順。越南牛肉粉

营业中

休息中

2pm 就開始下午茶時間，價錢親民擺盤色彩繽紛，唔hea，性價比高，可以回訪 🍴加一服務費：✔ ✿ 法式牛柳粒配米飯 $73 感覺比港式的調味較甜牛柳粒軟淋入味，一點也不韌，非常好送飯 ✿ 順化香茅豬扒撈檬 $56好大碗，撈檬汁係檯面自己任加多青瓜、蘿蔔、生菜絲，清新，食完覺得飽但唔膩豬扒半煎炸感覺，不過不失，唔鞋不過唔算juicy ✿ 加配小食• 清沅蒸粉包 +$28• 西貢脆春卷 +$22大推蒸粉包，個皮好滑好似河粉內餡飽滿，八成係肉碎😂另有蘿蔔+木耳 春卷個餡有啲唔同，似餃子餡，鍾意香脆嘅就揀春卷個人冇特別鍾意煎炸嘢，所以更鍾意蒸粉包👍 ✿ 餐飲• 青檸紅茶 (熱) +$0• 香茅鮮橙汁 (熱) +$0餐飲有誠意，較推薦香茅鮮橙汁

之前同事同我提過d 個越南餐廳嘅下午茶幾扺食， 同埋份量唔少， 質素都唔錯， 介紹我去試吓, 今日工作冇咁忙， 終於有時間出去試吓.唔使排隊, 地方好闊落, 坐得好舒服。下午茶都真係唔貴， 約$5x －個餐， 包－杯飲品， 還可用優惠價加小食一客.街頭生牛肉金邊粉: 大碗， 生牛肉都多， 同午餐份量差唔多， 加埋少少辣椒仔，正蒸粉包： 個粉皮好薄身， 絕對係皮薄餡多， 多到－口就爆餡滴漏咖啡：必叫，超香咖啡味，食緊等佢慢慢滴， 食飽剛剛好

經過開沙田好運中心果頭，見到呢間食越南嘢嘅餐廳，一於入去坐低食下越南嘢，幾鐘意佢個餐牌設計好顏色豐富，仲有圖片睇方便有選擇困難症嘅我🫶🏻._.🐖| 會安烤豬頸肉 |🐖果然無點錯，豬頸肉肉質腍身到不得之了，連友人都大讚豬頸肉腍身又唔鞋口乾身，仲要燒得好香，好夠味，跟配咗隻辣醬汁可以點，想辣啲增加刺激口味可以點，不過我覺得唔點都一樣咁好食👍🏻.🥑| 牛油果軟殼蟹米紙卷 |🥑米紙卷包嘅材料豐富，加埋軟殼蟹顯得更大舊，清爽啲配菜絲加埋香脆哪軟殼蟹，多重口感，中和返炸軟殼蟹啲油膩感👍🏻一碟六舊大大舊好滿足._.📍順．越南牛肉粉📍沙田橫壆街1-15號好運中心3樓3007號舖

平日晚估唔到都幾多人，想坐獨立卡位都要睇吓運氣，發現有下午茶餐牌真係幾抵食，可惜今次只能食晚餐先～生牛肉牛肉丸湯河粉 $82牛肉丸係一口size，食落好方便😂而且咬落都juicy有啲似振興嘅感覺，牛肉片唔韌份量都多，屬中上水平香茅豬扒湯河粉 $72豬扒意外地大份，同碟豬頸肉差唔多size，咬落juicy，外面微脆，調味都重配埋清清地嘅河粉夾住食就岩岩好，呢個CP值高～會安豬頸肉 $90厚切大大片肉質都keep到淋，不過小食來說都唔算平😂馬拉盞通菜 $78辣辣地炒得幾惹味，撈飯就正了總結：整體算係中上水平嘅越南菜，質素對得住價錢，大家可以一試～地址：沙田橫壆街1-15號好運中心3樓3007號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

今日經過見到沙田好運中心重新裝修， 多咗好幾間新餐廳， 去咗試其中一間， d 間餐廳食越南野， 地方寬敞， 環境亁， 裝修光亮，坐位舒服.我到達時差10 分鐘到2 點， 職員好好話我知2 點有下午茶， 價錢優惠d , 所以我都等多陣先入座.蒸粉包: 即蒸， 上枱熱辣辣， 皮薄， 大件，爆餡得黎啖啖肉， 就咁食同沾酸甜汁都－樣好味河內蕃茄蟹金邊粉： 非常足料， 蟹幾新鮮， 香濃蕃茄湯底，金邊粉好入味， 同埋都算大碗， 物有所值青檸紅茶： 下午茶送一杯飲品

