靚粥工房 (已搬遷) 新店位置

今日朋友生日，知佢一向好鍾意食海鮮，最近又凍凍地，就早一個月前訂左檯。去到好細間，兩個人要對牆食，環境好逼。食材完全唔新鮮，一開始聽到鮑魚一蚊一隻，好開心！點知黎到篤佢無反應....好似死左咁。有一隻仲要黑黑地色！問侍應，竟然答我因爲天氣凍，佢地縮埋左一舊🙄🙄🙄 咩答案黎？我食食下見隔離檯都問同樣既問題，佢竟然都係同一樣既答法！仲有d蜆，我地見到唔開口，就講左句係咪死蜆，個侍應經過聽到，竟然叫我地拎出黎用手打開佢地黎食....定我見識少？唔知蜆係要用手開？死蜆仲叫人食？最後到好期待既粥，米同水唔知點解好似潮州粥咁分開，完全無個種鮮味！食完好失望。

冬天約朋友食飯最好就梗係打邊爐啦，成日食任食火鍋真係食到有啲厭，有朋友就提議不如去試下粥底火鍋！粥底火鍋嘅選擇真係唔係好多，朋友就搵到呢間價錢唔貴而評價又高嘅粥底火鍋。睇地圖呢間舖頭嚟地鐵站好似唔係太近，但其實係地鐵站行過嚟太約八分鐘左右就到嫁啦！舖頭好細一間，不過係門口已經見到入面嘅五位枱度都滿座。食粥底火鍋既話就得一種選擇，就係每位$168（2100-淩晨價錢，1800-2100為$188），唔收加一，佢無一份menu，但會比返幾多人份量嘅餸你，會有十四碟餸（以圖為三人份量），分別係蟹、貴妃蚌、蜆、鮑魚、蝦、魷魚、蝦滑、魚滑、雞肉、魚、炸魚皮、油炸鬼、白魚蛋、菇同南瓜。海鮮、肉類同素都有齊！另外可以每人加$25要肥牛，不過我地驚食唔晒就無叫到。本身落落去既湯已經會有粥係入面，所以有時「不」返啲餸上嚟個陣都會「不」到埋啲粥一齊食，加左海鮮之後個粥同湯都更加甜。蟹入面仲有蟹膏！好鮮甜！蝦就每人一隻，蜆既份量對三個人嚟講都好足夠！魚滑都似係手工做。平時我都唔鐘意食鮑魚，不過佢地既鮑魚食落去好鮮甜又唔會好「銀」，所以都有食晒2隻！雞肉放左落湯後都好鮮甜！魚就有骨，所以就無食咁多啦。不過講到

靚粥工房一直都要提早好多訂位，今次早一個月訂，好彩都訂到，$188一位全包！人齊一坐低啲嘢食就一路上，上到張枱都滿晒，有油炸鬼、炸魚皮、鮑魚、蟶子、蝦滑、雞件、南瓜等等。個粥底睇落去平平無其，不過用啲料打邊爐，真係越食越入味。油炸鬼同炸魚皮都有啲咸，不過以開首食就啱啱好啦。有海鮮嘅火鍋基本上二佰蚊以內係好難搵，但係靚粥工房就做到啦，海鮮有四五款，有啲仲至少每人兩件，質素每款都有水準。除咗任食之外都應該無乜地方可以以哩個價食到有水準又食到飽飽嘅特色海鮮粥底火鍋。

之前跟同事食過，覺得好好味，但訂位比較困難。預早一個月前訂位，今日終於帶老婆來到了，這家隱世小店。粥底火煱 每位$198店主很細心教你點食法，所有海鮮都好新鮮。蜆／大蜆／蟹／蝦／鮑魚／尤魚／泥猛／蝦滑／魚滑／雞／丸／南瓜／油條／魚皮包了指定菜式 （飲品另計）, 以塔門運來的海鮮為主,  還有今日推廣加$1一隻鮑魚！！你話點可以唔加呢～湯底選了皮蛋，雖然只有兩個人的份量，但最後這個粥底都好甜／好鮮！

