霞小飛 (已結業)

以前叫霞飛小館，都幫襯過幾次，味道好，份量足，之後重新裝改名為霞小飛，開業已有一段時間，由於覺得貴咗，所以一直無幫襯，今次到K-11食野，無咩心水，行到霞小飛，發覺同南小館價錢差不多，就即管試下佢。呢度裝修唔錯，典雅整潔，不過兩人枱太細，無位放袋和外套，有啲麻煩，建議佢好似日本小店咁，俾個籘籃我放野，再收到櫈底，不過侍應都按我地要求俾張小几我放野，都值得讚賞嘅。事實上，呢度服務好殷勤，又有侍應細心介紹我佢地招牌點心和前菜，佢地嘅做法和材料，我好少見有小店子咁細心👍🏻茶奉上嘅茶唔係行貨野，而係味道好香嘅蕎麥茶，好有心👍🏻担担麵湯底杰身濃厚而微辣，我覺得似醬汁多啲，據侍應介紹，湯底嘅花生蝦米是自家攪拌放入，除花生蝦米還有肉碎，大厨選用較粗身嘅麵，佢認為這種麵較好味，我覺得這種麵有口感，軟硬適中，由於湯嘅份量好多兼杰身，令每條麵都均勻沾上濃湯，味道強烈，相當可口👍🏻嫩雞煨麵湯底濃而清新微辣，麵身夠挺，軟滑適中，雞肉有鮮味，整個組合做得恰到好處👍🏻，雖然份量細，但女孩子的話，呢碗麵都會夠飽。紅油抄手據侍應介紹，抄手搭配嘅醬汁是大厨用新鮮生蒜剁成，其他食肆多用半製成品再加醬汁而成，多會食到油臆味

這晚下班到附近選購賀年手信，買之前到K11先醫肚。依希記得舊店來過兩次，感覺不是令人回味的那種級數，不過價格總算和質素成正比。至少不會中伏。改名後的，這次才第一次來。外婆紅燒肉－肉質沒有想像中的淋身，但過汁味道剛剛好，不濃不淡。宋嫂魚羹－聽老公說是出名的杭州菜式，正宗的是怎樣就不得而知。不過薑絲多過魚肉，不太合個人口味。手拍青瓜，這個簡單的菜式有點失望，除了強烈的蒜味和少許咸味外，就沒有其他味道，層次欠奉。燻蛋，有中上的水準。牛肉餅，咬開有肉汁，外皮香口，讚！！！價格相對比旧店貴了，所以以味道來說不算太抵食。

上海菜食得多呢間主打fusion小籠包多汁闊佬(蛋白蟹肉)炒飯最喜歡肉鬆lol 干煸四季豆 肉碎好咸坐位太細，無位放袋，有點迫Interior design是美麗的🦋

話說這家店有小許Fushion 的上海菜，例如上海粗炒用鐵板上呀、甜酸魚用士多啤梨呀、壺茶唔係普洱而係玄米茶咁啦，都算幾特別～・這個流心奶黃包又唔算極度流心，因為還很清楚地食到蛋黃，究竟我篤佢個咀會唔會有野流到出黎呢？・要一讚佢個上海菜肉雲呑，真係好用心地切菜哈哈，味道真心同外婆自家包的好似，好溫暖的感覺～・不過個上海炒年糕就真係唔多得，超厚切！所以唔夠入味，配料又唔夠⋯好似食緊加色粉團，有點失望。

味道唔係話好好食都係一般，地方就細啲，可能我地多人啦！12大人1小孩，不過最令本人覺得係要收取切餅費就有點兒那個，重要係人頭收費每人$15😫，同埋食嘅時間就趕啲囉，不過我定位嗰時佢都講明左係由2000-2200hrs嘅，如果太多人我唔建議食呢度囉，實在太趕啦！

