韓珍 (寶勒巷)

营业中

休息中

朋友講呢一間嘅燒肉非常之正宗，今日一於去食返餐！👍🏻調味特級牛肋骨嚟到韓式餐廳又點可以缺少韓燒呢一環！特別欣賞佢嘅調味唔會太過濃香，經過燒烤後依然能夠品嚐高質嘅肉質口感！建議放入烤爐燒一燒再剪開，生熟度會容易啲拿捏！👍🏻醬油蟹配黃油飯一放入口，滿嘴都是幸福的滋味，醬油蟹唔會過鹹，腥味唔重，食落份外鮮甜，可以撈入紫菜飯當中！👍🏻葛根水冷麵食烤肉必須來一碗水冷麵解一解油膩，冰涼嘅口感，加上爽彈嘅麵條，令人啜得爽快！👍🏻海鮮嫩豆腐湯完完全全品嚐到韓國嘅正宗風味，海鮮份量充足，湯底唔會太過辣，豆腐滑溜溜(⁎⁍̴̛ᴗ⁍̴̛⁎)如果有埋啲粉絲肯定更加索湯呢👍🏻Jolly Pong韓國最Hit嘅燕麥奶昔加上香蕉，濃滑嘅口感加上豐厚嘅味道滲入口腔，更加附上脆脆嘅燕麥粒粒！👍🏻手工雪糕係一間韓式餐廳居然能夠品嚐到手工雪糕，果然係驚喜所在！雪糕提供四款味道：濃縮咖啡、豆腐、益力多、米酒。比較罕見嘅瑪嘉烈酒味道相當出色，酒味加上奶香，相當夾味，易於入口✨最喜歡餐廳提供嘅前菜種類繁多，而且可以免費添食！連比較少見嘅生魷魚，醬油蝦乾都可以品嚐得到

黎尖沙咀，一定要食正宗既韓珍 @hancham.official環境舒適，食物質素好仲有3百幾蚊就食到大隻多膏既醬油蟹！🐔甜酸炸雞啖啖雞脾肉，外皮好脆肉質細嫩夠juicy調味出式🦀醬油蟹配牛油飯餐廳必食菜式大大隻又爆多膏蟹肉鮮甜2人share 一份都已經好滿足🦑韓式蔥和海鮮煎餅勁大既海鮮煎餅中間既海鮮好厚肉，非常足料🐣炸蛋梳乎厘推介菜式食落有啲似焗蛋食到最後一啖都係熱辣辣㗎～🍜葛根水冷麵識食一定食水冷麵啖啖涼浸浸清新口感令人難忘🍃薄荷椰子沙冰幾新鮮既配搭薄荷味涼涼地加上椰子既香甜冇得頂🍫朱古力旋風沙冰朱古力同奶香味都好夠🧉韓式手作雪糕 (益力多味)微酸口感超好🍨韓式手作雪糕 (豆腐味)陣陣豆香令人難忘另外佢地既烤肉都好出名㗎特別係五花肉等我下次再黎食先🥰

lunch time 冇咩人，叫左個烤牛肉lunch set，連加一要過$100。不過漏單等左我超過30分鐘，然後牛肉份量極少，只有寥寥幾舊。 除左環境乾淨闊落，冇任何地方令我回頭。

啱啱去完韓國旅行返嚟，已經超級掛住韓國嘅美食🥹🫶🏻呢晚同朋友嚟咗於尖沙咀新裝修嘅韓國餐廳，環境好大好舒服，而且食物選擇都好多😋🌟特級韓牛橫隔膜++ $280呢個韓牛橫隔膜望落油花勁靚😍我哋烤到3-4成熟，咬落去成個口都係牛油💦勁誇張😳🌟特級牛肋骨 $280原條牛肋骨好大條好正🤩牛肉紋花好平均，而且色澤鮮紅☺️不過食落肉質偏韌，味道就正常～🌟濟州黑毛豬五花肉 $250食韓國菜點可以唔食燒豬肉！本身想叫豬肩肉，不過食到中間先發現佢俾錯咗五花肉😳但半肥瘦嘅五花肉燒到金黃色，外層脆卜卜，肉質都算柔軟🤓包菜食一流！🌟韓式豬手 $260另外我哋叫咗一份韓式豬手，份量大到嚇親😱每一片都切到好薄，豬手肉質好腍，係啖啖骨膠原嘅感覺😚另外仲有附送生菜同醃蘿蔔絲，包住一齊食再惹味啲！🌟韓式手作雪糕 $28我哋叫咗兩杯手作雪糕，有Espresso味同馬格利酒味🤓前者咖啡味超濃郁又唔太甜，後者酒味唔算好濃郁，仲飲到少少韓式米酒嘅感覺😝幾好味🤤🌟MAKGEOLLI $110我哋最後叫咗一樽柚子米酒🤓甜甜哋好易入口，係食韓國菜必備！🥰

