青花 (THE FOREST)

冬陰酸辣海鮮媽媽麵：超濃郁嘅酸辣香氣，酸辣又帶有椰奶香甜味溉滑順口感，令我食完好想再食。泰式和牛舌船麵：聞上去會令人迫不及待先飲淡湯，好有驚喜，湯底落足心機；牛舌鮮嫩彈牙，爽度啱啱好。泰式炒金邊粉：酸酸甜甜，麵質彈牙，而且有好多隻大蝦，而且非常大碟。香草蒜蓉包：酥香可口，做到真正外脆內軟，法包加上勁多蒜泥同香草，必食之選。泰式魚餅：味道香香辣辣，有好香濃嘅金不換味，加啲泰式甜辣醬超惹味，充滿泰式風味嘅魚餅。椰汁西米糕：好香嘅椰汁味道，彈牙，軟而不膩，又唔會太黏口，食落去好香又唔會太甜，呢個甜品一流! .迷你芒果糯米飯：味道香甜，香甜嘅芒果配合濃醇嘅椰奶，再加上糯米軟糯綿密嘅咀嚼感，又甜又鹹咁，好滋味，消暑一流。

呢間餐廳環境都幾舒服，田園小清新風格嘅裝修！💪🏻 篤篤炒卜卜蜆 ($128)呢個篤篤炒卜卜蜆幾有泰式風味，魚露香，食落幾惹味！而且蜆嘅數量都算充足，亦唔會有空殼蜆，啖啖肉！💪🏻 荔枝菠蘿紅咖喱大蝦+油酥手抓薄餅 ($128+$52)荔枝菠蘿紅咖喱算係偏辣，大蝦係連尾蝦，而且亦都用咗特別嘅配料，例如：茄子、荔枝、菠蘿、秋葵（唔係用平時嘅薯仔同甜椒），水果甜甜地食落咖喱都幾夾！而個手抓餅有3大件，食落香酥，油香出，用黎點咖喱勁正😋💪🏻 炭燒豬肉串燒沙嗲 ($76)豬肉串燒嘅沙嗲汁有花生香，甜甜地。💪🏻 鮮熱情果梳打+泰象青檸梳打 ($42+$36）熱情果有晒成個熱情果係杯中，好足料！青梳梳打亦夠晒爽！味道：7.5/10性價比：6/10 食住瘦指數：💪🏻/5

🌱《青花》，一間泰國菜餐廳，係波鞋街商場《The FOREST》都開左好多年，裝潢設計花花碌碌，多年前同港女們都黎過一試，記得味道價錢各樣都幾大眾化，所以，今日熊妹相約左喜愛泰菜的魷魚妹見面，決定再來品嚐一下。📌佔據了《The FOREST》一樓的一角，地方環境都幾大，樓底又高，坐得幾舒服。依然用上花花草草🌾做裝飾，餐枱用上雲石枱夠簡單乾潔，亦都係港女大愛💞。📌室外有露天雅座，一片綠油油的草地⛳️，一張張長木椅同木枱，仲有大大把太陽傘⛱️，成件事好有野餐感覺。📌午餐menu都幾抵食，有船麵、豬手飯、媽媽麵、炒飯等等，包一杯餐飲，價錢大概$72-$82，仲可以加錢追加小食同甜品，收加一服務費，係旺角地段，仲要係大商場餐廳，絕對抵食無疑。📌主餐牌當然有大路的各款泰式美食：沙律、串燒、小食、咖哩、粉麵、蔬菜同甜品等，亦唔少得泰式特飲。泰式和牛舌船麵（午餐），$72船麵跟生牛肉熟牛肉就食得多，跟和牛舌真係第一次見！午餐份量都好大一碗，面頭鋪滿一塊塊牛舌👅，目測起碼有十幾片，薄薄一片都好有嚼勁，然後配料有啲牙菜仔，而船麵係用上米粉，主要係船麵個湯底幾掂，味道鹹鹹地又唔係好濃味，飲到最後又帶少少甜味，

