青森料理 (已搬遷) 新店位置

對於大家對食物ge意見我們會即時跟進如軟殼蟹粥太勁咸壽司飯太散如下次對食物再有問題可即時向我們投訴

很開心同感激身邊關心我既人, 晚上同龍爸爸黎呢度慶祝:三文鱼併赤貝- ok la, not very surprising and special芥辣八爪魚壽司& 魷魚足壽司- 正, 新鮮, 好過峰壽司, 元氣和田中雜錦魚生飯- 中規中矩啦蒜片牛柳片- 鐵板上, 用牛油炒過, 香但係當然油膩D服務幾好, 又唔收加一, 抵吃!!

身為屯門友,我都出一分力同小肥一齊撐場.昨天下午到來已三時多,人小理所當然(好在無落場),先說一室陳設蠻舒服,清清淡淡,有些假竹點綴,坐着坐着只覺和室外氣氛挺不同.兩個人點了三文魚&帶子壽司各一客(共四件),三文魚夠滑身無渣,帶子夠肥美算鮮甜,但壽司飯則兩款各有不同質感,一濕一爽,都嫌不像樣,但比起超市的還算好些.叉燒拉麵不俗,自家製叉燒有肉味(都有四至五塊),豬骨湯底夠味不重味精,拉麵爽滑,鳴門卷也是彈牙的,點綴些海帶粟米整體不錯.燒尤魚筒嫌不夠香口,但肉嫩不韌,食落夠尤魚味,都Ok.但唯一敗筆就係個炸軟殼蟹粥,其實蟹有膏有肉又不太油膩,粥底開花,不太稀不太杰,加埋脆卜卜蟹子,菜絲,冬菇絲,應該好高分,唯獨是頭兩啖味道還可接受,之後開始覺得勁咸,重要係重味精,白白遭撻一煲好材料.......

前兩日夜晚10 點去食,可能因為夜所以唔洗等位,連野食都上得好快...我地叫左三文魚壽司,海膽壽司,劍魚腩壽司,一個雜錦魚生飯,仲有一碟雞軟骨粒,樣樣都幾好味,而且個雜錦魚生飯$58仲有海膽簡直係意外驚喜...埋單$161...我同男友都覺得幾好食,可以再去..可以改善的係裝修太有農村風味,一D都唔吸引...

今天同家人試了4款菜式。-叉燒拉麵(HKD38)，肉跟脂肪間著分佈，吃起來不覺膩。麵就一般，至於湯的濃度適中。-京雞絲拉麵(HKD38)，我想那個應該叫做雞柳拉麵。雞柳很普通，不過，湯底很甜，用了洋絲、銀芽同少量椰菜炒香，加埋，都幾好味。-日式燒茄子(大約有6件)(HKD23)，原以為是半個矮身肥茄子，原來是一條長長的那種切片。茄子上面舖有木魚粉，仲有蘿蔔茸伴碟，加上去味道就更加鮮甜。-牛油果軟殼蟹壽司(8件)(HKD58)，吃時，軟殼蟹還是熱熱的，整體的味道配搭得不錯，但唯一就是壽司得不夠實，有些一夾就散了。每款的份量比較大，所以，飽得抱著肚子回家。我會再去的-----> I will be back!!!!! (^^)/"

今日同埋屋企人去食午餐,因為我地得3丁人,所以點o左個二人餐($168)同一碗豬軟骨拉麵(好似$38).個二人餐有幾款食物可供選擇,我地點o左蟹籽沙律,三文魚壽司(4件),加州卷(4件),炸餃子雞翼,炒什菜同埋三文魚炒飯,仲有2碗麵豉湯.整體上套餐o既份量都幾多ga!壽司都幾好,魚有鮮味,飯又有醋味!而炸餃子雞翼雖然有5隻咁多,但釀o既餡料就麻麻地,得d肉,無咩特別,我覺得如果加d椰菜落d餡度會更有口感喎!個炒什菜就好重味精喇!食完要勁飲水!!炒飯都幾好食,炒得唔算油!另外個豬軟骨拉麵d湯唔多夠味,豬軟骨都幾好!埋單$190.

見到網上的介紹，所以今晚特別揀呢間餐廳食飯。我同男友兩人叫左蟹子沙律、燒蠔、三文魚壽司同煎餃四樣野食。我地覺得除左煎餃好味外，其他都係一般，燒蠔好淡口，如果改月煙肉焗就好濃味些，壽司飯一夾就散，三文魚亦都唔太新鮮。其實屯門區好少呢類型的餐廳，希望佢地可以做好些啦！

一個星期已經去左兩次.真係覺得好抵食,食物quality 亦不錯.三文魚壽司一定要試,$18兩件,三文魚好長,好新鮮,希望可以keep住呢個水準,唔好因為多人食就縮水啦.劍魚腩壽司都好正.三文魚刺身就$58有8大件.最值得推介係個軟殼蟹粥,好香,非常有蟹味,一大碗夠4個人食.芒果蟹子沙律好大碗,大到有d難以想像.初初見到都有少少呆左.另外個火龍卷都好好味,炸蝦一d都唔油.亞媽話日式叉燒拉麵d叉燒好腍,好好味.服務都唔錯丫.侍應個個都幾friendly,會不停為客人加茶.一叫就有人應,要乜都好快比到我地.星期五晚八點左右去到唔洗等.星期日六點幾去到就要等一陣,不過d客的turnover都幾快,唔洗等好耐就有位.

