雲南桂林過橋米線

营业中

休息中

收工去旺角逛逛 周圍都好多人 行完經過想食米麵就入左呢間到試下～ 本身想食紅薯粉既我 見到佢個豬扒淮山麵好似好吸引咁！然後我決定要放棄紅薯粉 試一試佢！男朋友叫左個雞絲麻醬拌麵 大食2口子再叫左個皮蛋！雞絲麻醬拌麵個醬好漏 如果自己食一碗既話 一定會漏到勁食唔曬 我每偷食2條都要飲一啖湯豬扒淮山麵我地叫左小辣 原來個小辣係落辣椒油😂 淮山麵份量好多 佢個質地有啲似米粉 但係米粉咁‘立’ 煎豬扒juicy 好入味 唔會好油 好味皮旦個辣好好味 又唔會太辣 但係皮旦無乜皮旦味 唔夠香 爭啲

由中學時期到現在, 都會忍不住來這間店吃涼拌米線, 不管天氣是熱還是冷。以前每逢放學, 我會與同學由何文田那邊走到旺角這邊吃東西。走到旺角, 通常都已經肚子餓了, 就會想第一時間找間餐廳停下來吃一吃。而我都會到這間吃米線, 我第一次的時間是傳統的小鍋米線, 但第二次叫了涼拌米線。吃過一次之後, 就回不了頭。為何我會對這碗涼拌米線如此著迷呢? 首先, 它是涼拌的, 有人會說涼拌米線當然是涼拌啦, 難道是熱拌嗎? 你說得對, 坊間有些店舖真的熱拌米線當涼拌拿給客人, 確實有點兒那個。回到正題, 涼拌米線其實不是完全乾撈的, 碗底有少量湯汁可供攪拌, 吃起上來也不會太寡。圖中會看到有不少酸菜, 而它確是這碗米線的重要一員, 因為它有令人每吃一口就會想吃下一口的感覺。而配菜我加配了腩肉及豬大腸, 這個組合可算是美味及飽肚之選。看到這篇文章的你, 都可以試試這個組合, 而腩肉可以不選, 選其他都可以。但是豬大腸就是必選, 因為真的很搭。希望大家來到這店時, 都試試涼拌米線, 讓你的味蕾進入一個新的世界。

叫左個熱拌米線 $27 加 $2轉紅薯粉餸方面揀左豬軟骨 $8 同雲耳 $6，埋單一共 $43，外賣自取送豆漿配料有花生、炸菜同酸菜賣相唔錯，餸同紅薯粉嘅份量正常，係配料少左啲醬汁味道唔錯不過唔太夠，食到咁上下D紅薯粉冇汁撈要乾啃…雲耳就咁烚熟無調味，豬軟骨幾腍幾入味

記得以前食過，當時還好但上星期上完堂去食酸辣粉(中辣)真係好失望首先，我要中辣，但我完全食唔到辣味咁都算啦，但佢真係勁酸，都食唔落啦然後呢個時候我先諗起，喺我之前食過好食後，上個學期完結，考試後黎食，同樣係唔辣得黎勁酸即係佢唔係水準飄忽啦，係好穩定咁停左喺勁酸我諗我唔會再返黎幫襯

岩岩lunch time 去搵下有咩好食，行左一round 見到有熱拌薯粉，入去試一試啦～入到去時並未滿座，諗左一陣落單時呀姐聽野都幾唔留心，樣睇落有點不耐煩，我叫熱拌薯粉，佢一下就以為我要米線，好在我大聲重覆多次，因為我主力係想食薯粉架嘛😶幾分鐘左右，薯粉到左，第一時間試下豬紅，望落幾大粒咁，質感正常，但豬紅未免太入味吧？！開頭以為沾到我未拌勻既辣醬，食多一粒，咸到好似食緊一匙鹽咁，5粒我食淨2粒😰雲吞都大粒既，上海雲吞黎，味道正常，但咬開見到d油好犀利，夾住不停滴出黎🤭伴菜炸菜同酸菜都好重口味，而薯粉味道同質感都正常及量多的，不過辣醫唔香而且有輕微油益味。所以今餐食完兩粒雲吞後真係淨係食薯粉飽喇。😞應該唔會再食，印象有點差。🙈

平日晚9:30左右 坐滿人 岩仲有位 唔使等 之後客人就要等位啦店員自己用餐🍴中都幫客人落單👍🏻今次試新野 餃子 🥟肉同韮菜都好新鮮 足料 餃子皮🥟夠彈 無爛有重慶味 不過味不夠重 酸辣度一般

