順。越南牛肉粉

营业中

休息中

今日帶埋細細👶🏻去食越南粉呢間餐廳環境好好 坐位又夠寬敞 職員仲好好服務態度食物又唔錯整體覺得用餐頗愉快👍🏻會再幫襯今次我哋order咗🍴保寧雞絲扎肉湯河粉(全走)保寧雞絲好有雞肉味 湯底清甜河粉質感爽滑 唔會碎濕濕咁🍴生牛肉牛丸湯檬粉(全走)一上枱就見幾片生牛肉浸响熱湯上逐漸變熟 一熟透就即食 所以食得到而且份量都唔少 牛肉好嫩滑 👍🏻 牛丸彈牙又多汁😋🍴蓮藕蝦餅(2件)蓮藕好爽 蝦餅又彈牙🍴酸辣鳳爪沙律(輕盈)酸酸辣辣鳯瓜好醒胃🍹紫米乳酪沙冰🍹咸檸七(凍)順。越南牛肉粉 ( #沙田)📍沙田橫壆街1-15號好運中心3樓3007號舖

今日可以早少少離開公司，順利約咗住喺附近嘅朋友簡單食餐飯，跟住先再返學。於是，我就諗住食啲甜甜酸酸嘅嘢，感覺冇咁heavy~~😌·特色綜合牛肉湯金邊粉🐂份量好多，好多牛嘅部位同組合都有齊，連牛丸都有埋添～😉 個牛肉湯底幾好喎，牛肉味真係好出！不過可能牛嘅油脂多咗少少，所以油份比較重，平時慣咗健康飲食嘅我就未必食得好⋯🤔·扎肉蝦餅撈檬🦐撈檬底夠凍，扎肉蝦餅又夠熱辣辣～🔥🔥 有凍有熱嘅感覺幾特別～ 加埋醒胃嘅甜酸魚露就真係唔錯～成功幫助我嘅朋友，喺冇乜胃口嘅情況底下都食得落嘢～～·蒸粉包🇻🇳食親越南嘢我都會食呢樣，因為好鍾意嗰種粉皮包住好多餡嘅口感。咁我都覺得係足料嘅，同埋味道都恰到好處，唔算鹹～·薄荷青檸梳打（凍）清新嘅薄荷葉加青檸，有少少酸酸哋同埋梳打嘅氣，飲完凍冰冰嘅佢成個人爽晒！😎·話梅鹹柑桔水（凍）話梅就甜甜酸酸，鹹柑桔又係喎！😌成件事就變得好夾，凍飲就可以解埋嘢食嘅油膩感。😙

最近係沙田好運中心新開左間越南餐廳，趁放工經過就入去試下😋~🤩街頭香茅牛肉飯🐂(HKD 88)整碟飯嘅份量都唔𦆮，炒牛肉配上酸蘿蔔絲，再附上兩塊越南蒸蛋🥚，大食嘅我都覺得十分滿足。我係第一次食越南蒸蛋，所以對佢好有興趣。蒸蛋混合左粉絲，豬肉碎及木耳絲，當你咬落去，感受到蒸蛋軟綿口感嘅同時，又會食到木耳嘅清爽口味，十分有趣。炒牛肉中規中矩，調味恰好👌唔會好重手，唯一想挑剔係食落有啲油膩。🤩香茅豬扒湯粉（河粉）(HKD 72)河粉同牛肉飯一樣，份量都唔細。先講下佢嘅湯，味道正常，唔會飲完好口渴。而對個河粉有少少失望，因為食落略厭佢overcook。豬扒嘅份量幾令人滿足，厚度都有份咁上下，若果可以再軟嫩一啲就更高滿足🤤🤩菠蘿豬頸肉米紙卷 (HKD 65)每次去到越南餐廳我都會叫份米紙卷，因為佢可以令蔬菜更加好食🤣呢個米紙卷反而有啲驚喜，佢係用米紙包住一塊豬頸肉再包住蔬菜同菠蘿條。菠蘿嘅酸甜🍍同豬頸肉🐷嘅油脂十分夾，再加上色彩鮮艷嘅蔬菜，好睇又好食。～係沙田市中心來講呢間餐廳嘅cp值更加高，份量夠大，味道唔錯，價錢亦唔貴。我見到menu上仲有越式火鍋🍲同場都唔少人order左，會搵機會再來呢到

喺沙田好運中心嘅越南菜下午茶時段好抵食！而且野食都大份~-🥩街頭生牛肉湯粉 💰$56牛肉份量好多 而且每塊都超嫩滑😋河粉嘅份量都唔少 夠飽肚👍🏻呢個價錢實在太抵食!!-🍗串燒雞肉撈檬 💰$56有三串雞肉 雞肉肉質嫩滑 燒得惹味-🐥蒜蓉牛油雞翼(2件) 💰$28外層非常香脆 滿滿蒜蓉牛油香😍-🍧紫米乳酪沙冰 +💰$26乳酪味夠濃 唔會淡到似水另外仲有啲紫米可以咬下~-🥥椰汁珍多冰 +💰$12椰汁味夠濃 每一啖都口感豐富

