韓半島 (已結業)

今年老公生日前幾天已經搵佢班朋友攪左驚喜生日派對，正日想兩個人靜靜地食好嘢。好朋友介紹這間韓國fusion菜好似幾特別，決定試一試。可能因為是星期三，即日打電話去都book到位。上到去7時多，只有幾枱客，侍應很好問我們想坐邊度，我們選了個corner位。打開餐牌選擇蠻多，很多菜式也很吸引，最後我們以包剪捶形式選了金槍魚salad、我們家鄉環形天橋的和西冷牛排配迷迭香及大蒜。首先出場的是金槍魚salad，金槍魚很多很大cube啖啖肉，配的醬汁酸甜少少spicy，好開胃，a very good start.我們家鄉環形天橋其實是泡菜薯仔絲剪餅，熱呼呼入口脆卜卜，沾醬好惹味，好有驚喜。主角香煎西冷牛排present在熱石板上，香噴噴之餘又不怕食得到最後凍晒唔好食。牛排外脆內軟，跟岩鹽、蒜泥和芥末醬，味道很好，order時侍應有提及因為放在熱板上所以不會煎太熟怕會overdone, 幾細心值得讚﹗西冷扒送一杯飲品，我選了韓國啤酒。老公另外叫了杯blueberry yogurt smoothies，很足料，甜酸度剛剛好，也不會太凍，很不錯。本來見甜品幾吸引，但已經好滿足，冇位再食，留番下次~

今日同同事講緊lunch食咩好時講起上星期有朋友試過呢間餐廳後就大推介, 話唔太喜歡食豬肉嘅佢都覺得好食, 結果喜愛韓食的同事二話不說就決定了食呢間!有22款午餐選擇都算唔錯, 又有我喜愛果款甜米露飲即時加了分我選擇了韓式炒辣豬肉$78 而同事就選擇了韓方牛肋骨黃菜湯$98一個餐有咁多嘢食, 想唔飽都好難! 辣豬肉不會太辣, 味道都不錯, 如啲肉再嫩身啲會再好味啲, 豬肉加洋蔥再連飯一起食係最佳配搭! 餃子如再熱啲就更加好! 我又再多一間可以有下次的餐廳了

今日嚟到厚福街搵食, 揀中呢間樓上西式韓國fusion菜 - 韓半島。呢間餐廳, 所有菜式都有兩個名, 一個係你睇完都唔會知食咩嘅詩情畫意名 (e.g.仙巖村的秋天🍁)??係咩菜式?? .....原來係韓式蕎麥冷麵...意想不到吧。看似柔軟順滑嘅麵條, 食落卻Q彈不易斷, 韓式蕎麥麵就係咁有性格, 配埋甜酸芝麻醬, 特別好食。香煎薯仔餅🥔 配蜂蜜🍯及三款芝士薄薄嘅薯餅以幼細薯仔絲編織而成, 要煎得好都幾考功夫㗎, 呢塊就相當出色啦。薯餅乾脆挺身, 邊位脆而不焦, 混合三款芝士, 香氣撲鼻。可自由加入蜂蜜調味, 朋友覺得幾夾喎。我就唔太鍾意又鹹又甜嘅感覺啦。炸自製紫菜飯捲看似簡單嘅一味炸紫菜飯捲, 要炸得夠酥又唔過火先會好食, 呢個合格有餘。仲附送一碗什錦泡菜, 清涼解膩。整體每道菜擺盤都好精緻, 有心思, 味道亦唔錯, 但份量都幾細下, 抵唔抵食就見仁見智啦。

