順德公漁村河鮮酒家

营业中

休息中

再次來到衛理道顺德公，剛坐定，突然有一股香醇薬材味涌出来，原來是天麻鱼头湯，这个汤又醇厚又香浓，用大量的天麻豬展加上大魚頭经过很长时间熬出来的，味道濃郁，香遠益精。跟着上是煎釀三太公，这些鲮魚球，釀青椒及炸得金黄香酥藕餅，吃起来清脆爽口，香味由球形的鱼球散发出来，热腾腾的浓郁甘醇，绝对没错，这正是年前吃到的美味，不负再來之机。回味之間，白雪尋龍上桌，龙虾加上疍白，如波涛般席卷而来的气派，应该是充分吸取日月精华的佳餚，龍蝦鮮甜，疍白甘香太棒了，实在是无法形容....最后上桌是枱面魚，簡单的説只是上湯加上大頭魚，像火煱般上桌，但効果只能説鮮，香，甜三字，不消一刻己全報消

由於主角想在該店開餐，我們一行十多人便點了多款點心小菜。這餐主菜中牛筋值得一試，入味軟淋；楊洲炒飯都可以，配料有蝦米、义燒粒、蛋絲和翠玉瓜粒，炒得有點香氣，用來填肚是個好選擇。菜心米綾魚粥窩可以，不過菜心米不是用菜梗切粒，而是用菜葉的薄梗切粒，我個人認為這是菜心之中最不好吃的部份。薄罉煎得邊邊香脆；蝦餃及燒賣味道都可以。排骨陳村粉的排骨頗肥，味道麻麻至一般，試不試都頗個人口味。 另外比較差的有蝦米腸是用油浸住，莫非當地正宗的蝦米腸是這樣多油還是這間廚師的問題?看見那麼多油，我不敢吃。菜苗蝦餃和蝦腸的皮很削，口感不合格，味道則可以。最後在這裏必點雙皮奶，據聞是用正宗的水牛奶做，特別香醇，我在這裏吃過3次午餐，只有今次有雙皮奶點，之前總是因各種原因沒有水牛奶，所以不供應雙皮奶，今次終於有機會品嘗，這裏的雙皮奶表面是淡黃色，我覺得比一般多些油份及香些，值得一試。

屋企人BIRTHDAY 訂左7點係佐敦的順德公漁村河鮮酒家, 雖然第一次食,但覺得唔錯,會再去光顧推介~~順德金牌銅盤蒸污糟雞1隻 (hk$ AROUND 250)最重要係上枱後店員先會界開個錫紙面有好香酒味,真係幾惹味雞肉都唔錯,肉質好滑而且新鮮

咁岩呢到有蛇宴食, 家庭聚會分開2張枱, 一張蛇宴, 另一張普通晚飯小菜, 叫咗6款小菜, 被安排坐門口位既2張大枱, 店內環境都比較擠逼, 上菜都唔會太慢, 而家每款小菜都好燙口蜆介鯪魚球 - 賣相唔算太差, 外脆內軟, 味道都不錯金果鮮腐竹浸勝瓜 - 比較清淡既菜式, 勝瓜都好鮮甜薑蔥煲仔焗魚腸 - 有少許燶底, 要即場撈一撈佢, 味道都可以, 但感覺偏油金牌污槽雞 - 好多蔥喺面, 雞肉都算嫩身, 味道還可以雲腿玉簪炒帶子皇 -  西蘭花都好爽口, 帶子新鮮, 份量唔算太多花膠鮑片扣玉掌 - 花膠軟熟入味, 鮑片得兩三片左右, 玉掌都好軟熟而家夠味, 不錯總結 - 食物都係一般, 唔會太特出, 普通酒樓小菜而已

服務超差，一口氣。奉勸不用去為妙 😈😈😈本身打算一家人開開心心食下飯，明明一早訂位，去到就話得一張門口位，唔開冷氣，又局，空氣又唔流通，同經理講要求轉台，但佢完全沒有回覆就行左去，能唔能夠轉都講聲呀。如果唔係又老又幼咁，真係立即走人。全場大小台得十幾張，有最少5至7個員工，都好似冇人理咁， 隔離枱叫開冷氣都叫咗兩次，最後頂唔住，要惡先行去開返個冷氣。 唔叫都唔識拎BB椅（坐左15分鍾）。最好笑的是，問條魚幾錢，要先落單後量魚，但有好多魚都冇寫明幾錢两，落左單先講。基本上是佢講曬。去咁多次食海鮮，被人撳住嚟搶都係第一次。所謂老店就會養懶啲員工（樓面）咪就係這間囉。好在廚房煮野食都ok，如果唔係可能又一間老店要結業。不過唔會再去第二次。