Absolutely excellent grilled pork necks and lemongrass crispy chicken steaks on Vietnamese vermicelli noodles! The salads and herbs on the side were very fresh and served in large portion. It’s my second time to visit this restaurant, I’ve been to its Central branch and tried their pho in soup. This time we gotta try the dry mix noodles since Mrs Golden-tongued and me are both a fan of 撈檬！I’m sure my pork jowl is more handsome than yours! They were perfect, seared to just right, thickly cut yet

特色綜合牛肉湯河粉🐮🍜下午茶呢個份量實在係超值🤭😍有齊生牛肉、牛腩片、牛肉丸，份量都唔少！我最鍾意嘅就係生牛肉，口感好滑牛味都好香濃👍🏻👍🏻香茅豬扒湯檬粉🐷大大份嘅香茅豬扒，外層焦香，啖啖肉又帶有淡淡嘅香茅味😊湯底都好清甜！春卷外皮脆卜卜，內餡都好豐富，入面夾住紅蘿蔔，食落口唔會好膩，仲好香口😍牛油雞翼🧈🐓牛油雞翼炸至金黃色，仲有啲蒜粒，食落仲有濃濃嘅牛油香味🤭🥰真係好惹味！話梅鹹柑桔水🍊酸中帶鹹，鹹中帶甜，好清爽🤭老薑蜜🫚🍯薑味都好夠，芳香濃郁，同時帶點微辣，我幾鍾意飲🥰🎀餐廳舒適寬敞，店員服務態度幾友善👍🏻上菜速度都好快！下午茶餐真係好抵食，所以都有好多人排隊😌😬🌟 順•越南牛肉粉📍 沙田橫壆街1-15號好運中心3樓3007號舖

有時想食的經濟實惠一啲，就會揀一啲小店食。呢間越南菜午市有套餐，包基本飲品。我揀咗香茅豬扒湯金邊粉$72。豬扒大大塊，預先幫你切好容易啲食。充滿香茅味同蔥味。金邊粉的口感綿密，唔會太濃味。另外揀咗河內番茄蟹檬粉$86。蕃茄湯底酸酸甜甜好開胃，加上蟹肉鮮味，味道唔錯。餐飲方面，揀咗熱話梅咸柑桔水和熱青檸紅茶。熱話梅咸柑桔水酸酸甜甜，熱青檸紅茶茶味香濃。套餐可以優惠價加購唔同嘅小食。我就加$22揀咗春卷。春卷外皮酥脆，內裡包著新鮮的蔬菜和肉，係一道必試嘅小食。

今日過嚟試左呢個越南餐廳廳，非常之有驚喜，推介大家黎一試👍🏻餐廳環境好，坐位坐得好舒適，服務員態度都幾好，有禮貌👍🏻生牛肉牛丸湯河粉$62性價比高的一碗河粉，牛肉牛丸份量好多，好足料。牛丸非常新鮮，雖然有厚度但一啲都唔韌，有口感之餘也有濃濃牛肉鮮味！牛丸爆汁，唔係味精嘢👍🏻河粉質感爽口彈牙，總括來說本人比滿分煲仔咖喱牛腩配米飯$63除咗牛肉河出色，咖哩都做得唔錯，呢度真心足料，好多件牛腩，而且炆得好淋好入味越式傳統街頭法包$56法包外脆內軟，係十分之鬆軟，內裡夾有札肉，又有甘筍蘿蔔青瓜絲，10分惹味，值得一試👍🏻

下午茶餐嘅［越式香茅豬扒撈檬］，同午餐一樣咁大碗！件豬扒好大塊😍！食越南嘢，我必定要吃檬粉，鍾意那個酸酸甜甜嘅醬汁nuoc cham，每次都必定要落超多！件豬扒🐷都唔錯，煎到面頭夠乾身，內裡 juicy但唔會油淋淋，同埋都夠入味😋。春卷香脆，內裡足料，用醬汁nuoc cham沾春卷都係超好味😋😋 鍾意佢配生菜🥬＆青瓜🥒，可以卷住食，另一番風味。天氣熱，冇乜胃口，最好就是食呢啲～點少得越南嘅滴漏咖啡，香濃又有練奶香甜細滑。