今次去沙田好運中心食越南粉下午茶，裝修精美，有卡位，傾計唔會太嘈，價錢畀午餐便宜，食物份量一樣，抵食生牛肉牛腩片湯。金邊粉生牛肉軟滑，牛腩片軟得來有口感，塊塊都肥瘦適中，湯底夠熱夠清，可煮熟生肉，唔肥膩，好正宗 🥰河内番茄蟹。金邊粉第一次食蟹粉，蟹有半隻，好新鮮，湯底重番茄，好開胃，好鬼正 😆春巻(2件)小食炸春卷炸得好香脆，裏面嘅餡都好豐滿，配合埋酸酸甜甜魚露汁食更加好味和唔肥膩 😋老薑蜜(熱) & 牛油果沙冰薑蜜重薑，蜜糖健康，還有一根香芧，養生必選沙冰細軟，甜度適中，顏色好靚，好好飲

📍 順。越南牛肉粉近排，好運中心一帶開左好多新餐廳，試一試呢間新開既越南菜😝🐷順化香茅豬扒撈檬 $78香茅豬扒幾厚身，亦都好大塊同煎得香脆！外層食到焦脆既口感同淡淡既蜜糖味～加上魚露汁一齊食，味道酸酸甜甜勁開胃！🐮街頭生牛肉湯金邊粉 $75牛肉既份量相當多😇切得幾薄身，上枱係半生熟，漸漸地變成全熟👍🏻而湯底係用以牛骨熬製而成，飲落牛味重！配料有九層塔、生洋蔥同芽菜，增添口感～🐤蒜蓉牛油雞翼（4件） $65雞翼炸得香脆，金黃色好吸引～食落有肉汁，唔會乾爭爭👍🏻牛油既奶香味同蒜蓉嘅香味互相融合，幾惹味～📍 順。越南牛肉粉 (沙田)沙田橫壆街1-15號好運中心3樓3007號舖#沙田 #好運中心 #順越南牛肉粉 #越南 #越南河 #香茅 #香茅豬扒 #撈檬 #生牛肉 #金邊粉 #蒜蓉牛油雞翼 #蒜蓉 #vietnam

下午茶時段, 見餐廳差不多座無虛席, 估計食物質素應有保証, 決定入座光顧。下午茶套餐1) 香茅雞扒撈檬 $502) 街頭蓮藕蝦餅 (2件) $323) 椰汁珍多冰 $124) all + 10%香茅雞扒撈檬份量不少, 雞扒有4大件, 每件約有1吋厚, 肉質不柴, 雞皮煎得香脆, 不油膩。伴有大量紅蘿蔔絲, 生菜絲和青瓜絲, 清新爽口, 加上花生碎, 口感豐富。檬粉爽身, 略嫌有點溫熱。街頭蓮藕蝦餅 (2件) 猶如三文治般, 由兩片蓮藕夾著蝦餅煎香而成。蓮藕入口爽脆, 蝦餅彈牙, 沾上甜酸醬, 甚為滋味。略嫌有少少油, 伴著生菜和酸蘿蔔同吃, 有助減膩滯感。椰汁珍多冰椰香滿滿, 冰碎如沙冰, 冰凍入心。面頭放上少量珍多, 軟硬適中。整體來說雖然份量偏少, 但有其吸引力, 是下次光顧還會再點的飲品。

好運中心呢一帶裝修完之後出邊多咗幾間嘢食,仲有呢區比較小見既越南菜添今日一於嚟試下佢個生牛肉湯河掂唔掂先店內裝修環境寬敞，坐得舒服2點後仲咁岩就推出左下午茶Menu選擇種類都算多生牛肉湯河真係做到牛肉黎到係半生熟狀態唔會搞到鞋哂保持到牛既嫩滑, 份量仲完全唔似係下午茶相當大碗,牛肉嘅份量仲好多添湯底配上洋蔥,加埋青檸辣椒,好味另外再點左一客小食 - 春卷有驚喜春卷本身以為都係用大路叫貨果隻網卷春卷但呢個春卷餡料豐富,食落好香春卷皮炸到外脆青檸紅茶比起港底檸檬茶有啲唔同有另一種香,而且唔太甜

♡‎ ♡‎‎ ♡‎ ♡ 沙田 - 順·越南牛肉粉 ♡‎ ♡‎‎ ♡‎ ♡‎ 『越南牛肉粉，正！』屋企附近開咗間越南料理之前去過越南旅行有時都會掛住越南啲河粉今日嚟呢度試吓先🔹順化湯河粉 $88一碗都好足料，有胡椒扎肉、牛肉、牛丸而且加咗好多香葉、香蔥、洋蔥等等所以湯底都好香濃成碗麵都份量十足好似我喺越南食嘅河粉咁🔹河內蕃茄蟹河粉 $88呢個絕對適合蕃茄控 湯㡳唔假 亦冇好多蕃茄茄膏味最鐘意佢加咗肉燥令湯底濃啲成碗湯面有埋魚蛋、蟹、蕃茄◆*．◆*．◆*．餐廳資訊◆*．◆*．◆*．📍 順。越南牛肉粉 (沙田)沙田橫壆街1-15號好運中心3樓3007號舖喜歡我嘅分享：請follow, like and share @elaine.eat 🔎冇頭緒：#elaineeat🔎發掘同區美食：#ee沙田🔎發掘同類美食：#ee越南菜#hkfoodie #hkfoodblogger #instafood #hkblogger #hkkol #沙田美食