見到openrice 咁難得有屯門區的食肆文章, 身為地靈人傑屯門區的子民, 當然要去支持下。搵就一d 都唔難搵, 因為住左係屯門咁多年! 一入到去環境都幾企理, 人不多, 十數個食客左右, 話晒新開! 侍應有笑容和禮貌, 雖然有點生手, 但會自動自覺加茶同加水, 呢方面幾好, 個杯未空過!叫左雜綿刺身, 金菇牛肉卷同京燒銀雪魚。份量方面偏細, 賣相也普通。先來金菇牛肉卷, 味道和賣相都不差, 合格之作。跟著的雜綿刺身, 各款魚生無論色澤, 新鮮程度和味道都算係偏差, 海膽本身是大大塊的, 但可能去貨太慢, 十分之腥, 一點都不新鮮, 吃剩很多。同百佳的刺身比, 應該是差不多的。最後的京燒銀雪魚, 味道普通, 沒有甚麼鮮味, 應該也不太新鮮。埋單九折$245! 雖然和元朗區的日本野比較, 的確有點不公平, 不計田中和一番。星期日才隨便去了一間教育路的日本料理店食, 三個人食到飽飽六七款食物才$240, 味道則較田中和一番稍差, 但和青森比則好很多了。小店一定要努力點, 否則很難和同區的店舖爭下去, 和老店惠比壽, 青葉和秋田等比較, 也根本站不住腳。而唔俾喊面係純粹因為支持小店而已。

睇完呢間野既介紹, 我夜晚就去左試試. 點知俾我既感覺麻麻地.我叫左個兩人前, + 吉烈生蠔+ 三文魚子壽司兩人前- $168, d野麻麻, d魚生都ok, 不過d豬頸肉同埋個牛油炒金菇就好咸. 食完成日都要飲水三文魚子...一般啦吉烈生蠔- 麻麻. 都唔知食左d乜野最後都有甜品服務都幾好. 係碼唔使叫埋黎先做野. 唔錯!

般到屯門都末行過新墟,一行過去就接到張寫住６吋長三文鱼18蚊兩件,乜鬼嘢火龍卷同埋重量級沙律嘅傳單,行到過去都見唔到係邊,原來喺條橫街裡面,一入到去就照傳單嗰三樣叫,再叫多個拉面,Ｄ嘢一嚟到原來真係無吹水,三文魚６吋唔講,火龍卷賣相一流味道唔錯,最精采係嗰個蚧子沙律,成坐山一樣蚧子多到爆,兩個人都食唔晒,服務又好,由其嗰個男仔,唔該,多謝不停,可能係太子爺,不過Ｄ壽司師父就木口木面Ｄ,埋單唔貴,因為唔加一,有九折,仲有甜品送,一定要再去!

之前去食左個午餐, 質素中上, 價錢亦抵今次去食個晚餐, 睇睇有乜料到今次個帶位介紹左d新野, 真係唔錯:炭燒蠔, 香口大隻夠飽滿, 燒得岩岩好, 外層脆內裡多汁, 三十幾蚊有四隻, 得!!蟹粥, 粥底清甜, 蟹亦新鮮, ok!日式燒餅, 都ok, 特別在佢夠大件刺身壽司則中上水準, 亦係六寸長個隻三文魚, 其他要推介的是北寄同帶子, 北寄原隻上無開邊, 好鬼抵, 帶子就夠大隻, 蟹子壽司都ok, 無話一petpet埋單唔加一重有九折+送雪榚羅米池....很好! 下次再幫襯你

星期日同daddy, mummy 去o左呢度lunch, 2點左右啦, 唔係好多人, 得2, 3 檯客。o係門口o個個姐姐好落力o甘sell, 幾有heart o甘, d staff 都幾polite, 而且唔假, 讚!我o地叫o左d 刺身, sushi, 天婦羅, 燒'由'魚, 燒鲭魚刺身: 1)三文魚好得, 好fresh, 有入口即溶feel!2)赤貝好爽好甜! sushi: 1)一般都ok, 三文魚係好長o個d, 2)墨魚係2塊一件的3)吞拿fish 都ok4)不過唔好叫o個個「虎蝦」, 因為只係一隻街市的烚蝦天婦羅;炸粉不過厚, 不油膩, 好!燒'由'魚:好味, 唔un, 加埋薑末好好味!燒鲭魚: 呢個爆好味! d 魚肉好滑, d skin 好脆! 正ar!total 3 個人, 食o左$240其實係貴, 不過d food 質素好, 可惜個locatin 麻麻啦, 如果大家經開真係不妨一試ga!!p.s. 佢有set lunch ga,abt $35 la!而且無加一有10% off tim!

前幾日同D FD去新墟買野, 先至發現係個度開左間新野,咁見佢地個SET LUNCH個價錢又OK, 咁咪入去試下囉我仲叫左碟三文魚寿司, 好OK WOW 件三文魚好鬼長,真係好似佢地張相咁, LUNCH個份量都OK