雲川 米線．紅薯粉 (富麗大廈)

营业中

休息中

🔸麻辣小辣米線🍜豬扒🐷韭菜雲吞🥟蘿蔔麻辣湯底唔錯，食得辣嘅建議一開始就直接食中辣以上啦😂香茅豬扒大塊又入味，肉質唔鞋，非常有滿足感🥰雲吞大粒足料又夠韭😂蘿蔔又冧又入味又無渣，阿婆唔洗用牙都梅得爛🤪 🔸酸辣小辣紅薯粉🍜豬頸肉🐖螺旋藻🥬墨魚嘴🦑酸辣湯底有啲奇怪，係酸梅味唔係酸菜味😵‍💫麻辣湯底好味好多😂豬頸肉爽口又入味，但如果切成片比切成幼條滿足啲🥲螺旋藻同墨魚嘴就一般啦😂

屯門既雲川燒絕對係喜愛米線忠實者嘅恩物😍每次經過依間米線都必食因為實在係太好食啦小店提供左唔同湯底 （豬骨湯、鮮魚湯、酸辣湯、麻辣湯）如果唔鍾意食辣嘅豬骨湯同鮮魚湯都勁好食，唔會因為冇辣味而淡茂茂而特別推介係豬頸肉同蘿蔔平時唔鍾意食豬肉嘅我，都會覺得呢個豬頸肉超好食，而且份量十足。最近肉帶着淡淡的炭燒香味真係每次都一定會叫豬頸肉，絕對唔會令你失望。而佢嘅蘿蔔都十分之出色，蘿蔔夠林之餘仲會入晒湯底嘅味道好清甜真係十分推介各位離屯門嘅朋友都一定要試吓，試過一次絕對返唔到轉頭味道：9/10環境：9/10價錢：8/10回頭率：10/10人均消費：$50

今日殺入屯門，食返個屯門名物「雲川燒」今次平日around 6點幾去到，完全唔需要排隊👍🏻🍜豬頸肉熱拌·紅薯粉招牌豬頸肉係必食🙌🏻豬頸肉燒到外皮焦脆，再加埋佢係切幼條上，一條一啖，滋味無窮😋另外，識嗌一定係嗌熱拌紅薯粉佢地果秘製醬汁少少辣得黎好開胃，而且每條薯粉都吸哂d醬汁，真係食唔停口😋😋🐥麻辣雞腎依個小食好有驚喜🤩首先價錢唔貴，份量都算多！而雞腎都好爽口，每一粒吸收哂d麻辣汁！最想講係！個麻辣汁絕對係神級，辣中帶麻果種味道係會令你上癮咁食完一粒又一粒🤤性價比係極高👍🏻高度推薦！

我都係上網睇到介紹先試🤣用戶戶送叫外賣送返屋企慢慢嘆香茅豬扒+豬頸肉+雞翼豬大腸+豬頸肉+蘿蔔一打開嘩左出聲 餸既份量都多喎香茅豬扒仲要另上 但食落個豬扒香茅麻麻豬頸肉切幼身 入味又爽口喎雞翼大隻 滷水味係夠又唔會過咸蘿蔔清甜 有好多舊😂 食到好飽大腸又係我平時叫麵都必食既野仲叫多左個小食炸雲吞 係韮菜豬肉餡就算涷左個外皮都好脆 無得頂呀整體黎講係高水準 但少貴一碗3餸都成$8x但我地之後都叫左幾次返黎食架啦🤣真係幾好食水準無出過事 都會繼續幫襯落去

有留意開米線群組既朋友仔應該對雲川燒唔陌生，因為近屋企既關係，我周不時會黎食👅☑️酸辣湯小鍋米線 $41之前黎食開小辣，但哩到既小辣真係完全唔辣🌶（利申平時係其他地方都食開小辣🌶）但又硬係驚中辣太辣，今次終於的起心肝試中辣～中辣其實都唔覺得辣，但就比起小辣食起黎重味左好多👍🏻而佢啲酸味就一向岩岩好，米線方面係軟硬適中。👍🏻豬頸肉配料方面哩到既招牌係豬頸肉，豬頸肉用香料醃過，所以食落好香，份量都好多，而我今次諗住試下新野，就冇簡到豬頸肉🐽👎🏻墨魚咀今次試左墨魚咀🦑點知就伏左🤣份量少到上枱個下我完全見唔到，心諗佢漏單❓份量大約係5粒仔左右，仲要係完全冇味，得個硬字🥲👍🏻韭菜雲吞哩個我都係次次叫，因為係手工餃黎，唔係超市急凍個啲，入面冇肥肉同唔新鮮既味道，啲餡都塞到好滿，而且仲有3大粒🥰👍🏻螺旋藻螺旋藻係類似海帶既物體，食落爽口，會索哂啲湯，所以好入味😆

