韓Cook (已結業)

因為睇youtube 見到d youtuber 講到韓國既豬手好好食，所以一直都好想試上韓式豬手到底同平時食開既有乜唔同！不過香港既韓餐真係唔平，幾百蚊一碟係正常價（雖然個份量都好大），所以一直都未揾到岩心水既韓式豬手try try除左韓式豬手之外我仲好愛海鮮薄餅但係唔知點解，豬手同薄餅就好似太陽同星星既關係，兩者不能並存。之前為左同時食海鮮薄餅同埋韓式豬手已經行左一次韓國街，但係行開都唔覺有呢兩樣野同時有得食今次再認真望下門口menu，終於俾我揾到間有得同時食呢兩樣野仲要唔貴既餐廳啦！坐底就俾既前菜，係茄子、泡菜同埋芽菜茄子仲有d 咬口，同埋保留返個色水，幾好～泡菜我唔知係佢自家醃定係買，但我覺得佢整得唔係太好食。原因係有d 酸得滯會有d 嗆喉既感覺。芽菜我唔食既所以唔知係點。豬手上檯啦其實呢個真係唔係二人份量，我覺得四人食都得，因為豬手有d 滯嘛因為冷麵可以解油膩，所以叫左個冷麵～個麵落左d 梨汁，酸酸地既開胃，仲可以自己加埋白醋或者芥末調下味不過其實呢個麵係無乜味，所以除左送濃味野我都唔建議叫黎食。海鮮薄餅！！！但係真係好失望呀，因為呢個餅同我食開既都唔一樣既！海鮮份量又唔多，菜

前晚去完呢間野，我真係忍唔住打我人生第一個食評6點幾行過金巴利街，求求其其就揀左呢間野因為周圍排晒隊，但呢間野裡面勁少人，唔使等位入到去，我揀左炒粉絲，朋友揀左石頭鍋飯個炒粉絲係$85定唔知$90menu個英文係寫住個粉絲係「with beef」所以我先會食正餐都冒住唔飽既風險揀左佢點知黎到，成碟淨粉絲！我問個呀姐點解無牛肉，佢不斷答我：「呢個係無牛肉。」「咁你又寫有？」「但呢個係無牛肉。」重覆左呢段對話十次之後我真係覺得同佢溝通唔到，火都扯埋佢就話：「本身係無，你要我叫廚房加d比你囉」其實唔好講到好似送左d牛肉咁比我得唔得本身寫有、但做出黎無，好可能已經觸犯商品說明條例，而成80幾90蚊一個粉絲連一塊肉都無，呢件事都好離譜，極貴+唔抵，連個粉絲份量都細至於朋友個石頭鍋飯，頹到一個點成個飯d料勁勁勁少最後我朋友都食剩左好多飯三個字，離晒譜！！！！

專登嚟到韓國街食野 度度都好多人排隊 見呢間餐廳唔使排隊就直接入咗去前菜我們叫了韓式冷麵烤肉餐$110冷麵普通 粒蛋好一般食食下覺得好淡唔對路先記得叫侍應拎醋同芥末比我地 🤦🏻‍♀️加左調味 泠面 瞬間正常左好多😂牛肉則是還可以 甜甜地另外亦叫了石頭鍋飯 忘記了價錢 我幾中意食d飯蕉 唔知點解明明材料都有係度 韓味總是有點缺乏總結:味道不過不失，侍應姐姐唔係太願意理人有點失色，咁樣計落就價錢略貴，不過勝在唔使排隊同可以二人坐四人桌

正值下午茶時間，同街的韓國餐廳都休息，只能進這兒吃。韓式豬手：價錢正常（$145）有配菜及微辣醬一起吃，吃下不覺肥膩，建議盡快進吃，冷了后會黏碟。宮廷年糕：與平時辣年糕不一樣，是甜的，有耶菜和牛肉，但98蚊，實在太貴海鮮豆腐辣湯：足料，有魷魚，青口，蝦，蜆肉，粉絲，好味(豆腐辣湯很難失敗吧！)。牛肉紫菜包飯:每片都有牛肉，配上蘿蔔絲，青瓜絲，雞蛋絲小菜：有豆芽，茄子(特別)，菜和泡菜(偏捻，酸)

