雅苑座

Buffet都可以有鮑魚系列，緊係即刻去Greenery試一試啦!當中令我最深刻既鮑魚系列莫過於係鮑魚鍋粑，鍋粑既香脆度同大小都岩岩好，再配上鮑魚，成個感覺都好新鮮同特別，食完一舊諗著出去拎多舊都清空哂，睇黎大家都好鍾意呢個鮑魚鍋粑。其他鮑魚系列有鮑片花膠炆鴨掌，芡汁個味道掌握得幾好，唔會太咸，都相當入味同足料，不過想試下鮑魚煲仔飯果陣就已經比人拎哂上面果層既餸，所以如果可以融入落飯度就更加好！仲有每人限定一隻要用卷換既既酥皮焗鮑魚，入面隻鮑魚都幾大隻下，再加上酥皮，都係一個唔錯既配搭，可以將佢配落忌廉湯可能會好正！到我最鍾意既刺身同壽司，估唔到鮑魚同手卷都幾夾，平時食一d鮑魚既菜都會配上芥末同豉油，所以點果陣都冇違和感，再加上青瓜絲口感更豐富同清新。不過入面個加州卷個擺法幾奇怪，都唔知由邊度夾起，夾左一舊就驚毀左成個設計，但係入面既配料都非常十足。刺身更加唔洗講，不過果日既油甘魚刺身就唔太新鮮。聽過呢度既海南雞飯好出名，都試左一試，一定要趁熱食，咁樣先食到佢果個美味，完全唔需要配任何汁都好好味，個飯整得幾出色。佢附近既燒味味道都可以，不過食果陣就凍凍地，同埋燒鴨同叉燒可以強汁一d就好

返黎香港後一直心思思想食自助餐！咁啱！！帝苑竟然做緊六折優惠當然唔洗猶豫啦！6點半左右到餐廳，因為唔算多客加上係星期一的關係所以唔需要等候就可以入席啦！由於之前冇黎過食，第一印象係覺得環境/氣氛都唔錯,幾有FEEL!放低左啲野之後梗係即刻拎野食!!平時食自助餐第一件事就係睇佢有冇羊架同牛扒！！帝苑的肉眼扒食落唔算勁韌，因為唔算整得太過熟，應該係五六成熟左右既程度。所以算易入口，唔會有太多血水令人卻步，應該係大部分人都可以接受的程度黎！另外有三種醬汁配搭，燒汁/黑椒汁/芥辣，都係啲大路既醬汁！羊架！！！！掛住食唔記得影！一啲都唔膻，而且個人比較鍾意食帶有小小肥肉的羊架，當晚見到既羊架都好肥美！！而且好入味，或者係燜煮的方法較好所以唔覺得好膻！食完兩樣必食item後，就試左帝苑的燒味檔！其實種類都算廣泛，由中到西再到日式泰式都有！而且燒味種類都唔少！基本既叉燒，燒鵝，燒雞，燒肉。再黎連滷味都有提供！！豬大腸，豬耳紅腸等等！聽朋友講，帝苑的海南雞飯好出名，咁梗係要試！嗯，唔知當晚係咪有少少失水準，雖然雞肉都算係嫩滑，但係冇咩味，飯亦唔算太香，冇咩想再食的衝動。食曬呢啲野我先發現頭盤的海鮮類，

同屋企人食dinner buffet, 主題是鮑魚。種類算多，壽司不錯。但服務好一般，收碟慢，侍應趕番場，特別是有一位女生。叫她幫忙拍照，人未齊已經數"123"催你，叫她多拍一張已經扮聽不到。如果royal garden是3星酒店，我都不能接受這無禮態度。做服務業基本禮貌都沒有，會有return guest嗎？

好耐冇寫食評啦😀今日係媽媽生日，同佢去咗食buffet 慶祝，老人家通常都會比較鐘意熟食多D既，所以搵咗呢間熟食味道比較有保證帝苑係冇生蠔食嘅，但係三月做鮑魚主題啱哂媽媽呢間洒店我好多年前都食過一次，餐廳上面就看到房間的樓層，感覺都幾得意我一book 咗6:30 ，我地6:15 就去到，安排坐在buffet 枱旁邊好方便呢，每人仲會送一隻酥皮焗鮑魚好似好勁咁喎長腳蟹好鮮甜，麵包蟹都好多羔咖燒味都樣樣齊，另外仲有海南雞飯，忘記影相，雞滑飯香必吃海鮮粉麵檔，可以選擇蕃茄湯或冬有我最喜歡嘅銀針粉炸生蠔係妹妹最愛🔥牛肉，我比較欣賞個洋蔥鮑魚鍋巴，好好味，鍋巴好脆，鮑魚亦好入味，細細件羊架呢個就係送嘅酥皮焗鮑魚，都好大隻蝴蝶酥又係我至愛，好酥脆正正正拿破崙係帝苑出名嘅甜品，廚師推出來我都未知係咩來，佢響鐘之後人龍就出來了，我至愛我又點會唔排埋一份好酥唔會太甜，冇得輸呀

