雷拉麵 (已結業)

一向喜歡拉面，特別愛吃濃湯底。見OPEN RICE上雷拉面有不少正評，決定一試，還以為會好像其他拉面店要大排長龍，點知由我坐低到食完離開都只係有2個客黎食。我點了青麟 (加紫菜 $8)，有帶子刺身看起來很吸引  湯底不是太濃，有點普通。不過帶子真的夠厚身夠新鮮，上面的黑魚籽也好正！只是覺得湯底一般，沒有其他有名氣拉面那麼令人回味。

是日與好久沒見的姊妹一同出外逛街，由於友人S說想看看捲髮器，所以便來到旺角。不知是否天燈顯靈（對，早前我放的天燈上面寫了要多吃幾碗拉麵XD），友人竟然難得地說想吃拉麵，既然難得，我又怎會不奉陪呢？從地鐵站出走沒多久就是女人街（通菜街），多走幾步後，從遠處便發現雷的招牌。喜歡拉麵也喜歡拉麵店，因為每間都設計得極富日本風味，而雷亦不客氣在門前貼上多張雜誌訪問以顯實力。有多人座位也有單人專座，獨個來都不顯孤清。爽快看看餐牌，不知是否為了想吸引客人，除了原本的四款湯底，外加一張只限中午12時至下午6時的「午餐」，湯底不同價格都便宜得多。青麟 $85 (4/10)硬直麵·湯湯·少蔥拉麵配料相當豐富！有木耳、帶子三顆、半只溏心蛋、叉燒、黑魚子及一塊大紫菜。幼麵未夠彈牙但掛湯，惜有濃烈鹼水味，把吸收掉的湯全都白費了。湯底尚未加入黑魚子前菠菜味比較清新，加入後湯只是單純更濃味而欠缺層次和特色，不過湯底不油吃罷亦不口渴。紙薄的半肥瘦叉燒入口感覺肥膩。溏心蛋蛋白位置質感頗膠而不軟。幸運的是，帶子夠大顆又甜，算是安慰吧。吊下來的吊燈裝飾很有心思，要論的話其實湯底不算好壞，配料都很多很豐富，只是這次給鹼水麵完

食開拉麵既朋友都應該知，雷拉麵係參考魂拉麵，而小弟正正係魂既忠實FAN屎，不過，作為消費者當然歡迎競爭，唔理係咪抄，好味就得，一於去試下一黎我就挑戰返食開既青龍，即係菠菜拉麵，基本上價錢方面係冇得輸，平魂差唔多廿蚊，仲要多左帶子刺身。入到去裝修當然唔及來拉麵個Ｄ，但都正正常常啦，第一眼望到Ｄ師傅，果然不愧位於MK，師傅MK味甚重，應該唔係日本人，不過識整就ＯＫ啦唔洗等好耐就食得啦，帶子刺身真係唔錯，厚身且好有鮮味但麵質、叉燒同湯底都一般，尤其個湯底，實在冇乜菠菜味，唔知係因為我嗌左辣定點啦，或者其實唔應該有辣揀。Overall capacity-price ratio 甚高，不過我比較擔心佢地生唔生存到，從食材舖位到定價可見店主非常進取，Good luck la

因住附近由開張到依家食過好多次，雖然唔算話一絕，但並無其他劣評講到咁難食，以60幾蚊呢個價錢可以話完全合格。個湯底保持到個濃度，應該落左好多豬骨，叉燒應該係自己整既，用腩肉夠晒香口，同埋個糖心蛋，整到啱啱好，比起x蘭果的熟蛋扮糖心蛋差好遠。至於服務質素方面真係要改善，可能難請人關係，我見一個侍應根本就手忙腳亂

雷拉麵，非人之食物也青麟菠菜湯完全無菠菜味 勁油膩 同拎住支油飲無分別差燒真係好差，百分之一百係肥膏拉麵有鹼水味成碗拉麵得紫菜同糖心蛋係擺得落口員工態度惡劣其實想俾零分 完