期待已久呢間越南餐館開張啦～下午茶嚟試吓先以花烏彩畫木系裝修，成個環境都好舒服恍似度假一樣街頭生牛肉湯河$56湯頭熬煮清甜，半生熟牛肉鮮味有嚼勁，表面舖上九層塔、芽菜同埋生洋蔥，少量蔥蔥，都幾大碗。串燒雞肉撈檬 $56雞肉串燒，上枱個樣好吸引，好香，俺得剛好啲沙嗲口感唔錯，彩色繽紛嘅蔬菜伴檬粉清清哋加酸汁撈起來好開胃。跟餐小食街頭蓮藕蝦餅$32藕餅夾住厚厚蝦膠，炸得爽甜彈牙馬拉盞炒通菜$36幼嫩通菜好惹味，爽脆鹹香～話梅鹹柑桔水，潤喉嚨～香茅鮮橙茶用香茅棍搞一搞，茶濃帶橙香

今日出咗去新城市行街， 行完就去咗好運中心附近搵野食，經過見到d 間餐廳新開， 人流都算多， 食物賣相又唔錯， 就入咗去試下.餐廳環境舒適， 衞生乾淨， 職員安排我坐梳化椅， 位置寬躺，職員都有禮貌同helpful. , 上菜好快，整體感覺幾好.生牛肉湯河粉： 生牛肉新鮮， 份量算多， 又唔鞋口, 湯底唔會好咸👍👍濟沅蒸粉包： 皮薄， 多饀， 大份夾抵食，沾埋個醬汁－齊食， 好味越南滴漏咖啡： 推介， 咖啡味濃， 叫完等佢慢慢滴， 食飽就可以飲， 時間剛剛好

沙田好運中心新開的越南餐廳 #順越南牛肉粉 星期日我地想早啲食晚飯，5:50坐低原來六點前都仲有下午茶餐，選擇好多，越式粉麵、飯、撈檬、法包都有，仲包飲品，都幾抵食‼️叫左一個特式綜合牛肉湯金邊粉🐮有齊生牛肉、牛腩片、牛肉丸，湯底都幾清香，帶有點牛肉香味，牛肉質感都算軟嫩👍🏻👍🏻另外一份叫左順化香茅豬扒飯，香茅豬扒十分足料，煎得好香，加埋蔥油味道好好❤️旁邊仲有件粉絲肉碎蒸蛋，都幾特別。套餐可以追加小食，我地要左西貢脆春卷同蒸粉包，春卷十分香脆，蒸粉包餡料好飽滿😍😍加埋甜酸汁一齊食好開胃😋下午茶餐的基本飲品都有越南特色飲品，香茅薑蜜飲落令個人好舒服好暖心。話梅咸柑桔水酸酸甜甜都好解渴👍🏻

沙田好運中心開了間越南菜🥢自從去過越南，總會想起街頭的法包🥖回味又回味🍗香茅雞扒撈檬 $50越南風味香茅雞扒吾少得，甜甜酸酸再加上少少魚露，很開胃脆內軟，煙韌，青瓜、椒絲、細蔥，凍肉和肝醬，絕配🌯西貢脆春卷 $22內涵料是蔬菜肉碎，熱辣辣香脆🍘蓮藕蝦餅(2件）$32蓮藕夾著鮮味滿滿的蝦肉煎脆，口感非常豐富🥤午餐加 $12 飲品 凍咸檸七🥤餐飲話梅咸柑桔水不用另加費🌟很多越菜選擇🌟環境舒適乾淨🌟價錢合理

好運中心開咗好多食肆，今日去咗呢間越南餐廳食。餐廳裝修都幾靚，座位寬敞。我哋叫咗：❤️特式綜合牛肉湯河粉：呢個菜式係一碗滾滾嘅湯河粉，有獨特嘅風味同口感。湯底鮮香濃郁，以牛骨熬煮而成，令湯汁鮮甜。湯河粉入口爽滑彈牙，配上脆嫩嘅牛肉片、牛腩同埋牛筋，肉質鮮嫩多汁，令人食得過癮。仲有啲蔬菜同香草，增添咗層次同鮮味。呢個菜式係一道豐富美味嘅湯粉，好適合喺而家天氣食用。❤️法式牛柳粒配米飯：呢道菜式係法國風味嘅經典佳餚。牛柳粒經過嫩化處理，肉質鮮嫩多汁。煎至外脆內嫩，質感豐富。牛柳粒配上香氣四溢嘅法式香草醬汁，增添咗濃郁嘅風味。再配上軟糯嘅米飯，口感絕佳。呢個菜式係一道精緻而美味嘅主菜。

原來沙田開左好多新餐廳～行到好運中心就見到啦星期五晚唔使等位，一於俾個機會試一試！整體表現嚟講，不過不失！同朋友一人叫咗一碗麵分別係河內蕃茄蟹檬粉$88 同埋 特色牛肉湯河粉$88同平時食開啲越南菜一樣，可以自選面款朋友表示蕃茄檬粉中規中矩，牛肉湯河都算比想像中好！唔單止牛肉份量充足，而且做到半生熟，唔係一上就全熟。加埋青檸同辣椒🌶️爽口連加一後，人均$100 。以呢個地區性嚟講都算過得去，睇到餐牌佢哋下午茶都抵食！