其實肚餓時候應該要求不太高😕但是我竟然覺得難吃得不想吃真心說 三碟前菜是不過不失的 但其餘的食物實在難吃 海鮮餅 少海鮮也算 ，麵粉也太多了吧兩款面 海鮮辣面好重鹼水味 ，海鮮湯好稀 ，而韓式炸醬面一向不是我杯茶飯卷 有點奇怪 ，正常飯卷的飯應該不是熱熱痴痴 ，很淋身的，但它卻這樣鐵板肉 沒有味 很淡 而且全部肉碎 很乾身

昨日放自己一天大假，除了給我休息外又給自己大吃大喝的一天，到午飯時間尖沙咀非常人多，因期間約了朋友剛巧有點肚餓，首選韓式湯飯快、靚、正、，到了第一間韓式料理店等了十五分鐘還未有我的餐，加上突然來了一班"自由行",令本來家庭式運作的店鋪忙到不勝負荷，唯有選擇取消，之後到了一間在金巴利道韓國料理，點了自己喜愛的牛筋湯，當我飲了第一口湯感覺濃濃的牛肉味有點似雪濃湯底，自己在想是否有放味精呢？但同時你亦想追飲第二口湯,當完成用膳後感覺是平、靚、正,又很滿足自己心想下次會再去光顧.

好耐都冇黎過尖沙咀難得黎到當然要黎韓國街食韓國野啦不過都預咗一定係韓國食係好食好多每次去韓國街我都冇話特定食開邊間既我之前未食過韓cook所以就試下呢一間啦12點幾去到都冇人全場淨係得我同我朋友係度我同朋友最近都唔係食好多所以我哋就咁叫咗個牛肋骨湯(hkd 62) 再加紫菜包飯(hkd 25 for 5)都係個句啦韓國係好食d既不過咁樣唔代表呢度唔好食紫色包飯好難會唔好食正常餐廳會食到既紫菜包飯咁既味道同水準咁主力講吓牛肋骨湯啦牛肋骨總共四件牛好軟唔會話好韌個牛骨既size都算大牛湯好入味不過最濃多少少會好d粉絲通常個湯都會有埋而d粉絲就因為d湯所以就入哂味配飯簡直係一流正常一個人一個餐就啱啱好不過因為我最近節食先食咁少

今日塔塔子難得放假，就去咗尖沙咀行街街，行到攰要食午餐，塔塔子呢個偽韓妹耐唔耐都會食下韓國嘢嘅，當然要來尖沙咀嘅韓國街啦簡簡單單嘅韓式前菜，我覺得泡菜唔係好夠辣囉塔塔子要嘅烤豬肉飯，見佢係鐵板上以為好熱啦，點知好快就冇聲冇氣，鑊氣欠奉不過豬肉都好淋好入味，但係又冇乜汁咁，而且又好快凍，有少少失望朋友G叫嘅牛肋骨湯，哇！非常之新鮮滾熱辣，如果隻手掂到個煲就大鑊啦！見到仲有好多舊牛肋骨，湯底都非常香，又唔會好油膩，睇住佢食得津津有味呢！喺尖沙咀食一個韓國午餐，呢個價錢都叫抵食嘅，不過唔係樣樣都好味囉，不過都可以一試嘅

今日小編同一位有人就嚟咗呢間餐廳度試下佢嘅部隊鍋，行過見到好似唔錯，價錢唔算平，但係都幾有韓國風味，所以一心試試佢👍🏿韓國菜嘅老規矩，前菜！呢三樣都幾好食，左邊係芽菜，中間係泡菜，右邊係薯仔，三樣嘅味道都唔錯。呢個就係部隊鍋，其實佢入面嘅用了非常簡單，相信大家都會知道，例如包括腸仔午餐肉，茄汁豆，豆腐，少量嘅肉片等等，其實如果以食物質素來講，韓國呢一啲嘅嘢食就真係冇乜食物質素可言，但係味道係唔錯嘅。最低起碼係食得飽 。但價錢方面，呢鍋野已經要＄210 ，其實諗真啲，都真係幾貴😂而呢個鍋，有少少似打邊爐咁，咁所以點可以有冇個公仔麵呢，但係呢個公仔面又要再加＄25先會有，所以再一次覺得，其實呢一間餐廳都幾貴。加埋個鍋，總數價錢係＄235埋單，性價比其實一般，味道係唔錯，但係其實就冇乜食物質素可言，啲餐廳嘅服務其實亦都可作改善，因為當晚小編去食嘅時候，大約晚上8:30 ,餐廳入面亦都仲有三四枱客，雖然餐廳面積細，一眼睇晒，但係樓面就只有一個侍應，嗰個侍應亦都唔會主動幫客人加水同收走枱面嘅吉碟等等，所以希望餐廳亦都可以改善下呢個問題。

