雅苑座

今天假期前,看見OpenRice有coupon可以有七五折,所以和太太和朋友4人去嘗試一下,準時六點半去到,已經有很多檯都有人坐下了,首先去行一周看看食物種類,發現都有很多選擇,基本上Buffet有的都有,好像凍海鮮有龍蝦,麵包蟹,海螺,長腳蟹,大蝦,基本上都好新鮮,而且refill速度都很快.刺身和壽司就一定唔小得,三文魚和吞拿魚都新鮮,厚度亦不錯.唯一彈的是蟹柳壽司,比爭先8蚊的蟹柳壽司還差,肉食方面有燒牛仔肉,燒羊肉,入口覺得都十分香嫩,其餘熱葷都很有水準,至於甜品和水果更是必食之選,個人覺得最差的反而是限量附送的蟹蓋,除了腥味,我什麼味都吃不到,不吃都不是損失,留返來吃甜品好過...

琴晚(5月5號)同屋企人一齊去左食自助晚餐一行8人 book枱要先落計 每人$100其實未去之前都好擔心因為聽聞佢overbook得好勁訂枱的職員好坦白同我地講嗰晚要預咗好迫人好混亂因為係慶祝母親節嘅關係所以未去之前都好忐忑自助晚餐星期五六日6:30開始食到9:45先頭部隊5:40就去到入左去行個圈 心諗大鑊 攞野食個度禁細 陣間有排排有排逼6:20就安排我哋入咗因為之前book位有同佢地講有老人家安排近攞嘢食嘅位置所以張枱好近攞凍海鮮嘅地方準時六點半開始大家都主攻龍蝦麵包蟹等等嘅凍海鮮搶嘢食嘅情況都幾嚴重凍海鮮款式都幾多龍蝦 好多隻都好多膏但係食落去無味嘅 要靠佢個辣辣地嘅sauce先至有返小小辣味 我食咗半隻就算都唔知啲人搶黎做咩蟹鉗 已經剝咗一半殻方便食但係同龍蝦一樣都係無味麵包蟹 如果好彩攞到蟹蓋都有少少膏如果攞到蟹腳蟹鉗都幾多肉 但係都係無味嘅一啲都唔鮮甜長腳蟹腳 都唔會過鹹嘅青口,螺,蜆,凍蝦無食到因為成個自助餐都算多嘢食所以試咗一次發現係無味之後凍海鮮就冇再食咁我就唔同大家搶去咗攞沙律同埋芝士沙律菜都係平時會有嘅番茄仔羅馬生菜等等咁預先撈好就好似有四五款有一款係海鮮凍糕又

一行十幾人去食夜晚自助餐，酒店入座安排混亂，到食物方面，半邊熟龍蝦好多人攞，跟本攞唔到，永遠只見個食物名牌，焗釀蟹蓋偏咸，長蟹腳冇味，刺身一般唔吸引，話有鴨肝變左大阪燒好多粉漿，食落全部都係粉漿整嘅，食唔到鴨肝，蒸大倉魚，好“鞋”，pancake紅豆餡，紅豆甜到食唔到，其他甜品算正常。好人多攞食物，枱又排得好密，地面又有凸起嘅位置，雖然地面有標示，但都容易絆倒。呢個可以有其他選擇，唔明點解咁多人食。

見有promotion便試下宵夜。10:15pm先開始的確有點遲，但十分值得。小女子一向有試開唔同宵夜buffet，包括大家讚不絕口的旺角朗豪酒店、九龍酒店。本來至愛九龍酒店那個，現在便已愛上Royal Garden這個。-(seafood)長腳蟹、clams、mussels都很鮮甜，大家都在搶，酒店也refill了不少次。-(hot food)Steak 剛五成熟! 好正! 也有炸豬手，但未能吃上，很快清光。-(noodles)竟然有laksa湯底，令人回味無窮。-(dessert)款式超多，女孩至愛，有cheesecake, chocolate cake, sesame / mango pudding etc.

