露台餐廳

营业中

休息中

公司提早請食聖誕節聚餐，一行廿多人包個獨立房間，長枱一張，好有氣派。刺身方面有帶子、三文魚、馬刀貝(一度誤會為象拔蚌)、帶子勁鮮甜，馬刀貝爽脆，超新鮮。海鮮部分有磯燒鮑魚、龍蝦、長腳蟹，鮑魚彈牙夠入味，蟹腳已剪開保持儀態容易食，鮮味十足。印度咖哩雞肉鮮嫩，香料味道夠哂香濃，配薄脆餅簡直天作之合。甜品吧非常吸晴，佛手柑香馬卡龍唔太甜，白咖啡拿破崙有層次香濃咖啡味又夠脆，味道難忘。最後每人奉上一個梳乎厘，配柑桔汁，雖然一陣風嘅感覺，但都感到甜絲絲

喜歡半島的露台餐廳，優雅，整潔，光亮，坐得舒服，又有一定的空間吃過數次自助午餐和晚餐，今次因住宿優惠而可享用自助早餐，實在太好了😍。在舒適的環境中，和至愛親朋共進早餐，閒談聊天，何其快哉😄！食品種類不算多，但質素好，有我喜歡的橙汁(內有橙肉的)、煎得靚的雙蛋、好味的雲吞和焯菜心⋯，當然還有其他呢吃後，再回房間休息，如此悠閒的渡假，讓身心儲儲電，再投入繁忙的工作中溫馨建議😏，住宿優惠的早餐，選露台餐廳的自助早餐最佳

食尼餐唔係為左回本，只係想嘗試食一次半島酒店既自助餐。環境氣氛非常好，有燭光晚餐feel。侍應服務真係好好，入座會幫你拉凳，為你凖備餐巾，離開座位時又會幫你將餐巾摺好。同埋係一齊出去拎食野都會好放心，唔擔心俾人偷野。前菜：中東海鮮入座時，侍應會先送上前菜。今晚既前菜係中東海鮮，有蝦有魚，調味酸酸地，唔錯，幾開胃。冷盤磯煮鮑魚，醬汁同鮑魚好夾，鮑魚有趙口，好食(不過食得多會滯，唔可以太貪心)。有一隻龍蝦好難起肉，d龍蝦肉痴住個殼，另一隻就比較容易起肉，但無乜龍蝦味。帶子唔錯，但無乜帶子味。蝦、青口、螺一般。我地都同意蟹腳蟹鉗既肉質好實，好似雪/擺得太耐，唔好食。整體而言，冷盤都係食唔出食材本身鮮味，只係口感唔錯。刺身帶子一D都唔會孤寒，原粒介開，大粒，爽滑鮮甜，好味。其他刺身都係標準(優於放題質素)。熱盤燒牛油大蝦，好香既牛油味，配埋醬汁，好食。蒜蓉粉絲蒸扇貝，第一轉拎既可能焗得太耐，豉油太甜，同埋有幾條粉絲係乾哂。第二轉拎既唔錯。煮青口，一般。辣肉腸好硬，唔好食。希臘八爪魚肉丸，幾好。燒美國有骨肉眼，肉質嫩滑，好有咬口，食落好有牛味又有肉汁，係我暫時食過最好食既一間。咖喱雞上脾，嫩滑唔

半島酒店露台餐廳 環境優美 寧靜， 因為佢坐位同座位嘅距離好闊， 我食嗰日 都係客滿嘅 但係感覺一啲都唔會嘈或者迫， 款式唔太多 但係 精美， 磯燒鮑魚同各樣海鮮供應都好充足， 但係我最推薦就係佢個鬆餅 ，我放棄食海鮮都要留肚食鬆餅😂😂， 員工亦都非常好禮貌 值得推薦去試下

