頹飯 (已結業)

Lunch要快快搞掂啲report畀老細，唯有落樓下買個快快快餐。去到樓下附近邊到一間之前留意到的外賣舖頭，名字係頹飯，決定一試。60元一個薄牛扒飯，不算太貴亦不算很便宜， 但是開盒一看，原來牛肉的分量也頗多，應該有五，六大片，而且照燒汁是分開上的，我可以自行控制照燒汁的分量，因為要照燒汁有一點甜味，不是每個人也喜歡很多。另外除了飯外他會附送飲品，飲品我叫了凍奶茶少甜少冰，冰的份量剛好，完全溶掉但是奶茶亦不會暖，糖的分量也恰當，茶味濃郁，不錯。下次吃快飯的時候可以再來。

鋪名叫頹飯，其實係想帶出，頹飯都可以煮得好食，唔係普通貨。中環C出口，行3-5mins左右就到。鋪面雖小，但可以清楚見到廚師煮野食，所以透明度高。下午茶時間有tea set，亦可以叫番全日餐，食飯/意粉。叫左香煎去骨雞脾意粉($43)，凍檸茶(加$4)。去骨雞脾肉即叫即煎，所以見到廚師煎煮既過程。廚師貼心切好雞脾肉做一件件，方便外賣個陣食。一打開飯盒，有5大件厚切雞脾肉，肉質嫩，而且煎完仲帶脆，加上用黑椒醃過雞脾肉，所以香噴噴，仲熱辣辣。可以揀意粉/飯，意粉量多，夠男仔食。煮完唔會太軟身，即使已經淋上醬汁，但意粉都冇變"林"，good。醬汁可以揀茄汁/黑椒/白汁，茄汁濃郁，仲有蕃茄肉。配菜有6粒以上既車厘茄，粟米，比起去其他餐廳冇菜食，尼間餐廳貼心好多，有配菜感覺上健康d。凍熱飲品跟餐加$4，紅茶底濃厚，唔會有苦澀味，而且檸檬片有成6厚塊，幾乎半個檸檬，非常足料。整體，餐廳主力雞脾肉，牛肉，貴精不貴多，務求煮得好食。不過其實豬，雞，牛，魚，都有，所以點都有1款係岩食。雖然只係做外賣生意，但速度快。讚。而且下午茶餐都有西多士/雞脾肉包，唔想食太多飯/意粉，叫包類食物都唔錯。

係中環最慘係中午食飯時間，永世都要等位，D野又唔係平，又要等餐死，所似咪食外賣算了。最近見到呢間外賣店開咗，個名好抵死叫頹飯，心唸，唔通呢度D餐/腸/腿蛋飯最好味? 我唔想食D致癌加工餐肉，見薄切牛肉飯加凍O樂都係68蚊，OK啦，中環區! 外賣好快手，好快有。打開個飯盒，好香，D薄切牛肉好薄，無咩肥肉，份量都多，牛肉好有牛味，加埋D另上黑椒汁點，好食呀。D飯有飯香，粒粒分明，唔係差貨， 撈埋D黑椒汁食，有味飯更開胃，個黑椒汁都做得唔錯，重有埋蕃茄仔，粟米粒D菜類食下，平衡下營養，杯凍O樂都係加8蚊，配飯夠抵啦(在中環買罐可樂都唔止呢個價)。呢個飯盒都食得好滿足呀! 起碼唔係"捱"啦。