天氣凍凍地想食韓燒我哋喺尖沙寶勒巷附近記得朋友介紹過一間叫「韓珍」嘅「正宗」韓國菜😀朋友仲叫我哋必食醬油蟹+牛油飯所以就上咗嚟寶勒巷呢間韓國餐廳呢間餐廳開咗就快10年見個門口細細原來店內好寬敞近期新裝修過裝潢又靚又新淨令人眼前一亮店員帶我哋去坐嘅卡位好闊落一坐底侍應就送上四碟前菜加生菜今晚我哋食咗💖醬油蟹+牛油飯（$348）💖韓燒 - 牛舌（$140）💖韓燒 - 特製醬汁醃製的牛肋條（$180）💖泡菜煎餅（$130）💖炸蛋梳乎厘（$68）🍨韓式手作雪糕（豆腐味）（$28）🍧韓式手作雪糕（益力多味）（$28）💖醬油蟹+牛油飯（$348）今次我哋人生第一次試醬油蟹，真係一試難忘。醬油蟹充滿蟹肉鮮味，肉質非常鮮甜，滿滿橙黃色的蟹膏尤其吸睛。醃製多時的醬油蟹非常入味，配上牛油飯，食到停唔到口。💖韓燒 - 牛舌（$140）+ 特製醬汁醃製的牛肋條（$180）牛舌份量很足，牛肋條肉質鮮嫩，醃製非常入味同事保留牛肉鮮味。這兩款的牛肉也值得推介。💖泡菜煎餅（$130）MM爸非常欣賞這道泡菜煎餅，煎至金黃色的泡菜煎餅外脆內軟，帶點辣味的泡菜再加上酸酸甜甜的醬汁十分惹味。💖炸蛋梳乎厘（$68）炸彈梳乎厘放

係尖沙咀行完街，朋友想食醬油蟹，當然要帶佢去一間又高質又正宗既韓國餐廳。餐廳的裝潢有格調，以石木系為主調，燈光柔和，卡位多坐得好舒適。餐廳主打韓式燒肉及韓式料理，所以有不少韓國客人到訪。 侍應帶位就座後就奉上韓式前菜。醬油蟹配牛油飯 💲348原隻醬油蟹上枱，爆晒金黃色的蟹膏。醬油蟹已經開邊方便食用，只要用指尖輕輕一壓，所有蟹肉就輕易地擠壓出來。蟹肉非常鮮甜嫩滑，蟹膏甘香。將蟹膏、蟹肉和牛油飯撈勻一齊食，非常鮮甜滋味，簡直令人回味無窮! 炸蛋梳乎厘 $68用了石煱上枱熱辣辣，上層鋪滿半溶芝士有拉絲效果。入口蛋香濃郁，梳乎厘厚身脹卜卜，質感鬆軟，亦有蟹籽增加口感，大滿足。蜂蜜梨汁生牛肉 $98係香港唔係間間韓國餐廳都有生牛肉，入口好嫩滑，拌上蛋黃汁和雪梨肉特別清新！人蔘雞湯 $168好足料! 雞肉好嫩滑，雞湯味道清甜，除咗有大大隻人蔘雞，底層更有釀米，既暖胃又飽肚。明太魚蕎麥麵 $98凍食既蕎麥麵入口滑溜，明太子少辣好惹味! 韓式手作雪糕 (💲28一杯)自家制韓式手作雪糕，有五款口味，包括益力多、馬格利酒、豆腐、Espresso 濃縮咖啡和柚子。豆腐味濃郁，柚子酸酸甜甜，加入了杏仁脆脆，食