環境100分，倘若吃自助餐只為吃環境，半島酒店不二之選，除此以外，所以東西都強差人意。一早知道半島酒店有dress code，接待員觀察客人衣著是否符合要求本是合理的，很可惜接待員Yuki的眼光掃射，著實令人不適。酒店盤子回收速度很快，令人實在費解水杯已多次見底，侍應們仍要一再提醒才加水，其中一位名叫Tiffany不情不願的回應態度，差點有種叫她倒水是我們的錯的感覺。我一位男性朋友生日，侍應端錯了一個寫著女性名字的生日牌過來居然毫無疑問🤷🏻‍♀️還好過後發現他有誠懇的致歉，此無心之失亦為我們帶來額外的歡樂。老實說，今次的食物質素略為失望，網上評價很高的龍蝦及蟹腳都沒有達到預期，龍蝦的肉更是梅到不敢恭維，而其餘食物不過不失呀！不得不提，炸蝦及半島自家製的雪糕好好吃希望這次的體驗只是個別事件，並不代表這是香港酒店業服務及食物質素嚴重下降的開始，亦寄望同業引以為鑑。

Buffet time in such a special period in Hong Kong is very relaxing. The restaurant is less noisy.The service is, of course, very good. All servers bare a big smile on them and make sure to fold your napkins properly whenever you leave your seat. The chef explains in details which sauce is complimentary to which type of grilled meat, and carefully explain to other customers that did not realise Dijon mustard is of course mustard from France... shows a lot of patience.The seafood bar is fair. With

成世人既夢想就係去半島酒店食自助餐，見識一下，亦都一直鐘意傳統英式的感覺，價錢800幾呢個質素唔接受🙁🙁🙁冇生蠔已經扣哂分了🤢餐前小食🌸蟹鉗同腳都拆好哂，增加左我既食慾🤪但龍蝦好快俾人拎晒〰️🐙🦑🦐🦞🦀🌸刺身選擇唔多，三文魚油金魚唔算特別肥，同埋甜🦐太細隻，唔太喜歡擺哂出泥，感覺唔太新鮮🤭🤭🌸壽司fill得好快👍🏻款式都好普通呢🌸醬油鮑魚好多人拎😝味道不錯，比較腍身有咬口都有幾款熟食ok的，有好多唔同種類既魚，但都唔熱的🙁🙁🙁🌸甜品選擇好多，做得有心思，比較驚喜😀自制雪糕品牌👍🏻👍🏻好受歡迎〰️〰️有點強差人意🙁款式很少，亦都比較普通，好有住家菜feel，如果唔係堅持，請食過第二間😣真正既好服務就係出完去，店員每次都會把餐巾接好，酒店環境舒服 寬敞 安靜😀😀

早一星期訂兩位午餐。由於同長者同行。預留一張濶位子，餐廳也準備了，真好。媽媽和我最愛今天午餐的白甘笋周打忌廉湯，好香好濃，加埋干蔥干煙肉碎同面包糠，超好食。好有童年回憶。另有日本魚生真的另一亮點。其他仲有熱食帶子蒸粉絲，咖哩五食，即煎三文魚扒漢㷛仔好🉐️意呀。即切牛扒同豬肉脾薄切，好腍。最後食生菓西瓜粒蜜瓜片,菠蘿片仲🈶️三球雪糕大🈵️足本小姐用半島卡埋單第二位仲🈶️半價。好開心好好食呀

一家人去食半島，其實開始都係抱著食下景既心態，冇諗住野有幾好食。餐廳當然係靚啦，景就望下太空館咁，服務質素冇特別大驚喜，野食都係普普通通咁。不過我欣賞佢有好多唔同國家既美食，有好多甚至係聽都未聽過！當然唔係樣樣都岩自己口味啦！最吸引港女梗係甜品啦，每件都好精緻，好多都唔錯既，但有幾款既味道就真係....有待改善。（其中一款好似叫歌x院蛋糕）只可以話個味唔夾，應該係甜既變到好酸...以半島酒店黎講，真係有待改善。我好鐘意食海鮮，餐廳海鮮選擇唔算多，但樣樣新鮮。

