青森料理

营业中

休息中

首先食材唔新鮮例如壽司。食落口仲差過$3舊壽司。出餐又慢，等了差不多30分鐘。最重要係個男人態度衰到。 奉勸大家千祈唔好去，食完包你一肚氣。 好似免費餐咁要受氣！！

趁放假睇戲之前，嚟到屯門Go Go Mall試下呢間位於商場內嘅「青森料理」。以前都幫襯過幾次，印象唔錯，覺得係一個價錢實惠又唔會太失望嘅選擇。呢間鋪主打日式簡餐，款式選擇多樣化，包括刺身、壽司卷、丼飯等等。因為係商場內部，所以環境嘈雜係難避免，但用餐氣氛尚算舒適。1️⃣ 牛油果軟殼蟹卷外層嘅牛油果包得幾實，裡面夾咗炸得脆脆嘅軟殼蟹，口感唔錯，入口有少少香甜，表面再淋上沙律醬，增加咗濃郁感。不過講真，呢款壽司卷就唔算太特別，屬於正常發揮，但價格偏貴，四件要$41，性價比唔算高。2️⃣ 三文魚魚生飯一上枱就見到鋪滿咗厚厚嘅三文魚刺身，顏色鮮豔，睇得都好滿足。魚生鮮甜，配合底下嘅醋飯，整體味道都幾好。不過同我之前食嘅相比，今次嘅三文魚片似乎冇以前咁新鮮，感覺上有少少退步。跟餐仲有蟹籽沙律同麵豉湯，配搭得宜，食完飽肚。3️⃣ 滑蛋日式叉燒飯呢個滑蛋日式叉燒飯整體來講好平均。滑蛋夠嫩滑，但叉燒就普通啲，味道冇乜特別驚喜。不過呢份飯份量都幾大，對於飽肚一餐嚟講係唔錯嘅選擇。跟餐仲附送咗兩隻日式炸餃子，外皮炸得香脆，唔會過油，幾有驚喜。整體嚟講，「青森料理」嘅選擇豐富，價錢合理，特別適合想食簡單日式餐嘅客人。

經過咁多次Gogo mall都見好多人排隊，同埋見OpenRice冇咩嘢負皮，本着一試心態首先一邊排隊見住個老細串串共又黑面又藐嘴唔優做咁，仲係咁多人排隊，心諗應該質素唔差先夠膽咁樣嘅態度🤔仲要拎餐嘅時候，見住老闆嗰副嘴臉藐嘴藐舌🤨🤨ok，都係自在一試，無視呢種惡劣嘅態度點知食物食材唔新鮮，份量又少，完全唔掂🤮🤮🤮三文魚衰過爭鮮，係冇味道嘅😐😐點解可以連蟹籽都係臭嘅，玩嘢咩？唔新鮮仲攞出嚟突然間覺得爭鮮真係好食過佢好多🫠🫠中咗大伏！！😵‍💫😵‍💫😵‍💫一次極差嘅體驗，避雷避雷😡

🎀中伏了😢屯門雅都排長龍既日式刺身飯🍣🎀🕯️店名* #青森料理🕯️🔮地址*屯門屯門鄉事會路112-140號雅都商場Go Go Mall 1樓S62號舖 🔮🗾分店地區🗾 沒有分店💰價錢$160 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_屯門剩系食呢一類👉食物類型搜尋🔍🍜#pickyme_日本菜#pickyme_壽司➖➖➖➖➖➖➖➖➖➖➖➖➖外賣打包👜👜👜🍽️食物質素🍽️見到呢一間係openrice都幾多人推介 而且仲有冇差評 有啲心動想試下 其實買嘅時候都排咗幾耐隊 所以對佢都好大期望 見到餐牌其實都幾多選擇嘅 但係我哋叫嘅時候已經有好多嘢食都冇曬😢😢👀評分💖💖🪄 自選魚生飯( 三文魚 鮮帶子 左口魚 玉子 蟹柳 京蔥絲 芝麻)$102其實呢個魚生飯嘅價錢都偏貴 仲要質素都其實一般般 佢嘅飯係偏硬身 飯嘅表面有啲紫菜調味料 增加香味 但係值得一講係佢嘅刺身質素真係好一般 三文魚唔夠新鮮 食落去冇乜口感 帶子食落去超級腥😶😶 左口魚唔算好淋身 蟹柳食得出係平價蟹柳搞唔掂😂 咁多樣嘢玉子係最正常 食落去甜甜地唔錯 而且夠大塊😂 整體嚟講 呢個價錢真係唔值得買🤐