朋友仔對韓國菜🇰🇷既要求好高🎖️話一係唔食，一食就要食正宗😎帶左我去佢既飯堂 - 韓珍🥢野食整體又真係幾得，仲有𝐎𝐩𝐩𝐚🥰💁🏻‍♀️胃部位置有限，有勁多野未食到，要搵日再戰💪🏻~•~•~•~•~•~•~•~•~•~•~•~•~•~•~•~•~•~•~• ▪泡菜三重奏 𝟑款入面最鍾意超爽脆青瓜🥒辣豬肉石鍋拌飯定食.▪釀冬菇伴柚子沙律 第一次見咁足料既柚子沙律汁🥗(內有柚子果肉)🍊.▪炸蛋梳乎厘 上枱時仲有微滾"泡泡"🔥表面鋪滿蟹籽🦀 • 熱溶芝士🧀 • 蔥花舀起🥄個時勁香既芝士香氣 • 煙霧一齊攻上黎😶‍🌫️.▪醬油蟹配牛油飯 食韓國菜，點少得醬油蟹🦀好多膏🧡通透蟹肉勁鮮甜，撈埋飯食🥣口感勁滑，一下就清晒碗紫菜飯🫢.▪韓式豬手勁大隻😳一定要𝐒𝐡𝐚𝐫𝐞先搞得掂🤪豬手外皮動動𝐐𝐐軟，膠原彈彈🧏🏻‍♀️肉夠入味又唔乾，旁邊仲有醃泡菜可以配住食🐷.▪辣豬肉石鍋拌飯定食 (Lunch Menu)拌飯表面鋪滿晒🌶️辣豬肉🐖 • 菜🥬 • 生蛋🥚，加埋醬撈埋食，勁惹味😋石鍋夠熱🔥底有少少飯焦🤎另配足料海帶湯🍲，大豆芽 • 泡菜 • 醃豆💚.▪野飲▫️Korean Tea - Plum Tea (Hot) 生果天然

推介指數 Recommendation Level : 🔥🔥🔥尖沙咀韓式食肆很多，但是質素多數都相當參差，而且價格亦有很大的不同，通常比較好吃的一般都會比較貴，或是有非常多人排隊。這間隱藏在尖沙咀鬧市中的樓上韓國餐廳，平日晚市的時間人流不會太多，而且食物的質素亦算不錯，是值得推介的一間餐廳。There are many Korean restaurants in Tsim Sha Tsui, but the quality of them varies greatly, and so do the prices. Typically, the better-tasting ones are more expensive or come with long queues. This hidden second-floor Korean restaurant in the bustling area of Tsim Sha Tsui doesn't get too crowded during weekday evenings and offers good food quality, m

我哋嗌咗Set C - PORK SPECIAL（$780）同埋炸蛋梳乎厘（$68）首先講咗呢個套餐嘅前菜先啦我覺得呢個釀冬菇伴柚子沙律真心幾啱我胃口👍👍因為食落去好香柚子味之餘亦都唔會太過酸食完呢個前菜真係好開胃而且釀冬菇食落去亦都幾甜跟住就講吓呢個Set嘅肉類啦分別有：濟州黑毛豬五花肉（300g)、濟州黑毛豬前上肩肉（150g)、特級豬頸肉 （150g）（好少有機會一次過燒咁大塊豬肉😅😅）黑毛豬五花肉食落去真係好Juicy而且油脂分布得啱啱好❤️❤️食多啲都唔會覺得好Heavy黑毛豬前上肩肉亦都完全做到油而不膩嘅效果🥳🥳而豬頸肉食落去亦都好煙靭、爽口之後就係嗰個其他嘢食啦明太魚麵食落去好有冷麵嘅感覺而且撈勻咗嗰啲明太子味道都幾唔錯👍韓式泡菜解酒湯飲落去幾入味（雖然我哋都冇飲酒😅😅）炸蛋梳乎厘真心幾特別😱😱呢個蛋食落去真係好Creamy（真係有少少似梳乎厘嘅感覺）最後就講埋我哋揀咗咩嘢飲啦我揀咗要朱古力旋風沙冰（$38）飲落去味道都算幾濃郁🍫🍫而我朋友揀咗要薄荷椰子沙冰（$38）呢杯飲落去味道都幾Fresh值得一提嘅係呢間舖頭先係正宗嘅韓珍‼️‼️

