麵麵店 (已搬遷) 新店位置

麵麵店主打港式車仔麵，座位數量約四五十個，午膳時間食客人數多，要等一會兒才能安排座位。餐廳除了車仔麵外，亦設有午飯套餐，例如台式肉燥飯、豬頸肉飯。至於車仔麵方面，客人用落單紙選擇麵底和配餸，麵底有油麵、幼麵、粗麵、米線、檬粉、讚岐烏冬等供應，配餸有四十九款，選擇十分豐富，設麵套，四個配餸加麵底四十六元，包豆漿一杯。車仔麵的湯底比較濃郁，配沙嗲汁更加惹味，配餸份量亦多，雞翼肉質嫩滑，牛腩爽口，滷水豆腐入味，魚肉春卷QQ。餐廳同時在每張枱放有菜脯，帶點微辣，配合沙嗲湯底，十分和順配合。

蝦哈大笑過新年，多福多壽天已定，士農工商要勤奮，名揚四海真材料。 靚太有云：行街行商場就是做了運動，坐吓休息吓就是要食嘢。靚太着住對新年前買的皮鞋，行咗半天商場，已越行越慢，相信佢對腳有啲唔妥當。於是立刻施展我的紳士風度及十萬倍愛心，將步伐減慢，加上左右攙扶，繼續行街街遊戲。 當行經寶靈街，靚太腳步加快，如同獵物在前，原始的感覺指示着方向，視綫開始鎖定目標。而我只是後知後覺的尾隨她走。她停步並笑着說，食蝦多士囉！哈哈……到了麵麵店。 <麵麵店>主打車仔麵，材料講明新鮮，味道稱與平常街檔有分別，部分小食即叫即做，令食客得到非常感受。 店內有着工業風格的裝修，色調是黑與灰為主，相傳有利老闆。 使用高枱高櫈，有啲似酒吧的自由感，擺脫了傳統。也使我回憶到七十年代，企在街上，用手拿著一碗熱騰騰的麵的情景。 麵食的配搭十分齊全。 而創新又觸動我的是腩肉，光線可透過它薄薄的脂肪，影出像琥珀顏色，廚師使用恰到好處的醬油，才能做到這種效果，並且鹹味適中有咬口。 豬腸有着豬的獨有羶味，或者稱為“豬壓味”，等同羊羶丶魚腥，可說為鮮味的一種，而在此店更可放心食。 主角出場了，靚太不顧腳痛都會步

不嬲都覺得啲麵好好食，湯底好正，的料入味。不過今次真係食到「嬲」！先漏咗比酸齌，再發現原隻小強（好釆係原隻唔係半隻），雖然佢地即刻再送過碗嚟，但係又見到類似卵嘅物體！真係乜胃口都無晒！！短時間都唔會再幫襯！

經過附近，周圍望，麵麵店，想起車仔麵，就覺吸引，點了三餸，送豆漿，牛肺…第一次在車仔店見到，咁特別，一定要試，點知.....中伏，又鞋又un，兼無味，少d牙力都不要叫，豬粉腸…都未洗得乾淨，又係un，點吃呀！尼兩樣要放時間先會整得好吃，求求其其整，就不要拿出來賣.....碗就大，但份量就少，收得咁高價，就做好d喇....

琴晚放工行過見到呢間野,求其入去食下發現呢間車仔麵真係唔錯,價錢又平!叫左四餸有野飲仲大大碗TIM都好抵,最LIKE就係有辣菜葆任放好正!!四餸入面有東菇,黑椒牛丸,時菜及雞亦,最好食係黑椒牛丸

九月二十二日 (星期三)中秋節正日,和老公仔在尖沙咀閒逛原先想吃澳牛的豈料到逹後才發現它罕有地休假大失所措,唯有沿路看有沒有值得吃的來到差不多街頭,看到麵麵店反而開了門因我們以往時常經過它都是offline的....所以今晚看到反有點驚訝賣車仔麵的,簡單不過連忙從菜單裡挑選幾樣老實的老闆着我們可以點餐又便宜一點,又有飲品送就這樣,我們各點了一個四餸車仔麵龍蝦丸,黑椒牛丸,牛腩,豬腸米線通菜,龍蝦燒賣,片頭,司華力腸米粉都是普通的餸菜,不逐一介紹了唯整體質素真的不俗,而且服務態度親切,我們都很滿意可能澳牛的確在白加士街埋沒了很多有心有實力的食店呢!

