霞小飛 (已結業)

冬至前一天，約了從外地訪港的朋友吃飯，當然也要來個中餐啦，最終選了上海菜，味道夠濃。先來一個冷盤：肴肉。味道不錯，酸酸甜甜的，很易入口，也叫人開胃。再來一個生煎包，外層軟軟的，而底層也夠脆。中間的肉汁鮮甜，味道很好。不少得的當然是小籠包，還要是有蟹粉的。蟹味很濃，要點小許黑醋才可將濃味化一化，但整體都是美味的。這個玫瑰包是朋友因為外型吸引而點的，不過味道就有點強差人意了。玫瑰的味道久奉，像是在吃饅頭一般。一間其實是有蓮蓉的，但因為實在是太少了，完全發揮不到應有的味道。不過最後這個北京填鴨就真不錯，外皮脆，有肉汁，也有鴨味。配上麵包皮及青瓜，叫人可以吃多幾塊。

去年出差上海，吃過當地的黃魚麵，念念不忘，看到餐牌有黃魚麵，趁外地友人回來相約到文化中心看表演，一起來這裡晚餐嚐嚐。友人一吃黃魚麵，連聲說很滑，湯底好味，訴說外國的魚哪有這麽好吃；而我都覺得有在上海吃的風味。茶也很香，可惜即將看表演，怕去廁所，不敢多飲。友人竟然點了蝦餃，晚餐吃點心，怪怪的。一籠三隻，品質正正常常罷。她還點了蟲草花螺頭燉雞，看得到的足料，味道不錯。小籠包也是一籠三隻，皮厚薄適中，不會一夾就破，肉汁豐滿甜美，滿意。香蔥煎餅，做得薄而脆，幾香口，不過個人喜歡較有嚼勁、不太脆的風味。

同屋企人食聖誕飯， 唔想同人逼， 所以食中餐。杏汁豬肺湯海南雞小籠包雲吞雞火腿津白玫瑰包酒釀丸子今次已經係第二次來 ， 冇散叫 ，三個人叫咗二人餐， 加小籠包同玫瑰包， 已經好夠三個人食， 今次叫餐勝在款式多， 三個人都可以食到 咁多唔同款嘅食物， 環境、 味道、 價錢， 三方面 性價比高。

第一次經過已經想試，難得喺尖沙咀有間中菜人唔多又坐得舒服。兩個人去，叫咗三菜一湯。先講個杏汁唔知乜湯，好似豬肺，好飲但係多咗少少油，料都好足。之後點咗個菜肉餃、牛肉餅同埋鐵板蝦球。啲名已經忘記哂，不過菜肉餃普通，個皮唔是太厚，唔是太突出。牛肉餅就唔錯，好多汁，大細適中，唔會太飽。蝦球係最出色，啖啖肉又大隻，個醬汁又好食。不過出色是有原因的，一味蝦球都盛惠218，一分錢一分貨就是咁啦！整體滿意，招呼都幾好！

老公系上海人，對香港上海菜口味一向腌腌尖尖，好難得一兩間佢話價性比高。今次因為見呢間唔洗點等位，所以試下。個門口姐姐我地體諒佢工作辛苦，但佢個苦瓜乾咁嘅面口over左dd, 我希望佢放左工會開心返d啦，雖然我差d俾佢skip左個號碼飛……好彩我死都唔行開啫我地叫左黄魚麵，炸醬麵，小籠包，生煎包，雪菜毛豆百頁。黄魚麵非常好食，黄魚無骨，厚肉，湯底鮮甜，麵索晒d精華，好入味。炸醬麵偏淡味可以甜d，但足料，不過唔系我鐘意果種味。小籠包好普通，只能講唔難食，因為個肉餡唔掂，肉無鮮味又散開，唔足料，皮唔算薄。反而生煎包相對地精緻d, 但個肉餡一様有待改善。全晚最滿意嘅竟然系個雪菜毛豆百頁，因為佢唔做作，好地道上海住家味道，因為似我奶奶煮嘅味道。非常好食~

不知不覺間，霞小飛已成為了其中一間我最喜愛的京川滬菜式食肆。今天本來想去吃南小館，老實說霞小飛比南小館好吃，問題只是霞小飛位於K11地庫，感覺有少少格攝，一時想不起它的存在而已。當然一再光臨，也沒有失望而回。先來一客小籠包，皮薄、豬肉新鮮、湯也很多，是一個令人吃了滿足的小籠包。燻蛋一隻＄20，老實說不算便宜，但質素很高而且非常穩定，絕對物有所值。四川擔擔面，辣度足夠但不會太誇張，湯底濃郁，花生和肉碎也很新鮮，麵質彈牙可口，個人真的很喜歡。很多其他餐廳的擔擔麵有時肉碎很不新鮮又有雪味，最討厭那些。菜肉雲吞，一客六隻，雲吞大隻，豬肉很新鮮，湯底加了蛋花和紫菜，相當不錯。之前光顧我還吃過很多其他菜式，例如水煮魚、麻婆豆腐、黑豚肉叉燒等等，所有質素都很高，而且他的燉湯所有都很好飲。還有，以性價比來說也是很不錯，絕對推介!