原本約左朋友食飯，不過臨放工先取消...所以知道老公約左同事食飯就跟住去！老公佢地訂左7點半係佐敦的順德公漁村河鮮酒家，我6點幾已經去到佐敦行過去，但我沿住條衛理道行都唔見，google又話我行過左，之後行到華員會，Google 顯示係依度，我都見唔到！之後我打電問間酒家，佢話我我已經到，原間酒家係華員會裡面😏之後老公同d同事到左，林住叫海鮮食，但因為大家都未試過叫段秤既海鮮，所以無所適從。我話我見人地平時會走去d大魚缸前面揀，岩口味、岩重量先會落單。所以佢地有2個同事出去揀，但揀左好耐都未返，所以老公出去睇下。之後佢地3人返黎話唔食海鮮，原因係2位同事揀左d游緊既魚，但酒家既人不停叫佢地揀切開左一份份既魚，同事想揀新鮮游緊個d,但酒家既人唔理！😡😡我地叫左幾個小菜，第一碟上杏枱既係魚皮，好爽，好滑，但因為佢加左芥末，我個人食唔得多😝第2碟上既係鯪魚球,個面好脆口，魚肉味都有，不過唔夠多重。再黎污糟雞，隻雞調得好入味，而且配菜既菇菇吸晒d雞味，仲好食😋之後個排骨陳村粉，排骨冇咩特別，但陳村粉幾滑，加埋d汁都唔錯！大良鮮奶帶子蝦粒，d帶子蝦粒都ok, 對我黎講睇功夫就睇d鮮奶炒得好唔好，

原來返看食評之前來看是四年前的, 當時的K君還沒有小K, 看今天的友人K一身兒女債, 在我們來看可能是債但他本人來說可能是願意揹上一背子的責任!有人跟我說過:當你第一次抱上自己的Baby時自自然然會感受到那種前所未有的愛, 或者我們所謂的”親情”, 現在看見友人K每次抱住小K時的表情,完全明白人類憑這一點一代一代地傳氶下去, 當然唔一定所有父母都會這樣, 但起碼大部份的父母都會是這樣, 而今天來到已經是下午兩點多, 友人K例牌的魚卜煲同上次食的一樣比較上油膩, 但今次用的魚卜明顯的少, 無論尺寸或者数量都是, 而半煲都是西芹切段, 還好本人寧願吃西芹比較多, 當然以這個價錢用一整棵西芹都還有好多呢! 另外叫了一個嚮螺鳳爪湯, 湯色呈中啡色及湯面有一層油, 味道鮮甜且帶一點甘, 有點似家常湯的味道,點心叫了些基本的蝦餃, 义飽, 春卷,各樣點心都對辦, 再來了一個店方推介的野生鯇魚窝, 好似係$189 ~ 199之間, 其實所謂”野生”我估計是放在魚塘養的居多, 哪還有人去打條”鯇魚”回來賣這回事? 湯頭很CREAM WHITE, 用了大量嘅蔥/ 薑等去腥味, 個人比較欣賞個湯底, 有厚

dec 07, 13.......7大2小來dinner..........共叫咗 :1) 小食-青瓜清脆.........1d都唔辣2) 野生天麻蟲草花燉大魚頭湯-細 (hk$240)-要訂枱時留埋-唔油,很濃天麻嘅藥材味,鮮甜-很足料, 有天麻,薑,魚頭,雞腳,蟲草花等-呢個湯都幾有料到...........平時我1早1晚都覺得個頭有點飄浮/旋-但之後嘅早上起身.........沒有呢種飄浮感.............變得精神爽利-原來我有頭風重嘅問題..........以後都要定期飲呢個湯3) 手打鯪魚肉釀辣椒 (hk$88)-很油亮..........今天走運..........我食到嘅青椒1d都唔辣........很爽甜添-鯪魚肉質地對辦..........帶點彈口............不削亦唔實-gd4) 野生西江魽魚-熱騰騰的用煲上...........魚肉炸過後..........仍很乾爽.........外表無潮咗-相信條魽魚好大.........大大舊肉,有彈性添..........juicy5) 順德金牌銅盤蒸污糟雞-1/2隻 (hk$128)-上枱後店員先會界

也要開始發送月曆工作，謝謝義務幫忙搬運加上駕車的Will，工作進展也總算順順利利，去到順德公時其實大家已累到扒街，頂唔順要整碗招牌燉魚頭湯外，也叫來順德煎焗魚腸，原來做法將魚腸配上蛋作煎焗，置砂鍋上，熱辣惹味，也值得推介。再一次謝謝Will的仗義幫忙！

