青森料理 (已搬遷) 新店位置

好耐都無青森食野啦......今次就係同男朋友一齊去食新裝修的青森...枱.椅..杯個D都唔同以前..新淨D..但一樣都係咁迫...D野食有D就加左價....但都可以接受..叫了以下食品1. 青森招牌雜錦刺身飯X 12. 三文魚...吞拿魚...壽司X 13. 蟹籽沙律X 14. 秋刀魚X1仲有其他野食.......(好似仲有兩三樣野..但唔記得啦)......刺身飯...我的最愛....我覺得佢D飯好好食....D刺身都OK.....$1XX 兩個人食...GOOD男朋友就鍾意食三文魚....我就食吞拿魚.....吞拿魚好食.....但蟹籽沙律就無以前咁好食......D蟹籽小左...男朋友話個沙律好水....我就覺得....係小左D蟹籽..但味道都OK.....秋刀魚...好食.....我中意食秋刀魚.....總括而言...今次的食物都OK,,,,刺身好食....新鮮...

其實我係住起附近既..我媽咪都成日黎食..我就少d..佢地d野食都唔算差..價錢都尚算ok!不過有次真係好失望..可能佢地差唔多收工.. 得番幾張tables.. 但就有成5~6個樓面!成班嘻嘻哈哈(我地坐近cashier)咁少野做都可以留單.. 問佢係咪留單.. 呢個話有寫.. 果個話冇單.. 都冇人同我地交帶聲!佢地執野果時.. 掉左隻碟起我腳邊.. 都冇人理.. 我走果時差d pk!!我地3個人d杯吉哂.. 都冇人加水.. 要我地自己過去壺水自己加

今次已是第二次在這裏吃午飯了就是這裏,一個人吃飯也不再尷尬lunch set分好多種,有平有貴最平$36,有蟹子沙律,三文魚刺身幾片同特式飯/烏冬即使是$36的飯及烏冬都有四五十種選擇,一日一種都要試個幾月貴一點的有魚生飯,再貴點有壽司或刺身套餐都是四五十元,最貴的都是七十多,全日不加一上次試了$36要了蒲燒鰻魚飯,今次去想特別些少貴了幾蚊叫了雜錦魚生飯餐($42)包蟹子沙律和野飲雜錦魚生飯平時點貴很多,忘了是六十元多還是幾多了不過當然套餐價來說魚生必定會符合「午餐分量」有兩大片吞拿魚、有四,五半片三文魚、一條散蟹柳、兩隻大甜蝦和三片類似劍魚的魚生片珍珠白飯上撤有蟹子和日式送飯的粉末,很特別或者是我從沒吃過魚生同飯一碗過的關係吧(說來慚愧,以往吃日本料理都局限於壽司和吉列)這個套餐算是我最留戀的一個午餐吧!環境:不錯,不過多人時似乎有點擠迫味道:令人滿意,魚生都頗新鮮服務:不錯,waitress們有笑容,不知是否因為我很"or哥",時常要這要那,她們都認得我了,臨走還會對我笑呢!抵食:雖然會將貨就價,但是$42不可能要人家奉上海膽和貝類於飯內吧! 上次看到了鄰桌點了的壽司餐和刺身餐($

三文魚海膽卷：三文魚新鮮程度一般，海膽色水都有點暗啞，不過吃下去卻沒有不新鮮之感，整體來說還可以。帶子壽司：帶子鮮甜肥大，好難忘的美味啊！軟殼蟹粥：軟殼蟹依然十分好美，不過與那個粥好像是兩回事似的，不過冬天吃個這麼足料的粥好溫暖。牛肉燒餅：不知是膩還是難吃，吃了兩口便不想吃了。

好耐之前嚟過一次, 記得食過軟殼蟹粥、海膽同其他壽司, 粥味精重咗d, 頗咸, 不過都好味尋晚再去一次,叫咗海膽壽司、甘蝦壽司、三文魚壽司、玉子壽司、蟹子壽司、炸蝦雜菜天婦羅、金姑牛肉卷同雞軟骨串燒, 我覺得全部都好味, 唯獨雞軟骨唔夠味壽司大大件, 料都新鮮, 三文魚大件得嚟係薄身無雪味, 感覺幾好, 屯門區的壽司店嚟講係非常好服務態度都好好, 成日都有人斟水, 一叫侍應就應, 唔似得其他十叫九唔應, 地方唔大, 不過人流都好快,等位唔使等好耐, 食物都好快上, 以後會多d去