摩登上海菜係香港食上海菜, 食黎食去都係果幾間多, 但最近行開尖沙咀, 去咗食霞小飛, 都幾好味呀!今次係路過亂入的, 見到食飯時間但都無乜人排隊等位, 最初期望不大, 但外面睇都幾靚架, 之后先知原來早前裝修過. 一行四人食咗唔係好多野, 因為大家都唔係好肚餓, 叫咗抄面, 賽螃蟹, 火腿津, 小籠包, 回鍋肉, 抄面夠熱, 賽螃蟹夠香滑, 小籠包夠新鮮, 回鍋肉夠香口, 抵讚!不過, 其實選擇不多, 款式好少, 希望佢黎緊會加多D菜式, 等我地可以多D選擇咁就好啦!

本來預算到K11二樓另一間鋪頭，但朋友突然建議去依家「霞小飛」，話食過覺得好食，所以我本來去緊上面，都即刻搭lift去返地鐵站果層。星期五晚七點未到已經坐低咗，朋友們有幾個特定選擇，應該係之前食過好食，我再加幾個。整體嚟講，野食算幾好食。最好既係醉雞，賣相精美，酒味香👃🏻😋另外推介「是旦炒飯」、「肉燥麵」，都係好食，飯炒得有咬口，肉燥味道唔錯。我今晚仲有幸坐係Sofa位，攰得擠果時可以向後休息下。朋友聚會推介👍🏼

相約友人吃飯又諗起這地方，本人已造訪好幾次但由於環境舒適及食品質不錯便希望再訪🤗雖然此店只開了數月但已悄悄更新了菜單，其中擔擔麵價錢更加了超過30%，只怪生意實在難做🙁擔擔麵味道確實比其他店出色，花生及芝麻味十分香濃而不會過辣。义燒蔥油拌麵 - 無乜特別，而以$68嘅價錢來說這份量有點少得過份，下次一定不會再點😔紅油抄手 - 皮薄且滑， 醬汁蒜味香濃😋蘿蔔絲酥餅 - 又是水準下降的一款點心， 外皮不夠鬆脆而餡料味道亦偏淡。甜點只有驢打滾最令大家滿意， 質地十分軟糯而甜度亦剛剛好。總括來說，因經營成本上漲需要調整價格是無可口非，但希望食物及服務水準不要往相反方向走⋯⋯

午市二人餐$248，點了叉燒做主菜，點知份量少到好似前菜咁，一人得兩小塊咁多，連個waiter都以為攪錯咗，但經理話無錯！食物遍咸，點心小籠包一人一粒咁多，我作為一個細食嘅女仔都食唔飽，咁嘅價錢係尖沙咀可以有好多更好的選擇，唔怪得咁多空枱，好搵笨，以後都唔會再來！

成日經過K11地庫，想試下，呢日終於試咗。都唔錯嘅！杏汁燉豬肺湯 - 杏汁味唔多，飲到豬肉湯味多啲。味道都幾好。入面有2正方粒豬肺同2正方粒豬豬，size一樣，仲有一支豬脾仔。$48。擔擔麵 - 一般。重麻辣味，反而少咗花生醬味。湯濃，個人認為太過杰。食開嘅擔擔麵都係花生醬味重啲，無咁麻辣。蜜糖燒鱔 - $138。好食。用蜜糖燒鱔，無骨，脆脆哋、甜甜哋、又香。周圍都比較難搵到鱔食，呢度竟然有，即試。好在都無失望。玫瑰花饅頭 - 見係母親節正日，玫瑰花又粉紅色，都幾靚，叫來應下節。真樣都幾靚，雖然有條裂縫，影相擰開都唔覺眼。有少少味，但其實係差唔多一個齋饅頭，頂同底有一粒仔蓮蓉。應下節，影下相，都ok啦！平時真係唔會叫。牛肉餅 - 唔得。入面啲牛肉係滑lu lu，唔係食滑牛喎，牛肉餅係應該有口感先啱。食過清真牛肉館，食過最好味牛肉餅，同呢個比真係高咗9班。總扣，都ok嘅。有機會再試其他。埋單$350。