魚肉翅 ($14) 碗仔翅嘅配料有肉絲, 冬菇, 粉絲, 腐皮, 冇乜味精, 食完唔使猛水 鯪魚肉亦好味, 好滑, 有魚味, 食落唔覺得好粉 如果六點前去到仲可以叫個下午茶餐魚肉翅配煎釀三寶, 好抵食架 如果食車仔麵, 就一定要加沙嗲同菜圃先好食架~~

$28 有四餸一款麵的套餐 連 熱飲品, 凍飲和特飲要加錢. 落單的外賣紙, 亦是給堂坐客所用的, 有很多款式的食材和麵種,桌上有一樽辣的咸酸菜粒, 可任客人自己添加.蟹子丸 : 都幾彈牙, 蟹子有香味及比較 "杰" , 又不會咬到飛彈出汁.鮮腐竹 : 夠軟滑和健康, 需要是無乜味道時菜 : 落單時, 要在時菜那格, 寫明自己想要的菜, 如沒有寫明, 就可能比些不合心意的菜類 選了生菜, 幾鮮嫩, 份量又多鹵水豆腐 : 豆腐的味道不過不失, 質地不是很硬那種, 略為感覺不到有鹵水味道檬粉 : 幼滑 容易入口, 但粉的量較少熱飲 : 檸水, 用銀色的暖杯遞上, 能夠保持水的熱度這兒的地方不太, 只有幾張桌, 人流甚密, 夠彩數的話會即時有位.

e間野.....來親食都好多人!!!好多人等位.....又好多人叫外賣~~不過多數好快有位坐!!!因為食飽就要即刻走~~~平時$20幾蚊..order 蟹籽丸& etc......同埋米線~~其實都係來貨野....無特別~~不過貪佢夠平....學生來仲平.....當然佢緊係比唔上隔離再隔離既米線~~不過唔洗等咁耐位...當然來lee間最好~~環境一般....唔係咁乾淨服務都係一般-.-不過都係坐一陣ja!!!20蚊算係咁~~

這兒是小弟經常來訪的車仔麵店之一，原因真的是連自己也不大清楚，可能是一種慣性了吧。不過當然食物水準不太差，也是另一個可能的因素....話雖說"經常來訪"，但對上一次來，應該都是差不多年多前了。剛巧今天要到附近買點東西，又想吃些"濕濕哋"之餘又夠便宜的物事，這裡的嗱喳麵自然是個不錯的選擇....一向吃車仔麵的習慣都是要叫一大堆配菜才能心息的故此一口氣叫了蘿蔔、酸齋、生菜、炸燒賣及豬爽肉來伴我摯愛的油麵吃真是未吃也樂得一陣子了....喝一口湯底是例牌動作。帶少許甜味，色水蠻清的，沒太濃師傅味，不錯....蘿蔔略嫌太硬不夠淰；酸齋不太夠酸，有點虛有其名；炸燒賣是可預計之味，燒賣當然是用上幾塊錢換來一大包的批發雪藏貨色，炸過的外皮亦已被湯浸淰，這當然是失色了；所謂的豬爽肉即乃豬頭肉，這裡的滷得既爽身又入味，肥的部份更帶脂香，味道拍得住小弟認為吃過最好的肥姐小食店。光是這一道，就令人忘卻了前面那些配料之不足....加了少許店裡特製的沙嗲，味道沒有從前的香濃惹味。反而那樽放在枱上的自醃調的辣椒榨菜粒依然是出色，是真正的夠香夠辣夠和味，將之放入麵湯同吃，實是生色不少....水準平穩，人面依舊。人年紀