復活節前好友相聚於尖沙咀的韓半島，一行6人黎試新野！一進門的感覺就是普通的韓式餐廳，內在環境整體上也沒有很高級的感覺，怎知打開餐牌一看就一點也不普通！他們的餐牌看得出是很用心編製出來，每一道菜名都是如此用心編排，如此有詩意，到底是很會韓國文化的香港人還是會中文的韓國人想出來的？不只餐牌，每一道菜都精緻得像藝術品，就像它說的‘’融匯了西式和藝術的元素”，這兩點小妹真是萬二分欣賞的。亦所以它的價錢一點都不便宜。首先來第一道菜：韓式蕎麥冷麵配特製甜酸芝麻醬。有驚喜！一開始見其餐牌以為它只是賣弄花巧，點知真。好食喎👍🏻👍🏻！蕎麥麵軟硬適中，甜酸芝麻醬的味道亦剛剛好，讓人想一直吃下去，吃很出它的用心，推薦😍再來是特製卡邦尼醬炒雪人年糕，雖然上枱時沒有餐牌上那堆刨芝士，但這個卡邦尼醬真係好夠濃又夠芝士味！好味既！👍🏻若果你只有兩個人，就不建議你叫這個年糕了，它是真的夠大碗的，除非你超鍾意食年糕，否則就寧願你多試其他菜式。然後是薯仔煎餅配泡菜、五花腩、椒絲及香葉。個樣好似煎粉絲咁，但咬了一口，不很了😍🎉好香口！好脆！味道適中！又有驚喜喎👍🏻真係估佢唔到！跟住呢碟醃製梅花肉配自製甜辣醬，一上枱我笑左.

黎依間餐廳食過幾次lunch, 一直感覺唔錯，貪佢有多款式既午市定食，而且價錢合理。可能我地次次早去到，所以多數冇咩人。今次再試，發現佢價錢好似貴左少少，諗住唔緊要啦，唔差得多。叫左個價錢比較平既韓式石鍋拌飯。一黎到，我第一個反應係：個飯咁少既！🤔🤔🤔🤔 我好有疑問，就拎左個餐牌黎睇，發現同圖片真係不太相符！😏😏 石鍋飯嘅份量真係少得可憐，好彩前菜同小食搭夠！🙊 其他朋友都話唔太抵食，叫我下次唔好再叫。其實我覺得整體味道好既，而且有湯、前菜、小食同生果，可以試下唔同既韓式食物。但主菜的份量可以多一點！

約了舊同事到hH8吃晚飯，他選了這間韓國餐廳。我未到之時， 他已經whatsapp我說他不懂怎樣叫菜，因為這類的菜名十分特別。 我7時到埗 ，餐廳只有我們一枱客人和 幾個不懂廣東話的韓國職員。 {風選米飯的母親在哪裏 }其實是脆皮玉米片 配韓式烤肉粟米及酸奶油 ，他配上一小碟泡菜和番茄salsa。 我不太吃得到韓式烤肉， 粟米片倒脆，但是他被芝士醬著一堆， 吃起來有點狼狽。 墨魚汁炒粉絲， 這個是全晚最好吃的菜式， 墨魚汁有海鮮味 ，粉絲也很配合地吸盡墨魚汁的鮮味， 很特別！ 韓國版清酒煮蜆，湯底有點微辣 ，蜆肉雖然很小，但很鮮甜，我們倆最後面湯呀飲完！ 豬腩肉頭盤，有港式燒腩的感覺，我覺得 不太特別。

心血來潮想食韓國菜，search下見到呢間幾多好評地點又就腳，二話不說就book咗。翻開餐牌每樣菜式名都好特別😂 一見到「升上神仙臺」就俾個名吸引住，五花腩肉配特製醬汁。腩肉夠腍、唔膩，食多幾舊都冇問題。唯一美中不足係可以俾多啲醬汁，食到最後幾塊冇汁點。「仙巖村的秋天」，淨睇名完全冇idea係咩菜式。查實係蕎麥麵配甜酸芝麻醬，酸酸地有啲柚子味幾開胃。最後加多一個「蕎麥花開時」，薯仔餅配蜂蜜同芝士。個餅係由薯仔絲整成，驟眼睇同米餅有幾分似。面頭滿滿芝士但係配上煎到脆嘅薯仔餅中和返油膩感。不過食物份量偏細，大食嘅朋友可能要再食多個宵夜先夠飽🤧

