惠價$10加凍腐竹糖水（用杯上），腐竹味好香好濃，感覺很足料，食完濃味的咖喱再飲，好解渴。小店除了食物出眾之外，其佈置亦非常有心思，牆上掛滿電影海報、唱片封面、收藏機械人等，凸顯老闆所屬的年代。