順流精品咖啡

营业中

休息中

星期六最幸福既事就係訓到自然醒!下就再去COFFEE SHOP 歎返個late lunch～今日黎到位於深水埗黃竹街既順流精品咖啡，門前舊式鏤花圖案鐵閘、復古磚砌成既牆身同地板都好靚，裝潢別具心思，滿滿影相打卡位。🌟1+1 Combo ☕️Expresso配Piccolo ， 以危地馬拉及埃塞俄比亞咖啡豆為咖啡基調，nutty中夾雜fruity，充滿榛子香，又帶點果酸味。🌟Pineapple Ale🍍將新鮮鳳梨煮成果醬，加入Ginger Ale，酸酸甜甜好解渴，面頭配上一片鳳梨乾，賣相精緻。🌟煙三文魚柚子醋沙律🥗撒上胡椒、杏仁片、合桃碎等，配料豐富又增加咬口。煙三文魚肥美豐滿、鮮味濃，加入柚子醋份外清新開胃。🌟全日早餐🥑上枱大大份，份量十足勁吸引。有嫩滑炒蛋、爽脆沙律菜、JUICY蕃茄、軟滑牛油果、爆汁流心芝士豬肉腸、紐倫堡腸同半份煙韌有嚼勁既手工bagel～食完鹹食又點少得甜點！🌟Cofflow Hotcake🥞即叫即製，厚度適中，香軟又鬆化，面頭仲有一大球雲呢拿雪糕！配新鮮酸甜雜莓、香脆堅果粒等，再淋上清潤蜜糖，冷熱交融，口感層次極豐富，大滿足！🌟Keto Basque Cheese

最近深水埗開咗好多小型咖啡店，每一間咖啡店都好有特色。今次嚟咗順流咖啡店，餐廳嘅裝修非常特別，淨係餐廳門口個閘都已經好有格調，用上左香港傳統嘅鐵閘，吸引咗我去試呢間餐廳。入到餐廳見到地下嘅地磚係好傳統嘅黑白地磚，感受到設計者非常有心思。🍝蒜蓉菠菜雜菌青醬意大利麵 $78菠菜雜菌意大利粉撈埋蒜蓉粒，非常惹味。🐮生酮草飼牛扒全日早餐 $180塊牛扒真係好大份，好彩去之前冇食到任何嘢，如果唔係都驚食唔晒。入邊仲有牛油果、蕃茄、雜菌同炒蛋，非常豐富。🥞順流熱鬆餅 $138鬆餅好鬆軟，甜甜地，又夠厚。入邊有藍莓同士多啤梨同埋果仁，配埋雪糕一齊食，幾好味。☕️1+1 Combo $58一杯expresso 加一杯piccolo ， 餐廳自調嘅咖啡豆偏酸，有少許蘋果味同莓味。☕️Affogato $45用咖啡同雪糕整嘅Affogato就見得多，但今次呢間餐廳有得揀Hojicha，所以我就揀咗Hochija。將熱辣辣嘅濃郁Hochija，淋上意大利雪糕上邊，又幾特別。

復古文青cafe~書本係不錯的影相道具😏等我扮下有書卷味先📖個意粉不錯啊！ 個番茄醬味幾突出另外培茶latte 新嘗試 都不錯整體份量幾大！Shrimp Pastawith Homemade Tomato Sauce $88Keto Steak All Day Breakfast $180 Cofflow Hotcake $138Hojicha Latte $45Matcha Latte $45順流精品咖啡 深水埗黃竹街2C號地舖#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳 #香港美食 #香港好去處 #甜品控 #拍拖👫#打卡#黃店#香港#景點#打卡熱點#jessicafoodhunt#jessicafoodie