今次帶左佢地去屯門一個美食廣場到食飯🥢成個場都算大坐小朋友都坐得舒服❤️叫左一個滑蛋雞扒飯同三文魚炒飯小朋友更可要求將小食轉做加州卷🍣一個套餐連飲品都係$56🤩味道好岩佢2個😂大大啖放入口食

❥❥❥❥❥❥❥❥❥❥❥❥❥❥❥❥❥評分(5分為最高):❥好味指數:❤️❤️❤️❤️🖤❥抵食指數:❤️❤️❤️❤️🖤❥回購指數:❤️❤️❤️🖤🖤❥❥❥❥❥❥❥❥❥❥❥❥❥❥❥❥_評語:<#三文魚魚生飯 >配一杯飲品+蟹籽沙津 屯門雅都商場裝修完開左有好多間餐廳🤣青森都好多年歷史佢既大鋪係杯度站附近入翻正題先🤣個飯好有驚喜🥳個飯加左肉鬆 好有口感😋好多三文魚同蟹籽好滿足亦好飽肚😋😋.🗺地點 :#青森價格 : $68

12.07.2021青森料理上次試過「青森料理」，好滿意，今日放半日假再encore，去到因未到午膳時候，所以又可以在GoGo Mall任坐，坐得好舒適。又是上次的老闆，好誠懇親切的人。明明好多選擇，但今趟又重叫「自選魚生定食」，因為除了刺身，還有幾款配料，混合魚生飯很好吃。麻煩老闆幫我揀剌身，結果有三款同上次一樣，三文魚、甜蝦同帶子，他說這幾款貨源比較穩定，最新鮮，另外加埋劍魚腩，原來劍魚腩那麼鮮甜好吃，果然好介紹！另外，再加「蟹籽沙律」（走沙律醬），上次已經食過，好大碗，好多生菜絲、蟹籽，又健康又抵食！天氣太熱，加杯凍菊花蜜，清清地，剛好！如此鮮甜美味的刺身定食、沙律，下次一定要再來！午餐自選魚生定食-刺身四款（三文魚/甜蝦兩隻/鮮帶子/劍魚腩），配料（蟹籽/芝麻/蟹柳/肉鬆）凍菊花蜜蟹籽沙律

27.06.2021「青森料理」好多人話好食，所以今日襯剪頭髮前去幫襯下；因為放工過去仍然好早，所以商場人流少，可以靜靜地食好西。餐牌大大個掛在舖頭前，分壽司、卷物、手卷、刺身、小食；又有定食（例如鰻魚定食、壽司定食）、烏冬；魚生飯也有幾款，所以總有一款啱食。個老闆好有禮貌，服務好週到，親身把食物送上。我本身叫個沙律已經有好多蟹籽，所以老闆專登將定食蟹籽轉成螺肉小食，好體貼。「自選魚生飯定食」可以自選三款魚生，我揀咗帶子、三文魚、甜蝦2隻、另送上免費配料，鰻魚、蟹籽、京蔥、芝麻、蟹柳、肉鬆。成碗定食好豐富，魚生好新鮮，加埋配料，錦上添花，好好味！我叫咗1/3碗飯，但仍然好多，所以大家應該好夠食。蟹籽沙律：沙律勁多菜同蟹籽，正呀！ 熱蜜桃紅茶：叫咗少甜，果然微甜，送魚生飯啱啱好好食抵食嘅魚生定食，加上優質服務，值得大大推介！我同老闆講，下次我會再來幫襯！

🇭🇰#屯門 雅都food court 經典日本料理 🍣🇯🇵 【#青森料理 】如果係屯門牛牛嘅話一定知道以前清森係有地舖 終於比我又見返佢啦！🍱青森一人前 壽司定食 C1 $62入面有三文魚蟹柳鰻魚壽司螺肉手卷同埋加州卷 仲會跟埋蟹子沙律🥗同飲品🥤或者麵豉湯🫕不過以往嘅特色佢嘅壽司上面嘅海鮮一定係好長好大塊😆全部都幾新鮮大大嚿，三文魚就最好味之後就係鰻魚，所以性價比好高配埋個蟹籽沙律呢個一人份量係啱啱好😋計返其實價錢都好合理👍🏻

