頹飯 (已結業)

見到咁多好評，一心諗住應該好高質。可能希望太大所以食完覺得只係普普通通。今日食嘅係香煎去骨雞腿飯配黑椒汁($45)，加煎蛋 (＋$4)。其他食評話D汁另上，但今日我個飯唔係，D汁已經淋咗上雞扒度。我見其他人嘅飯都係咁。我估汁另上呢件事應該無咗。加咗 $4 嘅煎蛋係全!熟!蛋! 我懷疑有幾多人會 expect 一個頹飯上嘅蛋係全熟嘅。好失望。塊雞腿嘅皮係淋唔係脆嘅。雖然我無 expect 脆雞扒 (畢竟只係 $45)。個味道都醃得 ok 嘅。真心講個飯唔係差嘅，但只係好普通唔係特別好味。但價錢平，希望佢生意興隆等我哋糧尾有多個選擇。

上星期去利源東街買野經過見到呢間外賣店個名好搞笑，叫"頹飯"但又好多人幫襯，門口貼左menu，望下個價錢唔貴就諗住冇飯帶果日黎買番個外賣試下!琴晚去街冇飯帶於是就諗起可以黎買飯食啦~午餐有幾個飯揀，我就揀左香煎去骨雞腿飯配蕃茄汁。落左單要等一陣，等既期間望下店外d menu，店外仲貼左d雜誌報導，原來我今次叫既香煎去骨雞腿係即叫即煎既~我以為係好似平時d鋪ABC餐一有order就夾俾你，咁新鮮整既等下都值得既!同埋上次經過立下眼都冇為意，原來有外賣app可以叫到呢度既飯，咁下次唔駛專登行過黎買。等左陣就有得拎，即刻番公司開餐~一打開見到蕃茄汁同個飯係分開裝既~蕃茄汁用個兜仔裝，份量好多!雞腿去骨切件同白飯及青瓜係另一個飯盒度~咁就唔驚d汁浸住d飯同雞腿浸到林哂~首先試下個雞腿，份量都幾足而且去左骨真係啖啖肉~雞腿係一大塊切左件，係office都可以斯文食，唔會食到好狼狽! 雞皮煎得微焦好香脆又唔會油淋淋，雞肉好嫩滑冇雪味!再試埋個汁，入面有蕃茄肉同洋蔥絲~有齊蕃茄既酸味又有洋蔥既香味，咸咸地，撈落雞肉同飯度一齊食，真係食得好滋味一d都唔頹囉!食食下同事話聞到好香，跟住走左黎我個位叫我請

中環搵食難中環放Lunch 周圍都人山人海，一係就要過百蚊先食到個Lunch, 做個中環上班族，想慳下錢又要食得好，呢到都係一個好選擇😋呢間路過都怕miss 左既小店，叫自己做頹飯，呢個名對學生哥黎講好有共嗚，出到黎做野都有得食頹飯就真係打工仔既福音，茶記客飯價錢，食物質素卻不錯呢，仲要係即叫即整，唔係果d 已整好既幾餸飯，2:30-5:30仲有$30~$35 既輕食下午茶飯最後揀左香煎去骨雞腿飯 $45 同招牌簿牛肉飯 $62, 2 款都加左隻煎蛋，一打開飯盒，其實份量都好夠食，如果平時唔係大食既女士分分鐘會食唔哂，雞扒大過我拳頭，牛肉雖然係簿切但好重牛味由於店只做外賣，佢都join 左好多外賣app 同送餐平台，仲有好多Discount 呢😍😍另外又可以用支付寶/8達通比錢，慳埋慳埋仲抵食呢👍🏻👍🏻

