雅苑座

26/12六點半黎食，佢三樓冇位，同我地講要落二樓J’s bar度食，拎野食要行上行落都算。跟住個staff帶我地落二樓，一入門口有西裝女問我地姓咩，然後大大聲話我地冇booking？明明就三樓經理帶我地落黎，咁你同我地講冇booking咁即係咩意思？姐係話我地運吉呀？一黎啲態度已經西西地，都由佢，坐低左照食野，啲野食都ok幾好食，心情都愉快。食到八點鬆啲佢收錢，收完錢我地上三樓拎啲甜品糖水食，個二樓女經理打黎話我地漏低左袋野，我話我未走仲係三樓拎緊甜品，落番黎已經清晒枱面啲野，之後好似趕收工咁，係咁過黎收野。雖然二樓同三樓唔同部門姐，但係都唔洗咁對客人嘛？野食係好食，但服務態度就真係有待改善囉！

呢間既自助餐好多種類 但美中不足既係冇生蠔 所以平時自助餐中意瘋狂食生蠔既朋友就未必滿足 但唔好生蠔或者唔一定要食生蠔既朋友 呢間一定岩你！呢度環境都好舒服 有live band唱歌 一開始會派每人一張greenery 換領卷 去換個期既精選 今期係甲羅意大利飯~即刻出去拎返個 個賣相第一眼睇落冇咩特別 但食落有好多蟹膏同三文魚籽 好鮮甜！夾埋啲蟹柳一齊食就冇咁膩 蟹蚶同意大利飯就正常啦！其他款式既都好多 壽司個度有個大蟹棒！冷盤個度有龍蝦 麵包蟹 蟹蚶等等 全部都好鮮同啲肉好足 唔會話得個空殼💁🏻‍♀️佢既中湯都好好味！好足料 我都飲左幾碗！💁🏻‍♀️海南雞飯雖然好多人推介 但我就唔太識欣賞佢有幾特別啦💁🏻‍♀️突然之間 食到差不多就有人鈴鈴鈴咁 之後好多人就去排隊 我地當然都唔執輸啦！原來係排拿破輪 又係出名既一個甜品 呢個真係好好食 一定要排！佢係即場每人分一件仔既 但都已經好足夠！佢個酥皮好鬆脆 再配埋唔會太甜又凍凍地既custard 加埋新鮮生果 好夾！一定要試！但真係唔會食到好多🙈佢既其他甜品就冇咁特別啦 蝴蝶酥都有好多人會買一兩盒走既 大家可以試左先 我地成枱就覺得冇好值得買走

媽媽的生日大餐選在帝苑吃自助餐，來到12月，餐廳裝飾非常的漂亮，而且餐廳設有鋼琴區，席間有專人演奏，自彈自唱，氣氛滿滿。正常自助餐該有的都有了, 沙律區, 壽司區, 海鮮區, 熟食區, 粉面區, 燒臘區, 甜品區。其中甜品區有帝苑餅店最出名的蝴蝶酥, 還有原味和綠茶味可選!海鮮區長期人多, 沒能拍照, 基本陣容有龍蝦, 長腳蟹, 麵包蟹, 翡翠螺, 青口, 凍蝦。海鮮款款鮮甜, 但美中不足的是龍蝦大約在8點半的時候就已經沒有再refill了, 只剩幾個可憐的龍蝦鉗孤零零地撐場面, 只能說慶幸我們來得早吃得好了。最近酒店在做"蟹"主題, 每位會送贈一份甲羅燒。還有大約9點出現的需要排隊拿的today's special甜品。Openrice優惠券每日頭100位訂位有7.5折, 恆生/匯豐信用卡8折, 平日用餐埋單大約每位500多一點連加一, 都算抵食的自助餐了。