之前從來未試過食部隊鍋，發現原來韓cook嘅部隊鍋裡面有好多韓國嘅午餐肉、嫩滑嘅豆腐、韓式粉絲以及大蔥，食落好香口，唔怪得在場都好多人點。坐低之後同其他韓國料理餐廳一樣會，即時放上韓式小菜。不過每間韓國餐廳嘅韓式小菜都唔太一樣，除咗有必定出現嘅泡菜之外，哩間餐廳仲會有燜薯仔，甜甜地咁好好味。

星期六同朋友來到韓國街，無食開邊間。見到佢有部隊鍋就比佢吸引左入去。舖仔細細，張枱都細，放完個鍋都無乜位，坐位都比較迫，唔算太舒適。店員會講國語，有菲律賓和大陸員工。叫左個部隊鍋，同一個傳統紫菜包飯，2罐汽水，埋單$290。部隊鍋入面最多泡菜同腸仔，其他份量不多。入面有餐肉，腸仔，茄汁豆，，年糕，粉絲，豬肉，泡菜，一束細到喊的金菇，一片芝士。咁樣$210 我就覺得唔係好抵兩樣食物味道一般未見出色。食完個身好大陣味，連底衫都有

9點鐘收工韓國街已經鳥無人煙........本來想食韓燒,但見幾間都無人食緊野,費事阻住人收工啦全條街最光猛就係呢間,黎個快食韓餐先!前菜免費的豆腐海鮮湯,以快餐黎講味道可以的,都係d辣味咁。好多豆腐,裡面嘅海鮮係好袖珍嘅,差d搵唔到鐵板LA牛肋骨,底下d洋蔥炒得幾香,但肉就太熟啦,無咩肉味海鮮蔥煎餅,粉漿煎嘅餅,蔥唔太熟,啖啖粉餅口感,食完一定夠哂滯。明明係去食韓國野,兩個店員係咁以普通話大大聲吹水,完全幻想唔到自己食緊韓國餐算啦!快餐,食完返屋企早抖!

是的，不知怎地午餐總是選了韓式的來吃。。。有人說有壓力就會想吃辛辣，我是太大壓力嗎？哈哈！本身去韓國街唔係想食呢間，但目標餐廳full左，就選了這間，見他也有不少人光顧，應該少伏😆三個人，點了三個餐。泡菜豬肉飯，好多泡菜，夠辣夠惹味，但肉就比較肥膩，飯多到食唔晒。人參雞湯（半份），好正，好夠味，人參味香濃，雞肉又軟又嫩，伴飯吃一流！價錢仲要唔貴添！海鮮麵+炸醬麵雙併，哈哈，呢個岩晒貪心既人，可以一次食到兩款，個人試完比較喜歡海鮮麵，濃郁的蝦湯味，不錯！韓式炸醬是黑色，味道偏甜，朋友話ok，但我就一般啦～午餐每人五十幾六十，係尖沙咀食好少少真係呢個價喇！都可以再來，想再食佢既人參湯！都幾岩平時無咩湯水飲到既都市人！

一人晚飯，叫了海鮮泡菜餅，上到枱以為上錯，一D海鮮影都見唔到，但伙記話冇錯，食哂，我都只係見圖中一小角的所謂'海鮮'。90蚊，食咗葱同麵粉！！俾人揾笨，一次已夠！

偶然的機會試了這家韓式餐廳，平日晚上人不算多，味道很好，我忍不住一星期內吃了三次，價錢比同區的韓式餐廳便宜，味道非常好，服務也不錯！份量不算多，很適合多叫幾款試試！豆腐很滑，雖然海鮮不多，但$80來說很好了很軟滑的豬手，味道很好見餐牌寫3件，以為很少，但也是整整一碟，很入味，一試難忘，來3次點了2次呢