我同d朋友前日夜晚黎食~叫左三文魚刺身,一條火龍卷,什錦天婦羅,一口牛,芝士餃子同我每次都會叫既牛油炒雜菇!!!除左三文魚刺身之外.....其他真係唔掂,火龍卷一夾即散,裡面隻蝦好林,仲有o個個細眼既壽司師傅好多野講又成日起度玩~太唔專業;天婦羅又林,一口牛無味,芝士餃子太令我意想不到,入面d料好咸,你見過4隻餃子4隻都爆開跟住又爛~想點呀~~就連我平時覺得最好味既炒雜菇都好難食~~之前又香又甜甜地好正,依家又苦又無味;係咪d師傅換左呀~~如果唔係點解會咁差~~我諗洗碗o個個都整得好過佢呀

平時都有幫襯開,,因為中意個度d曼魚壽司幾好食,,同埋個牛肉烤餅我好中意食,,不過上星期去食,,唔知點解曼魚凍冰冰d飯又係,,令我諗起吉之島買既壽司,,牛肉烤餅,,ok,,不過食到最尾兩舊竟然比我見到個膠袋,,即場無奈唔食,,個waiter只係話比9折我,,真係唔知比咩反應,,鬧佢又唔想,,費事搞事咁,,無奈地比完錢走,,無下次,,失望,,

媽媽最近又嚷著要吃壽司, 回家前早點到青森買給她, 想不到週六近七時這個黃金時間, 這兒竟然冷冷清清, 莫非人龍熱潮己過?三文魚依然肥美豐朕, 大件得有如地拖一樣, 不過有點薄切吧! 帶子鮮甜略為細件, 劍魚腩水準麻麻, 有根之餘亦不夠肥美, 火龍卷$58八件, 其實就是炸蝦卷加蟹籽在上面, 其實味道確是不錯呢, 蟹籽多得很, 炸蝦香脆而且大隻, 即叫即做, 即使回到家仍是微暖而美味的. 如果在店內品嚐又迫又窄, 倒不如買回家中, 慢慢嘆又是另一番風味吧!!

青森開左咁耐，從來都未幫襯過。早排經過呢邊先知出了午餐，連星期六都有，本來計劃今日放工後過來試下，心思思早上上開飯睇下青森有乜好吃，先發現近來d評語都係唔太得居多=.=。但又想食日本0野，都係決定去﹗唔食飯想食麵，叫了一個餃子釀雞翼拉麵(跟餐有蟹子沙律﹑吞拿魚沙律手卷/三文魚刺身﹑飲品)蟹子沙律：棄掉所有蟹子(唔食)，淨下菜絲撈沙律醬，食完碟底有水...吞拿魚沙律手卷：手卷不能轉款，唯有可轉就係另一款跟餐物—刺身。好似我兩樣料都唔食0既人，唯有棄掉所有吞拿魚沙律，吃紫菜包飯...幣在紫菜很林...>.<凍芒果紅茶：大杯兼好飲餃子釀雞翼：在外食什麼什麼釀雞翼是煎的，連自己做釀雞翼也是...這裡出乎意料是炸的(﹗﹖)。厚厚的炸漿包住雞半翼連翼尖，咬一口也未來得及咀嚼已經傳0黎一大陣黑椒及胡椒味，很濃很濃﹗吞下的也是有這混合味的炸物，所謂的餃子只不過是一舊碎豬肉，餃子皮不翼而飛~~~~為表抗議，剩下兩舊不吃，收檯時還向侍應反映。(當然佢地彩你都傻喇)=.=最後只用麵底充飢，真可憐。因為湯底都唔係太好味呀~

我不嬲都有幫襯開!!但係我發覺最近真係越黎越難食~~我同d朋友前日夜晚黎食~叫左三文魚刺身,一條火龍卷,什錦天婦羅,一口牛,芝士餃子同我每次都會叫既牛油炒雜菇!!!除左三文魚刺身之外.....其他真係唔掂,火龍卷一夾即散,裡面隻蝦好林,仲有o個個細眼既壽司師傅好多野講又成日起度玩~太唔專業;天婦羅又林,一口牛無味,芝士餃子太令我意想不到,入面d料好咸,你見過4隻餃子4隻都爆開跟住又爛~想點呀~~就連我平時覺得最好味既炒雜菇都好難食~~之前又香又甜甜地好正,依家又苦又無味;係咪d師傅換左呀~~如果唔係點解會咁差~~我諗洗碗o個個都整得好過佢呀以前黎食都ok,但經過e次我一定唔會再黎食~~

