集蘭冰室 (已結業)

全港九新界的茶餐廳 / 冰室不知道大家吃過幾多間呢？集蘭冰室為六十年代開設於現址的「集蘭士多」轉營。經過歲月的洗禮，冰室面貌改變很多，像是門前放著的西餅凍櫃已經沒有了。裝修後看起來很新很乾淨，不過地板用上綠色懷舊階磚、木色枱櫈、卡位雅座等，還是營造出一種懷舊的味道，而且最重要是還有熟客們的光顧。剛好這天來到時早餐時段已完結，特餐也在上午11點開始供應。熟悉我的人都知道我每次去茶餐廳 / 冰室一定會想點的是 特餐 ($43) 當然不是什麼特餐也吃，最主要因為有 沙嗲牛肉公仔麵。看到個顏色都知道個沙嗲汁超濃厚，可以說是沙嗲的湯底吧!? 超惹味。牛肉也是很入味，口感軟腍，而且份量還頗多，十分足料的喔。火腿奄列 有半滑蛋的感覺，不會太油淋淋這點幾好。特餐的牛油多士轉成了 油占多 (+$4) 是厚身多士，夠脆身，果醬都塗得多。餐飲點了 凍鴛鴦 (+$3) 可能是叫少甜關係，苦中帶甘更突出。

而家是但搵間食下午茶都近$40，呢間仲有三十幾蚊嘅選擇。幾年前食過，味道不錯，不過太舊，間鋪有陣味，食快飯都可以。今日經過見到裝修左，又有成個鐘空檔就入去。裝修左差好遠，地板用上綠色懷舊小階磚，木色枱櫈，重點係冇左陣味，空氣清新，食得舒適。叫左西多生炸雞中翼+熱檸茶，唔要雞中翼可以揀瑞士汁雞全翼。🍵真係唔係誇張，好耐冇飲到咁香濃茶味嘅熱檸茶。平時果啲一係檸檬汁，一係茶色淡冇茶味，呢杯真係正。🧇西多原來得半件，仲要中間冇花生醬，冇啲失望。🍗生炸雞翼真係生炸，果種鬆脆係食得出生炸，唔係炸定翻炸，仲要4隻😆。已經食完西多先食仲好熱，唔小心畀雞翼內嘅汁彈到，差啲辣親。食到5點見啲人走晒，姐姐開始抹枱櫈，睇嚟唔做晚市。

每日都會食早餐C餐肉/火腿+煎蛋+厚多士不得不讚賞呢塊厚多士外脆內軟剩係食塊多士都抵另外煎雙蛋都非常好叫左太陽蛋有燶邊蛋白嘅熟度剛剛好另外亦都非常重要就係有貓貓玩唔怕人非常可愛走埋黎等你幫佢拍屁屁貓奴表示毫無抵抗力

2022年7月21日 晴今日去左呢間舊式茶餐廳食個下午茶～雖然已經係3點鐘，但餐廳裡面依然爆滿，我地開頭都只係坐正方枱，我地見到有卡位就即刻轉返今日我地食左滷水雞中翼豬骨烏冬同埋乾炒牛河～路人甲詰滷水雞中翼浸得好入味，而個豬骨湯勁香，但食落就普普通通～我個乾炒牛河都係普普通通，同普通茶餐冇咩特別～但係附近返工1定知道佢地係食豬排，下次我就黎呢到食下豬排先～如果呢到講既話，係會食裝修，因為佢地堅係舊式茶餐廳感覺，真係有d 20年前餐廳既感覺～

我諗係茘枝角工作嘅朋友，應該冇乜邊個唔識集蘭，估計起碼有廿幾三十年歷吏⋯最鐘意佢哋個常餐，沙嗲牛肉一定要配意大利粉，沙嗲汁夠濃又夠味，當遇上了意粉掛汁一啖入口，正呀！火腿奄列蛋，煎得好香，中間仍然有小小流氏心蛋，又係正！最緊要仲係佢哋杯檸檬茶，正上加上，一定無得輸⋯⋯