由於大多數店都收得比較早，所以我地今次揀左 收零晨兩點既小店打邊爐可能我地去既日子係平日啦， 所以係冇人既，好似包場咁先講下食物啦， 係一位位計既，店主會預定人數既份量而門面方面， 有d 唔起眼， 我地行左兩次先搵倒～總括泥講都還可以，食物質素ok

上個月有同事食完呢間店強烈推薦，便訂位 位同女朋友來試試，想約個星期五晚都要等上一個月，先以為好旺，今晚到左便知，因為座位唔多，目測不夠二十人，想食都要早少少訂位。早兩日餐廳便whatsapp確定訂位，估計無walkin, 如果臨時放飛機便會無人到，大家不要做啊。呢到有7點同9點兩round, set每人$198,七點準時到達已是最後一枱，其他人已忙住食野，安排左一張四人枱位，幾闊落。今晚有以下野食（全為二人份量）1) 蝦滑一碟2) 蜆(約十多隻)3) 蟹一隻4) 泥猛一條5) 小象拔蚌兩隻6) 鮑魚四隻 (店主話本來一人一隻，但like 左佢地fb可以$1多1隻, 甘當然照做)7) 雞件(約四份一隻)8) 尤魚兩隻9) 蝦兩隻10) 白魚旦一碟11) 魚皮一碟12) 嚮鈴六件13) 油炸鬼一碟14) 南瓜冬菇拼一碟整體上幾好食，店員都好好服務，間中會來加水同幫手搞鍋粥以防痴底，而且收碟都幾快，本來煮好蟹執起左放係碟諗住凍左先食，點知俾人收左，到走先醒起無食過🤦🏻‍♂️最大問題係唔知煮幾耐，開始都過熟，不過後來問店主煮煮幾耐，都有問必答，最後食埋個粥就走，食唔囇仲可以帶走。女朋友覺得幾好

朋友生日，一早book定枱並且問定切餅費同開瓶費，點知佢係完全唔收呢啲額外既費用，真係一個好消息!而且電話中既對答絕對感受到對方係有禮貌兼有善的，唔會急急講完急急收線。入到去見到原來佢得4-5張枱，小店形式地經營自有小店既人情味，店員知道我地係第一次光顧，都一直有協助及講解。一般既粥底火鍋都會食到8899先落米煲粥，而呢度一開始已經係一鍋粥咁上，而佢已經準備好食物，唔需要煩惱要點咩食，hkd198包哂!仲要唔洗加一~以下就係店舖提供既食物~潮州魚旦~係懷舊式既口感同一般喺街市買到既唔同~蜆~洗得好乾淨，無沙而且有鮮味蝦~仲有一兩隻識跳，好新鮮哩~蟹~落咗佢，粥既鮮味大大提升泥鰍~好大條，亦無泥味~貝~洗得好乾淨，很有鮮味蝦+豬肉滑~呢個堅好食，比例剛剛好~魚皮~一般，唔太脆鮑魚~見到佢地全部都識郁郁吓，就知道佢地好新鮮喇~雞~係用嫩雞，唔係老雞，肉質很滑~響鈴~一般，無特別~油炸鬼~估唔到咁食法又真係好夾喎~食哂成碗，一舊都無剩~仲有南瓜唔記得影相~總括嚟講d食材好靚好新鮮，如果食任食打邊爐食埋d無質素既嘢倒不如hkd198食呢個餐喇~