朋友話想落尖沙咀食飯，上網搜尋，發覺呢間餐廳評價唔錯，一於上去試下。四個人先上到去，先叫咗四樣嘢：石鍋拌飯、甜辣雪人年糕、芝士薯仔煎餅、同埋烤小肋排骨。先嚟石鍋拌飯，呢個石鍋拌飯完全係素食，冇肉的。石鍋上枱時仲見到有啲油喺個鍋底滾下滾下，將啲配料加辣椒醬撈埋一齊食，好食。跟住再嚟個甜辣雪人年糕，雪人年糕其實有啲似兩粒小湯圓連埋一齊，煙煙韌韌。個辣度就爭少少。另外跟呢個雪人年糕有四串好似關東煮的東西跟餐，味道一般。再嚟就係芝士薯仔煎餅，薯仔切到一絲絲，加埋蜜糖都好好食。烤小肋排骨，肋骨都煮得好淋，另外配菜薯條都係剛炸起，熱辣辣好新鮮。跟住朋友嚟到，再叫多咗韓式人參雞火鍋同埋忌廉雪人年糕。人蔘雞火鍋，輸人唔輸陣，成隻雞上。喺咁凍嘅天氣下食人蔘雞火鍋，個人即刻暖笠笠。忌廉雪人年糕，食落就應該畀甜辣雪人年糕好食，個忌廉啲味好濃。美中不足之處就係呢度食物嘅分量相對少， 另外由於侍應係韓國人的關係，他們的廣東話不是太好，好多時叫佢地斟水都沒有什麼反應。總括而言，這是一間水準屬中上的餐廳。

去到尖沙咀周圍都好人，好難搵到位，特別係5個人，咁岩打到電話上去留位，食評又唔差，就上去食下。fusion 韓國菜，價錢唔平，不過有套餐會平少少，於是叫左個套餐再加啲小食同飯，大部分都好食，而且啲樣都好正，我最鐘意芝士薯仔煎餅，好脆好正，不過同蜜糖唔夾，自己唔落蜜糖就可以了。豬腩都好正，好食嘅豬味，有啲似係韓國先食到嘅果啲豬味，而且唔會太多肥，好平均。帶子新鮮，面頭加左啲打到起泡嘅蛋白好型，有分子料理feel.牛肉飯普通，牛肋肉最難食，太喊，喊到食唔到，拎左個薯餅啲蜜糖點先好少少。總括而言，普普通通韓國fusion菜，店員都有韓國人，雖然野食唔差，不過如果再去就未必。

上菜速度都很快， 雖然得兩個樓面，不過都handle 得到。 可能因為星期四晚不多人， 食物味道幾好， 材料配搭幾特別。好似老闆的男人在執檯時唔小心整污糟我朋友的衣服， 他非常唔好意思， 結果送了甜品給我們吃， 非常感謝他😊 今日個人參雞賣湯哂 ， 希望下次可以試下！ 我見差不多每一台都有點人參雞湯/ 排骨湯 價錢又非常相宜！！ 雞湯只係$168！ 梳化位有 cusion , 都幾舒服！ 同隔離檯又唔算好近， 唔會好逼！ 洗手間都幾乾淨！

同呢幾位大學同學都有好耐無約出嚟食飯啦，今次呢間，就係有個好識食嘅大學同學推介睇MENU，發覺好多款都好吸引諗咗好一陣子，又吹咗一陣水最後決定都係嗌住先，唔夠食先再加最後我哋ORDER咗包括:1. 向著月兒唱羌羌水月來(薄餅配多種海鮮、椒絲及香葉)2. 在良才川墊腳石之間跳躍(煎牛扒配迷迭香柔大蒜)3. 升上神仙枱(五花腩片配特製醬油 )名全部好有詩意但就咁睇真係唔知咩嚟好在有解釋1. 向著月兒唱羌羌水月來(薄餅配多種海鮮、椒絲及香葉)薄得嚟又幾脆，真係好好食3. 升上神仙枱(五花腩片配特製醬油 )五花腩片好嫩滑，肉質好好配埋個汁點埋仲juicy2. 在良才川墊腳石之間跳躍(煎牛扒配迷迭香柔大蒜)食落個口感係幾跳躍，厚厚又夠肉汁，好好味真係朋友無介紹錯，可以食完再翻食encore

