雷拉麵 (已結業)

夜晚八點，竟然唔洗排隊！地點幾易揾，喺女人街入面間沙爹王行前啲就係喇！店鋪小小，我選擇咗孤獨座位。裝修簡約。服務員一般啦。之前係因為睇咗飲食男女嘅介紹而嚟。報道介紹嘅係帆立貝刺身拉麵，都係因為依碗麵吸引我嚟試。坐低後，店員遞上食物選擇紙，我二話不說已經決定食帆立貝拉麵啦！多葱！硬麵！太麵！好期待呀！我準備享用嗰碗麵叫青麟，秘制菠菜汁豚骨湯，溏心玉子，叉燒，黑魚籽，珍寶刺身帶子，木耳，紫菜拉麵！嘩！好多料呀！遞上嚟嘅時候，真係好想快啲食，不過為咗可以介紹俾其他人，相機先食吧！青BB的湯味道幾好，我比較鍾意清淡，所以揀咗正常醬油，啲木耳好好味呀，下次一定追加一份！塊叉燒都幾香口，有少少肥肉圍住，簿切！帶子刺身係就係簿咗啲，不過我覺得已經好落本嫁喇！$75有咁多材料喎！超值啦！um.... 值得讚嘅係有得揀直麵定曲麵呀！好窩心呀！我平時最愛係曲麵，因為我個人覺得煙韌啲，每一啖麵連湯一齊食，依加都回味呀！我男朋友叫咗同一款麵，不過佢加咗辛辣醬，同濃醬油，我試咗一啖，又幾好味喎，唔太辣，但係就好野味！不過我本身唔係好喜歡嗰啲黑魚籽，所以我將佢全部筆哂俾我男朋友。哈哈！我會再嚟幫襯嫁！下次要試其他

同朋友出去試食哩間拉麵岩岩係日本旅行食完幾餐拉麵既我都幾期待去到坐低左就睇下叫咩， 我地叫左個雷， 黑虎同青麟朋友食哩個， 我試過個湯清清地， 而個fd 都話： 個清清清地， 但望落去見到佢油油地 好奇怪 不過x燒幾好食， 雖然無得同日本比， 但係都唔錯哩個就係我叫既黑虎，叫左啲辣 個湯味係濃係唔錯， 有啲辣帶出黎唔錯， 但係食耐左會覺得個湯係濃不過無個種層次係到， 蟹肉最失望好似雪耐左既蟹肉， 蛋唔錯我最鐘意食蛋， 拉麵同我係日本食既差唔多 x燒都唔錯la 哩個係青麟， 試過個湯都認為顏色好真， 味好幻覺 帶子試左粒， size 都算大 味道比起蟹肉好好多，個fd 話食熱食 有帶子幾唔同食完之後行到出去 , 得出結果， x燒唔錯， 湯底特別， 不過唔太突出啦， 整體普通

今日放中午飯打錯轉口味食拉麵,之前睇過飲食男女介紹一間雷拉麵, 就去試試啦!入到店內感覺都好整齊, 裝飾都似一般日本拉麵館一樣!我們分別點了一碗雷及一碗青麟拉麵. 先黎一碗雷拉麵, 睇落都吾錯, 先比手機食先.飲左一湯匙, 嘩湯底果然吾錯, 感覺到用充料來整湯.流心蛋都好味GOOD 另一碗時間就比較遲少少, 可能因為多料關係要須時來整.見到店員拿給我啦大家睇到啦, 有圖有真相, 真係好充料, 帶子真是好鮮甜最後我們都好快手食曬碗拉麵, 感覺價錢合理, 絕對有下次光顧!!

是日於旺角區工作，途經見到呢間拉麵店，即刻唔洗愁食咩做晚飯！一入店就立即點左個雷拉麵，試下D基本野。店內裝修唔算華麗，但簡約既檯凳感覺都唔錯，特別鐘意牆身同地板raw既質感，營造左舊日式市場既感覺，後尾發現，連洗手間都貫徹呢個風格，值得一讚！拉麵送上，賣相非常好麵入口第一刻有少少唐突，問過師傅，原來麵並唔係外來貨，而係特地訂制一部拉麵機每日新鮮製造，所以味道同質感絕對全港獨有。之後係湯，相較起現時有名氣既拉麵店既湯底，呢碗麵可以話係清泉。無多餘既調味，師傅，而係實實在在飲到豚骨湯既味。加上薄切片，肥瘦均衡既叉燒同原片紫菜，呢餐我非常滿意。特別滿意在於，出門口後既半個鐘，我都唔需要灌水解渴，淨係呢點，已經非常難得！題外話：食麵既時候仲偷睇到隔離檯個麵有好大隻帶子刺身，翻看餐牌應該係青麟拉麵。咁特別既配搭下次一定要試下！

