食雞

营业中

休息中

雞煲呢個熱潮喺香港其實從來冇減退過，今日我哋嚟到大角咀食雞煲。餐廳牆壁上掛左好多關於食雞既掛畫，地方寬闊舒適，唔會好似出面咁貼住隔壁枱食飯。呢度係任飲任食，最重要係無限時，岩哂成班鐘意傾計既三五知己圍威喂！因為朋友鐘意食芝士，揀左大人、細路都岩食既芝士雞煲，之後就出去睇下有咩飲先。飲品選擇好多，有自家製菊花蜜，好清潤，啤酒就要另外加$20，有比較少見既果實酒。等待雞煲既時候，侍應會放上小食拼，有雲耳羅白絲同雞腳，酸酸地幾開胃。雞煲上台啦～侍應話先食雞後加湯打邊爐，而且雞係可以再refill。雞煲面頭有滿滿芝士，令人興奮！侍應會用小漏斗計時，夠鐘攪攪雞煲就食得啦！雞的份量好多，雞肉大大件好滑，汁底似西式芝士白汁，香濃好match，好耐未食過咁高質既雞煲。食完都飽左一半，之後可加豬骨湯煲打邊爐，職員會幫你先預先上一盤火鍋拼盤，食完可以再用點餐紙落單。肥牛有安格斯牛小、同安格斯牛肩胛，牛味濃又嫩滑。仲有出面少見既豆紙，滾幾秒，吸收左個湯底就食得，好香豆味。大大條韓國蟹柳成把間尺咁長。出面有個自助既蔬菜+甜品櫃，有涼粉啫喱，食飽出去拎埋啫喱做甜品作結。大滿足！

舊同學攪聚舊大食會，住系大角咀的同學提出去洋松街的食雞，是任飲任食的雞煲火鍋放題，他說店內地方夠大，又係無限時，我們可以盡情享受美食和傾談。店內飲品、蔬菜類、菇菌類和甜品都是自取的，每位加20元可以任飲啤酒。雞煲任食又有多款味道選擇，有辣有吾辣。養生正氣雞煲，配料有冬菇、豆卜、紅棗、蟲草花精心調製而成，養生味道比較冇咁濃味，雞件鮮嫩，豆卜索左D雞汁特別好味！食完雞煲食火鍋，換左豬骨蕃茄栗米湯底，材料豐富，味道鮮甜。之後上火鍋拼盤，有西班牙黑毛豬梅肉、安格斯雪花肥牛、韓國珍寶蟹棒、魚皮餃、魚片頭、鬼馬扎肉片、豆紙、極級丸類六天王、金菇菜、白蘿蔔。又有炸魚皮，香脆可口，魚，本人喜歡激爽的魚片頭，勁爽口。餐牌上的火鍋配料任點任食，新鮮好味。自取甜品，涼粉爽口。最後有生果奉送，西瓜起沙超甜。

突然抽起條斤，又想食雞煲，上網一搵，就見到呢間「食雞」，就去一試啦😂·1. 兒童適宜芝士雞煲🧀🐤上檯之後再用沙漏計時，大約煮多3分鐘，將雞同芝士撈均就食得啦😋芝士味濃但又唔會鹹膩，而雞肉切得好細嚿，所以啱小朋友彤樂評分：7/10·2. 安格斯牛肩胛肥牛🥩唔好睇個樣好似好醜咁，佢好有內涵，有濃濃牛味之餘，肉質又鮮嫩🤤彤樂評分：9/10·3. 西班牙黑毛豬梅肉🐷佢地嘅黑毛豬梅肉都一樣出色，肉質好嫩滑，講真任食真係要叫多啲😂彤樂評分：8.5/10·4. 安格斯牛小排牛味一樣香濃，不過牛肩胛肥牛較為出色彤樂評分：8/10·5. 頂級水晶魚丸🍢呢碟食物，我特別欣賞頂級水晶魚丸，其實即係魚旦，因為淥完唔會縮水，最緊要好彈牙👍🏻彤樂評分：8.5/10·6. 自助蔬菜櫃＋自助甜品櫃🥬🍮除左一般火鍋有嘅自助飲品櫃，仲有自助蔬菜同甜品櫃，特別鍾意佢地可自加花奶涼粉，好正呀👏🏻👏🏻👏🏻彤樂評分：7.5/10