這個周末，來到有NewBrooklyn之稱的深水埗大南街，找間cafe食個brunh。很久没行過這邊的深水埗，多了很多文藝小店，跟本來的布藝老店相映成趣。走到近太子的黃竹街，終於找到今天的心水cafe - Cofflow 懷舊通花鐵閘，很有香港特色。甫進門，有一長凳加小枱子，可以看到街景，夠晒relaxing 地板也用上懷舊的紙皮石，配灰白牆壁，即時變得型格。行到盡頭，原來還有閣樓。一開始還以為是擺放貨物而已上閣樓的樓梯牆上，也用上了7～80年代的瓷磚牆，超喜歡這些懷舊小細節！閣樓用了不少本地特色相片做裝飾，，很多地方相信大家都熟悉。還可以俯視樓下門口的光景，美得如畫一樣。打開餐牌，很多飲品或食品都用上本土食材。還有些港式飲品變奏而成的特飲。Cafe還有keto蛋糕，讓生酮飲食的朋友多個選擇。Blackccino $43打了氣的Ice black coffee 口感出奇幼滑，又不失齋啡濃濃啡味道，有趣。三溝 $55由上而下咖啡、鮮奶、宇治抹茶，層次分明，打卡一流～店員特意附上飲管，是用來喝這杯「三溝」的。但我較喜歡走飲管直接喝，可以一啖喝到三重口感。比起平時喝match latte，這

今日係weekend，嚟到深水埗咖啡區朝下聖。見到呢間隱蔽嘅cafe，未未入時仲以為餐廳好細，原來有兩層，坐上層寬敞啲。食物種類都幾多，沙律、全日早餐、意粉、麵包、甜品應有盡有。牛扒all day breakfast ($180) - 真係好豐富呀！除咗有厚厚嘅牛扒外，仲有沙律、蕃茄、牛油果、沙律、腸仔同bagel。牛扒燒得好靚，嫩滑得嚟仲腍而入味，外面香脆，內裡呈粉紅色。同牛扒個份量真係好大，2個人share 都得。自家製蕃茄醬海蝦意大利粉（$88）- 海蝦爽口大隻，配上香菇同蕃茄醬汁更開胃。Bagel酸檸檬忌廉芝士（$38）- Bagel 好味，配埋檸檬忌廉芝士好夾 Cofflow hotcake（$138）- 雖然嗌呢個要等，不過我覺得好值得，因為個hotcake 熱辣辣又鬆軟，上面仲有雲呢拿雪糕，同配埋啲nuts 一齊食口感仲好好添。三溝（$55） - 概念來自香港嘅街邊小食生菜、魚肉、碗仔翅，三溝其實係咖啡、鮮奶、抹茶，有香醇嘅咖啡配上濃郁嘅宇治抹茶、再加上滑溜嘅鮮奶，層次感十足，但咖啡味可再突岀啲。

之前經過深水埗見到開了很多間咖啡店， 非常有興趣🤩， 今次到順流精品咖啡，位於深水埗黃竹街2C號地舖， 在太子地鐵站D出口， 大約行六分鐘就到達。 咖啡店分為兩層， 裝修充滿香港懷舊風格🥰， 很喜歡這種帶有文青風味， 又有香港情懷的設計👍🏻。 星期六下午當然要嘆番杯咖啡， 再食一個豐富健康的午餐😋 ～ 啡牛$55、三溝$55、 生酮草飼牛扒全日早餐$180、 煙三文魚手工貝果$68、 順流熱鬆餅$138。 🔸啡牛☕ ～ 雲呢拿雪糕加咖啡， 軟滑美味的雪糕配香醇的咖啡， 再加上朱古力醬， 冰涼甜美的口感， 令我想起兒時在港式茶餐廳飲的黑牛。 🔸三溝🍵 ～ 三溝取名自香港特色小食， 飲品是由咖啡、鮮奶和抹茶而成， 香醇的咖啡和香滑的鮮奶， 再配上濃郁的抹茶， 味道豐富，增加層次感。 🔸生酮草飼牛扒全日早餐🥗🥩 ～ 有牛扒、炒蛋、沙律菜、番茄、牛油果和雜菌， 牛扒肉質粉嫩， 牛味很香很濃， 加上其他配料， 絕對是一個豐富的全日早餐。🔸煙三文魚手工貝果🥯 ～ 貝果充滿嚼勁又美味，三文魚卷花整得好靚， 加上沙律菜和番茄， 非常健康的美食。 🔸順流熱鬆餅🥞 ～ 熱鬆餅即叫即整，鬆鬆軟軟的口感， 配