一個人行行吓旺角，覺得肚餓，行咗去女人街食"雷"拉麵。 一個人最好就係食拉麵，自己選擇自己鐘意食嘅餸，湯底，醬油都幾自在。入到去拉麵店真有身在日本嘅感覺，一個人嘅坐位，就好似係東京街頭食熱騰騰嘅拉麵，都幾寫意。"雷"有四款拉麵，我當然食我最愛嘅黑虎。墨魚汁豚骨湯，叉燒，溏必玉子，蟹籽，鮮蟹肉。 可以自己選擇麵底，有直麵，有太麵，仲可以就你喜愛麵嘅軟硬度煮，醬油亦可以按你口味調談至濃，又可選擇蔥多與少，仲可以加辛辣醬，真係窩心。麵一到，聞到濃例嘅墨魚香味，仲有豚肉湯味道襯托，真係令我口水流，胃口大開。 再加上買相非常吸引，一大塊紫菜，粟米，木耳絲，荀干，溏心玉子，叉燒，蟹籽，鮮蟹肉......先飲一啖濃濃嘅湯，幾層味道係口裡面，第一層豬骨湯，慢慢滲出墨魚汁鮮味，湯底適中，不太濃，不太醎，唔會令你飲完好口渴。 😜😜麵質係我喜歡嘅軟，泡得啱啱好，又唔會太軟好似公仔麵咁軟軟。👍👍👍紫菜唔會太簿，太細塊，鐘意食紫菜嘅人一定滿足。 😃😃木耳絲加蔥一齊食，口感非常好，好爽嘅木耳絲加青蔥，將平時冇味嘅木耳帶出青新鲜甜味😉😉😉新鮮蟹肉，充滿海水鮮甜，再加上蟹籽真係要大讚yummy yummy👍👍👍仲有拉

MK有很野食，有時也不知什麼才好！在女人街內穿梭一會。見到一個雷字，特別得很。吾通話自己有「雷氣」，一於入去見識下有幾「雷」。裝修很有日式漁港味，粗獷得很！有別一般的日本面檔。menu內有四款面選擇，可以要粗要幼要濃要淡多沖走沖也可，很合香港人口味，有多些選擇，一於豪D，要個青麟拉面個啦！滿滿的拉面，厚厚的义燒，不似一般的义燒，馬上咬一口！沒有一些豬氣味。還散出油香。正！急不及待馬上渴一口熱湯！青青的波菜汁味！與醬油濃湯很夾很、很絕配！加上黑魚子！一口面吃下時彈呀中有些黑魚子在口中爆發！得意得很！更特別的是在面上加上我喜愛的珍寶帶子刺身！帶子鮮美沒有被波菜汁及濃湯蓋著！流心旦，流著半生熟旦黃旦白，旦黃仲特別香TIM。仲有其他配料，有粟米同木耳，粟米幾甜木耳都好爽。成碗很多不同層次。有著不同味道又不蓋其本身的原味。此店有別於一般MK的日本面店，係可值得去既拉面店。

我是中年人，不是大富大貴，只是quota有限，驗身報告全面不濟，所以要選擇食好東西。湯底有味，蟹柳沒有味，叉燒沒有味，玉子沒有味，葱都沒有味，食了一半離開，去了另一間食。我肯定，之前的食評，百分之一百做假！大家不要上當了！！！

雖然聽過我男朋友個朋友話好難食，但冇諗過可以差到咁。見到佢出面個牌有$48一碗拉麵咪入去試下囉~入到去環境係幾好幾令，但個個女侍應服務態度差，笑客極欠缺，雖然客係少，個時3點幾，但都唔洗全程hea 企狂玩手機呀？ 野食好快黎到，我同朋友share一碗，一飲湯，便知中伏。我叫左個醬油味拉麵，係張點菜紙寫正常咸度加少辣，但結果係咸到癲仲要除左辣同勁咸之外完全唔香囉。啲"差"燒，好老好"鞋" 。(唔識打(>﹏<) )啲拉麵軟硬度點左中間，但都係好硬。超慶幸叫左一碗，唔係真係喊出黎囉難食到。

是日與友人來到旺角，一起嚐嚐期待以久的雷拉麵 ThunderRamen ！其實 bubeee 也是看了報章報導才知道這家拉麵店，然後再在門口經過了數回，今次bubeee 便特意帶了喜歡吃珍寶帶子的友人一起試試吧。這家拉麵店於旺角通菜街 22 號，地點方便，在沙嗲王油麻地方向轉右即行便可以找到。這家拉麵店的的間隔與「魂」差不多，整體設計很有日本風味。雷拉麵 ThunderRamen 備有四款拉麵可供選擇，而 bubeee 和友人都點了青麟（ HK$85 ）。等了約十分鐘，青麟便送到我們的面前了！青麟的食材包括菠菜汁豚骨湯、溏心玉子、叉燒、黑魚籽、珍寶刺身帶子、木耳及紫菜。在湯底方面，由於這是菠菜汁豚骨湯，所以湯底也變成墨綠色。（喝一口湯底，豚骨的味道偏重，沒有很重的菠菜味。）仔細看看碗裡的食材，食材鋪滿拉麵，十分豐富。黑魚籽的份量超多，建議大家可以先品嚐一口黑魚籽，魚籽的鮮味絕對為拉麵增添不少分數。在珍寶刺身帶子方面，一碗青麟有三片很厚的珍寶刺身帶子，相當足料。珍寶刺身帶子的厚度適中，入口口感不錯，唯獨是帶子有部份是凍及熱，令bubeee 搞不懂這個應該是凍食還是熱食。在溏心玉子方面，玉