好少人介紹早餐buffet，因少人願意花錢系早餐上，好多飲食文化裡面早餐都系平價食物，所以我地唔會/經常食到咁豪。而我就真系超中意食早餐，先會試半島buffet，出面食早餐buffet雖然不外乎都系麵包、水果、雞蛋、粥、點心，到底半島會唔會帶來其他驚喜？對我來講去完呢次半島早餐buffet，好似去完天堂咁，因為佢地除左食物質素、味道都唔錯外，服務亦系好好，枱與枱之間都唔會太近，就算兩個人去張枱都系可供4位用嘅方枱，可以自由選擇一款茶/咖啡☕️我就選擇要一杯咖啡，外相已經唔錯❤️有個心型圖案系中間食物麵包、水果、雞蛋、粥、點心、早餐脆片、乳酪外各式飲品奶類/果汁之外我欣賞佢地主題飲品，每一日佢地都有款健康嘅daily drink🍹類似mocktil咁，除左好飲外覺得比到驚喜客人連蛋嘅製法方面都落左唔少心思，好似呢味雜菜流心蒸蛋就相當吸引，味道十分香濃雜菜味仲要流心蛋做主題唔錯🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔會返轉頭，相信大家可抱着支持本地食店想法，成長對每間餐廳都十分重要，請一齊多一分抱容之心❤️

這裡最好就是十分有禮同照顧的staff~ 見到我有左個主動給我cushion 環境是我喜歡的設計 陽光很好 桌與桌間不會太擠食物中規中矩 選擇略少 冷盤比熱盤好吃 飲品只有一杯 還是可以的生日也有件寫字的小切餅可拍照

朋友上星期生日，選擇了自助餐，我們準時入座，不久週邊幾枱都有小孩入座，很熱閙，經理自動過來講幫我們換一個靜的座位，👍讚這個貼心的服務自助餐開始了，食物種類不多，首先取了鮑魚，很淋，入味，唔錯，龍嘏則一般，鮮帶子，魚生，味新鮮甜美 ，沙律，熟食則一般，選擇唔多，最后吃甜點，另外是每一枱都有梳乎厘特別送上，😋這裡環境一流，可以慢慢享受

好耐冇去半島食自助餐，去到環境冇變、食物水準一様的好忙著食，一張相都冇拍！但我依然想寫同大家分享～刺身好肥美包括三文魚厚切，帶子鮮甜、螺片超爽，仲有甜蝦同呑拿魚！另外龍蝦原隻爽甜，咩醬汁都唔駛、鮑魚燘得好入味、入口即溶！湯係好creamy的粟米湯及地中海的魚湯，加脆的麵包牛油，味道一流！仲有肉眼扒及燒豬,都好好味.甜品一流～芒果布丁、朱古力慕絲、拿破崙蛋糕等等...一小件一小件的放在枱上，非常漂亮、吸引、......仲有自家制的雪糕，好滑好好味，有抹茶，有朱古力等等。。加埋每枱送的梳乎厘，咖啡、奶茶.... 一個完美的晚餐好美好的用完了！👍👍👍

今次嚟到半島酒店入邊嘅餐廳.........裝修很華麗........ 而且枱同枱之間唔會好近........ 感覺唔會有壓迫感........👍🏻👍🏻👍🏻自助餐款式足夠....材料10分新鮮..........雖然拎嘢食嘅地方唔算好大........但每次都唔會好多人拎......可以慢慢揀慢慢選擇............整體質素很好........都係一個談心放鬆嘅好地方........👍🏻👍🏻👍🏻👍🏻

已經唔係第一次嚟食中午自助餐，環境舒適寧靜，好多位置都可以望到太空館，喜歡沒有太多人。食物質素依然好好，冷盤海鮮有熟帶子、大蝦、青口、螺等，最喜歡磯燒鮑魚，刺身有三文魚、吞拿魚、甜蝦、馬刀背等，壽司嘅賣相都好吸引，當然沙律都有好多選擇，蔬菜新鮮，今日有特色菜，摩洛哥海鮮湯，摩洛哥魚串，蟹餅，個牛柳都非常有肉味，牛肝菌汁煮豆腐都好好食，其中最令我印象深刻嘅係清湯牛舌，真係好香好香，食咗兩次。甜品嘅款式都非常精美，有些更是半島特產，high tea 食到嘅鬆餅，半島朱古力，仲有最喜歡的就係港式奶茶雪糕。