早兩年女兒考試成績好，請了她去帝苑酒店The Greenery食buffet, 還答應過她如果以後再考得好的話，再請她吃。今年上學期女兒考取了全級第一名，那我又怎能不兌現承諾呢！女兒說要去上次那間食，因為會為她帶來好運，反正已有一年多沒去The Greenery了。其實這一年多也去過其他酒店和餐廳食過buffet的，一般都是以生蠔、龍蝦作為吸引客人， 但其他的食物像熱盤、甜品、壽司刺身都很弱。還有為了争取生意，都設有頭尾兩輪入座，座位還得很擠迫，食得很不自在。今次再去帝苑酒店的The Greenery仍然沒有失望，雖然他們沒有生蠔，相對也減少了食物風險，但總體來說，冷盤、壽司刺身、燒味、燒Prime Rib、熱盤以及甜品都做得很好，令整枱buffet都很滿意，今次特別一讚的要是他們的燒羊排，在buffet的熱盤還可做到四成熟，juicy & tender ，肉質鮮嫩，連14歲的女兒也大讚好食，雖然沒生蠔，但酥炸廣島蠔也做得很好，脆槳酥脆，蠔的甘香在口裡停留很久。今次還有每人一隻酥皮焗鮑魚，廷有新意。甜品，我始終都是最鍾意他們的Creme Burlee 和 Mango Sherbet,

位於尖東雅苑座，環境優美，品類凡多，又其烚海鲜，有 蝦，瀨尿蝦， 貴妃蚌，螺連同它的湯 冬陰功湯，正味道很正材料很多。 長腳蟹 湅 蝦很新鲜，另一炸 壽司都很特別，又新鲜夠熱，诲南雞都不俗，另外它的胡蝶酥超正，很有 驚喜，覺得很值得推薦！另一 燉湯也不俗材 料充足。

服務質素不差，食物款式多以午餐來說，值得一試。當然最後要杯咖啡襯蝴蝶餅。。。。。。。。。。。冬蔭公河粉合格燉雞湯，無味精甜品。款式多午餐都有長腳蟹剌身壽司都好新鮮

約咗好耐嘅飯聚，終於今日齊人；一行6人再次嚟到帝苑酒店雅苑座環境依舊幽雅舒適；今次被安排坐中空花園位置👍🏻因爲有琴師加歌手嘅表演，講氣氛絕對一流🎉🎉🎉🎉6點半先開始，有時間梗係巡番round先啦再嚟睇下先⋯⋯⋯🤔跟住仲有今次仲要有 帝苑 最出名嘅 ⋯⋯ 😍蝴蝶酥😋😋呀👍🏻👍🏻👍🏻夠鐘開始⋯⋯啲人一窩蜂去晒攞凍海鮮😰😰而我就唔同人爭喇⋯攞咗冷盤、刺身同壽司先👏🏻👏🏻👏🏻👏🏻雖然刺身得6款，不過夠晒新鮮👍🏻冷盤凍肉夠多選擇😋最吸引我嘅係有火炙壽司😍😍竟然有😱😱😱鮑魚手卷必試⋯⋯鮑魚細細隻，味道口感十足。👍🏻食完頭盤，梗係試下啲熱嘢啦⋯⋯鮑魚鍋巴米餅加上燴鮑魚，感口好好，必食😋呢款中式菜又係另一必食之選花膠、鴨腳非常入味，花膠唔係花膠筒仔，有咬口架👍🏻👍🏻👍🏻可能今期以鮑魚為主題，好多款式都有鮑魚而呢款係每人送一客，又睇下有咩驚喜酥皮焗鮑魚酥皮鬆脆，酥皮裡面嘅鮑魚唔會因爲焗酥皮而變得乾身，變硬；可以保存鮑魚應有嘅口感如果呢個唔係每位一份，一定會供不應求一班人飲飲食食，有傾有講，時間過得真係特別快；甜品都未試得晒，差唔多到10點，又要期待下次聚餐，如果再嚟帝苑食 buffet ，又睇下再出現咩

諗緊食邊間buffet既時候，發現greenery岩岩新推出左一系列以鮑魚做主題既野食，所以就吸引左黎試，其中一樣係鮑魚鍋粑，一眼望落去，見到成個原隻鮑魚真係覺得好吸引同好足料，buffet既價錢可以食到呢d其實性價比係好高，同埋鍋粑亦都好鬆脆，所以整體黎講鮑魚鍋粑無論賣相定係味道都係有水準既。酥皮焗鮑魚係要憑券換領一人一份既，第一次試呢種配搭既食法感覺幾特別，外皮好鬆脆，入面係原隻鮑魚，再加埋啲沙律醬係入面，一咬落去比我想像中入味，同埋口感都好豐富，值得一試呀！鮑魚海鮮茄汁長通粉無d咩好突出好特別既味道，鮑魚配茄汁長通粉呢個配搭都有些少奇怪，所以唔會太想夾完再夾，不過都唔係話好差既，只係對比其他款式略為普通，味道都不過不失啦。鮑片花膠配雞腳，認真無諗過食自助餐都可以食到d咁補既野，buffet既價錢食到花膠呢d真係抵到爛。去食buffet當然唔少得食海鮮啦，見到咁多海鮮已經覺得好豐富，仲要蝦、螺、青口呢三樣本身自己都好鍾意食，所以都忍唔住夾左好多黎食，三款既味道都唔錯，但特別鐘意食青口，因為肉質真係好鮮甜，食完覺得好滿足。焗蠔配牛油汁既賣相唔錯，濃濃既牛油汁令到焗蠔既味道更豐富，d牛