因為今日全日都要喺中環做嘢，而且時間十分緊湊呀，所以就諗住求其食個lunchbox，然後就去做嘢，心入面淨係諗住：快！點知，今日有意外收穫！利源東街其實都好多外賣鋪仔，但呢間門口貼咗好多雜誌報導，所以我揀咗佢！的確冇揀錯呀！我揀咗黑淑汁香煎去骨雞排飯，再加杯熱奶茶雖然係即叫即煎，但絕對唔等得耐，好佩服老闆老闆娘(我估係啦)嘅快手快腳。先講主角雞排，煎得好香，仲要係好juicy，個皮煎到微脆，連平時唔食皮嘅我都食晒！不得不提個黑椒汁，係一打開蓋就嗅到好香黑椒味，而食落去有啲微辣，而且越食越過癮。最貼心嘅係，佢啲汁同飯係分開裝架！其實好多時啲外賣都唔會咁做，然後啲飯就會俾啲汁整到淋晒，又或者一堆嘢咁。但頹飯連呢點都照顧堆，好講究！杯奶茶嘅奶都好滑下，但又唔會因為太多奶而蓋咗茶味。總括嚟講，成個set都好高質。其實頹飯，真係一啲都唔頹！

每天中午午休当然是开心的，不过周街都是人，要排队，吃完饭还会被人赶走，这样的体验，不是特别喜欢。所以，我每天都喜欢买外卖🥡拿回公司pantry 自己慢慢享受，对自己温柔一点。今天通过朋友推荐，来试试颓饭。因为这条街，之前从来没有走进来过，还是花了时间找到这间躲在角落里的小店。选择也是很多的，最后我点了招牌薄牛肉饭！下午茶☕️看上去便宜又好吃😋下次再来过！薄牛肉配上照烧汁，超级好吃😋牛肉细嫩，照烧汁甜口，配上饭跟蔬菜，一吃就喜欢上了。中午饭，就应该这样，满足自己，喂饱喂好自己啦～而且，牛肉超级多，是其他铺头的一倍还多。饭吃完了，牛肉都还有。对于我这种大胃口的人，真是实惠！配上一倍热柠檬🍋水，吃饱就困了💤

今日因工作關係午飯時間去到中環一帶，見到利源東街一帶都是買些服裝及飾物，好奇之下便走進這條小街逛逛，發現內裡原來還有幾間外賣店，我被其中一間的名字吸引: 頹飯？如何頹法？？ 那時店外已有些人在排隊等候，估計食物質數應該不會太差吧，於是膽粗粗上前一看，店前只有一台收銀機，背後便是廚房，它們只有六種款式的外賣便當，全部都是即叫即做的，有别於其它的外賣店預先大量製作。 於是我選了滑蛋蔥粒炒蝦仁飯，飲品就另加$6選了要熱杏霜，由付款以至制作，需時只是十多分鐘，我便拎到我的外賣返公司，急不及待打開盒子，聞到淡淡的青瓜與蛋香的味道，雞蛋色澤鮮黃加上大大隻的蝦和蔥粒，睇落已相當吸引，食落蛋很滑及有口感，蝦仁就非常爽及彈牙，而且蝦仁的數量絕不欺騙，整盒飯共總揾到六粒之多，份量非常足，飲品熱杏霜飲落很香及濃郁，飲到底還覺得結結的，真的絕不兒嘻，Le hea Rice頹飯真的一點也絕不頹。

係中環返工要搵個地方食lunch真係唔容易，所以多數都外賣返公司食，經常經過利園東街睇下有咩食，意外見到呢間小店，望到入面既廚師密密煎密密煎，煎完即刻放落盒到，就比人客，覺得好難得，因為通常好多都係整好哂就擺係到 有人黎就夾 最緊要快。欣賞呢份堅持，所以今日都決定要試下！午餐時間預左要排隊，而佢亦標明即叫即煎，所以order左都要再等一陣架！不過好野值得等待既😛今日就決定叫個一口鬆軟豬扒飯配洋蔥蕃茄汁$45，同事就叫左招牌薄牛肉飯配燒肉汁$62。返到office就急不及待開黎食啦。先講下我個豬扒飯啦，蕃茄汁係分開上既，唔會整淋d飯，豬扒量都好多，可以同同事share食，豬扒醃得岩岩好，唔會太咸，肉質夠林，就咁食/點蕃茄汁食都好食。而個蕃茄汁亦夠蕃茄味又有洋蔥甜味，正汁內有粟米粒同蕃茄豬扒岩岩一啖食落口，岩哂OL😁另外同事都分左d薄牛肉飯比我食，牛肉真係好薄，唔會好難咬開，好香牛肉味，又夠大塊！燒肉汁甜甜地好味，不過牛肉本身都夠味都好juice，配唔配燒肉汁都得。配菜仲有d粟米同青瓜，配返埋d蔬菜又健康d~塊牛肉成個飯盒咁大，好正！下次想再試埋其他飯啊 小店一定要支持！！