母親在9月份生日，不知為什麼，她對自助餐總有種情意結，其他中式、西式等等的她都喜歡，但她最喜歡的終究是自助餐，也許是因為以一個價錢能夠吃盡港式、日式、西式等等的菜式吧。在香港，有不少酒店都有自助餐，但吃過的又嫌沒有新鮮感，沒吃過的又怕「中伏」，最終想了想，還是選擇了自己光顧過的雅苑座，上次去已是三至四年前的事，但並沒有忘記對它的印象。雅苑座應該是我在香港最喜歡的酒店環境中的頭三位。它在帝苑酒店的3樓，電梯一上去已是冠冕堂皇的氣派，卻又不會太奢華，有一個噴水池，而且有一些樹木做擺設，也能看見大螢幕(原來每一晚都會有駐場歌手表演，大螢幕是供不能在近處看見歌手的客人能夠在大螢幕上看見她)。餐廳位置大致分為三個部份：靠近自助餐區、大堂正中心近噴水池以及靠牆的部份，我和母親被安排在靠場的部份，其實我挺喜歡那個位置，安安靜靜的，而且不會被人打擾。龍蝦和蟹腳在自助餐當中必定是最受歡迎的冷盤。我的母親表示，並不是每一間酒店的自助餐也有任吃的龍蝦，最差劣的情況是要跟別人「搶」，即是廣東話所說的「手快有手慢冇」，而在這裏則完全不用擔心這個問題，因為龍蝦根本是十分多，蟹腳也是。不多說其他的熟食，唯獨是這個西

今天男友外甥生日，邀請我一同去食自助餐興祝，好耐冇食過帝苑，準時6:30去到，嘩，都幾多人，D枱擺得密密的，不過環境舒服，而且有人現場表演唱歌，氣氛好好，我們坐得非常近食物枱，非常方便，當然先試一試冷盤，有凍龍蝦，松葉蟹腳，蝦，蜆，面包蟹，但可惜質素一般，比較瘦冇乜肉，叫做試吓算了，再行一圈先，食物總類凡多，中式燒味、羊腩煲、煲仔飯，日式串燒，刺身、泰式炒蟹，烚海鲜、西式焗羊架保雲酥，各式沙律、忌廉白汁青囗，蟹肉松露酥，燒牛肉扒，而且每位有一客味噌甲羅燒盛松葉蟹膏配意大利飯加一隻鮑魚，當然仲有豐富的甜品啦，熱盤質素比冷盤出色，蟹肉松露酥，啖啖松露香，焗羊架保雲酥，羊肉鮮嫩，但羊腩煲更加好食，味噌甲羅盛偏咸，反而意大利飯好食。8:25開始有人排隊，原來是取雑果拿破輪，當然要排一排啦，酥皮硬左D，老實自Tony wong走後，甜品真的退步了。

因為openrice coupons 有6折，所以兩大一長者一小童去試下。我覺得長腳蟹同蝴蝶酥比較好食外，其他都一般。刺身壽司不用排隊，但一時半左右甜品部反而要排。2時左右開始冇乜refill,不過以六折去食都抵

今秋最能俘虜饕客的胃及心的，自然是橫行霸道的蟹隻；特別是日本松葉蟹，蟹肉肥美爽口、蟹膏甘香鮮甜，提起也會口水流！尖沙咀帝苑酒店 The Greenery 特別推出「蟹味無窮之十道風味自助晚餐」，提供了一系列松葉蟹、蟹粉及更多蟹菜式，蟹迷不能錯過啊～  優美環境加上悠揚現場演唱的環境下，這個由即日至12月13日提供的自助晚餐，週一至四成人$608／小童$478；週五至日、假期或前夕成人$688／小童$518，OpenRice 有低至七折優惠；精明師奶如我選了週四到訪，折後$500每人有找，以其陣容及質素十分抵食！ 首先是內容豐富有青瓜、甘筍絲、車厘茄、雜菜沙律、麵包粒、芝士粉、香蕉乾片、黃梅乾、合桃、煙肉、紅椰菜、羅馬生菜、龍鬚菜、紅葉菜的自助沙律吧；又有 Camembert、Emmental、Boursin、克力架餅乾、香蔥薄餅、蜜糖、海鹽包、欖油、意大利黑醋、芝麻包、香蘭葉軟包、新鮮硬包、Grissini 的芝士麵包區。 同區又有莎樂美腸、意大利風乾火腿、蜜瓜，加上現成的紅菜頭沙律、南瓜沙律、鮮果蝦沙律、海鮮凍派、泰式鳳爪、日式麻醬番茄沙律，以及千島汁、香草油醋汁、凱撒沙律汁、紅菜