最近喜歡上這順德公魚村，一有喜慶事就愛走去這裡。介紹一些我喜歡吃的吧。 （籠仔蒸蝦）清蒸8隻大蝦來得像很矜貴，好就是每隻都新鮮爽囗，加上辣椒豉油，我超like！因平常出面吃的辣都不夠辣。（沙律大蝦球）吃不夠點這個，開邊蝦也整得爽，滿滿的沙律醬包著大蝦，像甜點。 （家鄉蒸豬揼兜）看上去這個很普通，但一吃有風味了，不單沒有我怕的譠味，這個真吃到鄉村的味道。送白飯一流，不吃飯的我也要為他吃上幾口。比生炒豬揼兜好，沒那麼油。 （啜魚）香、脆、滑，就算吃過幾次也要再吃，是必吃之選。 （天麻海雀燉大魚頭）對寒底的我很好，也可駒風，補而不燥，多喝頭痛就明顯減小了。這個湯真的要一試再試。 （籠仔梅菜蒸菜心遠）梅菜味道融入菜心之中，簡單得帶出特別的風味。 （蛋白燉奶）其實很多地方蛋白燉奶也不錯，不過就是喜歡這裡夠大碗。嘻。最後要說一下這裏的服務態度，和環境。態度一流，一叫即到，如不怕長氣，介紹餸菜很詳細的^^。環境一般，大門這幾級樓梯，對行動不便的人不太方便，不過店內就有種親切的感覺，桌上的都潔凈衛生，只是近廚房那邊地下比較油，小心滑了。

味道傳統, 即係味濃, 有D懷舊FEEL, 但我OK噃~ 服務一般啦~我媽咪最想試”特色檯面趐湯蒸魚 (山坑鯇魚)” , 夜晚嚟到食飯先至知只得午市供應~ 我媽咪有D失望囉~是晚食咗7個餸(1.) 順德煎釀尖椒 : 我唔食辣, 但係原來同青椒一樣, 唔辣嘅, 煎香好味~ (2.) 青芥辣白灼魚皮 : Wasabi青芥辣味好重, 魚皮超爽脆, 以薑蔥切絲及花生粒涼拌, 頭盤必吃~(3.) 趐湯龍牙蚌煮水瓜 : 嘩~ 個趐湯超香濃, 蚌同水瓜都入晒味, 超好味呀~(4.) 咕嚕肉 : 一般(5.) 煲仔紅燒魚咀 : 其實係紅燒兩整個巨魚頭(分為4件), 好香口, 炸到D魚腮骨好香口又好脆~ 正~ 不過我唔食魚頭嘅, 食晒D香口炸魚腮骨就放棄咗個魚頭囉~(6.) 煲仔炒魚腸 : 個個都覺得魚腸有少少苦味又太油膩, 但我依D超愛魚腸人士, 實覺得正啦~ 又多魚腸又多魚膶, 成大半煲我食晒, 最好就係得少少蛋多多魚腸吖厤~ 食完膩晒但又好滿足噃~(7.) 銅盆蒸污糟雞 : 上檯時先至打開面頭張鍚紙, OK啦, 但係油左D, 係用搓碎紅棗出味, 味道特別~無生果或糖水送嘅~ 差~感覺有點偏貴,

去完一個小旅行回來,友人K話要進補一下,是日還是假期內但餐廳內客人還是有很多呢,青芥辣白桌魚皮- 青芥辣味重,魚皮爽脆但不是我杯茶據說是預定的川芎燉魚頭- 藥材味香濃,雞腳夠大隻, 湯頭很甜,值回票價砂鍋田雞煲- 味濃田雞肉滑相信同多油有關,反而蔥段最好食,但一定要趁熱食,砂鍋魚卜- 魚卜的厚度適中彈牙,但也是味濃多油,清蒸冧哥魚- 魚的長度只有展碟的一半,長跟短的極端對比,有時也真的服了中式廚房那種不苟小節的做事態度,不過,論”魚”是無得”彈”了肉滑而沒有半點泥味,五個人將條魚”五馬分屍”不用二十分鍾,這條魚已經是整頓晚餐價錢的一半,當然好食啦梅菜蒸菜芯- 這個菜是全晚裏味道最清淡的一道,梅菜甜度適中,菜芯也很嫩,一點渣都沒有,出奇的配合銅盤家鄉雞- 其實是味噌醬蒸雞,還是這裡的一般做法,多油味濃,還是吃不完,吃一兩舊已經再難吃第三,四舊了排骨蒸陳村粉- 味道清而且肉醃得很到家,一點也不肥,燉奶- 奶味香濃,可惜過甜,只要食得甜的話這個一定是首選這間餐廳是友人K介紹亦是他帶我們去見識見識,味道是很傳統,服務亦OK只是奉勸Mr. K切勿沉迷於這些多油味重的食物,吃多了真的怕有天身體支持