今日難得工作經過中環，好有愛錦問公司班邊緣同事食唔食野，想求其錦係啲壽司啊、包子店之類買個野俾他們食算，但係地鐵站附近見到呢間外賣店個名好搞鬼，就影低同佢哋講埋個頹飯俾你地！但係睇Menu啲飯一啲都唔頹，有雞、豬、牛、魚選擇，我自己就選左個牛，牛呢就有兩種，有牛仔骨同埋招牌牛肉飯，我就叫咗招牌牛肉飯配燒肉汁$60，價錢上以中環來講實在算係咁上下便宜。一打開飯盒只見兩種顏色有點吃驚，但係內有乾坤，展開牛肉底下就見到紅色嘅車厘小蕃茄和粟米，肉食世界裡不忘一點蔬菜。牛肉好似平時打邊爐嘅肥牛似的，但厚身一點不靭，裙帶有些牛脂在旁，配合燒肉汁，相當開胃送飯。另外試試他們有一隻黑椒汁，用牛肉沾一下再送飯也很好食。呢間頹飯原來有得送外賣，最近我都迷上用外賣Apps，下次可試試，仲有用apps叫定外賣落去拎，慳時間都幾好。

話說前幾天，工作比較忙碌，所以下午食飯的時候就選擇了叫外賣回來吃，剛好同事找到了一間名字幾有趣的餐廳，名字叫「頹飯」，我首先是被它的名字所吸引，然後看了一下它的餐單，發現食物款式方面也頗為多，而且飯餐可以選擇飯或意粉都得，更加有三款醬汁比你選擇，包括有：洋蔥蕃茄汁，黑椒汁和咖哩汁，因此每個飯餐都可以有不同的組合，變化多端，不怕單調，甚至可以組合出你至愛嘅配搭。我去到後，發現原來是可以用外賣app點外賣，變相可以更加方便，唔使等，可惜當時我沒留意……我自己點了一個黑椒牛仔骨飯配熱奶茶，同事則點了一個招牌薄牛肉飯配紅豆冰。黑椒牛仔骨飯，黑椒汁十分香濃，但味道不會太咸，撈飯一流。而牛仔骨份量方面十分之多，一共有5件，如果是其他茶記的話可能只有3件左右，可見老闆真的很大方，而且牛仔骨肉質不會太老，咬不開，香嫩入味，肉味足，和黑椒汁十分之相襯，而且沒有油膩違和之感，值得回味。各位也可以試下不同的醬汁，也許會有新發現呢。吃完這個黑椒牛仔骨飯後，再飲一杯香滑的熱奶茶，可以說是為這一餐午飯劃上一個完美的句號。下次定要試下用外賣app點餐。

因近來沒飯帶做Lunch，剛好同事外出工作，順便叫她幫忙幫忙買午餐回來，她說見到一間叫頹飯好好笑，我地就二話不說就食呢間啦，火速地外賣回來了原來這間主打是港式的外賣，有午餐飯意粉及下午茶，同事就是send了一張U Magazine的介紹，很吸引，是牛仔骨飯和紅豆冰，可惜近來皮膚問題都不敢吃太多牛，只好轉戰吃魚柳。香煎龍脷柳飯 配 咖哩汁 (HKD 50) + 紅豆冰 (HKD 6)一大個頹字係飯盒上，寫住Le Hea，心想香港人就是如此Le Hea，好應景啊！裡面一共有三塊魚柳，份量都很多啊，足以配上全盒飯都有剩，魚柳唔算太薄，但魚肉嫩滑，如果蘸上了咖哩汁，挺好吃的除了魚柳和飯，還有車厘茄做伴菜，就算我不喜歡車厘茄，為了健康還得吃啊咖哩汁用一個小盒裝上，所以不會事先倒在飯盒裡令到食材發漲，而且意外地發現裡面有我很喜歡的薯仔，咖哩汁裡竟有意仔，果然材料十足紅豆冰好夠凍，椰汁跟紅豆比例是不錯的，因為我喜歡吃紅豆餡，紅豆大約佔3分1，煮得爛爛的，幾甜，椰汁也汁，很滿意這杯紅豆冰！一口鬆軟豬扒飯 配 洋蔥蕃茄汁 (HKD 43) + 午餐肉 (HKD 3)同事A的是豬扒飯，豬扒一點都不肥，而且