因為有一位朋友係🦀痴，所以就約埋幾位朋友去試下。佢除左甜品之外，咩都有🦀，中意食🦀嘅人黎講，係開心嘅，特別係🦀糕加意大利飯，仲有🦀腳，麵包🦀，🦀糕窩巴，胡椒🦀，等等。。。但我同另一位朋友就覺得食材係普通貨。不過都有d野OK既，包括花旗參雞湯，長🦀柳壽司同綠茶味蝴蝶酥。因為有Open Rice7折coupon，折實每位$550，ok啦。另原味蝴蝶酥仲有半價優惠，即$94，抵。綠茶味蝴蝶酥係場地限定，冇得買架，記住一定要試下。

2018年10月29日。晴。尖沙咀。呢日朋友升職，好豪氣請食帝苑自助餐😋臨近萬聖節，餐廳都佈置得好有氣氛餐廳入面掛咗好多個南瓜燈籠，應節又可愛現場仲有鋼琴手，自彈自唱，悅耳悠揚～食物方面，酒店水準依然，無令人失望！海鮮款式多，除咗蠔，應有盡有，龍蝦、蟹腳青口、蝦、蟹、蜆～～海鮮天堂～煮麵corner竟然仲有瀨尿蝦！熱食種類都唔少，有燒味～有海南雞飯！！仲有串燒，燒菠蘿超級好味！香甜多汁，欲罷不能壽司、刺身都好豐富，刺身除咗有三文魚吞拿魚之外，仲有油甘魚、𩶘魚同八爪魚款款都好新鮮、鮮甜～～壽司有超長蟹柳，正！食食下聽到搖鈴聲，未知發生咩事，已經見到一條人龍當然唔可以執輸，一於排埋一份！原來係特別嘅甜品：鮮果拿破崙排咗咁耐，果然值得！生果有士多啤梨、芒果、火龍果，全部都香甜多汁餅皮酥脆鬆化，中間嘅custard綿滑香濃，好好味啊～～～～～機會可一不可再，拿破崙只有兩個，分晒就無嚕～未食夠甜品嘅我當然要去再食！然後就見到呢個好專業嘅uncle，pancake、雪糕，佢一手包辦！Pancake有三個口味：原味、朱古力同抹茶餡料都有三款：紅豆、香蕉、忌廉點咗朱古力餅皮，香蕉餡再加多球冧酒提子雪糕

最近因為酒店有優惠，身邊有人生日都會想去食下！甜品出名好食！拿破崙蛋糕 🍰Haagen Dazs 雪糕！地點夠方便！生日有得送蛋糕，仲有人唱生日歌，氣氛很好👍🏻

再為老公慶祝生日，這次非正日，所以約上親友齊聚．帝苑是家庭聚會好去處 雖然環境有小小吵，但勝在服務不錯，期間我們家有一小孩哭鬧，餐廳職員立即拿糖來幫忙哄，又幫忙拿即晚的鮑魚特點，很有心！ 由熟食至甜品仍然保持水準，凍海鮮區最正的係有唔用醋可配搭，令到凍海鮮的味道更有層次，值得再去．