難得有人去屯門所以叫佢外賣左個雲川燒俾我食🤤🤤🤤外賣盒要加$1如果米線分湯要加$2🍜🍜🍜🍜🍜🍜🍜🍜🍜🍜套餐$41 包1熱飲同$10嘅餸咁緊係試佢嘅豬頸肉冇記錯佢最出名係豬頸肉 (補$2)🐷🐷🐷豬頸肉係燒豬頸肉一打開已經好香 🤤 食落唔會話好肥 因為佢已經切到一條條個份量都OK多好食嘅👍🏻👍🏻👍🏻👍🏻.推介 ⭐️⭐️⭐️⭐️..雲川燒 米線．紅薯粉 (屯門)屯門青菱徑6號富麗大廈地下F號舖.#屯門美食 #屯門 #雲川燒 #豬頸肉 #雲南小鍋米線

.📍雲川燒 📍香港屯門青菱徑6號富麗大廈地下F號舖這間店除了魚湯外，好像不管辣不辣也是紅紅的湯😂點了個不辣豬頸肉豬骨湯米線(43hkd)跟中辣豬頸肉酸辣米線(43hkd)，個人超推薦豬骨湯，好好喝👀有點像拉麵湯底的感覺，豬頸肉有點焦脆焦脆的，肉量也給挺多的，中辣其實還好，還不需要飲料解辣(我平常譚仔中辣不喝水，大家參考一下)❣️

話說入屯門嘅次數真係唔多，入過去5次，有3次都係去為咗去食雲川燒~「雲川燒」可以話係屯門嘅名物，講親雲川燒住喺大西北一帶嘅朋友都會知。雲川燒喺屯門設有兩間門店，本店喺盈豐商場，位置比較入，虹橋分店相對近屯門地鐵站一啲，為求方便我哋去親都係去虹橋分店。 我哋次次都係weekend去，每次都要等位，不過輪候速度都還算快，都係等一陣間就入到座！ 🧡香茅豬扒酸辣湯小鍋米線（$43）香茅豬扒每次必點，豬扒醃得好入味，香茅味濃清新！酸辣湯底香濃惹味，味道偏酸，越食越開胃~ 🧡韭菜雲吞豬骨湯紅薯粉（$41）韭菜雲吞皮薄餡多，餡料結實！豬骨湯並唔係清湯，微微辣，都會有肉碎、酸菜、韭菜等配料，味道同酸辣湯好相似，但清淡好多同埋冇咁酸~ 🧡家鄉手撕雞（$38）手撕雞mix咗辣醬同麻醬，麻香得嚟又辣得好惹味，非常美味~ 補充：之前試過豬頸肉同炸醬都唔錯，大家有興趣都可以試試~

知道紅橋附近多嘢食，今日試吓米線，一入到去，就見到收銀處隔離放咗好多碗外賣，睇嚟呢間鋪喺區內都幾出名。我哋嚟到啱啱好6點鐘，等咗幾分鐘已經入得。舖頭細細，座位好迫，我哋雖然有近門口嘅卡位坐，但完全唔夠冷氣，要額外擺多一部風扇，但作用不大。睇到Menu都有好多唔同款式嘅米線，我哋最後揀咗麻辣湯豬頸肉雞翼米線，酸辣湯腩肉貢丸米線，同埋家鄉手撕雞。米線湯底好足料，有炸醬肉碎好惹味，配料份量豐富，豬頸肉雖然係薄條狀，但味道好，雞翼滷得好入味，手撕雞唔鞋口，食落仲有陣陣雞油香。呢間米線店值得encore嘅，不過環境真係有啲熱，可能等天氣涼啲嗰陣再去食過啦。

咁大個人去屯門嘅次數應該五隻手指數得曬，成日喺度睇米線關注群組，一直都好想試雲川，但真係太遠，今次難得入屯門終於試咗❤️~𝓞𝓿𝓮𝓻𝓪𝓵𝓵~ ✨價錢:7.5/10👅味道:8.5/10🌌環境:6/10★招牌豬頸肉+香茅豬扒+豬潤+豬骨湯米線 ($65)米線界嚟講，雲川都算係偏貴，叫咗三個餸就要60幾，但上到枱都明白貴喺邊，因為佢真係好！多！啲餸鋪滿左成個碗，甚至仲多過啲米線咁我覺得豬頸肉最值得一試！豬頸肉切成一條條，烤得勁香脆同入味，面頭帶少少焦香，唔怪得知係必叫🤤豬骨湯好濃郁，唔係平時打邊爐叫豬骨湯嗰種好清嘅湯底，但濃得嚟唔會好油，加咗辣肉碎，有少少辣勁香~雖然好多人食，但米線等位好快，都係等咗15分鐘左右就有❣️