今日一早就出左去做野，最後一站黎到旺角做完野當然係呢頭食埋野先走喇。穿過左啲街邊檔，見到旁邊有好多小店，我最後揀左呢間拉面店。入到去，啲裝修比我既感覺好似上左漁船咁，好Raw，好似好簡單咁，但明顯會睇得出店主係度花過心思。好~叫野食！呢度係只有4款麵，啱晒我呢啲有選擇障礙既人，哈哈哈哈，但係我錯了，原來佢每樣材料都會問你preference，所以到最後我都揀左好耐先揀好自己食咩～我叫左…黎喇黎喇~ 餓左成日，終於都可以坐低食野。睇落已經覺得好okay，第一啖試下個湯，夠晒熱辣辣，好味！濃郁豬骨湯，又唔會太"杰"太肥膩，加分！再黎拉麵，都唔差，麵質幾好，雖然係自己揀冇咩大驚喜，但係我覺得有得自己選麵質都幾貼心幾好，好過出面有啲店個麵質太硬，食到我胃痛。叉燒呢度幾好，唔太dry，我好怕食日式個啲叉燒，好乾好硬。呢度個啲好okay，唔錯唔錯。好味到我竟然食晒成碗，湯都飲埋，呢件事好古怪，我竟然食得晒！或者係可能我餓得濟，哈哈哈哈，相信應該2樣都有啲關係。下次黎要試下其他口味，見到佢有個菠菜味都幾吸引。p.s.食完唔口渴既拉麵，香港真係冇乜幾多間。

睇左個飲食報道，被特别嘅食材同老闆“不計成本”只為做出好拉麵嘅精神所吸引，決定嚟試下。假日一點幾嚟，只有四五個人。地方裝修得好有日本feel,睇得到花左唔少心機。一坐低侍應就送上水同拉麵紙。由於一早就目標已定，好快揀好。揀左青bb 菠菜汁嘅，鐘意有囗感,要左硬嘅曲麵，醬油就正常，多蔥同少辣醬。拉麵十分鐘内送到。用左木盤上，有賣相又方便。先試一啖湯，好清甜，由於加左少少辣醬，嘴有少少麻嘅感覺，辣醬味都幾搶，所以想食辣嘅朋友，要少辣醬就夠了！之前睇食評話麵唔夠硬，有少少擔心，但我哩碗夠硬，曲麵彈牙有口感！食麵個時好小心，怕d 黑魚籽跌落湯到。黑魚籽有鮮味，一粒粒有咬口，加埋麵食好得意。三粒鮮帶子都幾大粒，幾鮮甜。配料真係新奇得嚟又夾，仲要係高質素！溏心蛋同豚肉都唔錯嫁！比起日本過江龍嘅拉麵店，同埋哩個價錢，哩到嘅拉麵真係值得推薦！好欣賞老闆創新嘅意念，將特别嘅配料加入拉麵，而且材料新鮮！支持本土拉麵店，一定會再嚟試埋其他款！

最近，旺角多了一間拉麵店，名字叫雷拉麵，給人的感覺會否是地雷呢，令人有疑問，但當知道是由城中開設多間餐廳的郭生開設後，信心都有所遞增。店內的裝修仿效日本的拉麵店模式，更掛上古代的麻衣作裝飾。店內的拉麵款式只有四款，分別是【雷】、【赤雷】、【黑虎】及【青麟】，【雷】是濃豚骨湯，【赤雷】則是辣汁豚骨，【黑虎】是加入了墨魚汁的，最後的是加入了秘製菠菜汁的【青麟】。各款不同的湯底都是同樣的豚骨湯底，是大廚熬上幾十小時的濃湯，香甜滑溜，做得不錯的。我點上的是【青麟】，材料非常豐富，有溏心玉子、叉燒、黑魚籽及珍寶刺身帶子，相當名貴的組合。麵條選上了太麵，即是曲麵，喜歡硬一點的，醬油份量正常。煮出來時，被那青蔥翠綠的湯色所吸引，豚骨味沒有被菠菜汁完全蓋過，味道是不錯的，可是質地較稠杰，而且溫度不太夠熱。麵條雖然選上了硬身，可是還是太過軟身，需要多加注意。其餘的配料做得算是不錯，帶子夠鮮甜爽口，叉燒也是不錯的，但重點卻落在溏心玉子上，做得較為出色。另外，朋友的那碗【黑虎】相比之下，都能平分春色，在基本的豚骨湯中加入墨魚汁，製成烏卒卒的黑色，而且有股很特別的焦香，並且是熱辣辣的。用料方面有叉燒、溏心玉子