【順流精品咖啡】#深水埗美食 #cafe深水埗大南街，一聽就知文青必去打卡熱點。呢頭嘅順流精品咖啡食物同裝潢都格調一流，啲相話係去美術館影出嚟都實有人信。Cofflow Hotcake鎮店之寶固然係必點。莓果嘅酸甜、堅果嘅爽脆、鬆餅嘅柔軟、蜂蜜嘅黏膩——層次感絕頂。Affogato（Matcha）都正，抹茶味濃郁香醇，細緻而唔會有工業味，值得一讚。3 Mixed （Milk + Coffee + Matcha）同樣係一款複雜而有深度嘅飲品，你可以選擇分開幾層咁飲，亦可以選擇溝埋咁飲。奶鮮甜、抹茶甘、咖啡澀，飲飲下好似細味人生一樣。All Day Breakfast應有盡有，食落就好似一個高材生又考第一名，你唔會覺得驚喜，但絕對唔會失望。煙三文魚手工貝果相信出自一對巧手，Bagel鬆軟又帶韌性。有時唔明點解好多麵包店專門賣麵包反而都做唔到呢個level。想食好Bagel一定要嚟下呢間cafe。番茄醬海蝦意大利麵都不過不失，賣相一貫地冇得彈，海蝦大又多，飽肚又好食。

There are many new coffee shops around SSP, but Cofflow is still one of my favorite.The coffee is very tasty, their specialty drinks are bomb, 3 mix is one of a kind. I had their bagels and tried different cakes before. Both very much to my liking. And the decor is just extremely instagrammable.Also, this cafe is pet friendly.

尋日趁住禮拜六，我同阿媽都放假，我哋嚟到深水埗大南街呢邊搵好嘢食～深水埗出名多Cafe，我哋揀咗呢間黃店嚟支持下💪🏻佢係幾個後生靚仔開嘅，有唔同種類嘅咖啡☕️意粉🍝bagel🥯自家製番茄醬海蝦意大利麵$88一碟擺盤好靚嘅意大利麵，有好多蟹肉，食落覺得酸酸甜甜，蕃茄味幾濃郁，配埋爽口嘅意粉🍝成個配搭幾正！煙三文魚手工貝果$68一大個貝果切開一半，中間夾住卷花紋狀嘅煙三文魚，好靚～仲有沙律菜同埋蕃茄，煙三文魚幾香，番茄幾新鮮，仲有沙律🥗感覺幾健康～貝果食落覺得煙煙韌韌，幾有咬口順流熱鬆餅$138好靚嘅熱鬆餅🥞有士多啤梨🍓同藍莓喺面，仲有果仁碎碎同埋蜜糖嘅甜味～食落覺得幾鬆軟，幾香甜，幾特別～同埋有雲呢嗱雪糕係面🍦凍凍地，香甜又好味😋啡牛$55港式茶餐廳最興黑牛，呢間Cafe提供啡牛，用鮮奶咖啡☕️配合香濃軟滑嘅雪糕🍦帶出咖啡嘅香甜味，仲有冰涼嘅感覺，將咖啡嘅香味昇華～Raw Honey Latte Cold $53用咗香港原蜜，係本地原生樹：鴨腳木樹上嘅蜂巢提取嘅蜂蜜，天然有益又健康～飲落有甜甜嘅蜂蜜味，仲有咖啡☕️嘅香味幾特別Keto Salty egg York basque cheesec