今日午飯時間，我和同事決定買外賣去野餐，所以就到了這條”外賣街”覓食。這條街有幾間外賣餐廳，但我卻被這間頹飯的名字吸引住，想試一下究竟有多頹。午飯時間有不少人在排隊，證明這間餐廳”頹”而好吃！我便膽粗粗地跟着排隊了。眼見到鋪位上方的食物圖片都十分可口，就更放心了。以下這個就是全日menu:以下是ordered 的食物:1) 香煎去骨雞腿飯(蕃茄洋蔥汁) $45 可揀茄汁或黑椒汁而我選擇了茄汁，茄汁酸酸甜甜，十分開胃。眼見飯盒不大，卻有兩層雞扒，分量非常多，十分滿足，男生吃也一定能吃飽。而且雞扒厚而多汁，絕對高質。2) 招牌薄牛肉飯 $62這個牛肉飯是招牌之一，份量驚人，有大量牛肉，男生吃也一定非常飽。牛肉也是厚切的熱飲+$6 凍飲+$9這是一杯凍檸蜜及一杯熱檸蜜味道不錯，不會太甜，應該是用真蜂蜜沖的就這樣過了一個非常chill的午餐

今日工司outing 正正在中環完成工作後都3點 即刻鑽入街角搵好野食同事推介買外賣返公司食於是就搵到呢間小店小店係係橫街中 周邊都係專做外賣既食店需要啲眼力先搵到餐牌主要係6個餐 可以配飯或意粉 2:30後仲有下午茶 好貼心俾啲食late lunch既客人原來仲有同外賣apps合作 方便中環一帶人士唔駛落樓就有飯食亦都有唔少雜誌介紹過 咁個飯應該同店名相反有返咁上下質素最後叫左6號餐 招牌簿牛肉飯 凍奶茶奶茶要攪勻 意外地好飲 茶味十足 唔會太奶太甜 好滑好夠味一杯好味既奶茶係食飯必備飯盒份量大 男仔食都夠飽有好多塊牛肉 足料飯粒分明 唔係煲到爛飯咁而且好有牛肉味 唔係肥牛 而係簿牛扒配燒肉汁好夾唔會熟晒 少少偏粉紅 食完真係好飽好滿足叉足電既一餐

雖然是日天氣不似預期😢但難得趁返工前搵到隻豬夾時間食Lunch☺️🐷賞心悅目依然保持好心情☺️適逢隻豬啲同事都話呢間外賣便當店性價比高😆🍱還掂就腳近近地一於黎買便當午餐撐枱腳啦☺️🐷位於中環利源西街既頹飯🍱店名理想與現實有大不同☺️😆以中上環地區高性比價錢煮出高質素飯盒🍱😆確係「頹」不簡單🤪以同區抵食既價格Lunch Hour☺️亦到吸引唔少附近上班一族黎幫襯😆😋🍱全日套餐全日飯盒套餐另外有包埋飲品😆🍵份量相當既飯盒更顯抵食😋香煎去骨雞扒飯配黑椒汁將醃好既去骨雞扒慢火煎香🐔🔥食落肉質都算滑嫩Juicy的😋🐔淋上濃香黑椒汁大為開胃之餘😋加以滑嫩煎得靚仔既太陽蛋更是絕配🍳🤩一口鬆軟豬扒飯配洋蔥蕃茄汁經慢煮烹調既鬆軟豬扒肉質嫩滑Juicy之餘🐷🤤脂肪比例均勻食落唔會太油膩😆入口鬆軟既口感令人拇指大舉🤪👍🏻配合微微鹹香既洋蔥蕃茄汁亦更加開胃增添口感😋