每日返工食lunch都會煩惱食咩好，係中環物價高嘅情況底下選擇就更少，要左搵右先會搵到一間好食得黎又唔貴。好耐冇經過利東街，突然發現個到開左幾間做外賣嘅餐廳，其中一間叫頹飯，見到個名已經好想睇下係點頹法。見到有全套餐，豬雞牛魚都有齊晒，我揀左3號仔香煎去骨雞腿飯，醬汁有三款，咖哩汁、黑椒汁，仲有揀嘅洋蔥蕃茄汁，飲品加左6蚊轉紅豆冰，成個餐黎睇係一點也不頹。返到公司慢慢品嚐，打開蓋份量都好多，雞腿好大塊，雞肉好嫩，唔點汁色都夠味，個醬汁好濃蕃茄味，酸酸甜甜，撈飯食好開胃。我仲加左最愛午餐肉，加4蚊就可以加午餐肉同煎蛋。到最後嘅紅豆冰，好多紅豆呀，紅豆夠軟香甜，椰汁味都夠，而且仲係小甜，飲多啖都唔驚😆

係中環要搵一間價廉物美嘅餐廳真係唔易，眾裡尋他，終於俾我發現咗係利源東街新開嘅頹飯。頹飯嘅定位係外賣飯盒店，夫妻檔上場。諗唔到係中環一帶$40-60就食得到一個午餐，可以話係中環上班族嘅恩物。雖然叫頹飯價錢又抵，但係一啲都唔頹，即叫即煎之餘，餸菜都非常巧究，餐肉係厚切，雞腿係無骨，豬扒係一口鬆軟，睇得出同普通茶餐廳又有啲唔同。今次就叫咗黑椒汁牛仔骨意粉，落單唔洗5分鐘就有得拎，方便趕住做野嘅人。一打開蓋，真係好驚喜，首先分量好大，意粉超多，牛仔骨有7塊。而且估唔到牛仔骨骨肉分明，骨少肉多，有少少脂肪，而沾上黑椒汁嘅牛肉非常惹味，又唔會蓋過肉汁嘅鮮甜。而一向對飲品要求好高嘅我，都覺得佢嘅凍檸茶水準好高，由紅茶沖調，加上幾片檸檬，清香，唔會淨係得個甜味或者濃味。

Lunch time 時間又到了，通常都係其他公司嘅lunch 時間，有好多中環番工嘅人同我一樣都係到諗：今日食乜好？ 只有一個鐘頭嘅食飯時間，路程、等位都係到瓜分左我地唔少嘅食飯時間，而且而家天氣咁熱，係室內等都話可以接受，但室外等就真係令人愈等愈心煩，所以今日我地做左個決定，都係買番公司慢慢食，又唔洗同人逼又可以食公司到一唔嘆冷氣一路食。中環都有唔少外賣店，係果到拎飯番公司食，一來價錢又抵又快捷。中環利源東街有好多呢啲嘅外賣店，只要係中環c出口出去行大約3分鐘就到達，好易搵。我地今次就揀左呢間嘅外賣店，名為「頹飯」，究竟係咪飯如其名呢？佢有午市有六款飯可以揀，價位由30幾到60幾，30、40蚊嘅價錢黎講係中環食可以話係好抵。我就揀左2號餐-一口鬆軟豬扒飯配上洋蔥蕃茄汁，我仲加左午餐肉添,飲品我就飲紅豆冰，落完單就見到佢地係到煮緊，即叫即煎。外賣拎到番公司食都仲係熱辣辣，醬汁同飯係另上，都幾貼心。先講紅豆冰，都幾大杯，唔會未食完飯就已經飲哂，搞到到喉唔到肺再講紅豆份量都有唔少，食落去好腍，睇黎佢地都煮左一段時間，先可以令紅豆變腍。再講講個豬扒飯加午餐肉，加左少少蕃茄汁撈飯都幾開胃，酸