呢間長期都好多人等的米線店，好幾次想過黎食都因為太多人而轉場。想不到早上不用等直入有得食，正！📍鮮魚湯，奶白色的湯底，告訴我呢碗野好足料，一喝落去，嘩嘩嘩，唔係誇張，係海洋呀！係魚呀！係營養呀！薑味和鮮魚味好夾，好順口。淨係個湯底，我已經決定比高分。選左兩個有拇指圖案的餸，📍香茅豬扒（$15）店員主動問要唔要另上，好細心吖。豬扒亦已剪左做細小塊，方便食用。香茅味濃，不過乾身左少少。📍花枝丸（$10）呢個我都推介，夠大粒，夠彈牙。跟餐熱齋啡，埋單$53。哈哈，我要定期黎飲魚湯！

25.06.2021今日趕住出西九睇話劇，最方便莫過於在虹橋搭960出去西隧落車，所以放工打算在虹橋揾食。其實虹橋好多新舊新肆，但因為時間趕忙，只預留十五至廿分鐘食飯時間，選擇就少許多。今次真要稱讚「雲川燒」（虹橋分店），以前試過打定電話自取外賣，今日膽粗粗問可否打定電話叫定堂食，店員姐姐好爽快答應。去到店舖已經有齊食物在枱上，而且還是熱辣辣，真的好方便。以前食過好多次豬頸肉加腐竹，他們的豬頸肉出名香口好食，必食之選，加上腐竹是完美配搭；另外，花枝丸、墨魚咀都是不錯的選擇。小食種類不少，初初還有芝士丸、榴連丸，但現在好像沒有了。今次我試其他配料，下午茶餐，$37，包一個餸，豬潤鮮魚湯米線，另加冬菇（加$10）、雲耳（加$10），飲品凍柚子（加$6），生菜，$18一碟。豬潤爽爽地，冬菇好大隻，有四、五隻，雲耳也可以。生菜可能少油，不是十分青綠，但味道可。除了鮮魚湯底，還可以豬骨湯、酸辣湯、麻辣湯底同熱拌，米線可轉紅薯粉。我自己不吃辣，食完鮮魚湯底都不會口乾。下次途經，大家都可以試試。

身為一個港島人，好日都唔入一次屯門，一場嚟到，住屯門嘅朋友話帶我去食佢嗰頭幾出名嘅米線🤤 身為米線愛好者嘅我當然即刻say yes啦！🔸 香茅豬扒貢丸麻辣小窩米線 $53由於自己麻麻哋太酸嘅湯底，所以就嗌咗麻辣湯底，而餸就嗌咗佢menu上有手指公嘅香茅豬扒同埋香菇貢丸😋 米線份量好大碗，米線食落較粗身同幾彈牙，我個人偏向鍾意食煙韌型嘅米線多啲！而湯底因為我嗌咗微辣，所以食落嘅麻辣味都唔算好重，不過湯底幾香，下次會試吓嗌辣啲🤭 餸都有唔少，豬扒香料味幾重，夠入味夠腍身，的確唔錯！而貢丸就較出色，爽口彈牙得黎又幾多冬菇係入面，非常唔錯👍🏻總括而言，️呢間米線舖嘅餸會較為出色，可能佢嘅米線唔係我最鍾意嘅口感，不過米線份量好多，夠晒大碗，都幾抵食😌 而朋友嗌嘅酸辣小窩米線，就會偏酸一啲，鍾意「呷醋」嘅朋友仔就啱哂🤣

好吃是好吃，快食完才發現湯裡有發泡膠，同店員反應，連抱歉都沒有，好吃是好吃，快食完才發現湯裡有發泡膠，同店員反應，連抱歉都沒有，好吃是好吃，快食完才發現湯裡有發泡膠，同店員反應，連抱歉都沒有

今日，我哋Lunch去咗食米線🍜🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽豬骨湯+豬頸肉+米線：湯底酸酸辣辣，豬頸肉好味，米線好彈牙鮮魚湯+豬頸肉+紅薯粉：一望就知魚湯煲得好靚，係白色嘅魚湯，非常鮮甜豬頸肉好香同埋好彈牙，紅薯粉正正常常炸韭菜雲吞：望落就知用咁千年油黎炸雲吞食落感覺好似有少少炸過頭凍檸茶少冰：唔記得叫少甜，好Q甜呀凍支裝豆漿：豆腐係香港製造，幾好飲CP值🌟中