今次就嚟到呢一間喺黃竹街嘅咖啡店，處於太子同深水埗之間，有兩層，上層係座位嘅位置，cafe下層用黑白格仔磗，格外懷舊🤓 上層環境燈光比較柔和，座位設計都比較特別，唔同一般一式一樣嘅枱枱櫈櫈嘅。另外牆上都仲有掛香港街景相做擺設，夠晒文青又有情懷順流熱鬆餅 $138(需時二十分鐘) 熱鬆餅即叫即做，夠晒新鮮同香🥞 熱鬆餅上面有一大球意式雲呢拿雪糕，口感柔順，冷冰冰雪糕同熱辣辣鬆餅造成對比😆 鬆餅有返咁上下厚度，會係熱香餅兩倍，質感就厚實啲 蛋味較重。原來鬆餅入面有饀料，中間有啲藍莓醬 配埋鬆餅表面嘅士多啤梨、藍莓同杏仁片，好滿足又唔會太膩😋全日早餐 $108全日早餐有牛油果🥑、芝士腸、荷蘭腸、炒蛋、生菜沙律同半份bagel，所以份量啱啱好，又唔會太飽🥯 手工Bagel經過烘熱，外皮略脆，店員再係上面塗上檸檬忌廉芝士，食落去清新啲又特別，仲可以撈牛油果一齊食😆 炒蛋比較熟，未算好滑個隻，芝士腸切開真係有芝士汁爆出添！生酮草飼牛扒全日早餐 $188好少見all day breakfast 咁大份牛扒，雖然定價較進取，不過勝在份量都真係多🙆🏻‍♀️ 牛扒切片，內裡呈粉色，烤得幾香，唯有啲牛扒會

星期日最好就係搵間Cafe chill一chill，今次我同朋友搵咗一間太子嘅咖啡店。咖啡店有兩層，兩層嘅裝修都有啲唔同，幾有特色，你想坐幾耐都得，坐得都幾舒服，可以咁樣食嘢傾偈，幾寫意。嘢食選擇都好多，我哋揀咗兩個主食，兩杯嘢飲兩個cake。店員好好，佢幫我哋拎埋啲嘢食上樓，真係辛苦晒喇！1.主食青醬蒜香菠菜意粉，青醬馥郁嘅香氣好誘人。食落第一下感覺清新不膩口，熱辣辣食好正😆😆😆另外就係all day breakfast，腸仔好味呀😆最正就係牛油果加雞蛋放喺Bagel上面食，超夾2.飲品Pineapple ale 自家制鳳梨醬，加薑汁汽水，酸酸溜溜帶點甜，味道清爽！Mixed Matcha X coffee 你又試過未？估唔到都幾ok，香醇可口3.甜品海鹽芝士蛋糕推介！賣相好吸引，上面有層焦糖，中間流心，一啖落口，濃濃嘅芝士香味齒頰留香。另外就係綠茶培茶味，比例分配好好，同樣好香濃。最後就係重點啦── hotcake 個蛋糕好香軟，趁熱食，加細滑雪糕，冰火交融雙重美味，仲有好多新鮮雜莓，好睇又好食！呢度啲嘢食選擇都好多，同埋最欣賞呢度嘅設計啊，喺呢度靜靜地傾偈飲嘢食嘢，good go

每逢經過深水埗，舊店既通花鐵閘總吸引到我眼球，鐵閘既花紋滲透出獨特美感。今日經過深水埗黃竹街正正被順流精品咖啡既鐵閘所吸引，腳步不知不覺間踏進店內。順流總共兩層，底層地板用左黑白格仔小磚，座位之間比較寬闊，加上樓底高，空間感更大。一樓既裝潢卻有另一種既風味。牆身掛滿關於香港既照片，例如彩虹邨既七彩色外牆。另外一樓裝潢以木色為主，不規則形狀既傢俬相當吸晴👀- 順流熱鬆餅鬆餅熱辣辣新鮮出爐，香口蓬鬆既鬆餅配上雲呢拿雲糕，一冷一熱既口感非常過癮。另外莓果同堅果令層次更豐富。- 生酮草飼牛扒全日早餐人生第一次早上食牛扒🤣，草飼牛扒非常大塊，肉味濃郁，而且食落無筋。除左牛扒，全日早餐仲包括牛油果、炒蛋、沙律菜同雜菌。- 蒜蓉菠菜雜菌青醬意大利麵麵條彈牙，口感Al Dante。菠菜同雜菌都含有豐富營養，蒜蓉既調味亦啱啱好，不過唔係好食到青醬🤔作為咖啡店，順流提供一系列既黑白咖啡，另外仲有signature drink，我地試左以下兩款✌🏻- 3 Mixed顧名思義三款飲品溝埋一齊，包括咖啡、抹茶同牛奶。分層既效果非常吸引，味道層次豐富。不過就咁飲可能只飲到頭兩層－咖啡同牛奶，我建議先稍為撈勻就可以

