韓點 (已搬遷) 新店位置

叫左B餐($30)~有韓式壽司一條，紫菜蜆肉湯同炒年糕~女朋友話三樣野都唔掂，個湯係味精湯。失望! 同尖沙咀韓國街無得比佢地貼左張紙話做埋呢兩日就唔做.

自覺廚藝及格── 一廂情願地，親愛的弟弟可不這麼想 。只怪我家大人手段太「高明」(打個譬喻，大人是妙手黃蓉，我不過是會燒粗糲白飯的傻姑罷 )，我煮的他往往夾兩遍便擱筷子，偶爾多吃數塊，於我而言已是莫大的「鼓勵」，夠我「感動」半天了。因此，凡我下廚的日子，弟弟總外帶些食物回家──「打底」！至於饞貓我，有東西吃嘛，不管甚麼理由都是值得高興的事情。是日弟弟外帶了韓點。海帶湯是隨餐免費附送的。湯中浮著數枚如我拇指指甲般小小的蜆肉，以及海帶，但我沒吃。弟弟表示不怎麼樣。喝了一小口湯，蜆鮮欠奉之餘，居然略帶蒜味 ，有點怪，我不喜歡。素來對此湯不感興趣，眼前的甭說了。也許外帶回來冷掉的關係，煎泡菜餅 ($22) 變得異常軟腍，一坨爛熟麪糰似地 ；加上泡菜味薄，勉強吃半件無意再添 (即煎的會否好些？)。不下一次提及韓式炒年糕 ($25) 是我少數「接受」的韓食之一。圓筒形年糕軟軟糯糯，不失嚼勁。醬汁濃稠，辣度與甜度調教得極合我心意，帶一分別處沒有的酸香 (茄汁麼？)，較同場另一家韓式小店浪漫滿屋好吃 。嗜辣炒年糕者不妨一試。(註：曾光顧紅磡總店，個人以為水準反不及深水埗分店呢 )宮廷紫菜壽司 ($25

大前日(28-2-2012 Tue)同男友o黎到呢o度,男友就揀o係o度買o野食,佢用$5X.00買o左:1. 壽司條壽司條直徑大約有3厘米,材料有腸仔,甘筍,日式青瓜,蛋同唔知咩菜,睇落好靚.但食落係冇乜味.2. 泡菜炒年糕男友話似食腸粉,不過更飽肚,我o地就覺得泡菜汁唔係死辣,但係陰陰地辣,我就頂唔住投降,要男友食晒,佢就辛苦啲.3. 昆布湯昆布都幾大塊,但原來有一粒細蜆肉,咁細o既蜆肉當然食唔到咩o野鮮味,而呢個湯都係比較清淡,只係食辣年糕後飲佢會舒服啲.4. 魚蛋呢個魚蛋係用湯浸,冇乜特別.綜觀,其實都唔係太地道o既韓式,比預期遜色.

出升降機後恰巧發現韓點已登陸於西九龍中心美食廣塲, 不禁暗地裏高興因為不用特登走到去紅磡韓式魚蛋只貪其外型﹝個癮﹞, 味道無乜特別, 味淡也沒什麽魚味, 質地腍腍; 慣了吃港式魚蛋的我, 還是較喜愛充滿彈性, 有魚味的粒粒手打魚丸。唔好俾韓式炒年糕嘅外面騙到, 一直有心理準備要接受辣到噴火嘅感覺, 怎知道結果是甜甜地帶辣, 泡菜也充斥汁液包圍着, 年糕本身沒什麽味道, 全都要靠外面的泡菜汁來調味, 所以嚼年糕有如嚼擦紙膠。蜆肉海帶湯好鮮美, 湯入面有幾隻蜆肉及大量海帶, 最好就是買滿三十元就送我一碗宮廷壽司的材料只是簡單的雞蛋、青瓜、紅蘿蔔及腸仔等食材, 壽司紫菜較腍身,亦都發覺原來加幾位芝麻在壽司上是會更加果仁味豐

之前成日幫親浪漫xx食紫菜包飯 又平又好食~但間野款唔係咁多 變左25蚊之後更加小買左...韓點開左真係好~ 因為款多左多野揀~ 我好鍾意幼幼unun口感既韓國冷麵~ 見佢有韓式拌麵 即買~ 盛惠30大元~ 對呢個商場黎講ok啦 ~對外面韓國食店比較真係超抵食~ 一買左~怕拎到返去麵變干~一餅野咁~ 就拿拿林~倒醬撈左先~ d醬成包落哂~麵暖暖地~條條麵都有醬~正~愈食愈辣~好鬼過引~碗麵唔大~食哂有d流~我一個 女仔~都叫夠飽~ 下次可以再食~我諗雪涷佢涷食~都應該唔錯~

之前睇完蘇玉華介紹此店專程走去紅磡試食,點知舖頭大排長龍,想食多幾款都無位食啦,唯有求其買左出名既魚蛋和年糕各1,果然名不虛傳真係好似親身企係韓國街头進食中咁!!今晚係西九龍中心美食廣塲竟然發現此店有分店的,我第一時閒就想再食一次,我叫左魚蛋,年糕和豬肉蓋飯,等食物既時間都好快,這裡是FoodCourt大把位,又舒服又有電視睇,仲可以慢慢一邊食一邊影返張相,食落味道同上次都一樣咁野味,個豬肉蓋飯個汁夠辣夠香唔錯,可能個人很喜歡食辣,不過點好食一個人係食唔哂,下次要約多幾個人再來試其他食物.Good!!!