市面有唔少任飲任食放題都設有限時, 想同朋友慢慢食, 慢慢傾下計, 大角咀街角就有一間任飲任食既雞煲+火鍋, 全晚只需一個價錢, 全包! 地點唔近地鐵, 太子站/旺角地鐵站行去都要10分鐘, 平日入夜, 餐廳內人流唔多, 環境開揚、整潔, 兩旁仲有電視睇tim....入座隨即揀款雞煲先, 四款雞煲中我地就揀左最邪惡既芝士雞煲, 雞煲同樣任食, 所以食完呢款雞煲後, ORDER另一款雞煲都可以。自助區設醬油區、飲品區同埋蔬菜+甜品櫃, 野飲方面主要有罐裝汽水、紙包飲品, 加HK$20/位仲可以無限飲酒類飲品雞煲上檯時, 雞件已經為半熟, 上檯再以沙漏計時煮焗3mins就食得芝士雞煲有唔少芝士碎, 3mins後將雞煲撈至平均, 雖然芝士未至於拉絲, 但陣陣芝士香味散發著, 已經流口水....雞件被切成鈿鈿件, 肉既比例唔算多, 但勝在肉質嫩滑, 雞皮帶些少彈性,芝士味濃而不會過鹹, 當中有唔少洋蔥絲同埋些少蟹柳, 索左個芝士汁, 超正!!之後我地再轉火鍋湯底打邊爐, 轉左個豬骨粟米湯底, 同時送上火鍋併盤, 包括有丸類、特長蟹柳、金菇、牛肉、豬肉、炸魚皮, 同埋出面比較少用既豆紙。特長蟹柳

今次係小編第二次黎「食雞」🐔， 雖然「食雞」熱潮減退， 但係大角咀呢間任飲任食雞煲專門店嘅熱潮依舊， 原因係因為平！靚！正！😎 食完雞煲後可以繼續打邊爐， 任食火鍋配料， 仲要係無限時任食， 直係食到閂門都得！😂 現代人最需要嘅免費wifi，呢到都有提供 真係可以一邊「食雞」煲，一邊「食雞」！😂 餐廳乾淨企理，座位闊落，坐得舒適。 雞煲火鍋放題每位成人$258， 小童及長者$138， 星期六、日每位成人$298， 9:30後有優惠時段，每位成人$258， 都幾抵喎！👍🏻先送上免費餐前小吃。 雞煲都幾多樣化，有5款選擇： 招牌川味雞煲、養生正氣雞煲、秘製椰香雞煲、南薑雞煲、兒童適宜芝士雞煲， 老少咸宜。 我地上次食左招牌川味雞煲， 今次就試下秘製椰香雞煲～ 以香茅、香葉、栗子、芋粒精心調製而成， 椰汁雖然唔係好濃稠， 但椰汁味都算突出， 雞件份量都算多，厚肉嫩滑。 🌟推薦❗️安格斯雪花肥牛 以火鍋放題來說，肥牛質素算好高！ 油脂分佈平均，肉香十足！ 🌟推薦❗️西班牙黑毛豬梅肉 口感嫩滑，肉香味美，值得encor

今日行過呢間食雞煲既餐廳，俾佢個名吸引左😹「食雞」！大概好多人都知係咩黎，好有共鳴🤪呢間仼飲仼食雞煲火鍋好正，佢係唔限架！如果一大班人黎食，就岩哂，可以慢慢食慢慢坐士得，夠哂抵食啦！餐廳仲好大間，坐得夠舒適闊落呀👍幾好。坐底左就揀雞煲喇！有幾款揀：除左麻辣雞煲之外，仲有養生正氣雞煲/秘製椰香雞煲/芝士雞煲等等，我就揀左「養生正氣雞煲」！雞煲即叫即整，所以要等一等。份量都好大煲，除左有雞之外，仲有蘿蔔 豆卜 大菇！一打開個蓋已經嗅到好香既味道，味道夠哂正氣，落左好多既冬蟲草花。雞肉都好嫩滑，幾入味。加左啲豆卜索味，食落好惹味！好快就清左啲雞，如果唔夠喉仲可以加添。我就留肚打邊爐喇！會先上一份火鍋拼盤，咩都有，可以一次過試哂👍呢度既肥牛，牛小排同豬梅排 既質素都好好，賣相色澤都好新鮮，食落好好味。一定要叫呀。另外佢啲丸既選擇都好多，仲好多出面少有既款。記住要食下 超長形蟹棒👍索哂啲汁，好味。蔬菜🥬配料就可以出去自己拎。仲有好多飲味，自家製既野飲選擇添！最後記住食埋個冰涼涼粉 先好走😸😸飽死