今日放工過咗嚟呢邊食下午茶，覺得呢度性價比好高，唔怪得下午茶時間都差唔多可以坐滿人👍🏻生牛肉牛丸河下午茶餐$68十分之足料，有好多塊牛肉同埋有起碼四粒牛丸👍🏻牛肉大大塊，牛肉味甚濃，唔會話太肥，牛丸質感好結實，彈牙爽口，食唔到有味精。湯底調味唔會話好鹹而且好惹味👍🏻出色之越式牛肉河👍🏻河內香茅燒春雞會白飯$66呢個真係好抵食，原隻燒春雞上碟，燒春雞個燒得脆脆地，肉質一啲都唔鞋口，而且仲十分juicy 👍🏻配埋個咖喱醬汁真係冇得輸👍🏻餐飲叫咗個越南老姜蜜，十分濃味，又加上一片青瓜，十分清新。

好運中心多咗好多新餐廳，所以今次又約表姐來沙田shopping 同食下午茶🥰 呢度2點就開始下午茶時段，啱晒我地食飽就去接放學😆🥢特色綜合牛肉湯金邊粉湯底還可以但牛骨味唔夠重，生牛肉係靚牛肉唔係肥牛，肉質很滑，好有牛味👍🏻 牛丸彈牙有口感👍🏻🥢河內蕃茄蟹檬粉湯底係香濃蕃茄味，配檬粉好夾好好味😋 配料有蟹肉、扎肉、蝦丸，非常足料，美味👍🏻🥢烤豬頸肉 （加購$38）利用香茅醃得很入味，肉烤得好香，無燶味👍🏻🥢越式春卷 （加購$22）很豐富的餡料，外脆內軟，但份量很少🍹香茅鮮橙茶 唔太有香味，但橙汁很重😜 已叫走甜都係比較甜，可能下次唔可以少冰😅🍹話梅咸柑桔水柑桔同話梅味都好夠，足料製作🤩

而家食越南野多個選擇發現有一人火鍋👇一人帽子火鍋(會安清湯)配料：牛肉鍋片、牛腩片、招牌牛丸，越南扎肉、蓮藕片、蘿蔔，唐生菜、越南粉。清湯最食到材料本身味道，我會先將白蘿蔔、蓮藕放入，滾耐d先食，其他都已經係熟，滾番熱就食得，牛腩片入味，招牌牛丸爆汁，所以叫多一次。越南粉想爽口滾一滾即夾上黎食。加配左:招牌牛丸同金邊粉薄荷青檸梳打（凍）食火鍋飲梳打最夾。酸辣鳳爪沙律入口比較辣嘅鳳爪(唔記得咗分辣)😜鳳爪大大隻，食落辣辣哋好滋味。

我今日去左沙田辦事，順道約同好友去位於沙田橫壆街1-15號好運中心商場3樓3007號舖的順。越南牛肉粉食下午茶餐。環境寬敞舒適。我點左下午茶餐香茅雞扒飯$50，配904（熱）越南老薑蜜；好友點左烤豬頸肉撈檬$52，配903（熱）越南香茅蜜。小食是S05 牛油果青蘋果沙律（細）$38，及106街頭蓮藕蝦餅（4件）$70，需要加一服務費。牛油果青蘋果沙律好清爽好食，蓮藕蝦餅煎得雙面香脆，蝦肉可口；雞扒煎得外脆肉嫩，好味又好食；烤豬頸肉好香口，好味！兩杯香蜜都好味道。

今日帶埋細細👶🏻去食越南粉呢間餐廳環境好好 坐位又夠寬敞 職員仲好好服務態度食物又唔錯整體覺得用餐頗愉快👍🏻會再幫襯今次我哋order咗🍴保寧雞絲扎肉湯河粉(全走)保寧雞絲好有雞肉味 湯底清甜河粉質感爽滑 唔會碎濕濕咁🍴生牛肉牛丸湯檬粉(全走)一上枱就見幾片生牛肉浸响熱湯上逐漸變熟 一熟透就即食 所以食得到而且份量都唔少 牛肉好嫩滑 👍🏻 牛丸彈牙又多汁😋🍴蓮藕蝦餅(2件)蓮藕好爽 蝦餅又彈牙🍴酸辣鳳爪沙律(輕盈)酸酸辣辣鳯瓜好醒胃🍹紫米乳酪沙冰🍹咸檸七(凍)順。越南牛肉粉 ( #沙田)📍沙田橫壆街1-15號好運中心3樓3007號舖