今日嚟茘枝角這間老店茶室食午餐，店沒有靚靚裝修，瓦仔磚地面⋯多年也是保留這個舊式茶室的店面，店面雖然舊，但是係乾淨。店面阿姐好好笑容，親切地話我知坐邊。這店牆上貼了幾個飯餐、午餐的牌，另外餐牌有早餐、常餐和散叫的食品。嚟這店必試常餐嘅多士和沙爹牛肉湯意，多士多脆搽滿牛油，香口好味。火腿奄列好大份，正。沙爹牛肉湯意的沙爹醬多味濃，牛肉好大塊，意粉彈牙唔會淋哂熱檸茶有幾片檸檬，茶好熱，水滾茶靚🌿環境：乾淨🔔服務：親切

想食焗豬扒飯都好一段時間，終於完咗想食焗豬既慾望！焗鮮茄豬扒飯$45落單時呀姐話呢個要等喎！決心食焗豬既我諗都唔使諗就答～冇問題呀！都唔使20分鐘，焗豬就送到啦！賣相睇好正喔！拿拿聲影完就開動！！首先，佢焗得好好，鮮茄汁既份量亦都足夠！豬扒有咬口，加埋個汁好味！炒飯底係必須的！亦都炒得好好👍🏼要提一提，焗豬入面既洋蔥都係重點！正！熱檸茶+$6正常，茶味都算香～呢度既早餐幾抵咁！下次又黎試試先！

早餐沙嗲牛麵個沙嗲汁好味，係傳統茶記嗰種沙嗲味，牛肉都算夠淋夠滑！仲可以揀跟蛋治🥪 嘩！兩件蛋治大大件，中間啲蛋夠滑，夏天加杯凍檸茶，叉足電先返公司開工😋 服務同環境就普通茶記質素啦⋯⋯

荔枝角都幾多舊式既冰室，行過見呢間個名幾得意，就同個「宅男」入去食下下午茶時間，除左有小食餐，仲有粉麵既特餐，選擇都唔少，仲有常餐可以揀最後揀左鹵水雞髀配粟米，呢個望落去幾健康，雞髀唔算大隻，都夠味，粟米比較乾同「淋」，唔算香甜另一個揀左西多士，正正常常，無乜驚喜飲品揀左熱咖啡同熱奶茶，咖啡帶酸，奶茶都幾濃茶味座位唔多，卡位比較窄，兩個人坐就ok，兩個人下午茶食左66蚊，唔貴但無乜特別，下次可能試下隔離果間冰室

今日同朋友行完荔枝角d2 place，食個下午茶嘆下，選擇左尼間集蘭冰室。環境係老式格局，但都好光猛衛生。我地叫左沙爹牛肉包，香矛雞翼配薯條同熱奶茶。沙爹牛肉包同嘉頓既包夾住，包皮係用焗爐焗過好香口，沙爹牛肉有整熱過，唔會包皮熱，餡料凍，沙爹牛肉味道岩岩好唔會過咸，幾好味。香茅雞翼也很出色，連雞肉都有醃過，唔會無味，雞皮亦有香茅風味，但又唔會醃過龍，炸得亦很好，仲有肉汁係入面。薯條都炸得好，唔會乾爭爭仲有薯肉係入面。只係薯條落鹽太重手，比較咸。奶茶方面反而無食物好，只屬中規中舉。

荔枝角除咗有好好運之外，其實仲有好多出名或者老舖嘅🍴就好似呢間集蘭👇🏻，喺青山道開咗半個世紀👍🏻荔枝角B1出口出，沿大南西街直行，到青山道轉右一路行就會見到～👇🏻7、80年代嘅門面👆🏻👇🏻門口貼咗新式嘅餐牌👆🏻入面兩邊靠牆係卡位，中間就普通檯凳🪑👆🏻餐牌全部都係新嘅👇🏻清楚易明，有啲仲有圖片👍🏻冰室不外乎炒粉麵飯、多士等等🍴而呢度嘅招牌就係焗豬扒飯同藍帶咖哩豬扒飯🐷👇🏻早餐由十幾蚊到三十幾蚊不等👆🏻👆🏻仲有常餐同下午茶餐添👇🏻👆🏻今次就試咗焗豬扒飯先🐷份量幾大，女仔就未必食得晒～豬扒都有成7、8舊😹而且唔鞋，重點係已經砌好一舊舊，直接一個匙羹可以ko碟飯👍🏻成碟飯係幾香，都見到落咗幾多嘅番茄、紅蘿蔔、芝士等等，配埋啲豬扒就非常juicy😆酸酸鹹鹹咁～喺荔枝角返工嘅朋友又多一個選擇啦！👆🏻呢個奶茶☕茶味重啲，而且幾滑👍🏻不錯～

