頹飯 (已結業)

好少留差評，但係真係好嬲！唸住行過試下，同事買招牌薄切牛肉，我叫豬扒飯⋯咁厚都叫薄切⋯真係speechless ，豬扒話松軟，我咬都咬唔爛⋯裡面只有幾粒cherry tomatoes 散收收幾個粟米粒，圖片果然只供參考😓，真係唔想浪費，但都逼唔到自己吃，要再出去賣takeaway，雖然40幾蚊都唔會太多expectations ，但冇唸過咁差咯，真係普通茶餐廳都要好吃幾倍。果然係頹飯，好頹咯😡

中環食飯又貴又多人又迫就係人都知。有時候想慳錢、或者唔想同人迫，唯有係公司捱杯麵，真係有苦自己知。同事介紹喺利源東街有一間很受歡迎的外賣店，名字叫「頹飯」，勾起大學讀書嘅美好回憶。我叫咗一個招牌煎牛肉飯，要凍咖啡。牛肉係即煎嘅，睇住師傅即場煎真係好放心。女同事要咗一個香煎去骨雞腿飯，女同事話有好多汁可以揀，唔想食白飯的話，仲可以轉意粉。花多眼亂之下，雞扒配黑椒汁送白飯係最滋味嘅選擇。同事要凍檸樂，外賣店將冰同埋檸檬分開上，原罐可樂俾我哋，很貼心。雖然排隊的人潮源源不絕，我哋等咗大概10分鐘就有得拎，即製嘅外賣來講算係好快手，有效率。我哋去咗附近一個公園野餐，一打開外賣袋，就聞到好香嘅煎牛肉味，份量仲好多。同事表示佢的雞扒肉質鮮嫩，口感一流。呢間「頹飯」方便快捷之餘又好食，真係好適合我呢啲中環嘅打工仔。

Happy Friday諗唔到食咩，同事就話頹盡佢去食頹飯好啊，誰怕誰，就係咁去左頹飯買外賣返公司食Lunch有5-6個選擇，都係港式嘢食仲可以加餐肉或者蛋咁就加塊餐肉啦買完唔使10分鐘就有得拎速度滿分其實包得幾好，所有嘢飲同汁都無漏出嚟個飯好大兜，絕對食得飽😂牛肉底下仲有啲粟米同車厘茄個燒肉汁真係成個飯既精粹所在鹹鹹地甜甜地咁，用嚟撈飯真係一流下次再買嗰陣，要問佢拎多個汁先塊牛肉好大塊一兜飯有大片同同事隔幾個位食一樣既頹飯，都係一種打工仔既浪漫

中環區一到放飯時間就好難搵位，所以有時候都會外賣帶回公司，位於利源東街的小巷就有不同的食店主打外賣。🥢這間港式外賣小店名為“頹飯”，個名幾特別又攪笑，所以引起了我的興趣。😚外賣店提供一至6款午餐，由38蚊至68蚊，豐儉由人。💲今天我選了的黑椒牛仔骨飯，牛仔骨煎得香口有啃勁不會過火，配黑椒汁惹味整體唔錯。😋小店門面貼了不同的報導，發現小店原來是由一對夫婦經營，看著小店內有四個人，每人負責唔同的工作，有幫手收錢亦有整嘢食各有各忙。我特別對小店有份特別欣賞，因為小店要面對大集團或連鎖店的競爭，要生存確實非常困難。大集團或連鎖店只有一套copy模式而變得乏味，小店有它的個人特色及可愛之處，所以我十分支持小店，加油!!🚩💪🚩💪🚩💪🚩💪🚩💪

只做外賣@頹飯 中環利源東街20號地舖 人工底架打工仔，在中環食飯更是辛酸，一個茶記連飲品已要80-100元。無意中因買零食，在小巷中見到只做外賣飯盒的食店，價錢只是40餘元起，今日中午就來試下幫襯。個飯盒都好足料實在，我點了香煎去骨雞腿飯，大大一塊佔了好多位，皮煎至略為黃金香脆，而且食落啖啖肉好幸福架。呢個飯盒只是$43蚊一個，同埋可以轉做意粉都得。汁有咖喱/黑椒或洋蔥茄汁，至於飲品可另外加錢。$4 冷熱飲品同價。絕對唔係大學供應的頹飯，好味大份足料多肉架！不過我本人喜歡吃菜，若可增加些蔬菜在飯盒中就更好了