สวัสดีค่ะ💕💕哩間餐廳好多唔同款泰菜，而且每款都好大份量，味道正😋好高cp值🇹🇭推介❤️🦐泰式虎蝦金邊粉金邊粉麵質煙靭有口感，酸酸地好好食😋2隻大蝦放中間擺盤好靚😍🍲大蝦冬陰功超大盤冬陰功湯😍😍超惹味同好香椰子味，又唔會太辣🦪篤篤炒卜卜蜆卜卜蜆堆到好似一座山咁一上台就好吸睛💕🍹龍鬚三色冰奶蓋奶蓋上面仲有三隻味嘅龍鬚糖好特別😋😋好少飲品會加上龍鬚糖另外推介😍🍕榴槤薄餅🧋泰式珍珠奶茶奶蓋🥭楊枝甘露奶蓋🥘馬沙文奶油咖喱雞🐷炭燒豬頸肉➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ 好味指數：😋😋😋😋😋環境指數：🪴🪴🪴🪴🪴回頭指數：💖💖💖💖💖🔖 青花 (THE FOREST) (旺角)旺角奶路臣街17號THE FOREST 1樓107-108號舖

炭燒牛豬雙拼串燒沙嗲豬牛都燒得好腍，豬有驚喜，好味過牛肉。沙嗲醬咸甜適中。泰式豬頸肉沙律豬頸肉份量多過沙律超抵食🤩豬頸肉燒得好香，肉質好腍。馬沙文香料牛肉咖喱超大份，隔離枱見到都嚇親。牛肉同配菜一樣咁多，辣度適中。大蝦冬蔭公食泰菜必點嘅冬陰公！湯夠酸夠辣，蝦新鮮爽口，細份2個人分剛剛好。泰國奶茶同泰國飲嘅一樣咁好味。椰皇清甜解膩。另外值得一提，員工好細心，見到我哋唔小心跌咗啲紙巾落地，即刻俾張新嘅我哋。

這間泰國餐廳位於旺角的THE FOREST，主打新派東南亞菜。店內環境寬敞舒適，裝潢以天然色系主調，落地玻璃窗，感覺開揚舒適，更設有室外座位，適合多人聚餐。炭燒牛肉串燒沙嗲 - $82六串新鮮即叫即燒的串燒，牛柳粒肉筋及肥肉非常少，卻非常嫩滑多汁不乾柴，帶微微炭香，蘸上沙嗲汁有濃郁的花生堅果味。馬沙文奶油咖喱雞 - $118黃澄澄的馬沙文咖喱散發著濃厚的香料氣味，帶有淡淡的棕櫚焦糖味，略帶花生堅果風味和微辣感，奶油增添順滑感。多塊鮮雞件不帶骨，嫩滑多汁，還有蓮藕、茄子及洋蔥等蔬菜。泰式虎蝦金邊粉 - 138可選少鹽及少油更健康。兩大隻虎蝦開邊去腸，爽滑彈牙充滿鮮味；煙韌彈牙的金邊粉充滿彈性，吸飽酸酸甜甜的醬汁，還有豆腐乾、蛋花及花生等豐富配料。 白飯 - $15咖喱的最佳拍檔，不浪費半點咖喱汁。楊枝甘露奶蓋 - $48大量香甜多汁的葡萄柚肉及芒果粒，厚厚的奶蓋濃稠綿密，滑順帶點鹹香。菠蘿熱情果茶 - $34酸酸甜甜的熱情果茶充滿熱帶氣息，還有香甜的菠蘿汁，清怡輕盈。

一講起泰國菜🥺好掛住泰國啲美食🥲朋友介紹旺角有間泰國菜 叫青花我地即刻放工去try try佢😎牛肉生菜包 🥬🥩好少見牛肉咁足料❤️而且一上枱就睇得出有幾香幾多汁😎再用爽脆鮮甜生菜包住香嫩牛肉每一啖都充滿牛肉香味口感仲仲又脆又香再沾埋香香醬汁👏🏻夠哂滿足泰式虎蝦金邊粉 🦐一上枱就係兩隻大大隻 又靚嘅虎蝦每啖蝦肉都好鮮好爽口而且金邊粉煮得好香爽揀埋少油 健康得黎 食落夠哂香又唔膩食落仲幾開胃添嫁🫶🏻藍蝶花蟹肉菠蘿炒飯 🍍🦀🍚用藍蝶花黎煮原來唔錯嫁👍🏻食落特別得黎又易入口炒飯炒得夠香又夾味仲有埋香香蟹肉加持同埋香甜菠蘿令每一啖都夠開胃仲可以配埋肉鬆 腰果 成個食落更豐富👏🏻👏🏻👏🏻蝶豆花椰子奶蓋 🥥🌸好靚嘅淺藍漸變🥺🫶🏻好似好靚嘅藍天白雲咁✨仲唔止好睇咁簡單嫁用香香蝶豆花 加埋 椰子香味面頭再加埋香滑奶蓋每一啖都夠哂香滑之餘椰子香同蝶豆花香夠哂夾飲落好清香 甜度剛剛好❤️