同4位朋友慶祝生日offer 左張比平時大既四人枱，所以坐得好舒服上菜速度好快，potion 唔太大，可以叫多幾樣餸佢d 菜名好有。。。詩意，我都唔記得喇，我用返d 睇得明既字眼啦牛肉飯賣相一流，但係味道只係ok~飯太淋Ribs整得唔係太入味，ribs 黎講嫌佢有d 肥芝士薯仔煎餅用薯仔絲加3款芝士做既一個餅自問係芝士人嘅我～超鍾意！！！芝士味超濃加埋脆脆地嘅薯仔絲，OMG~蜜糖可落可唔落，我覺得落左好食D炸紫菜卷其實唔係好食到裡面包左d 咩，香口嘢，作為小食前菜都ok 嘅～墨魚汁韓式粉絲d 配菜要自己加落去撈。配菜其實係靚靚地啫落唔落冇影響個味個粉絲又係驚喜之作，彈牙粉絲索哂d 味，好食到非常！我地碟都摑乾淨埋全晚最驚喜，登登：韓式燉牛！肉質好淋～甜甜地又有牛味，不過份量太少喇>.<間餐廳坐得幾舒服，d 野食賣相又靚又幾好味會再黎試其他菜式！

Was recommended by a Korean friend to try some Korean fusion cuisine at Tsim Sha Tsui 😋 the restaurant is located at H8, a building that’s full of yummy food! We had a table booked at 6:30pm and since there were 5 of us, we were given a big table. We had a Korean friend so we’d given her the most important job that night: to order food for us 😂 as half of the waiters/ waitresses speak Korean. We also ordered some rice wine 🍶 but I find it very light 😝The food we had that night:Every dish seems t

約左個老友食飯傾偈提早慶祝Christmas, 大家本身想去韓國玩，但有事去唔到，唯有食下韓國野補番數我地去左厚福街既韓半館，唔想只係成日去韓國街度食。我地大概7點度到，已經有客人坐係度仲食緊添。之後就愈黎愈多人，full house咁滯。我地叫左個芝麻醬冷麵 (HKD 78)，熟豬五花腩片 (HKD 128)。飲品就叫左草莓酸奶雪泥 (HKD 52)同埋莫吉托茶 (HKD 58)。個冷麵賣相唔錯，芝麻美香濃，上面仲有啲蔬菜做裝飾。至於味道就不過不失啦。個五花腩片(12塊)賣相幾得體，加上仲有芒果醬汁送佐，非常好味。至於個草莓雪泥，其實係smoothie， 都幾重草莓香味，味道都算ok。至於個莫吉托茶味道就還可以，內面有d tropical fruit。

香港大部分有提供雪奶冰類甜品的韓國餐廳，不知道為什麼，十居其九都會附帶有提供炸雞或烤雞食品，例如「Gooxxe Chicken」、「Yadxxie Plate」等等，雪奶冰還會造得十分漂亮，彷彿藝術品的樣子。但是實際上，我剛剛在韓國首爾旅行了足足五天，卻給我無意中發現，其實雪奶冰甜品和烤雞炸雞，其實兩者之間是沒有直接的關係，炸雞店不一定會提供雪奶冰甜品，賣雪奶冰的咖啡室也不一定會有炸雞售賣。因為我在首爾過了五天，曾經光顧酒店樓下的炸雞店，亦光顧過南怡島上的咖啡室，結果我發現炸雞店內沒有提供雪奶冰類甜品，相反，咖啡室亦沒有售賣炸雞烤雞。結果我完成韓國首爾五天旅行團回港，我都有享用過兩樣韓國美食，偏偏未試過同時間享用以上兩者。更好笑的是，我都只是在乘旅遊巴途中，才偶然看到「Gooxxe Chicken」在韓國首爾街道上的廣告，偏偏未正式吃過韓國正式版「Gooxxe Chicken」。回到香港之後，我繼續在香港九龍的街頭上，不斷找尋還可以食到與眾不同的韓國菜餐廳，結果今次竟然給我找到，在近着尖沙咀東的地方，找到另一間有賣韓國菜，但又我吃開的韓國菜有點不同的韓國餐廳。這間韓國菜餐廳名稱叫做「韓