今日太太生日,連同外父外母大人一齊食粥底邊爐,早一個月訂位,看見食評已經好想試,六點就已經到達,甫一坐家店主已經主動招乎並上菜鮑魚: 大小一般,勝在新鮮蝦:中蝦大小,亦夠爽滑蟹:可能我哋人小,幾細隻無乜肉食但好鮮甜蜆:有廿幾隻,無沙,店員好主動介紹要先放,廿分鐘有得食,味道不錯象拔螃:都幾大隻,食落新鮮火箭魷:慕名而來,聽說是香港品種,爽口而咬,味道較為清啖墨魚滑:墨魚名重,有得食有得玩白魚蛋:魚味夠,打邊爐幾無得頂滑雞:真係幾滑,如果多d肉就更好泥鯭:味道好又夠新鮮,但要小心勿亂搞,細骨落咗煲粥度到食嗰時比較麻煩炸魚皮/響鈴: 平時打邊爐常食的,放落粥底邊爐亦不錯油炸鬼: 唔建議就咁食,因為偏鹹,送粥ok菇/南瓜: 最後落會比較好,令粥味更濃這裏本身是粥舖,所以粥底不容置疑,加粥本身已好有味,而且皮蛋不吝嗇,店員說可無限加粥,並附送魷魚乾,喜歡重口味可以一試,但這麼多料已經好夠味,粥底邊爐來說今餐非常飽

從來不寫食評的我，都想寫寫初次體驗的感受。6個朋友的聚會，決定試粥底火鍋，我在開飯上找了6間店，最後朋友一致決定選了靚粥工房。鋪面完全不起眼，店內面積不大，大概只可同時容納20人左右。分兩個時段，我們選了第一場，6:00-9:30pm。餐單根據老闆當日安排，據聞每天不同。初來的粥底，很稀的米水，有皮蛋，但粥水完全冇味的。今日海鮮是：鮑魚、白貝、大蜆、海蝦、蟶子、泥鯭魚、三星蟹；另外還有雞、魚旦、肉丸、冬菇、南瓜、嚮鈴、油條、炸魚皮。*鮑魚忘記影，很新鮮的，一人一隻。餐單份量很足夠，位位$198，免收加一。餐單沒有牛肉及菜，要的請自費加上。飲品只有汽水，$10/罐，店內不設啤酒，如有需要，請自行攜帶入內。吃到大概7:45pm, 原來淡而無味的粥水，已煲得七七八八，南瓜溶入粥底，變成很綿，很有鮮味的海鮮南瓜粥，正！👍🏻 打到最後都吃不完，我們覺得很浪費，最後分了4個盒子把粥帶走，回家當宵夜吃了！超滿足！此店值得推介，可以再來幫襯！😘

Book左台，去到居然同我講，因為搵我吾到，電話吾聽，Whatsapp 無覆，所以自動取消左我既預約！搞左一大餐最後發覺聽電話個女員工抄錯我電話，當然搵我吾到啦！最後都係無食到，因為地方淺窄，搵我吾到，將我個位比左另一位預約者⋯我明白做生意，但是本身預約左，姑且不論抄錯電話號碼一事，你如何保證我一定吾會出席，更何況你需要再次和我確認是否出現，當時電話預約個員工都無講清楚！我地食吾到之餘，仲要谷鬼氣⋯

已經聽朋友推介過很好次靚粥工房話材料新鮮 最後個粥底簡直係靈魂之作所以今次就約埋另外兩位朋友來試試啦預早左一星期訂位book左三位 7：30pm人頭收費$198 店鋪會早兩日通過whatsapp同我地confirm booking既 另外仲會問你加吾加$25一份手切肥牛而我地就加左2份 3個人share一去到 其實鋪頭真係好細大慨只有五六張枱 可以容納到20人左右啦我地一坐底 員工就極速set好曬啲野由於我地三個都係第一次食粥底邊爐我地都有啲迷惘吾知要落邊啲先員工都好nice教我地應該落邊啲先仲教埋我地要點影相先靚啲聽講每晚的材料都會有小小不一樣但大致上都相同今晚我地有三點蟹，蝦，鮑魚，泥鯭，魷魚，象拔蚌仔，蜆，魚皮，響鈴，油炸魚，雞件，南瓜，冬菇，蝦滑，魚蛋，另外仲加左兩份肥牛好食：泥鯭，魷魚，鮑魚(夠鮮)麻麻：雞件(無咩肉) ，蜆(有沙)其他就不過不失肥牛加$50呢個份量我就覺得吾太抵啦食到最後個靚底加左南瓜同海鮮係好鮮甜 好好味 不過都好飽今餐飯整體好滿意