係旺角買完嘢只係想去間好坐啲嘅餐廳食晚飯，行過幾間餐廳都係好多人嘅又坐到好逼咁，一路係女人街附近行，最後轉入女人街見到間拉麵店，新裝修咁，入到去冷氣超涼，好爽因為出面真係好鬼熱。個拉麵餐牌幾有趣，啲配料同一般嘅拉麵店有啲唔同，我揀左個有珍寶刺身帶子嘅，拉麵有帶子刺身真係第一次試。拉麵嘅湯係菠菜汁豚骨湯，湯底仲有啲菠菜搾，味道濃郁，除左一般嘅叉燒同半熟玉子外，最創新嘅係有黑魚籽同珍寶刺身帶子，黑魚籽我一大口食哂，冇撈落啲湯到，黑魚籽好正，因為一大口食咁多黑魚籽都係第一次，並且黑魚籽味到好香濃，再黎三大片帶子刺身，鮮味特出，同新鮮嘅菠菜汁食由令一食法，唔洗豉油芥末都一樣好味，最後連啲湯都飲哂添呀，食完好飽好滿足，！

這天來到旺角學YOGA友人提議上完堂後來吃拉麵這裡像港島的拉麵新貴, 都是提供點餐紙讓客人就其喜好選擇適合的拉麵雖然這裡沒有少油的選擇但它可以讓客人選擇直麵或曲麵呢~這對麵種有着不同要求的客人們實在是太貼心了~我點的墨汁拉麵, 湯的質感比起一般豚骨湯清淡, 滿滿的蟹籽亦為湯底增添鮮味, 特別的是我ORDER的直麵並不像日本拉麵, 反而像雲吞麵的麵底, 與期望有點落差

行行吓旺角女人街，見到一間門面好有特色嘅拉面店，餓餓哋咪諗著食飽個肚就算。點之一入去店裡面，啲豬骨湯嘅香味成間鋪都係，仲有好多唔同嘅日式裝飾，都幾特別。菜單上幾乎全部都係自己選擇，最後我叫咗碗豬骨濃湯叉燒拉面，一上枱就被佢吸引著，叉燒仲要係我最鐘意嗰款，又厚，肥瘦又適中，仲有隻溏心蛋。豬骨濃湯做得好好，好夠濃郁，唔會好稀，鮮而不油。相信好快要再去試埋其他款式嘅拉麵喇！

旺角區又有一間拉麵店加入戰團。是已經開了多間不同類型食肆，長袖善舞的老闆郭先生最新開設的一間名叫「雷拉麵」的日式拉麵店。這一天，我便與數位友人一起來捧郭先生的場。店舖不大，店內設計頗有特色，也流露著點點日本風情。店內食品選擇不多，基本上只有拉麵和飲品，拉麵款式選擇也不多，只得四款，分別是「青麟」（$85）、「黑虎」（$78）「赤雷」（$72）和「雷」（$65）。在這四款拉麵中，以最便宜的「雷」最基本，湯底是港人最愛的豚骨湯，而材料則是簡單的叉燒和溏心玉子。第一次來吃拉麵，當然是吃點特別些的，所以先叫來價錢最貴，也最吸引的「青麟」。這拉麵特別之處是用上菠菜汁豚骨湯底，而且在材料上除了叉燒和溏心玉子之外，還加上了珍寶刺身帶子和黑魚籽，頓時使整碗拉麵看來名貴得多，而價錢方面也自然有相應的調整。這拉麵因為是菠菜湯底的關係，湯色一片翠綠，口感也比較濃稠，幸好還不太膩，味道也算適中。叉燒不算出色，只是中規中矩，溏心玉子倒是做得頗好，帶子大概有三四片，都幾新鮮。此外，我還另加了筍乾和木耳呢！至於麵質方面，這麵我揀了不軟不硬的曲麵，但麵身偏軟，我不是太喜歡。吃過「青麟」，友人和我意猶未盡，決定再下一城

