順。越南牛肉粉

营业中

休息中

菠蘿炒飯，冇味難食，油味甚重，蝦仁有腥臭味！椰青發霉，椰青整體未熟，完全不甜兼有霉味！食物質素甚差，價錢不便宜，希望大家唔好上當受騙！餐廳環境還可以，但並不吸引。

新店试一试，点了生牛肉牛丸汤河粉、顺化汤檬粉，牛丸麻麻、牛腩还可以，最失败系啲粉（不论是河粉还是檬粉）碎湿湿简直食得费劲！服务一般，环境还可以，新店干干净净，唔会有冲动再黎帮襯！

好運中心新開的越南餐，裝修新穎忍唔住入去一試，兩位竟然有卡位，開心。中午時段有午市套餐，大概70-80一個餐，包野飲。我點左個生牛肉河，出到黎賣相幾好，最緊要個湯夠熱，抵讚。試左一啖湯，味道不過不失，但牛肉有驚喜，份量夠多之餘，口感都算滑。另外朋友點了順化牛肉湯檬，食到讚不絕口。牛丸雖然細粒，但咬落爆汁，一粒小小牛丸入面，牛肉、牛丸、牛油嘅香味混合一體。牛展有滷過，入味，有誠意。扎肉都算正宗。湯底小辣，成碗野出到黎都算出色。讚。套餐包嘅基本飲品，凍熱都係唔洗加錢架。我地都係點香茅蜜，杯野清甜得黎，有淡淡嘅香茅味，都算特別。整體而言，出餐速度都算快，食物夠熱夠新鮮，味道也不錯，值得推介。

沙田好運中心新開的越南餐廳，試了下午茶，點了生牛肉牛腩片湯粉，湯底好味道👍🏻另加了個$36炒通菜，選了蝦頭膏炒（還有馬拉盞/蒜蓉魚露供選擇）份量不少合理，通菜也炒得入味好食，飲品再加$12試咗越式滴漏咖啡，咖啡味濃，喜歡它不算太甜。連加一共$121。整體好吃上菜時間也快，下次還會再幫襯。環境舒適寬敞，餐具紙巾牙籤等改餐枱櫃內感覺亦很乾淨衛生，推薦可試😋

新開的舖，試了下午茶，香芧豬扒撈檬和生牛肉牛腩片湯河粉。兩款的味道不錯，而且份量足夠兼可配指定凍飲不用再加錢。由於店舖新開不久，內裡環境光猛兼乾淨，服務現時亦良好。

⭐️生牛肉牛丸湯河粉($78)湯底非常清香，九層塔🌿蔥、芫茜、洋蔥提升香氣！牛肉片新鮮嫩化，牛肉丸雖然細粒，但非常爽口彈牙，半肥半瘦，入口牛味香濃！⭐️香茅豬扒湯金邊粉($72)豬扒煎得金黃，內裡多汁嫩滑，淡淡的香茅，入口不太油膩！金邊粉軟硬度煮得剛剛好，清湯配豬扒，香口又飽肚！💛老薑蜜（熱）青瓜片中和了薑味，辣度適中，用香茅支做攪拌，特別又環保！💛香茅蜜（熱）用薑及香茅一齊煮，薑味非常濃，薑到辣口🥲💛青檸紅茶(熱)比一般檸檬紅茶多了一陣青香，加入白糖，調和澀味！