人多，食物供應少，標榜海鮮為主題嘅自助餐，每次只係拎六隻龍蝦仲要單邊,但排嘅人就二十幾30人,根本冇可能可以攞到。另外就算攞到啲人繼續排隊喺度等，因為要攞更多龍蝦。其他食物方面白切雞都唔多隻，成晚都只係得雞胸肉，供應少之又少。總之酒店安排欠妥善，食客又猖狂又貪心。好恐怖嘅一次經歷！其實海鮮方面嘅選擇真係唔多，並冇酒店介紹嘅咁多，成件事就好似喺度欺騙食客，咁嘅價錢其實好多地方都食到龍眼啊或者其他海鮮。強烈建議千祈唔好試。

星期六同爸爸媽媽去食飯， 因為有長者價，所以有有好多老友記喺度。要讚嘅煲仔飯，好多老友記都好開心。其他海鮮蟹腳都好鮮味，海南雞飯保持水準。最鍾意車仔麵，因為豬皮蘿蔔都好有水準，唔似一般酒店得個甜字。熱盤烤肉一般，當然有我最喜歡嘅甜品pancake。星期六同爸爸媽媽食自助餐不失為一個好節目。

很愛雅苑座的特高樓底、招牌噴泉以及現場歌手演唱，最近新出了「海洋奇緣」海鮮自助晚餐，海鮮內容非常強勁、吸引力非凡，馬上又來重溫。  既然海鮮是今次主打，就先由凍海鮮櫃開始介紹吧！場內堆放整齊的波士頓龍蝦、去半殻龍蝦鉗（十分方便！）、法國麵包蟹、加拿大蟹腳等，固然誘人，另一邊的凍蝦、凍青口、凍蜆及鮮螺，但海鮮迷不要拚了全力去吃，因為還有不少精彩熱海鮮可選！ 之後是挪威煙三文魚，拌上辣根、水瓜柳，以及多款現成沙律，例如：龍蝦沙律、烤八爪魚茴香沙律、泰式鳳爪、日式薯仔沙律、蘋果紅菜頭沙律等，其中特別推介海鮮啫喱批，除了晶瑩好看，味道也相當鮮美可口！ 接著是新鮮粟米、羅馬生菜、紅葉菜、青瓜、車厘茄及雜菜等自助沙律吧，加上 Boursin、Edam Cheese 及 Camembert 等芝士區，區內還有香蔥薄餅、克力架及提子以供配搭。場內也有風乾火腿配哈密瓜，以及莎樂美腸等。 另一款坊間少見的美食是法式香草燒全羊，個子很大十分震撼；另一邊又有嫣紅粉嫩的燒牛肉，拌以烤雜菜 精心呈上，無論是羊迷牛魔，都會得到滿足。 雅苑座的熱盤質素向來都很好，而且也有不少海鮮選擇，例如：家常風味的豉油皇炒蝦

今日星期一晚8人生日會前往，到場時至發現無以往的燉湯，鵝肝，燒小牛柳，意粉，小檸檬水同橙汁，最後餐飲係自助，生牛肉塊多根，魚生都是一般，無帶子，甜品和雪糕可以一食，失望的自助餐

好友知我愛海鮮特意相約我到The Royal Garden 香港帝苑酒店的雅苑座 The Greenery 吃自助餐，昨夜真的魚、蝦、蟹共冶一爐，還不止喔還有豬、午、羊助興實在太豐富了，等車媽媽逐一為大家介紹一番吧！多年前曾到訪過雅苑座，一別數年感覺依舊動人，一室如空中花園翠綠養眼，生氣勃勃的流水噴泉洗滌心靈，現場美妙琴音和悅耳歌聲，令它比一般的自助餐環境更具吸引力！ 這夜餐廳的主題是*海洋奇緣大匯演自助晚餐*供應期至5月31日，星期一至四成人＄598/小童＄468，星期五至日分別多＄80/＄40，飲食網站更有優惠低至＄420便可嘆到這豐富海鮮盛宴！既然是海洋奇緣大匯演當然先介紹海中珍寶海鮮吧！這堆海鮮山真的叫人興奮，內有爆膏龍蝦、麵包蟹、龍蝦鉗、加拿大長蟹腳、凍蝦、凍青口、凍蜆及鮮螺，真係淨食凍海鮮都已夠滿足了！ 先看看沒那麼邪惡的沙律區！範圍不算大但也有不少選擇呢！ 新鮮粟米、羅馬生菜、紅葉菜、青瓜、車厘茄及雜菜，喜歡的弄碟凱撒沙律得，又或者車媽媽沙律亦得得咗！ 芝士有Boursin、Edam Cheese和我喜歡的Camembert， 還有香蔥薄餅、克力架仲有提子可配搭。風乾火

今次一家人過嚟食自助午餐，見到有六折所以試下，但食物種類一般，唔算多，甜品反而好食，食咗幾轉，侍應service 麻麻，叫咗幾次要熱水壺，佢地個個都點頭話會攞，最後都無拎嚟，令人失望。下次都未必會再嚟食啦!