已經第三次幫襯，每次經過一定買返公司食。每次都係雞扒飯( 黑椒汁)！ 兩大塊雞扒，都係$45.都唔算貴。又唔係一早煮好，落單先 煎雞扒。好有誠意。不過等嘅位置就迫啲。我會 周圍行下先返去攞外賣！

食咗一餐飯，間餐廳叫頹飯，但係嘢食一啲都唔頹廢，價錢未必比得上其他外賣店咁平，但係質素有保證。餐廳原來有不少故事～黑椒牛仔骨飯$68牛仔骨啲肉比較鬆化，而且黑椒汁分量十足，可以要來送飯，或者點上牛仔骨亦可以，朋友個飯亦都可以加啲黑椒汁食更加香。每盒飯唔係剩係得飯同肉，仲有青瓜片同埋粟米令味道更為豐富。滑蛋蔥粒炒蝦仁飯$54（限量發售）啲蛋都算幾滑，同埋分量好多， 夾住好多蝦仁同埋蔥粒，特別啲蝦仁好爽口！加$10紅豆冰加$10凍檸樂紅豆冰真係幾值得推薦，底下啲紅豆分量十足之餘仲煲得好琳，唔使點用力已經咬開。凍檸樂方面除咗普通嘅可樂仲可以揀Zero都冇問題。

頹飯黎講，以前係大學都食得多，諗起大學既頹飯真係好頹，一隻蛋加牛餐肉加d白飯已經係一餐，無計啦做學生邊有咁多錢。出到黎返工，今日真係太忙無時間出去食飯，係公司樓下見到呢間排晒隊既「頹飯」，即刻將大學時期d畫面湧現晒出黎，一定要試下佢係咪真係頹。見到餐牌lunch可以食既外賣有4－5款，大部份都係一種肉扒加飯，我叫咗佢地既招牌薄牛肉飯加凍檸茶。個飯去到公司仲係熱辣辣，試下d薄牛肉先，嘩淋上燒汁之後非常之香，食落好有牛味，唔怪得叫招牌，薄薄地既燒汁牛肉配埋沾上小小燒汁既白飯一口一口咁食，真係頂瓜瓜。飲埋大大杯既凍檸茶，我決定以後唔帶飯落去呢間鋪頭買頹飯，貫切一頹到底既作風！

在中環想找最便宜的午餐，想起利源東街定外賣店。走在狹窄的街道上，與逛排檔的行人爭路，出入不易。選擇很多，但這間頹飯讓我想起大學年代的canteen碟頭飯。有時候吃過最頹的飯，是甜酸齋飯。還記得它售$11，全場最平，難食得恐怖，卻使人有自虐傾向，每次見到都點。離開校園，來到中環，頹飯不再頹，即叫即煎，價錢亦不再頹。一口鬆軟豬扒飯買外賣最難受是製造塑膠廢物。一個外賣，最後有至少十樣垃圾。即叫即煎，要等一等。飯的賣相不差，份量夠大，豬扒和飯都多。豬扒用香草煎，跟一般西餐的豬扒無異，薄薄的，入口夠稔，不嚡不韌，還有少少濕而不膩。連著少少脂肪，入口幾香。加了一雙煎蛋。流心好看，煎得香。飯本來乾身，又有飯香。沾滿蛋黃，黏黏的，口感更正。蕃茄汁內有洋蔥和粟米，雖不是新鮮蕃茄汁的味，但都不太假。杏霜很濃，不錯。以一個飯盒來說，相當滿意。

在中環買外賣，決定來這間餐廳一試原來這間餐廳參加了幾個外賣的團體，如果不想落辦公室買飯其實可以叫外賣的。另外看到這裏有支付寶，朋友可以用減買滿十蚊減5蚊來買飯吃，這樣除了快餐店外又多一個可以用減五蚊的方法。除了普通的幾款飯外，亦見到有下午茶，下午茶的價錢不過不失，如果需要請食下午茶也是一個不錯的選擇。回歸正傳今天選擇了他的薄牛肉飯，雖然價錢比其他貴上一點，但是想食牛肉所以叫了這個回到公司吃，打開時看到薄牛肉也有挺多塊，配有照燒汁可以自己加，減肥的朋友可以走汁。總括來說，質素不錯，可以再吃。