因上海昔日的霞飛路，即現淮海路而命名的霞飛絕對不是這一兩年新冒起的餐館 不論是霞飛或霞飛會館均為人熟知，然而位於K11一角落的霞小飛是我至今未有觸及之處 換個角度理解，霞小飛為三十年代袓籍廣東，長於上海的時尚女性，熱衷烹調及旅遊 顧名思義，霞小飛一線以廣東、上海及四川菜為主，所取的是新派變奏風格 午市麵食套餐包前菜、麵食及飲品只叫價$88+10%，實屬驚喜價位，如此吸引何不嚐？ 只是單點餐牌又有我們想嚐的菜式，糾結一番，每次都要整理好思緒才點菜是個煩惱 茶位費每位$8，喝的不是常見的普洱壽眉，倒是香氣甚濃的蕎麥茶，吃膩物吃的清味之選 同時跟餐亦附送凍豆漿，不會甜得膩溜，正路一杯豆漿也許到某日會演變成罕見珍寶 難得一遇杏汁燉白肺 $48，而且價位亦合理，一人一碗只是基本 湯料頗足露出湯面易見，油感不算太重，只有少許雞脂黃油浮貼邊緣 綿嫩帶彈的豬肺固然是主角，還有雞件等食材，調味又不會太重手 仍不是我一直找尋的帶稠湯品，但其滋潤鮮美也得我心，略帶杏香，來得順口 前菜三味為黑毛豬蜜汁叉燒、鬆化燒腩肉、溏心燻蛋（餐），以一人份量計也不俗 叉燒邊位香口略帶脂，肉腍不柴；燒腩肉稍為遜

我好少一個月之內幫襯同一間餐廳兩次，霞小飛係例外，上次試過，一試難忘，今次如何？上次幫襯覺得呢度兩人位好逼，袋同衫都無地方放，喺食評建議佢地放個籐籃喺旁邊俾客放野，今次發現真係有個籐籃喺櫈旁邊，呢間小店咁着重顧客嘅意見，絕對值得一讚👍🏻👍🏻👍🏻擔擔麵因為好懷念佢哋上次整嘅擔擔麵今次再叫，睇下質素有無改變，結果，水準穩定，我叫佢"必食麵"👍🏻葱油拌麵蔥油拌麵一般係無咩料，喺第二間食通常都係只覺肥膩，但係呢度葱油拌麵與別不同，麵上面加左櫻花蝦，而且唔少，仲跟埋一碗金華火腿上湯，個湯好鮮味，唔係行貨👍🏻，整個拌麵賣相矜貴，櫻花蝦亦令味道提升，麵幾乾身，食完一啲唔覺得肥膩，只係份量較少，但仍然係"必試麵"蘿蔔絲酥餅霞小飛前身霞飛點心拉麵整嘅蘿蔔絲酥餅絕對係全港冠軍，賣相好又熱又脆口，霞小飛嘅蘿蔔絲酥餅又點呢？唔.... 賣相一樣出色，非常熱👍🏻，但脆口度只得以前8成，有啲失望。😧驢打滾洞庭樓嘅驢打滾無得彈，呢度嘅驢打滾又點？原來做法完全唔同，係用熱而柔軟嘅糯米做成，外面撲上花生芝麻黃豆粉，個粉做得好幼滑，糯米軟熟而煙韌，睇得出好俾心機做，無得輸👍🏻酒釀小丸子上次食過，今次再食，水準一樣高，桂花

由小至大最愛粉絲煲👧，粉絲煙靭彈牙，大慨是每個小朋友也愛的食物節瓜切絲，以蝦米咸香作為調味，粉絲節瓜十分入味，以煲仔上保持熱度哦    霞小飛尖沙咀河內道18號K11購物藝術館B2樓B226號舖               

雖然K11這商場對於購物嚟講店舖選擇不多，但我經常都會在這出現😬今次出現是為了霞小飛😋店內環境優雅但二人枱實在太太太迫😓既然入到嚟都無計唯有寄望落啲食物度啦。在毫無頭緒之際一位女侍應很有誠意地主動推介不少店內名菜並細心解構該菜式的製作方法及厨師的心思。 此細心的服務令我倆大為讚嘆👏🏼👏🏼👏🏼根據推介，點選了四川担担麵。賣相十分好，看得出厨師的用心。湯底很濃稠並散發很香芝麻及花生味道。整碗麵份量十足。嫩雞煨麵 - 細細碗，雞湯味濃，麵條幼滑但不會過淋，超水準👍🏼紅油抄手 - 勁多生蒜放於碟底味道好香。爆汁牛肉餅 - 屬於細size，果然有爆汁要小心食。友人每次都點酒釀小丸子今次亦唔例外。 上枱時已有濃濃桂花香味，小丸子好煙靱另加入柑肉令整個甜品升格及令賣相加分😍香煎豆沙餅 - 不油也不會太甜。以後要多多支持這家用心做食物的店子🤗