今日係中環做野，一個人唔想出去食，中環間間都好多人，都係買外賣算！頹飯係利源東街，個名雖然叫頹飯，但質素認真唔頹！午餐即叫即煎，等5-10分鐘到就有得食！豬牛雞魚都有，可揀茄汁黑椒汁或白汁。我今次試左茄汁去骨雞脾飯，賣相真係唔錯架！大大塊雞扒，煎得好香，亦都醃得夠味😋😋😋仲有伴碟嘅車厘茄同粟米，食得健康d!份量超大，食到好飽呢！跟餐加$6叫左杯熱檸蜜，好滿足呀！總共都係$49！中環黎講，算好抵食，而且質素幾好！

最近公司搬到中環，在物價指數最高的地方找地方吃午餐很困難，但今日在閒逛時發現這條街有著這間外賣店，有台式，有泰式也有港式，其中這間名字吸引了我的注意便決定試一下。門面很簡單放著餐牌，午市的話有著六樣選擇，我最後選擇了香煎去骨雞腿意粉配蕃茄汁。回去公司一打開，意粉份量很多，雞扒同樣很大一塊，以$43的價錢來說真的很超值。除此之外，雞肉很嫩滑，煎得也剛剛好，而蕃茄汁一看就知道是真材實料，另外旁邊也會跟著配粟米。這裡讓我在中環這個地方找到了適合打工仔的午餐價格，而且食物也很好吃👍🏻

中環高級餐廳很多，但每日食LUNCH都咁豪的話，食哂份糧都唔夠......所以，我地班同事成日都話，「食頹飯算吧啦」，點知近期俾我地發現，有間外賣店直接命名為「頹飯」店名充滿玩味，價錢又貼地，當然要一試～午飯時間出現超長人龍，雖然要等一陣，但都說明了食物質素應該不錯！價錢也很合理。招牌薄牛肉飯（配燒肉汁）$60加煎蛋　+$3紅豆冰　+$6五個字：大件夾抵食我咁為食都食得飽，就知道份量真係唔惹小！雖說是薄牛肉，但比打邊爐肥牛厚身，唔多筋，口感很好。燒肉汁香甜惹味，實在太美味了吧！食左一半發現入面仲有蕃茄仔同粟米粒，有蔬菜就唔怕營養唔均衡啦～飲埋杯紅豆冰，呢個午餐太滿足了～叫得頹飯，我都以為係得個平字，飽得來唔好味果Ｄ，點知名不乎實－－明明勁好味，究竟邊度頹呢？

今日同朋友相約食lunch, 估唔到中環都有如此平而且好味嘅飯，佢就係頹飯啦！ 佢隱蔽咁藏係利源東街，係一條滿佈店鋪嘅小巷，有好多美食。一到放飯時間，全街都係人係呢度排隊購買。我都係第一次黎呢間買外賣！我叫左個招牌薄牛肉飯，牛肉份量好多，佔一大半，飯都好多，絕對抵食牛肉飯我要左燒汁， 燒汁淋去牛肉，鮮味升級，牛肉好嫩滑，好好味！牛肉下面中有少量蔬菜，粟米，小蕃茄，全部都好好味！朋友叫左牛仔骨，佢同我交換左d餸，味道一樣掂！肉一d都唔韌，黑椒汁同樣滋味！

喺中環午飯時間搵嘢食，搵個位都非常之難，所以耐唔耐都可以叫外賣返公司食，貪方便。經過見到利源東街呢間頹飯，個名幾特別，所以試下。有人排隊，應該都係唔錯嘅選擇。見到個餐牌有全日套餐，一共有六款，例如有豬雞牛等等。我今次揀咗招牌薄牛肉飯，配燒肉汁嘅，都係60蚊左右姐，非常抵食。飯可以轉意粉，不過我都係鍾意飯多啲。見到餐廳嘅賣點係即叫即煎，所以等嘅時間有少少耐，不過為咗食好嘢都唔係咁介意。個招牌薄牛肉飯都真係幾正，牛肉份量超多。燒汁食落非常有牛肉味，完全係好過傳統快餐店。隨餐附送飲品，揀咗個特色飲品紅豆冰，都係加六蚊，覺得紅豆冰唔算太甜。最後外賣埋單都係66蚊，以中環食飯嘅價錢嚟講都幾抵食。