今天終於一試宅男（集蘭）咖喱藍帶豬扒，$43， 性價比高。 如果追求$43 食到藍帶豬扒，十分值得一試。豬扒： 都有6.5分，雖然不會炸到柴平，但又不至於會juicy. 新鮮炸出來會更好食，重點係塊豬扒大大塊，無骨，都已經好滿足。咖喱汁：明顯不足，似葡汁多D, 如果惹味D, 更加分。飯：冰室的飯，都不能有要求，都是和所有茶記和快餐店等一樣差。後記主食豬扒，飯和汁就次要，可惜本人太肚餓，沒有影相，公司係附近，有機會再食多次。

第二次來呢間餐廳，早前無意路過試了下，發現味道很令我回味，今天趁就近辦事就再光臨下後來稍微了解下，才知道原來這家餐廳已有那麼多年的歷史，難怪上次和朋友來吃時，她很驚喜地說麵的味道是她小時候常吃的（她一直在尋找幼時經常幫襯的茶餐廳的味道，但現在已經很少茶餐廳令她回憶到小時的味道）照舊點了上次嘗試過的早餐 - 沙爹牛肉麵➕蛋治統共才34元，性價比不要太高1️⃣ 奶茶 2.5🌟合格分，味道中等偏下，茶跟奶融合得不夠好看外觀出現了一點分層的感覺，就像墨汁在水裡散開的感覺，茶味比較重，但是喝到最後並沒有茶的回甘，反而有點茶葉浸久的泛苦味2️⃣沙爹牛肉麵5🌟我就是為了呢碗麵才再度光臨，早前吃過後便一直心掛掛牛肉韌脆，而且實打實的大塊，湯底是豬骨湯，很濃郁，應該有加味精，我吃過後略為口乾，但不是很渴那種，而鹹度剛好，我對鹹度比較敏感，我能接受的鹹度說明就真的不會太鹹再說麵，麵不是那種幼細型的方便面，反而有點像韓國辛辣麵那種，偏粗，而且泡久了點也不會發散，但又沒有韓式拉麵那種脆感，而是出前一丁的那種口感，這種麵比較經典港式風格如果能稍微吃辣的話，他家的辣椒油請務必試下每個人衡量一家餐廳是好是壞的標準都不一致，

尋日有個網友建議草根試吓呢一間相當有歷史嘅懷舊冰室💈，所以今日草根妹妹襯食晏時間走去買咗個外賣返嚟。.根據網友提供資料📃，餐廳已經有最少50年歷史，室內地板用上經典舊式綠白色格仔階磚♦️，發白嘅光管，成個感覺好Classic🕰。.📍藍帶豬扒配咖喱汁（$43+$3凍飲🥤）*外賣自取額外減$5*.吉列豬扒相當大份😳，豬扒中間夾有芝士同火腿🧀🐷。炸漿經過調味，高溫油炸令芝士變得流心🤩，同時迫出多餘油份，令外皮香脆惹味，夠晒卜卜脆👏🏻，值得一讚👍🏻！老實講，豬扒唔算Juicy又較薄👉🏻👈🏻，不過流心芝士提升咗味道嘅層次👅。配上微辣嘅咖喱飯🍛，同豬扒味道都幾夾👌🏻。.價錢方面都幾抵食，如果唔加凍飲🥤再外賣自取🥡，只需$38蚊咋，係荔枝角區嚟講算好平啦！.🗣題外話，尋日同事諗住買個公司三文治🥪，點知公司三文治賣$48，仲貴過食飯😂，都係買飯麵抵食啲。.估唔到由落單去拎到外賣🥡，都係用咗5-8分鐘嘅時間，速度好有效率💪🏻，貫徹香港人一向嘅節奏。.Menu

集蘭冰室荔枝角青山道520號地下舊式既茶餐廳/冰室，係香港已經買少見少今日黎左長沙灣呢間冰室食下午茶，好有風味，好似去返80年代咁下午茶餐既選擇都好多，可能近工廠區既關係，所以價錢都幾合理炸雞髀好大隻西多士熱辣辣非常吸引