這個自助餐，一向覺得好好食， 夠曬多款式， 有蟹蝦，甜品，壽司，刺身 ，菓汁，燒味又晤差，環境又一流， 員工服務好好， 撞啱有優惠， 唔算太貴， 值得 食得過， 同朋友聚會 好地方。

想食自助餐 突然記起有宵夜自助餐 就打左去訂位 發現原來有75折而家呢個時勢 係香港仲可以搵到1字頭就可以埋單既自助餐 真係難得一見入到座長腳蟹同蜆呢類頭盤都唔錯 幾鮮但係三文魚 就十分一般啦仲有大量既野食可以食 幾欣賞佢係粉麵檔整既蕃茄魚湯 真心幾好唔錯甜品都係一般酒店級既水準仲有個粥 可以自選好多料 同粉麵檔一樣 但係粥底就有少少偏淡啦重點推介佢個海南雞飯 重點唔係雞到 而係個飯到好食既海南雞飯 係需要一個靚既油飯 佢呢個油飯做到粒粒層次分明讚！！同埋呢到既服務都十分好 唔會收野收得好慢 都唔會太趕咁 影響個食野既情緒同氣氛咁既價錢真係物超所值！！！！！！！！！

Apr 7,2018 (Sat)今天食客不算多，取食物時不用怎樣排隊。刺身只有三款(三文魚，吞拿魚，𩶘魚)，味道一般。師傅切刺身的刀不鋒利，常藕斷絲連，妨礙服務速度，多人日子應有排排隊。壽司就有多幾款選擇。Salad 好味！串燒類有雞肉、粟米、煙肉腸，菠蘿等。炸雲吞爽脆。好少食這些粥粉麵類，熱騰騰的，好味道！Haagen-Dazs 有幾種口味！(咖啡、朱古力、雲呢拿、士多啤梨、芒果雪芭等)有七五折優惠，連加一每人$270

今天孖妹生日，家人決定吃自助餐，方便又舒適。餐廳屬中央廣場，感覺開揚舒服。外邊還有美女唱歌，輕鬆自在。餐桌闊落，服務員專業迅速，不愧為酒店質素。第一輪當然攻略冷盤，意料之外的驚喜。波士頓龍蝦蝦肉鮮甜彈牙，蝦膏佔據比例大，入口潤滑不腥，很不錯！魚生質感彈牙，口感肥美，整體還算可以。壽司還有鰻魚、灸三文魚，甜蝦等等。沙拉吧款式多，外觀也是新鮮幼嫩。紅菜頭蘋果沙津是我最愛，家里太難自己弄了。熱盤整體味道不懶，味道香濃，因人流較多，食物補充很快，保持新鮮。鵝肝是大家必搶食物，份量小巧但味道不錯。花膠鮑魚每人限取一份，鮑魚爽口彈牙入味。海南雞飯還可以。甜品有哈吉達斯雪糕，蛋糕等，整體不錯。平日以open rice優惠卷可以整單七或七五折，折後不貴，性價比高。

今日收工相約男友食宵夜buffet!!!!上網見有推介呢間餐廳，之前我都試過佢既晚餐，不過宵夜都係第一次試。原本第一次打去個職員話已經FULL!之後跟住個日再打多一次，有個男職員聽，就話有位，仲好溫馨提示我要係openrice print coupon有75折添。好窩心❤️❤️個buffet由10點3食到12點3。我地10點就去到。不過無乜人等，個10點2左右就可以入去坐啦。一入去行個圈先，食物都集中係中間，最入面就甜品同有海鮮位。勁正海鮮類：吾算吸引，好普通無特別，有長腳蟹，蝦，蜆，青口沙律🥗：普通生菜，粟米，車厘茄甘熱盤：有牛尾，肉骨茶，豆腐火腩，避風塘炒海鮮，菜心，燒味，海南雞飯。熱食其實吾算好特別好食既。但海南雞飯一定要試下，雞夠滑，略嫌個飯底好重香茅味，但好食！生滖粥：好多配料，梗有一樣岩你！我食左魚同土魷，粥好綿同香，好味！串燒：吾係即燒，係燒完拎出泥，我無試過，吾吸引，有牛，羊，雞肉，粟米，茄子🍆湯🥣：人參雞湯好好飲！味好濃，必試海鮮同面檔：海鮮好多選擇，重點好新鮮！瀨尿蝦一夾係識郁咖！仲有面，丸。菜類！自己夾，想食幾多夾幾多！有人幫你灼熟，可以要椰子雞湯同喇沙湯！正到不得了