話說好多時放飯都會落街去利源東街附近買外賣, 最近就發覺開左間叫頹飯的鋪子, 不過每次都係剛好有和同事有其他餐廳要食所以miss左, 今日一個人就立刻落黎試試.呢度午市主打4樣飯, 有午餐肉, 豬, 雞 同埋 牛肉飯; 最緊要係加$2可以有紅豆冰飲, 不過我自己因為不太喜歡lunch 太full所以唔叫lu..今次我叫左香煎去骨雞腿飯配茄汁和跟凍檸茶, 鋪子職員工作好爽手, 眼見我前面有大約4-5張order, 基本上頭尾我都係等左三分鐘就有得攞, 而且隔住個外賣袋都可以感覺得到飯盒的熱力, 唔錯唔錯!返到公司, 打開個飯, 立刻聞到好香既茄汁味, 而且飯都仲係有白煙的. 我用叉子把雞腿分開了可以入口的大小放入口, 雞肉很嫩滑而且也很夠厚, 雞皮煎得也恰到好處, 配埋旁邊的洋蔥片吃一流呀~另外, 佢個飯既大小都好合適我呢D肥佬既食量, 之於杯凍檸茶, 雖然無咩特別, 不過起碼唔會過甜, 好易入口. 我覺得食完之後下午好有 energy 完成埋公司的工作 wor~最後, 要讚讚頹飯的老闆和員工都很有禮貌, 希望中環可以多一兩間呢類小鋪可以選擇啦~

利源東街最近開了一間名字很特別的餐廳叫做頹飯。中環的打工仔很多時要快速的吃飯。頹飯，餐廳正正利用這點吸引人家的注意。今天正正要吃一個快速的頹飯，所以選擇了公司就近的這間餐廳， 50多元在中環吃一個飯不算特別平或貴，但是吃過之後覺得質數可能比其他的茶餐廳更佳。我選擇了一個牛仔骨飯可以選擇三種不同的醬汁，我就選擇了洋蔥汁。 牛仔骨不會過熟亦不會有血水，調味亦做得不錯，不會做得太鹹。飯的份量也足夠，配合的粟米及小番茄算是為打工仔沒有菜的生活來一點幫助。

頹飯招牌安格斯薄牛肉飯認真識食!近日和同事在中環工作時, 經常被附近的頹飯 le hea rice 的門面吸引住.我發覺永遠都係有一堆人嚮門口等外賣, 所以心入面真系好想去試一試.幸運地, 這天下午來到剛好有上司比我出去買lunch 先, 我一去到餐廳便同經理哥哥講話要一客招牌安格斯薄牛肉飯.招牌安格斯薄牛肉飯只要加少少錢便可以有紅豆冰, 收銀姐姐好細心介紹話配話黑椒汁應該唔錯, 咁當然係要聽下人家既意見啦 ^^.返到鋪頭後, 第一時間打開個飯盒, 哇! D黑椒汁色水真係好靚 而且又聞落好香令人口水直流. 立馬食了一啖, 說真, 這裡的午飯確是好味, 先講個飯, 十分軟熟而且有種淡香, 比很多茶記果D半生熟飯完全唔系同一個層次.然後個安格斯薄牛肉呢.. 分量多唔在講, 連D肉都係有少少肥糕, 卻十分煙韌! 如果喜歡食牛肉飯的朋友, 大可以前來試試.整體說, 這裡的食物都很美味, 而且餐廳門面的環境都很整潔.雖然對很多人來說只是普普通通的下午飯餐, 不過卻出奇地感到驚喜呢.