曾經，躲在尖沙咀K11商場一個隱蔽角落中的「霞飛點心拉麵」是自己頗為喜歡的上海館子，喜歡它位置較為隱蔽，環境較為清靜，而且食物也有一定的水準。多時沒來，昔日的「霞飛點心拉麵」原來已換上了一個新的名字「霞小飛」，店舖環境漂亮了，食物價錢似乎比前貴了，但食物質素卻好像退步了，而且份量以比前細小了。 這次我來時已是下午茶時間，不過店子仍有午餐可吃，名字仍然叫做「午市麵類套餐」。這「午市麵類套餐」包一款前菜三拼和一碗麵食，並奉送一杯豆漿。如果怕不夠飽，就可以補錢另加點心。前菜三拼有兩款選擇可揀，其一是「黑毛豬蜜汁叉燒」、「鬆化燒腩肉」和「溏心燻蛋」， 另一配搭則是「招牌燒鵝」、「四喜烤麩」和「涼泮雲耳」。而我選的是前者。「黑毛豬蜜汁叉燒」蜜味頗濃，但肉質只是普通，雖打著黑毛豬的名頭，但與自己的期望有點落差。「鬆化燒腩肉」還不錯，層次分明，但只得單薄的兩片，實在太少。「溏心燻蛋」只得半隻，橙黃色的溏心是吸引的，但味道不太濃，也不夠流心，水準只是過得去而已。麵食則有五款選擇，分別是「四川擔擔麵」、「黃魚麵」、「蔥油泮麵」、「炸醬泮麵」和「嫩雞煨麵」。吃的是「嫩雞煨麵」，麵條幼細軟腍，湯頭味

同朋友一行12個聚舊兼慶祝生日，自製生日蛋糕到場，竟然要收人頭費每人15蚊（不論你自己切定佢切），嘩。。。我成日都會整餅去食肆放低雪一雪，但印象中未試過收切餅費，咁樣就收咗180蚊，好似有d搶錢，仲有全晚侍應阿姐都係黑口黑面，食個辣子雞成碟都摷唔到10件，仲要好細件，呢間真係一次過

T8颱風響5點20分變T3，最好就梗係約D friend 食happy Friday dinner! 驚D餐廳冇開，所以㨂沿地鐵線嘅睇下。call 霞小飛@k11，原來成日都有開。試咗蟹粉小籠包，性價比高，唔好expect流埋出嚟嗰款，但係食得過。我個人最鍾意辣子雞，香辣勁正！唔貴。其他心水有生煎包，爆汁牛肉餅都好好食。我相信位置偏了小小係一個小問題，但係好味嘅嘢食可以補返嘅！

室內裝修簡單而富滬特色，座位格局區分清晰不過食之前最好都係電話預約左先。服務員做野好快手，無論落單，上菜，沖茶至到埋單，都好快手，不過欠缺“心”。上既茶係麥茶包，淡淡既麥味，可以清一清口水既雜質。食品味道偏清淡，但味道尚可。可能係地段因素，價錢偏貴，性價比偏低

吃完雪糕, 順步來到K11, 就是這晚頌揚飯局舉行的地點, 霞小飛. 由於我們人太多, 最後要分兩檯, 三位小朋友自己開一檯, 相信他們一定很滿意這個安排. 說回霞小飛, 環境簡潔, 這裡的菜式, 有川, 有滬, 還有粵, 而且還有小朋友愛吃的嫩雞煨麵, 這點, 簡直是重中之重.雞絲粉皮 $58: 8.5分, 由冷盤開始, 雞絲粉皮, 粉皮幾爽口, 加上麻醬同吃, 簡單而開胃.蟲草花螺頭燉雞湯 $48: 7.5分, 見這裡的湯品價位不太貴, 那不如也讓大家揀選各自的心水. 我跟文迪分喝的是蟲草花螺頭燉雞湯, 未算燉得好夠火候, 但湯頭是清醇的, 而蟲草花加上螺頭, 怎也是健康的.上海小籠包 $33: 8.5分, 小籠包一客三隻, 那一次過來四客吧. 皮夠薄, 夾起不穿底, 湯汁不算太多, 但肉餡呈鮮味.一口爽蝦餃 $30: 8.5分, 姊妹想吃蝦餃, 好, 又來三客. 份量真的不太大, 一口一隻, 蝦肉夠鮮爽, 也對辦的.爆汁牛肉餅 $26: 8分, 接下來的是爆汁牛肉餅, 叫得爆汁, 果然是一咬開就爆汁, 旁邊的姊妹就把汁爆在我身上, 很好的證明, 只是稍嫌皮厚身了點.霞小飛夾餅 $