韓國料理真心為Be帶嚟口腹同心靈滿足❤️所以久唔久就要去歎番餐😃是晚嚟到充滿韓食店嘅尖沙咀食韓燒！呢度地方好闊落！尤其卡位坐得非常舒服👌🏻. ✨ 調味特級牛肋骨 $280推薦款！長長嘅牛肋骨肉醃製得極之入味軟腍🥰🥰將其烤至金黃色微焦狀態！包埋生菜同食！簡直滿足感爆棚💯. ✨ 牛舌 $140估唔到片數咁多☺️牛舌薄切只需輕輕烤熟兩面就食得！牛味濃且一啲都唔韌呢🙌🏻. ✨ 調味特級牛肋條 $180牛魔王嘅我哋繼續食牛🐂牛肋條沾滿醃製汁料！燒烤過後依然入囗juicy又有牛味😉😉. ✨ 炸蛋梳乎厘 $68熱呼呼上枱令Be回憶起喺韓國寒冬嘅續命滋味☃️趁熱食蒸蛋脹卜卜兼流出蛋液！令人食慾大增！食落蛋香無比🐣. ✨ 調味牛肋骨湯 $138其實即係燉牛肋骨🤩獨有嘅韓式調味甜甜哋湯汁！內有牛肋骨, 紅白蘿蔔,冬菇, 紅棗, 蛋絲, 金菇嘅豐富材料✌🏻又係暖身之選！.✨ 朱古力旋風沙冰 $38以濃郁朱古力風味x忌廉 打造而成嘅沙冰🍫睇得又飲得！！.✨ 韓式手作雪糕(柚子味) $28✨ 韓式手作雪糕(豆腐味) $28口感幾特別🍦手打雪糕嘅質地幼滑得嚟又夠實在！清新柚子味&香甜豆腐味都咁好食！高質👍🏻👍🏻. ✨加

冬天成日都會想食多啲暖笠笠嘅嘢，所以今次又去咗尖沙咀食韓國嘢食😆今次去咗酒吧街附近嘅一間韓燒之前都食過一次～啲食材好OK！佢哋先係正宗嘅「韓珍」一order完，職員就會送上前菜～全部都可以無限refill! 佢個泡菜係我數一數二覺得好食～唔過酸又唔係甜，岩岩好！首先諗都唔洗諗就叫左炸蛋梳乎厘🍳上次望到隔黎枱叫已經好想試！佢一拎過黎個蛋出曬煙有脹卜卜個樣真係好吸引！仲要上面有塊芝士但係食落去又唔漏，入面仲有蟹籽增加口感，係我未食過嘅味😋然後叫左個豬手～唔知點解近依幾年食韓國嘢都會好想食豬手😂我睇Menu幅圖做對比，點知真係圖不並茂！嚟到係超大碟🫠食唔曬！最尾都係太大碟食唔曬打包左唔好哂😗嚟到重頭戲，梗係講啲肉！豬就食左調味特級豬上肩肉同五花腩，上肩肉醃得幾有味！另外牛既話我覺得牛舌同埋牛板腱比較出色😋 出乎我意料幾好食！因為見佢嚟到啲肉嘅顏色未去到好鮮艷，以為一般，點知好大反差🤣最後，嘢飲我叫咗佢哋既沙冰系列～分別係香蕉燕麥-脆脆同薄荷椰子。兩杯都整得唔錯～仲要香蕉燕麥勁似食緊成條蕉咁👍🏼P.S. 聽講佢哋有全新韓式手作雪糕，仲要follow 社交平台就有得送🤩可惜我果日病病地冇得食🥲

如果你喺尖沙咀想食韓國菜，我有一間餐廳推薦你🤗 呢間餐廳有好多美味嘅菜式，絕對可以滿足你對韓國料理嘅渴望。首先調味特級牛肋骨，配上獨特嘅韓式調味料，肉質鮮嫩多汁，牛味濃香。海鮮烤大蝦一份4隻，大大隻！肉質夠爽又鮮甜。韓式豬手超大份。豬手煮得軟腍入味又多汁，配上韓式特製醬汁，味道濃郁。泡菜煎餅夠香辣，又煎得幾香。飲品揀了Korean Peach Juice。呢杯桃汁飲品清爽又甜，好飲。另外叫了薄荷椰子沙冰，口感清涼爽口。最後甜品試咗韓式手作雪糕。揀咗有馬格利酒味同柚子味，味道獨特。