對於第一次入到帝苑自助餐廳有點又喜又憂上次女友們大party 我為了278這午餐收費不甘心認為有更優惠因開飯的優惠一度是6 折講不到我的心水價我就沒參加有什麼辦法我是食家所以半年後朋友請我來此在下是有備而來⋯⋯比較欣賞長腳蟹任食帝苑是一級價錢5 星號召很開心他們的雅典闊氣個性十足氣派對！比較出色的是什果忌廉蛋糕選擇在雪櫃中那件侍應百分百5 星服務從一個完整長條狀糕取出給我真是零舍浪漫極端好味清新不太甜味覺雅緻細膩普通什果高手甜點師手作細心果效滋味滋潤而淡淡的絕對優勢特地金金萡藍莓芝士蛋糕只是裝潢嚇人味道普通整體來說6折價錢是超值的給他們一個

steam fresh whole fish Ok but not good salmon sashimi My favourite but the salmon should not be eaten too frequently Lots of fungi my plate of fish 🐟 and fair meat We celebrate Valentines luncheon At this 4 stars royal 👑 garden Original 348$75% Credit card 💳 price

大部分熟食既味道同新鮮度都唔夠，個海南雞飯、鵝肝、烤肉都比較失望。魚生不過不失。反而甜品同螺頭湯唔錯，人手充足同幾好服務，現場有live music，有人彈琴唱歌，氣氛幾好，仲有一台沙律推出來俾好多客人一齊撈，撈完分來食，幾得意。但係因為食物麻麻，所以整體俾3分

好耐好耐冇嚟了。。。生日有人請食自助晚餐。年廿九，都係500+。如果年三十或新春期間，就加兩百了，所以提早食生日飯，慳得一蚊得一蚊。酒店已經好耐歴史，70年代裝修，一點都冇變。食物中規中矩啦。每人有蒜蓉虎蝦帶子一客，熱盤比較冷盤吸引大d,有燒味（乳豬），燒物有即場串燒，原條T 骨燒牛肉。。。新年其間有臘味飯。但咖哩就唔多印度色彩，太creamy,唔夠香料spicy,可能為香港人調校大眾化左d，此終多一家大細幫襯。但，希望食客們，除享受食物之餘，唔好咁吝惜你的掌聲。有現場音樂，可點唱。唱得不俗。下次記得俾點掌聲鼓勵下啦。

Dinner Buffet ($548)冷盤就黎黎去去都係個d架啦 海鮮都新鮮😋熱食方面呢 有肉眼扒同即燒串燒😍串燒仲有鴨肝麵包 但通常一出就勁快俾人拎哂😱仲有牛舌 必食 好惹味之外佢既牛舌都算幾厚身😚甜品都幾多款架 我最欣賞佢個pancake😚有師傅係到即整架😍以香港酒店buffet黎講，價錢同味道我都會俾十個like佢👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

上星期, 我們一行四人選了雅苑座食自助晚餐。餐廳內的設計很華麗, 可以直望到樓上十多層的酒店房間,更以植物和噴泉塑造成一個室內花園, 感覺很舒服。當安排入座後, 我立即走到魚生位置, 魚生有四, 五款, 我選了喜愛的三文魚和油甘魚。肉質新鮮肥美, 又試了幾款壽司和冷盤, 也沒有令我失望。沙律有不同的雜菜,  配上幾款美味的醬汁, 和比較少見的自選恰海鮮, 可選喇沙湯或牛骨清湯, 我要了瀨尿蝦, 蜆, 青口, 東風螺, 配了清湯, 鮮甜可口,更突顯出海鮮的鮮味, 配上芝士焗龍蝦一隻, 真是最佳配搭和完美的海鮮大餐。熱葷有炸生蠔, 外脆內滑, 羊架, 蒸海班, 椒鹽蝦, 燒味,款式花多眼亂 還有雜錦串燒, 青椒, 菠蘿香甜, 牛舌惹味。其次比較特別的是新鮮出爐的燒牛肉, 肉嫩多汁。甜品款式很多, 花多眼亂, 有不同口味的蛋糕, 慕絲, 芝士餅, 全部都是切成小塊, 我可以品嘗到多款甜品, 其他還有奶凍, 糯米磁, 朱古力噴泉, 即叫即做的鮮果pancake, 值得推介楊枝甘露, 香味濃郁, 清甜滋潤, 最後食了三款不同口味的Haagen-Dazs雪糕作完結。 以上美食, 真是令人回味無窮!