午市麵類套餐前菜三拼中二選一，就咁睇餐牌覺得吸引，分別為黑毛豬蜜汁叉燒、鬆化燒腩肉及溏心燻蛋或招牌燒鵝、四喜烤麩及涼拌雲耳。第一次到訪，同朋友各選左一個前菜。再係五款中式麵中選一款，好耐無食炸醬麵，心癮即時被挑起...前菜賣相唔錯，好遺憾鬆化燒腩肉未見鬆化，溏心蛋不知從那來的雪氣味，招牌燒鵝更帶點離譜，大大塊燒鵝皮下只見一小塊鵝肉，這鬼斧神工超越了快餐店。黑毛豬蜜汁叉燒係當最出色既一款，蜜味足，肉質鬆軟。炸醬麵- 肉醬豐富，能充分拌麵，味道不錯，麵條粘得緊要，動筷時需多加力度。朋友的嫩雞煨麵套餐中包括的豆漿，應該係自製的，豆味雖不算濃，甜度剛好，倒想多喝一杯。茶介連加一後超過一百元，不算抵食

醉雞！好夠酒味，雞又唔舊唔錯！炒年糕就一般般啦！跟住超推介個脆鱔！超正！又甜又香！到甜品，個個好似係紅豆糕我個人覺得一般！但之後個個焦糖布丁就正！ 夠脆糖，蛋又滑又香！品洗等位！正！下次可以再黎！

叫了個套餐不用十五分鐘全部上晒！好似快餐店，要你立刻吃完要走😤😤😤仲有待應上菜非常求其，只見咩位便放下！就算看見你一枱食物也如是！食物的質素還可以，價錢也比較正常

昨晚和兩位朋友到霞小飛晚飯，坐下就覺得裝修新了許多，外觀不錯。傢私也是全新，和從前的霞飛點心有很大的差別。環境是新派了很多，之後我們三人叫了雲吞，肉絲兩面黃，燒腩肉，蘿白絲酥餅。食物水準很一般，尤其是兩面黃只是一般的廣東肉絲銀芽炒面，不是兩面黃。另外要提是，招呼水準差，我們要一些醋，竟然叫了四次才有人理會。他們好像只做落單和送食物，其他不理。其中一位年輕女待應更加扮聽不到，直行直過之後又在前枱吹水。我覺得很明顯的是管理出了問題，還是以前的霞飛點心做得好。希望能有一些改善，否則在這個場競爭如此激烈⋯

之前抽中咗的兩張《妖怪手錶》舞台劇門票，但我今日要下午到晚上返兼職，我就約好昕昕的二姨（我個妹）幫手湊佢去九龍灣，由於佢早上在尖沙咀，我們約好昕昕午餐後在尖東交收。昕昕好喜歡嫩雞煨麵，每次去K11我就帶昕昕去霞小飛（跟元朗家上海比較，呢度感覺抵dd）由於我們一開門就入去，有人選擇坐入面大圓枱，而我地坐小圓枱~~~我覺得有dd抵係因為有$88的套餐，裡面包小食和豆漿，昕昕飲豆漿飲到好開心~~~昕昕除咗喜歡食嫩雞煨麵的麵外，更喜歡吃鴨肉，佢真係似我，正一食肉獸(￣∇￣)雲耳幾好食，不過我個人喜歡麻油雲耳多過醋酸雲耳昕昕每次去上海餐廳就係食麵和小籠包~~~由於我趕住返工，最後唔夠時間食小籠包，原來拎外賣餐盒不用另加收費