上週六下午，行過佐敦入去麵麵店食下午茶，發覺款式比以前多。牛肚、雞翼尖、大腸仍保持相當水準，廾多元食過下午茶，十分抵食。另外，其他套餐亦只廾多元，有嘢食、有嘢飲，夫復何求？重有店裡的服務十分殷勤，甚有「家」的感覺，值得推介！

29-10-09晚上放學, 友人同時在金鐘放學後一同到佐敦食宵為了不要太full, 我帶友人來了這裡 友人叫了一個$27餐, 四餸米粉和一杯山楂冰:1. 生根2. 芝士腸3. 咖哩魚蛋4. 玉子豆腐我叫了2個餸的粗麵:1. 炸燒賣2. 炸腐皮卷我們二個車仔麵都加腩汁, 不另收費我覺得好淡, 好似冇加到咁今次食, 好似在家打邊爐咁, 把所有野烚埋一堆一齊食真係比以前唔同左.... 可能係我要求高左掛不過, 短期內都唔會有下次的了~

真係唔食唔知, 原來河粉都可以係鞋口架. 因為lunch time周圍都無位, 而且又肚餓點知.....叫了雞亦, 冬姑, 豆腐河粉 - 雞亦唔入味, 仲要係好硬, 咬了一口, 已經唔食. 以為豆腐老得甘黑, 一定有d味, 點知都係無味既, 最ok都可以說係冬姑, 好在係夠淋既.真係都唔知係米自己黑仔. 叫了既餸無味我唔食都算, 估唔到河粉係鞋仲要一夾就碎. 我索性用匙更食啦. 講真的我更肚餓都真係不能讓自己食曬成碗.

師傅都有好一段時間冇黎過呢間食店, 某一晚忽然興起想食車仔麵, 於是就黎左呢間食店; 但結果都係...... 入到去, 人唔算多, 師傅鬼咁肚餓, 坐底即刻劃野食, 叫左牛肚, 豬皮, 豬紅, 豬腸同埋炸燒賣配米粉, 加杯凍檸茶; 先講下豬紅, 一夾就散唔同埋太碎, 加上唔滑, 一般; 豬腸剪得十分細舊, 冇咬口加上帶韌, 唔得; 豬皮唔爽口, 唯一好處係夠入味, 普通; 牛肚賣相極差, 腍就幾腍, 不過睇到都唔想食; 而炸燒賣又係唔知似咩, 又實又硬, 唔得囉; 最慘就係本來諗住食米粉, 點知唔知點解劃左米線, 一早就知米線唔得嘅師傅, 嗰一刻真係冇晒反應, 唯有照食啦! 而凍檸茶都味道一般, 茶味唔夠, 普通!總括黎講食物質素普通, 服務同環境都係一般, 價錢就冇咩特, 埋單三十有三, 唔算話十分抵食, 可以啦; 師傅覺得真係冇咩機會再黎, 就算真係好想食車仔麵, 都係咁有忍下, 皆因呢間食店真係唔值得食囉, 笑臉比唔到, 唔喊真係偷笑!

很久沒有來麵麵店食車仔麵,但估唔到今次有嘢送我叫了車仔麵晚餐(4餸1麵+飲品)$26, 我叫了黑椒牛丸,牛腩,咖哩魷魚,雞翼粗麵+豆漿黑椒牛丸:普通貨式不算很濃黑椒味牛腩和雞翼:夠入味,咖哩魷魚:味道香濃討好本來以車仔麵來說呢度都算不錯,但想不到食到中途會有嘢送,就是"綱絲一條",好彩我眼利冇中招,如果唔係咁大條實會流血,佢地真係要小心d,咁樣好危險架麻