星期五係中環幫襯咗一間外賣小店「頹飯」，十分高質，值得推介店面雖然簡單，不過分工清晰有效率，落完order幾分鐘就有得拿，對於分秒必爭的打工一族真係好方便！介紹下呢個餐「招牌薄牛肉飯」配燒肉汁。牛肉片舖滿半盒飯，嫩滑唔怕「鞋」。老闆係即叫即煮牛肉的，牛肉雖然大塊但唔同外面連鎖快餐長時間煲著d肉，所以唔怕「鞋」、老。牛肉用了香料醃製，未落燒肉汁已經好香。老闆秘制的燒肉汁將整盒牛肉飯帶到另一層次。少甜的肉汁點肉、拌飯都一流，食不到味精味，明顯地「頹飯」老闆一d都唔求其、唔馬虎！另外，牛肉下面鋪了少許車厘番茄、粟米粒，好清新，啱送飯之餘亦可以保持健康-唔怕齋食肉做「食肉獸」！飯可以轉意粉，仲可以配三款醬汁下午茶價錢好大眾，選擇雖然不多，但勝在款式設計夠心思，抵讚！特別一提，呢間小店同網上外賣平台 合作，以後叫外賣可以多一個優質的選擇了！

有時想叫外賣，但係又唔想食得太求其，就去叫個頹飯。間餐廳名好得意，令人諗起大學生涯飯堂時候嘅食物，好求其就叫頹飯，但係呢間餐廳反其道而行，比較主打高質素嘅午飯提升生活質素。中午平時出去食就食到牛仔骨，外賣到嘅牛仔骨都好少見。黑椒牛仔骨飯$68佢嘅黑椒味好香，但係唔會太過辣，味道適中，啲牛仔骨肉軟硬合適，食落去都唔需要好費勁，飯嘅質感軟熟，份量都好夠多，如果細食少少嘅女仔都好有機會食唔晒。加$6有紅豆冰更加豐富la！

鋪頭位於一條熱鬧嘅小巷度，我五點左右到，唔使排隊，服務員態度好好，好親切。我點左個香煎去骨雞腿飯，洋蔥番茄汁，加$6要咗個紅豆冰，鋪頭冇座位，所以要外賣拎走。我隔咗半個鐘先食，但個飯仲係熱辣辣，一打開個蓋就聞到香味，令人驚喜嘅係，份量超多，一定夠飽，我食唔晒呀🙈淨返3份1。配菜好食，啲蕃茄仔好新鮮，咬落去好爽甜，啲粟米粒又多又甜，而個主角雞腿係即叫即煎，好嫩滑，同埋好大件，仲有啲黑椒， 好好味，飯量好多，好飽呀。我平時好少飲紅豆冰，因為怕太甜，但呢杯紅豆冰真係好好飲，有好多紅豆，有半杯既份量，啲紅豆又大粒又粉，而d椰汁唔會太甜，真係好正！呢個價錢食到呢個質素，呢個份量真係超抵，我會推介比我既中環上班族朋友！

這幾日公司也是地獄式工作，大家也是日做夜做冇停手。 做到差不多3點半先記起未吃飯，一於要食個大滿足飯盒，來填補失去了精力，為自己沖一沖電。 同事話見過雜誌之前介紹，在利園東街有一間美味外賣店。 一聽有人介紹美食，當然9秒9去到。 ＂頹飯＂雖然被排檔遮擋，但店出面用上白底紅字，遠看也格外鮮明。門外貼上很多雜誌報導及推介有6款全日套餐飯盒，種類有豬丶牛丶雞及海鮮，方便大家選擇。一口鬆軟豬扒配黑椒汁有成3塊豬扒，即叫即煎，肉質鮮嫩鬆軟，醃得又入味。 吃得出黑椒汁底也是用上湯煮，並不似一般快餐店單調味。好窩心在底層放了營養豐富鮮番茄仔及粟米，少少蔬菜多多營養。黑椒牛仔骨飯牛仔骨用大火煎封表面，令到表面帶少少焦香，但仍保留肉嫩及帶有肉汁質感。

之前看到雜誌介紹這間中環的外賣店，今天要買外賣來吃，決定來這裏一次，見到門外也有貼哪個雜誌的簡評。外賣店的選擇不多，只有六款的港式飯菜，由於吃外賣已經比較慘，所以決定選擇一個最昂貴的外賣飯盒，雖然是最昂貴的但是也是七十元，可以接受。回到公司打開一看，牛仔骨也挺多，大概有五六小塊，除了牛仔骨跟飯外，有少量的粟米及車厘茄，叫做沒有蔬菜中有一點的蔬菜。 牛仔骨半生熟的，不會煮得太韌，配合起黑椒汁味道也挺不錯，下次可以再來一嚐。