餐廳前台職員沒有禮貌，餐廳用餐時間是90分鐘，我們18:30準時到達，但還有朋友未到，本想遲多15分鐘先入場，但職員說只會留枱10分鐘，我們表示沒有問題，但在18:40入場時，職員說我們只可以用膳到20:00，我們回應20:00未到90分鐘，應該是20:10，職員說會當回是18:30入場，再說20:00時已有很多booking，職員在回應我們時不斷玩手機，全程黑晒面，勁不耐煩。我們覺得職員服務態度有問題，而且沒有給足90分鐘時間，我們事後選擇離開，而且我們去Openrise睇返，20:00仲有位可以俾客人book,分明是職員講大話，唔想做生意。

🌟雞皮卷 $82🌟雞皮卷都卷得頗為厚身，雞皮炸得酥脆，入面包住左熱辣辣嘅雞肉，口感都算滑，有少少肉汁。配埋泰式酸辣醬食，層次感更豐富 🌟泰式虎蝦金邊粉 $138🌟首先個賣相已經被兩大隻虎蝦所吸引，都幾大碟。虎蝦蝦肉都幾彈牙，本身虎蝦肉地都厚身，食落好有口感。金邊粉炒得都乾身，酸酸甜甜幾醒胃，配料有豆腐乾、雞蛋及花生碎等，非常豐富 🌟馬沙文奶油咖哩雞 $118🌟奶油咖喱唔係辣個隻，食落有微微嘅辣再有椰奶香味，甜味會重d。除左雞肉之外仲有蓮藕、秋葵、茄子及其他蔬菜，食到停唔到口。推薦大家要試呢款咖喱！ 🌟油酥手抓薄餅 3片 $52🌟薄餅好厚身及漲卜卜，成個大ufo外型咁！以為入面係空心，點知撕開後入面有幾層酥皮，外脆內軟。點埋咖哩嚟食真係寧舍惹味呀 🌟芒果糯米飯 $78🌟芒果頗為鮮甜，椰香味好重，糯米飯軟腍度剛好，加埋薄薄地嘅椰子脆片食一流

係波鞋街THE FOREST商場內一間打卡泰式餐廳，食物賣相好靚，非常打卡able的。泰式虎蝦金邊粉 HK$1382大隻虎蝦非常香口，不過就乾身左少少。金邊粉甜甜的，口感層次都很不錯。馬拉盞炒芥蘭 HK$78份量非常滿意，芥蘭爽口，又有櫻花蝦嘅香味。炭燒豬頸肉・酸辣青醬 HK$118酸辣青醬非常fresh，不過比較辣，豬頸肉個炭香味都幾香，但肉質就唔係爽口果款。芒果糯米飯 HK$78芒果超甜，糯米飯係紫色，再配埋椰片碎，非常有口感。泰國珍珠奶茶奶蓋 HK$48泰奶非常濃，不過奶蓋就偏淡一點。

午飯時間搵間餐廳吹下水，突然落大雨☔️入左商場避雨 ，一上樓梯就見到呢間泰菜，橫掂未試過，順利成章就坐低試試🤭🔻泰式涼拌茄子沙律$78坊間泰國餐廳好少見以茄子做涼拌前菜 。醬汁係酸酸甜甜泰式味道，配上切伴茄子及秋葵，非常惹味 。🔻炭燒牛豬雙拼串燒沙嗲$86估唔到牛肉串燒比豬肉好食，沙嗲醬汁調校偏向花生味 ，食串燒最佳配搭！🔻蒜茸包（4片）$48因為咖喱一定要配麵包先好食，四件蒜蓉法包塗滿牛油外，仲有香濃香草味👍🏻🔻馬沙文香料牛肉咖喱$128無泰式咖喱咁重椰汁味，反而多左香料嘅豐富層次。用上鮮嫩牛肉，入口仍保持牛味，真係想叫多碗飯😅🔻泰式虎蝦金邊粉$138極力推介👏🏻👏🏻 酸甜味剛剛好，金邊粉炒得均勻 。兩隻大蝦肉爽彈牙🫶🏻本來想叫埋甜品，但真係太飽，每款份量都唔細 。要讚每個侍應生都好醒目，態度有禮 🫶🏻