睇了網上介紹夏日各酒店的下午茶食Tea推介後，相約左幾位好朋友一齊來到帝苑酒店食 The Greenery X Tonymoly 系列的「綠茶水潤下午茶自助餐」，因為這個下午茶並不只食甜品為主，還有其他鹹食、刺身、沙律、麵食等等，而且係價錢相對比起其他酒店便宜，其性價比亦好高，原價為 $328/位再加一，只要印出Openrice Coupon 可享用有8折優惠，每人賣單約 $295 左右，而且酒店會按兩個人會送上一包Tonymoly禮品包，入面包括面膜3塊和爽膚水一支，所以絕對好值得一食。下午3:30 就自助餐就開始了，行了一圈其實都幾多野食，先夾了沙律，原來綠茶系列不只是甜品，有綠茶蘋果沙律、旁邊還有綠茶沙律醬可以選擇，第一次食到綠茶做的沙律，味道香濃，又唔會覺得唔夾。飲品方面，除左有奶茶咖啡，還有橙汁和菠蘿汁選擇。刺身方面，選擇並唔多，只有四款，我只愛食三文魚刺身，我當然要夾多D，三文魚刺身好新鮮肥美，難怪食完會再想食。熱食方面，有串燒、粉麵、點心，因為要留肚其他D好野，所以食了少少其他朋友所夾的熱食。這份迷你芝士漢堡相當唔錯，夾在中間的牛肉煎得好多汁。綠茶鬆餅和莧菜批，味道鬆軟濃

好耐無黎Royal Garden食過buffet，之前黎食過buffet覺得唔錯，所以趁生日黎食tea buffet慶祝。但今次真係大失水準，只有甜品ok之外，無咩好食 得好cheap嘅野（燒賣、炒麵等），魚生又唔新鮮，比起之前有煙三文魚等，依個價錢真係好唔值。最騎拿係餐飲都係自己整， 真係名副其實一個自助餐...真係好失望，未食過咁差嘅buffet ，以後都唔會再黎食buffet。Btw 之前問過唔洗用openrice coupon 都可以有8折，到埋單果陣又話要指定credit card先有8折。我都算la 最尾埋單只係計左85折我地... 依度d員工係未需要training 呢 亂咁講一時一樣

媽媽生日 同佢一齊黎食buffet未黎就知呢間野既蝴蝶酥好好食！果然不負期待脆卜卜又香口行左一圈 食物種類真係好多而且全部都唔錯 最好食既莫過於係長腳蟹一咬落去非常之鮮甜又多汁多肉啖啖肉呀簡直好味到一直係咁瘋狂刷 食左好幾碟上面既魚生都唔錯 同出面既壽司店有得揮而甜品我呢個tiramisu控就梗係拎左一大舊tiramisu啦雅苑座既tiramisu甜苦控制得好好 朱古力味非常出 蛋糕鬆軟鬆軟 絕對唔會膩！一場黎到梗係試埋其他甜品 都唔差總結黎講 蝴蝶酥 長腳蟹同tiramisu係必吃值得為左呢3樣既翻食

一間氣氛不錯的自助餐，坐在中空的大堂有彷彿讓人置身於庭園的感覺。自助餐已松露和海鮮做主題，兩樣都是我最愛食的。香煎鱸魚配黑松露汁和醬爆黑松露雞都十分有特色，總覺得任何菜式配上黑松露都會令到風味大增。黑松露龍蝦芝士意大利飯更是必食推介之一。意大利飯又大廚即叫即整，黑松露配上芝士就更加味道濃郁，可是飯粒太軟，有點咬口會好一點。 每一位客人都可以享用一客松露海鮮釀響螺。 響螺加入其他海鮮配合白汁，芝士和黑松露，真的鮮味十足。可惜只是響螺殼夠大 ，入面的海鮮並不足夠。 除了主食外，各式甜品也加入了黑松露的元素。例如黑松露焦糖燉蛋，和黑松露芝士蛋糕。餐廳的菜式款款都帶著濃濃的松露味，真的必試！