日本野日本野日本野🍣日本野永遠都係我的最愛😂 行晒全層食店，都係忍唔住返轉頭揀呢間日本野食😋 咁當然啦，價錢都係我考慮因素之一💰$68 三色魚生飯配熱蜜桃紅茶☕️呢個魚生飯定食F入面包括一客魚生飯，一份前菜沙律，仲有一杯飲品🥤三色魚生飯入面有4塊三文魚、4塊北寄貝、4塊帶子，收到個飯果時我直頭感到驚訝，因為本身冇抱有好大期望😂 始終呢個商場俾我感覺係food court😂 點知！！個飯真係好高質，刺身新鮮，帶子夠甜，北寄貝夠爽唔爛，三文魚又唔會切到薄薄一片。雖然刺身唔係厚切，但份量真係好充足！！！🤤 飯入面仲加咗飯素同豉油撈好，唔係普通白飯/醋飯，真係好有誠意呀！！重點係連個前菜沙律都好好味😋 蟹子又多，沙律醬又唔會多到浸哂菜膩口🤤🤤🤤 性價比真係好高😋 下次就試你個壽司定食先🍣其實佢都算多飲品選擇，凍熱飲又同價👍🏻 但因為唔想飲太多凍野，所以大熱天時都揀咗熱飲🥵 蜜桃紅茶不過不失，唔會好甜，但又唔會冇味😂 用黎食飽飽解胃消濟剛剛好～

青森以前有地鋪，自從租約期滿後搬左去雅都商場個food court 。感覺上少左好多野食，但唔緊要，其實我地都係食壽司多。爸爸最愛食三文魚壽司，青森特式，超級加長十五蚊一件，我叫左一件左口魚壽司都好肥美🤤🤤，不過我爸爸話唔中意宜家冇綠茶飲🤷‍♀️🤷‍♀️🤷‍♀️

9月開學，如我所料Gogo Mall盡是學生來吃午飯，所以找位置吃飯有一定難度，對於我來說站著吃飯不是大問題，反正平常上班都是在坐。為了吃得方便一點，我決定吃丼飯，若吃湯麵的話，我相信我的衣服會糟殃，於是去了青森料理買份魚生飯定食。定食滿豐富的，包括三色魚生飯，蟹籽沙律和麵豉湯。蟹籽沙律入口清新，爽甜的生菜拌上絲絲蟹柳，脆彈的蟹籽，格外開胃。麵豉湯也煮得不錯，喝來不會死鹹，簡單卻不失日式風味。三色魚生飯用料不手軟，三文魚，帶子和北寄貝密鋪飯上，每片刺身挺有厚度，而且鮮度十足，三文魚肥美滑嫩，北寄貝彈牙無比，帶子嫩彈鮮甜，配上些許醬汁的醋飯吃，味道一絕，一口接一口吃過不停。

去新墟食飯經過雅都商場，原來已經裝修好，變左Gogo mall，咁岩搞緊開幕活動😂請左呀Bob嚟😂D人湧曬去睇佢，所以買野食都唔洗點排隊想試多d唔多嘅食物，所以我同男朋友一人揀一間買外賣走。如果係堂食旁邊都有幾多枱，揀左青森嘅定食，魚生飯$68幾抵食，揀左三文魚魚生飯，有埋沙律同飲品，運送途中fing fing下影響左賣相😆三文魚超肥美又大舊😍超厚身！感覺每一啖都食到三文魚好幸福沙律有d蟹柳，但醬就唔係好夠，由於係外賣返屋企食，所以可以自己加料，加左芝麻醬之後就好食好多飲品係蜜桃茶，甜度係剛剛好，唔會太甜👍🏻一定會再去食

行過見到個三文魚魚生飯咁正買齊野食都忍唔住要叫番個魚生飯！最後揀左雜錦魚生飯點知番到屋企好失望😭以為好似三文魚既切粒堆到坐小山咁點知原來雜錦魚生係一塊塊。。不過再睇真啲都一樣係好豐富既6x蚊有一個飯一個沙律一杯飲品都算唔錯魚生飯有倆隻甜蝦，三塊三文魚，三塊吞拿魚，三塊白身魚(油甘魚定係劍魚唔識分),倆件蟹柳仲有啲蟹子添食落全部都算新鮮亦唔係好薄(雖然都唔係厚切🤣)而飯上面仲灑上乾紫菜，加分飯面亦有大蔥，加分wasabi 食落唔係平時好cheap 果種patpat 醬，而係乾身既wasabi ，加分睇得出小店係有心思既！下次會再去食三文魚飯！