叫咗碗清湯腩肉米線，好鹹，米線比較硬，唔好食。筷子好污糟，好似用咗19幾年咁。份量正常，可能其他湯好食d，不過近朗豪坊，好過冇，多位坐，可能因為難食先多位啦。。

因本身公司在旺角 所以間唔中都會叫呢間米線外賣 幾年後終於忍唔住要打食評了 因爲越食越差 並無改善 由打電話開始 打左好耐先入線 我地都耐心打 因好生意 但喂完即叫我等等 轉線我係另一線等左5分鐘先落單 我都ok 因多人叫外賣 今次又同同事一齊叫 1碗指明要小辣 黎到變大辣 同事要bb辣黎到變中辣 另一碗要小辣黎到變bb辣 每次辣度同酸度 每次都隨師父喜好 完全唔會睇客人要什麼 本人都食得酸 今次直頭酸到食唔到 食左小半都頂唔順要放棄 咁就51蚊了 浪費了我的食飯時間 金錢 唔會再有下次了

某星期六下午做GYM後都已晚上, 來到附近食簡單麵食 。有不同款麵食,有湯,涼伴或熱伴麵食。我選擇(重慶酸辣紅薯粉  $26) 少少辣配料: 花生,榨菜,芽菜,酸菜,薑,莞莤另加上(豬軟骨$8)仲係天氣炎熱,成人讓人失去胃口,這時就來碗又酸又辣的『重慶酸辣粉』刺激胃口！豬軟骨大大件, 有好軟淋口感, 而骨好有口感,並可食埋, 而份量都好多下。紅薯粉十分彈牙爽口, 並吸收了湯底味道。可惜湯底略不夠酸味, 如多一點更好味呢!

朋友推薦這家雲南米線，說開了好多年，味道很好。我就特地來嚐了一下。真的太驚喜了！回味無窮！我加了四樣配菜（腩肉、豬大腸，生菜，蘿蔔）。腩肉味道非常好，從來沒吃過這麼好吃的腩肉一點也不油膩。豬大腸就是鹵水的味道，還可以。生菜和蘿蔔滿足我一天的蔬菜需求    香港真是美食太多了，等我慢慢發掘

吃过的最好的米线店，昨晚放学好馋就从港大乘地铁来这里吃米线，点了酸辣红薯粉小辣，必加萝卜和猪红，感觉比之前来的汤底寡淡了一些，肉碎少了很多，几乎看不见，但是酸辣味道还是很正，还会继续来帮衬～

出旺角做Facial太relax瞓著左，起身走喇仲呆下呆下，要食番d醒神野回下魂至得啦！酸辣麻辣吧！一如既往，唔點餸只食淨麵，好好專注湯底同配菜～侍應姐姐好忙下～都滿場架，仲聽埋電話落外賣，落堂食一腳踢！好彩影左張僅餘嘅單，因為⋯ 係我叫過嘅好証明～掛住食，食食左四份三至記得影相！今次叫左酸辣大辣，醒胃d吖嘛，雖然仲係呆⋯湯底唔夠酸，配菜肉碎都唔算少，肥豬肉唔多，麪質唔錯，但湯底冇左以前甘惹味喎，其實呢以前呢間喺我心目中係number one，不過，自從星林居出現就取代左，好耐冇食過lu～今次食冇以前甘好味，貪新忘舊，哈～仲叫左杯凍豆漿，加$6，清甜，豆味濃，抵飲！食完，快d番去瞓吧啦～

放工後又有d肚餓， 但約左朋友去做gym跑步， 餓住個肚又點有力氣跑呢？係呢個旺區， 快食不外乎漢堡/粉麵，所以選擇食呢度既米線已經不是第一次食， 但之前一直沒試過豬軟骨， 這次一試竟愛上了豬軟骨好淋，都吾孤寒，仲舊舊大大塊，好入味同最喜歡d軟骨既感覺，好好咬口， 而這裡湯底濃而不鹹， 食完後都沒有大量飲水， 雖然好像平凡既一碗米線， 但用心煮同食材也很重要， 不然客人是不會回頭再食

午飯時間，這家有多家分店的雲南桂林過橋米線，門口經常見有人等位。不愛酸辣的我已有多年沒有光顧，剛好新同事想食，再去一次吧！餐牌選擇不太多小煱米線＄２４　內只有芽菜、酸菜、韮菜、蔥、芫茜。好清淡的米線，不可不加餸。有些似港式車仔麵，只是湯底不同。但這裹的不太便宜，飲品另加＄６～７。最後加了２款餸（豬腸及雞翼）各＄６款。走辣走酸，好彩湯底都濃味～芽菜、酸菜、韮菜、蔥、芫茜超多，同麵份量差不多。豬腸裹面已徹底清潔，口感爽，吸了濃湯味道惹味。雞翼淋身入味。米線順滑。不錯的午餐。

好耐無嚟過,但係水準依舊! 星期二中午時分嚟到,唔岩唔洗等位 叫左碗小鍋米線 腩肉+墨魚丸要3小辣,味道很好,份量多腩肉味道還可以,唔係太肥膩.店員態度都okay! 整體都very good !!!