#深水埗食物質素高又啱打卡嘅cafe🤍 已經係第二次到訪哩間咖啡店，今次去試埋佢哋嘅主食🥗 /佢嘅裝修係走香港舊風情風😍/個 生酮草飼牛扒all day breakfast 有驚喜✨大大塊扒有10安士咁多！仲配埋牛油果🥑炒菇、炒蛋、煎蕃茄、沙律，夠飽肚～/蒜蓉菠菜雜菌青醬意大利粉 唔好睇佢好綠色食落味道一啲都唔青，反而好香好惹味！/食完主食想食啲甜品可以叫Hotcake 🥞又係生酮版本食完一啲都唔會覺得有罪惡感😆#順流精品咖啡

「☕️順流精品咖啡」順應潮流坐落於深水埗，逆潮流唔做梳乎厘班戟主打更實在嘅”🥞熱鬆餅”~「🥞Coffow HotCake 順流熱鬆餅」即叫即整，必點之作！⭐️⭐️⭐️⭐️⭐️🔥熱辣辣奉上、鬆軟香口鬆餅味濃～原本以為所有配料只係表面咁簡單～一切開超有驚喜，原來仲有酸酸甜甜嘅雜莓醬做餡！配埋雲呢拿gelato🍦，一冷一熱～再加層次豐富嘅口感同味道，非常好食，值得為佢而再訪😋「🥯️牛油果炒蛋手工貝果」🥑🍳牛油果炒蛋”不死の組合”!基本上唔會難食～但手工bagel真係不得了，呢個好有咬口嘅穿窿麵包🥯～越咬越有麥香味，外脆內Q彈～配上牛油果炒蛋，就係簡單直接又好食～「🥗煙三文魚柚子醋沙律」同行友人點嘅，由於我唔食三文魚，所以對舊魚冇評價～但個柚子醋沙律好fresh , 酸酸地都好開胃～「☕️Affogato 🍨(espresso,hojicha,matcha)」基本上人人嚟到都會試嘅一個特飲/甜品🍵🍨～由於我鍾情hojicha（焙茶）所以揀左襯特濃嘅焙茶～真係「特濃」版本！質地比較杰身茶味濃👍🏻同頭先hotcake一樣配上雲呢拿gelato，幼滑細膩唔易溶～一啖雪糕一啖焙茶，幸福又滿足🥰🥰

週末一杯早啡已經成為我過去兩年嘅一個小習慣。隨住香港高質嘅咖啡店遍地開花，港人對咖啡嘅追求唔再局限於飲連鎖嘅商業咖啡，絕對係好事。今個星期每日都細雨濛濛，聽住Maroon 5嘅Sunday Morning, 沿住大南街搵一間心水嘅Café特別有感覺。漫步到街頭見到一間Café門面係一道懷舊嘅鐵閘，不自覺就行咗入去。店內裝潢簡約X懷舊，灰色水泥牆身配以黑字，亂中有序嘅排列別樹一格。Pineapple Ale & Blackccino夏季嘅氣息依然濃厚，鳳梨特飲寧舍消暑解渴。飲品用咗新鮮嘅鳳梨煮成果醬，再加入Ginger Ale沖調，入口甜酸適中且略帶薑味微辣。每一啖都帶有一絲絲果肉，配上鳳梨乾佢陪襯，口感清新開胃。Blackccino 口感風味濃厚，原來係咖啡師以Espresso大力加冰，再打入空氣，從而營造出有如黑啤嘅絲質細滑嘅口感。果然係非一般嘅Black Coffee。Cofflow HotcakeCofflow誠意之作，呢份甜品係要即叫即整，等候時間大約20分鐘。熱鬆餅上碟時仲係熱辣辣出哂煙，配上雪糕、果醬、蜂蜜、莓果以及堅果碎，口感非常有層次。而且入口時熱鬆餅同雪糕正好做成冰火