是日迎月既日子,早2日我屈咗我地個ACO,Hung 哥請我地食飯,佢最初話要等埋岩岩生咗bb既阿姐,因為佢地2個請我地幾個食冇咁貴,後尾我地叫佢唔好咁孤寒啦,哈...佢又肯喎. (是日飯局有 : Hung哥,ivy, Pui, Stella & I)Hung哥同我地討價還價之後,最終就黎咗呢間順德公啦,去順德公都幾次啦,每次都會叫枱面魚,好食呀.呢條枱面魚,平日下午88元,但一到夜晚....條魚就貴囉,要288元 ,當然係下午黎食有著數啦.今次我地都唔例外,叫了一條枱面魚 條魚鮮甜,不過都幾多骨,進食時要小心,旁邊既蒜頭好好食,最後當然係比我地掃清,全條魚除咗個魚頭,全部都食晒,你話幾犀利.證明條魚係好好味道啦,食完條魚,仲有剩湯底,我地就另加米線同生菜落去,唔...又係好好味.緊係啦,鮮魚湯做底,當然好味道.我地另叫了3碟點心,包括鮮蝦腸粉,蝦餃,d蝦幾彈牙,唔錯,鳳爪夠淋,都ok架.仲有叫了2碟小菜,一煲係瓦罉啫焗雞煲,另一碟脆玉瓜炒魚崧,冇影相,因為食得太急啦,連影相既時間都冇.不過呢2碟亦都好好味,yummy.甜品雙皮奶,...又係好正既作品,一定要試.

姑丈請食飯....13人....食左個"銀鑽河鮮宴".....順德煎釀孖寶 - 其實係順德煎藕餅 + 釀尖椒...煎藕餅好好食....D蓮藕好爽.....尖椒我怕辣所以冇食到....但個個都話唔辣.....天麻海雀燉大魚頭湯 - 好重天麻味....魚湯的味完全被蓋過.....但由於天麻能醫頭痛...我都飲左兩碗......翡翠生炒帶子珊瑚蚌 - 呢味送似去飲時果D菜式....但炒得好夠火喉....好味....千島汁炒大蝦球 - 成晚最鐘意呢個....個蝦好爽口....個細又好味....我諗我一個人食左半碟....瓦罉煎焗野生西江魽 - 半身唔太鐘意食魚...但係呢個一上檯時就聞到好香.....魽魚本身唔多骨....肉質又滑....個汁又好味....所以都食左兩件....薑蔥花膠遼參扒菜膽 - 呢碟....我只會食菜....所以不能置評......拍蒜豉汁蒸野生啜魚 - 因為呢間店係食魚出名....加上頭先的魽魚令我想試....點知.....原來啜魚超多骨......對於不擅於食魚的我黎講.....真係食唔落.....但其實個汁係唔錯的.....銅盆蒸金版污糟雞 - 送上檯時先打開面頭的

上星期约了朋友到這問淡水魚專門店晚膳，這是我第一次來，之前也去過石岐佬吃過多次，今次可以互相比較兩店的質素。 這店的位置不大就腳，要花一番腳程才走到去，其實就在華員會樓下。 座位不算擠廹，此店搬來這裹不久，裝修依然新淨，環境方面可以。今天一行四人不過都叫了不少餸。涼拌薑蔥撈魚皮 鯇魚皮以薑蔥切絲及花生谅拌，魚皮很爽脆没有腥味，带一些辣味是一味好的前菜。野生花錦鱔(斤半)上桌時用大大的一個搪瓷煲，鱔肉用大量的蔥蒜一起炆，打開煲蓋後侍應以鐵匙攪拌，白煙跟香氣四散； 花锦鱔肉質較普通的厚肉及結實，不過感覺好像份量不夠斤半。芹菜蝦醬魚卜這菜是恐龍提議的，也是用一個大搪瓷煲上枱，同樣經攪拌後滋滋聲作响同時煙幕彌漫，有濃烈的蝦醬味，鲜味的魚鰾煙煙韌韌，份量不少用來送酒一流。籠仔蒸海蝦一籠有十多隻大海蝦，手掌大的海蝦帶有酒香味，蝦肉入口夠實有鮮味，看來很新鲜。煎釀孖寶孖寳是鯪魚肉釀藕片及釀青色的尖椒，魚肉夾在兩片生切藕片中間來煎，買相和味道都幾特别，其實道種菜最緊要是魚肉夠新鮮便很好味，以此價錢份量稍嫌少一些。每人差不多二百元找數而且不送糖水，感覺有點偏貴，而且其它食物選擇不夠多，太子石岐佬的