💭位於旺角The Forest嘅泰國菜，晚市已經坐滿人，餐廳環境優雅，座位好多，擺咗小量綠色植物感覺好清新，佢仲有室外座位，日頭黎光線充足，係打卡嘅好地方😚每款菜式份量多質素都唔錯⛱️─═★:;*─═☆:;*─═★:;*─═☆:;*─═★:;*🔸炭燒豬頸肉-酸辣青醬見到隔離枱有叫呢個跟住叫😂豬頸肉肥瘦適中，好香口惹味，點酸辣青醬汁食，小小辣但酸酸甜甜好開胃😋🔸馬沙文奶油咖喱雞第一次食呢款咖喱🥘帶有淡淡焦糖甜味，花生堅果味同小小辣味，醬料濃厚又creamy，雞肉好嫩滑啖啖都係肉😚仲有好多配菜包括蓮藕、薯仔、茄子同秋葵，茄子好冧好入味🍆🔸油酥手抓薄餅🔸白飯食咖喱最佳配搭一定係薄餅/飯，配埋咖喱食好夾，呢度嘅手抓薄餅好大塊，超酥脆，但又唔會覺得油膩😍🔸馬拉盞炒芥蘭炒得好有鑊氣，芥蘭新鮮夾脆，馬拉盞好香好惹味🥬🔸楊枝甘露奶蓋底層楊枝甘露面層係奶蓋，有粒粒嘅芒果肉，重奶味又唔會太甜🙌🏻🔸蝶豆花青檸茶顏色好靚，好有層次，酸酸甜甜透心涼🍹

身邊朋友提過”青花”好多次，讚好食兼價錢合理，叫我可以去試吓，今晚我終於成就解鎖～～～🔓位置喺旺角波鞋街新商場”The Forest”一樓，地點方便，約人食飯容易搵入座時間係晚上8點半，去到門口呆一呆，全場人山人海呀！好受歡迎👏🏻👏🏻「惹味拼盤」有魚餅、蝦卷、雞皮卷、酸腸、雞棗，每款都熱辣辣，香口但唔油膩；我最like雞皮卷，入面好足料「炭燒豬肉串燒沙嗲」肉質都好腍，完全唔韌，沙嗲汁好味「泰式虎蝦金邊粉」虎蝦大隻新鮮，金邊粉炒得乾身，質感帶彈牙，甜中帶酸，好OK「三色冰奶蓋」呢杯係因為見到對面枱好靚所以問員工係咩嚟即刻跟叫😆龍鬚糖唔止睇得，攪均咗一齊好好飲😋「楊枝甘露奶蓋」芒果汁+芒果肉+大量椰奶+上層濃厚帶微鹹芝士，真材實料「芒果糯米飯」芒果新鮮，糯米煙韌度啱啱好，椰香味足，配埋椰子薄脆片一齊食有口感！

今日去咗旺角嘅綠洲，其實即係Forest商場，去到6點幾就已經大排長龍，好彩有預先book定位！白冬蔭公- 南薑椰奶雞湯（小）白色唔辣既冬陰公，好creamy!泰式虎蝦金邊粉份量好大，上面有兩隻虎蝦，好彈牙馬拉盞炒芥蘭炒芥蘭，好惹味，炒得啱啱好，恰到好處，馬拉盞醬好香口！芒果糯米飯芒果糯米飯，用咗蝶豆花，啲飯係藍色，好吸睛，芒果好甜鹹檸檬梳打酸酸鹹鹹好醒胃，又解暑又解膩泰式奶茶茶味超香，超濃厚，勁正！

在朋友口中介紹旺角波鞋街有一間特色泰國菜，上網查一查後找到了呢間叫青花 ( The Forest )，看到呢間餐廳好多好評，就book位試試，結果都尚可接受，有些特色😄地點位置都算係頗為方便，與朋友上到去發現青花真係好受歡迎~好多客人~感到有啲嘈，幸好店員安排了一個靠邊的位置給我們😅點餐是掃code落單，一目了然。食物頗為有特色，其中一個藍碟花蟹肉菠蘿炒飯，非常有特色，我稍為欣賞那個油酥手抓薄餅，像一個脹卜卜的咸煎餅，與一般手抓餅有些不同。總括嚟講都可以值得試試，價錢方面都尚算可以接受☺️