蒙牛一到屯門, 又嚷著要吃日本菜, 青森吧!!午市的套餐選了一個牛肉拉麵, 湯底清而不膩, 牛肉肥瘦適中亦非常入味, 煮得生一點會更好, 麵質只屬即食拉麵水準, 芽菜加上兩片日式魚旦, 以平價套餐來說, 絕對可以接受蒙牛繼續其魚生飯, 以$98來說, 相信在這兒算是個貴價貨吧! 水準在這兒來說是中上的, 但相比其他日本餐廳的$98魚生飯, 則有點兒失望了, 魚生切得太薄, 劍魚吞拿都新鮮, 三文魚的切位不太理想, 甜蝦北寄貝只屬一般, 幸好有一小堆海膽點綴一下散點一客三文魚壽魚, 讓蒙牛看得目瞪口呆, 我想他未見過這些地拖壽司吧, 其實真的很搞笑, 吃的時候也有點論盡呢!服務一般, 年輕的侍應生有點散慢, 服務水準都不算合格, 一分錢一分貨吧! 坐位如果可以鬆動些會好一點

我本身都幾鐘意食日菜, 但對菜式既要求唔高, 只要入到口都覺得ok青森呢間野我不嬲都有幫襯開, 價錢都算ok平, d 野食都算新鮮, 味道就keep到ok 既水準咁今日我又去食, 午市, 叫左最愛既牛油炒雜菌, 日式牛肉飯, 三文魚甜蝦同埋劍魚腩壽司, 壽司ok, 幾鮮甜, 但個牛肉飯就唔得, 無乜味道, 好多菇但得d 牛肉碎, 飯係好大碗但唔係特別好食, 都要成四十幾蚊, 早知叫一口牛啦. 咁呢個我都覺得可以接受, 因為我本身要求唔高, 但個雜菌就出事, d 秀真菇一食就知無出水, 牛油唔入味, 連我呢個焚化爐都唔食得哂...... 出水呢d 野咁基本都做唔得好, 真係扣哂分啦.除此之外, 當我等緊上菜果時睇下個菜牌, 發現好多刺身卷物都加左價, 已經唔算非常抵. d waiter係開工果時又掛住玩, 直情聽到佢地大聲叫出黎, 揚手又要等好耐先睇到, 要廚房提先醒水, 可能係午市尾無乜人啦. 不過廚房就要讚下既, 上菜都幾快手. 我應該唔會有下次幫襯loo. (應該會轉戰元朗果邊的日菜)

本人再重申一次, 我真的不太喜歡吃日菜, 但近期媽媽嚷著要吃壽司, 所以又要去吃日本餐……青森在本區及本站中的評價均不錯, 所以便到這兒一試午市的套餐選擇很多, 點了一個滑蛋豬肉飯給bb, 壽司定食餐另再加散點sushi, 牛油果軟殼蟹卷的蟹不夠脆且飯很多, 揑得不夠實的飯令人一邊吃一邊散, 十分狼狽, 赤貝, 三文魚ok, 正常水準, 芥辣八爪魚的料的份量不夠多, 劍魚腩夠肥美壽司定食中的熟八爪魚及蟹柳則有點騙財的成份, 太cheap了吧!!不過30多元還送汽水一罐, 想深一層, 真的好像平了點. 滑蛋豬肉飯則一般, 白飯雖多但不是日本米, 而且滑蛋不夠, 豬肉太硬, 不吃也罷…..整體感覺一般, 坐得很迫, 服務生的態度差, 不過如此平價錢, 又是不可以寄望太多的

見好多正面評分,今晚專程同屋企人查車去試試:落order時同waitress 講要雜錦sashimi, 而佢回應問要$98定係$128. 結果黎左係"壽司"而唔係sashimi 唯有check 吓個menu 發覺combo sashimi 應該係$118 無分兩個價錢既. 個waitress係落單時已經攪錯左! 章紅魚口感有別於平時食開個d,居然有渣! 而牛油果軟殼蟹捲,隻蟹好似好耐之前炸咁! 估唔到招牌dish都只係普通貨色. 另外"海鮮薄餅"waitress再一次引導錯誤,問明係咪thin 同脆口個d定係"okonomiyaki"咁. 佢回應為前者而上枱既係後者!!食物水準只屬一般, 價錢合理(但論位置及裝修則唔算抵食)

之前見朋友話請食飯又見成個新墟都冇咩日本嘢嘅地方…就去咗青森度食喇去到嗰度唯一最好味係燒餅…但係可惜好貴之後每人叫咗一個飯我就要咗餃子拉麵點知足足等咗半個鐘先上第一碟嘢食上到我嗰時仲上錯咗咖哩牛肉飯（全檯都冇人叫）啲牛肉根本係街市肥牛，又韌又冇味，好似食布咁而且我哋八個人明明叫咗八個飯／麵最後只係上咗四個；兩個上錯咁我哋都餓到死已經冇再叫佢再換，但係嘢飲又係催咗三次先嚟！對呢間嘢同埋啲員工態度好失望！