四款名物就未有錢食住，不過見到有$48午後優惠，就去試下！北海道麵豉湯，正常蔥+太麵+正常分量醬油+辣醬湯底濃，但唔係好渴喉（同行友人都有呢個感覺），不過叉燒好薄，同埋麵比較少，好快食完！

綠色的賣相的確不討好，但味道比我想象中好。很香濃的菠菜味，麵和配料都好食。好少見到有帶子刺身在拉麵入面，但我習慣配料最後先食，所以帶子刺身熱左冇咁好食，如果有得分開上就好。不過好鍾意這裏點餐的安排，自由選擇麵的類別、軟硬程度、醬油的濃度等等，而且上菜的速度好快。希望可以多d拉麵的款式,得四種真係有d少。

星期日去先達放機，成個旺角冇哂車，馬路已俾人佔領，行入女人街，都係冇乜人。一心想去試下應該冇乜人嘅雷拉麵，點知門口都有十人已上佔領排隊約十五至廿分鐘，有位揀左個波菜湯底嘅拉麵先講湯底，味道濃烈，綠色又夠吸引又夠健康面上多片新鮮鮮味帶子，帶出鮮甜味溫泉蛋亦表演不錯，蛋白較硬適中整碗份量超足加上特別又懷舊裝修，氣氛不錯值得排隊再試

Lunch time 同朋友係旺角揾野食，經過呢間 '雷拉麵'，因為幾鍾意間鋪既裝修，好有傳統日本拉麵店既風格，所以入左去試下。拉麵款式不多，有四款，分別係: 雷, 赤雷, 黑虎及青鱗拉麵。我自己好鐘意食帶子，而我沒有見過其他拉麵有珍寶帶子剌身，咁就當然叫左來試 碗拉麵來到了，雖然湯底綠色賣相不太討好 haha ,但勝在可以選擇湯既濃 度，菠菜汁味道濃郁又健康，good good ! 帶子刺身都幾新鮮，厚切，鮮甜肥美(必試), 糖心玉子都好好食。麵質我選擇左'曲麵', 硬度係'軟'。面質唔錯，偏軟, 我鐘意食口感比較淋D既野，所以我ok。碗拉麵D材料都幾夠，因為仲有叉燒 (肥瘦剛適中,唔會硬) 和黑魚籽 (第一次食，味道濃郁但唔腥)。總括來說碗麵我覺得好特別，今次lunch 幾滿意，值得一試，環境又ok, 下次會再去。

呢日同男友仔去街街, 因為要去旺角拎少少野, 所以就響旺角醫肚啦~記得之前睇雜誌介紹過呢間拉麵店, 男友仔不嬲都鍾意食拉麵, 就帶佢黎試下!地點唔難搵, 我地大約3點幾左右到, 咦! 無咩人, 得幾粒, 不過可能係tea time啦~是但搵個位坐低, 然後店員就遞上order紙…揀湯底類 (濃豚骨, 辣汁豚骨, 墨汁豚骨, 菠菜汁豚骨), 唔同湯底係唔同配料揀麵類 (直or曲)揀麵質 (軟, 中, 硬)揀醬油 (濃, 正常, 淡)揀蔥 (多, 少, 走)揀辛辣 (無, 少, 中, 大)最後追加配料 / 飲品!!因為選擇唔多, 所以有選擇困難既我都好快就揀好~男友仔都揀好, 就交紙仔比侍應, 然後…….等~5 分鐘左右就有得食!!我既: 湯底(辣汁豚骨), 麵(直), 麵質(硬), 其他(正常醬油, 少蔥, 中辣)先試湯底, 唔算太香, 又唔算太濃, 辣度適中, 整體湯底… 合格!!呢個湯底原本有三文魚子, 不過佢話無晒, 所以改咗黑魚子比我~麵質算係彈牙, 硬度滿意, 有咬口, 只係掛湯力麻麻… 合格!!豚肉片, 圓形切片, 唔係厚切, 質感還可以, 不過唔係入口即溶果種… 合格!!男