中環打工仔除了捱貴午餐之外，仲要忍受正午時分街上的高溫、汽車廢氣。不過，小弟發掘到一間價格公道、味道超班的外賣小店，速度極迅速，係打工一族的福音！「頹飯」Le Hea Rice位於利源東街中段，舖面雖小，五臟俱全，基本上雞豬牛都有得揀。價廉物美已經唔足夠形容呢間「頹飯」。$38-60一個便當飯盒包飲品，大家可知呢度係中環，舖頭餐廳一個燒味飯已經60個大洋了！「頹飯」的夫妻檔老闆似乎體會到絕大部份打工仔為搵平而好食的餐廳而惆悵的心意，特意設計出幾款大眾化的飯盒，供一班嘴刁的「食家」選擇。小弟第一次食，見到個氣勢「厚切特級午餐肉煎蛋飯」咁勁，一於試試。落單大約3分鐘就拿到，極度快速。開盒發現，竟然有3塊午餐肉+2個煎蛋咁豐富！每塊午餐肉都厚過一條木筷子！😱而且肉質嫩而結實，啖啖油香充斥著味蕾。絕對是一流的午餐肉！煎蛋亦不錯，流心蛋黃一刺即穿，蛋汁鮮美，伴上甜豉油來撈飯，滿足感爆燈！盒內還有車厘茄、粟米粒，不怕變成食肉獸，老闆果然體貼！順帶一提，可以do八達通或Alipay，十分方便！而且可以用Apps提前落單，再來舖面提貨，對於分秒必爭的中環一族來講十分便捷。

颱風將至，跟老婆提早回家做好防風措施，身處中環的我們決定買外賣再直接跳上巴士回家。走到有很多小店的利源東街抬頭看到有「頹飯」兩字，又看到有不少人幫襯，質素而且不錯，而且價錢合理。每樣都附送冷/熱咖啡/奶茶/檸茶加$2有紅豆冰/什果冰加$3配煎蛋加$3可轉意粉仲有三款醬汁選擇：黑椒、咖哩、茄汁好欣賞醬汁是另上的，所以外賣自取都不會怕飯/意粉變腍或變杰身。同老婆一人一個飯，我點左佢地的全日套餐之一既《一口鬆軟豬扒飯 $43》配咖啡廳汁再（加$3煎蛋） 同（加+$2轉飲紅豆冰）。豬扒的確十分鬆軟又不乾，輕輕咀嚼已經可以，肉味亦香有肉汁，調味亦剛好不會咸，加上咖哩汁後有陣椰香，很惹味！咖哩汁足夠拌飯，份量剛好，飯亦新鮮不硬，性價比高！老婆點左同樣係全日套餐之一的《香煎去骨雞腿飯 $45》再（加+$2轉飲雜果冰）。雞腿很大塊，煎得雞皮很香口而雞肉嫩滑不乾身，無骨使食用更方便，不錯！飲品大杯又有飲品袋裝住，很方便自取攜帶。

近來幾鍾意嚟呢條利源東街，短短一條街，可以搵到唔同口味嘅飲飲。食食！lunch落嚟抖一抖，呼吸一下，叫個外賣，食飽再拼💪🏻頹。飯。初次見面，比佢大大個紅色「頹」字吸引過嚟，望一望招牌，簡單直接：豬扒！牛！雞！厚切餐肉蛋！4樣都想食，好彩近，輪住食都無問題😬見openrice嘅食評都讚，所以最後揀：招牌薄牛肉飯+凍檸茶，凍飲唔使加錢，仲大大杯，like ar😍😍係度等嘅時候，呢頭order完，果頭已聞到陣陣煎嘢味道，口水直流，肚咕咕多幾下，大廚快d！快d！全場即叫即整，用心製作等多陣都無問題呀。薄牛肉飯，個樣好靚仔，一開蓋香氣撲鼻😄😄無論飯、牛肉、配菜都足份量！牛肉已用上秘製醃料醃完，輕炒，唔會過熟，但勁有韓燒味道，味道唔會鹹，而且香濃醬油味，加上煎過散發嘅香氣，d同事都猛話，咩嘢咁香🤣好食！配菜記得不要錯過，新鮮十足！只係簡單整熟，無添加，又係好好食😋😋仲有，凍OT🥤，茶底夠味，檸檬新鮮，唔係馬虎貨色，呢杯檸茶正呀🤗呢度都幾多人排隊，想食唔想排，原來可用外賣app，下次醒d啦😆最後想讚下店員哥仔，一腳踢但有笑容，外賣pack得穩妥無漏汁無性👍🏻👍🏻