在炎炎夏日下，鑽進俗稱女人街的確是一件苦差事，反而走在兩旁的行人路，偶爾有店舖的冷氣透出，還勉強可以。有著雲來軒背景的雷拉麵，近日就在附近登場。店子不大，十來個位，既有四人檯，又有溫習室位，感覺上佈局有點像灣仔的「魂」拉麵，挺適合逛街買東西的朋友。一如其他名店，拉麵選擇不多，但同樣以色澤命名，看來是大同小異。在赤雷($72)、黑虎($78)、雷($65)及青麟($85)中，先選了青麟。而拉麵紙似乎已成了拉麵店的必備，先剔了太麵(曲麵) 因為很少見；而麵身想多點嚼口，所以要硬；醬油正常就可以；加少許辛辣來刺激一下食慾吧！事後問過店主，原來麵條是選用了「豚王」的同一間供應商，但麵條特意訂了較幼身的。青麟麵其實是在豚骨湯中加入了菠菜汁，但出奇地，湯底只是微溫，而店主說是想保持帶子的肉質幼嫩，以免給滾湯灼熟，這個用心在下是明白的，但在下卻是喜歡吃拉麵時熱氣騰騰的感覺，而不是半死不活的口感呀！說回麵身，真是幼得過火，就算是硬身，依然欠了嚼口。溏心蛋是最好的一環，晶瑩亮麗的蛋黃，滑溜豐腴，甘香可口；珍寶帶子肥大肉厚，的確不錯；叉燒肉質還可以更幼嫩。另一位食友提議下，點了碗黑虎拉麵，今次要了直麵及硬

放工後到旺角做facial，出來的時候肚子已開始打鼓。看到有家新開的拉麵，本想等同樣愛拉麵的男友一同去吃，但打鼓的肚子決定要先試一試。菜單上有四款拉麵，最吸引我的是青麟，單看材料已經是最豐富的，不過由於想試試最original的豬骨湯，所以決定改點豬骨湯味做湯底。拉麵很快送上，先喝一口湯，味道非常香濃，細味著有很豐富的層次感。再吃一口珍寶帶子刺身，帶子屬大隻，厚肉而且鮮甜，之前未試過拉麵併刺身，多是叉燒豚肉豚角等，這個配搭頗有驚喜。然後再試一口叉燒，香軟易咬肥瘦均勻，實屬不錯。最後還有我最愛的溏心蛋，每次吃拉麵必點，半生熟的蛋黃特別香，味道也做得很好很入味。下次來想試試黑虎，看到鄰檯的賣相不錯，黑漆漆的湯底有點神秘，味道不知怎麼樣。

今日外出幫老闆攪私人嘢，又咁好彩做得順順利利可以早收工;咁我梗係唔會咁早返屋企,珍惜私人時間行吓街。 見到呢一間拉麵店都未試過,門面裝修又幾有feel 就決定入去食番碗拉麵。點菜紙簡簡單單但有好多details 位俾你選擇因為剛剛食完lunch,所以叫咗一碗冇咁多料試一試雷拉麵豚骨湯點了濃湯-有好香濃嘅豚骨味但佢個湯底又唔油膩义燒一嚟到見到塊塊义燒都有肥膏,就心裡暗唉……… 灰晒！但一食落口又唔覺d肥膏好油膩。d肥膏入口好似溶晒咁仲要有少少香味留喺個口到溏心玉子蛋白好滑口同彈牙,個溏心蛋王入口好creamy少少流質,仲食到好香蛋味麵質點了硬度-佢入口個硬度係剛剛煮熟就拎上嚟(好怕食到未煮熟嘅麵的感覺)辛辣醬因個胄有少少唔舒服,所以點了個少辣。 但我都食到有辣嘅味道,但佢辣得嚟又香又唔咸同又唔油

近期喺網上得知旺角新開左間新嘅拉麵店，名叫「雷拉麵」。作為拉麵迷嘅小弟已經快速試完店方所有口味嘅拉麵啦~~~!!!店方四款唔同口味嘅拉麵，究竟有咩特別之處？ 以下會逐一介紹:「雷」賣相方面: 配上博多風拉麵傳統嘅配料，簡單自然~叉燒方面: 選用腩位部分，肥瘦比例為6:4，類型為「燒豚」。叉燒經鹵水浸過再將表面用火炙燒， 採用薄身切法，所以食落去非常入味又冇出現「鞋口」情況。唯一要彈嘅係肉質比較鬆散...麵條方面:店方選用日本小麥粉，本地麵廠製造。小弟揀左「直麵」，因為小弟覺得直麵配豬骨湯底係最好嘅配搭! 而且直麵掛湯會比較集中...食落去比較爽快。 硬度揀左「硬」。因為揀「硬」麵嘅話，浸湯時間會比較長，麵唔會太快變「淋」。麵質唔錯~不過多番啲麥香就更加好...                                                                                                                         味玉方面:圖片所見，幾乎全熟...但係第一次幫襯嘅時候食嘅味玉係相當唔錯...依隻應該係失