今次小篇去左位於尖沙咀寶勒巷6-8A號食韓國菜，正宗韓國菜「韓珍」，喜歡食燒肉的小篇當然吾會錯過啦！除左燒肉外，仲有好多款不同既韓國美食。餐廳位於豐商業大廈1樓環境闊落，座無虛席，好熱鬧。💕 同埋而家follow IG 會送全新韓式手作雪糕。👅 𝓜𝓮𝓷𝓾𝓼⭐韓國伴菜共有4款伴菜，有豆角炒肉碎、醃八爪魚、泡菜、芽菜，每一樣都好好食，其中最喜歡係醃八爪魚，好新鮮彈牙，重點小菜係可以再叫，食到夠為止。⭐炸蛋梳乎厘上菜果刻仲有蒸氣係蛋入邊噴出黎，好似好熱甘，味道好好，蛋上面仲有半溶芝士。⭐海鮮嫩豆腐湯豆腐湯好多材料，有鮮甜既蜆肉，嫩滑的豆腐和蛋花一齊食，熱辣辣好滿足。💕燒肉⭐牛舌牛舌係燒肉必叫，牛肉味濃郁，厚度岩岩好，入口嫩口，當然要掌握好燒肉的時間先可以做到。⭐雪花牛肉小篇推薦雪花牛肉，好好食，2邊燒至5成熟，蕉香的口感，入口肉汁滿滿，牛肉有相當級數。⭐濟州黑毛猪五花肉五花腩肉肥瘦剛剛好，識燒既朋友都知，將油逼出，燒至金黃色蕉脆口感，再包裹生菜一齊食，係好正，肉味濃郁，肉質嫩白。⭐薄荷椰子沙冰原來係薄荷椰子味乳酸，好解膩呀！🌟手作雪糕🍧韓式手作雪糕手作雪糕好香軟， 味道好特別，簡左咖啡雪糕同

冬天嚟到, 心郁郁想食韓國嘢🫣, 於是上openrice 咁啱見到韓珍, 好似幾吸引, 就去咗試了!!😆Set C - Pork Special (2人份) $780濟州黑毛豬五花腩 300g/ 濟州黑毛豬上肩肉 150g/ 濟州黑毛豬豬頸肉 150goverall 有600g肉😱, 其實都幾多haha 五花腩真係好邪惡!! 油脂好香, 而上肩肉就有3大舊, 燒得好香!🤩 豬頸肉都好好食! 價錢同質素成正比, 好似真係翻咗韓國咁🥹~ .明太魚麵本身已經想單點, 但係個set包埋haha 餐廳仲好貼心咁分咗2人份!😚 個份量啱啱好, 明太子正正就係明太魚嘅仔hahaha 個顏色同明太子係一樣的🤣, 味道有啲鹹, 魚嘅texture偏乾身, 但同冷麵mix埋一齊, 真係勁refreshing😭 解咗食豬肉嘅油膩感🤓.醒酒湯好好飲, 凍凍地嘅天氣飲熱湯, 真係特別爽!🤪 入面仲有勁多肉, 味道有啲似羅宋湯🤓.泡菜三重奏 - 本身一坐低已經4樣前菜, 仲可以任添😛, 我refill 咗泡菜同埋魷魚幾次, 好好食呢!! 呢個主要係俾你同啲豬肉食, 開胃啲~.✨芒果益力多刨冰🍧 $98呢個真係太過

尖沙咀出名多韓國餐廳如果想食韓燒我多數都係揀韓珍 因為佢啲肉真係高質 仲有好多選擇如果對肉有要求都幾推薦呢間小菜係任食嘅 包肉嘅生菜都可以無限refill炸蛋梳乎厘漲卜卜咁 入面有蟹籽增加口感面層仲有芝士 食落都幾香濟州黑毛豬前上肩肉職員會幫手燒 等食就得喇燒得啱啱好 外層有少少焦脆肉質有彈性1++韓牛板腱食過韓牛都知1++係最高等級嘅韓牛本身就冇日本牛咁肥 更有牛味加上板腱位肉味更濃脂肪更低 真係好好味呀特級調味牛肋骨好大塊呀 每次嚟都必點 醃得甜甜地咁 點燒都係咁嫩咁juicy調味豬皮識食一定烤豬皮 烤到豬皮微微焦香 啲油份燒晒出嚟入口幾煙韌 唔會覺得肥膩 如果飲酒就更夾芒果益力多刨冰最後食埋個甜品 酸酸甜甜好解膩呀份量大 叫一份夠幾個人share喇