上年一大班人黎食過一次番尋味。今次2個人再黎食，每位$198免加一好抵食。佢有2個時段。6點至9點半，9點半食到關門。我今次揀左時間由6點至9點半。6點準時到達，食物係佢安排比你，完全吾洗唸。吾洗一陣食物已陸續送到。最鐘意佢個油炸鬼。汽水$10/罐。仲有其他冷熱飲品。吾叫飲品都有茶水供應。吾洗一陣粥滾起，店員建議先落蟹，再落其他海鮮。除左海鮮仲有鮮雞件、冬菇、南瓜、油炸鬼。最後飽到抱住個肚出門口。

四花相約飯聚大多選擇以漂亮環境先行的餐廳, 大排檔、路邊小炒、地踎店真的甚少光顧, 十隻手指也數得出, 女生嘛, 始終給外貌吸引(及矇騙)。這次飯聚, 大家竟不約而同地建議食得貼地一點, 加上氣溫還是乍暖還寒的狀態, 目標清晰指向火鍋或雞煲, 而地點鎖定大家放工後都方便到達的中心點 - 佐敦。每次負責訂檯的我於開飯網搜尋“佐敦”、“火鍋”、"雞煲", 結果顯示有48間選擇, 徵詢食友意見及篩選過後, 最後選出“鍋心粥底火鍋”和“靚粥工房”, 可惜打電話查詢後, "鍋心"要晚上11點後才有位(11點~~!!食宵夜嗎~~!! 恐怕我們食到睡著吧!)希望落於“靚粥工房”身上, 幸好不需再另覓。訂檯當日還以Whatsapp形式提醒及聯絡, 想加減食材可於此時提出。小店位於對著龍堡酒店、童軍總會的上海街, 沒有華麗吸引的裝修格局十分簡樸, 店內只能容納約20人, 所以只接受訂檯而不設walkin。 雖然訂了8:30的檯, 結果都要等到9:10才能入座, 原來小店分了2個時段: 頭圍6:00-9:30, 尾圍9:30-凌晨。難怪book檯時著我們9點到來, 只是我硬要8:30前來 (港女本色~哈

得到好友的推介，因為小店座位有限，兩個月前就訂2月星期六的枱～ 竟然又咁啱撞正啱啱有寒流～ 咁凍打邊邊真係啱啱好因為係預約形式, 我地準時6:30到達已經見到枱已SET好..... 可能老闆以為我地要等齊人冇即刻上菜~  但因為限時關係我地都叫老闆先上菜~~~一開始嘅粥底仲未係'粥', 仲清清楚楚見到個煲底啲米~好味~ 一向唔食魚皮嘅我食左都覺得好食~呢個鮑魚好驚喜呀~ 黎到嘅時候仲係郁緊架！！！一碟跟一碟根據好友的形容, 個"OMAKASE SET" 就係咁多嘢食啦~跟住冇每樣影相啦～ 大合照如圖：另一驚喜圖中最上果個油炸鬼~ 配呢個粥底火鍋真係一流呀~ 總括呢度啲海鮮真係好新鮮同好味~ 據說係由塔門每日新鮮送過黎, 咁啱我地呢日又唔係坐得好迫 (好友上次平日黎食晏場好迫好多人... 所以一早叮囑我地盡量唔好帶袋黎, 因為真係冇地方放) 小店外貼上大大隻字，寫明食店分兩個時段：6:30-9:30，9:30-00:00上次好友平日食第二個時段，今次我地訂左食第一個時段，點知，喺小店不斷有confirm 訂枱嘅情況而又從來冇人通知我地嘅情況下，食到8點左右特然有人特意「提醒」我地要8:3

昨日第一次食粥底火鍋店鋪細細，已每位定食形式來做，該店已食材新鮮來做主打，有貝殼類鮑魚，聖子，蚌仔，每位另加$20有肥牛食，招呼尚可不停加粥亦有介紹如何點樣食，最後食晒所有火鍋配料，食埋鍋底粥十分鮮味，大家可以一試好味。