近日住大角咀嘅同事，試咗屋企附近有間抵食雞煲放題，食物高質之餘，仲要無限時任飲任食，夠哂盡興！於是佢約埋我再去食過！喺太子站行過去，邊行邊講，好快就到。淨係雞煲都已經有五款選擇！有招牌川味雞煲，養生正氣雞煲，秘製椰香雞煲，南薑雞煲，兒童適宜芝士雞煲；照顧晒大人細路，食辣同唔食辣嘅需要。飲品選擇亦都好多，除咗有各款韓式罐裝飲品，汽水，茶飲，仲有自家製菊花物同埋茶包可以沖泡，加$20仲可以任飲酒精飲品添！坐低冇耐店員即送上小食👍🏻是夜我哋揀咗個招牌川辣雞煲，呢度既雞煲直頭可以話係同你度身訂製，辣度/花椒/芫荽/洋蔥/大葱/薑片各種份量嘅多少完全由你去選擇👍🏻秘製辣汁好香好惹味！雞肉肉質嫩滑juicy！雞皮少油脂，連皮食都唔內疚；而且雞煲香而不膩，唔係油淋淋嘅嗰種辣油雞煲！我地不知不覺差唔多食晒成煲先加湯打邊爐😂火鍋配料選擇都唔少，有成四五十款。炸魚皮酥脆，當小食就咁食都已經好正！肉類質素高，牛小排牛味香濃，安格斯牛肩胛鮮嫩，油脂甘香，西班牙黑毛豬梅肉口感彈牙。特別想講嘅係，呢到嘅丸類都好有質素，肉味濃，好彈牙！鍾意食肉丸嘅我，一食就知道係靚貨，唔係平時出面放題食開嗰啲cheap cheap

今次係第二次黎，慶祝男友生日，同埋佢嘅朋友一班人去食，經openrice 訂位勁方便！不過店家過咗一日都未確認出席，所以未儲到里數。。。希望快啲確認返啦～～佢有四款雞煲，辣或者唔辣都有，大人細路都啱食，最欣賞佢個傳統雞煲，個味好又唔會得個咸字！食完雞就打邊爐～佢啲牛勁好食！但豬真係麻麻地啦。。。佢個魚片頭好食，仲有勁長蟹棒都好味！魚皮都係必食架！！飲品有好多款揀！仲有加20蚊就有任飲啤酒啦！ asahi, blue girl,日本水果酒。。。真心推介！

這間餐廳，很久之前就想來試的了，因各種原因而未能來到，今日終於來到，試下我想試很久的雞煲。餐廳都很寬敞，樓底比較高，餐廳左右兩邊都各有兩部平面電視，令愛追電視劇的我非常欣賞。雞煲還未上餐廳先送上鳳爪及齋菜小食，對有點肚餓的我來說真是窩心。餐廳以雞煲任食為賣點，形式是食完雞煲還可跟著加湯食火鍋，雞煲有幾款選擇，招牌川味雞煲，及新增的新款式，有 芝士雞煲、南薑雞煲、養生正氣雞煲、秘製椰香雞煲等。還有四十多款火鍋配料任點，及多款蔬菜及甜品放在雪櫃內任取任食，及飲品任飲，而且還不限時任點任食，又真是坐得舒適，食得美味。我們要了個養生正氣雞煲，配料有冬菇、紅棗、蟲草花，還有蓮藕、豆卜等配料。蓮藕爽口，雞肉嫩滑，豆卜非常入味。食完雞煲跟著可以繼續加湯食火鍋。menu非常多選擇。安格斯牛小排，肥瘦均勻顏色亮麗，牛味比較重，好味。安格斯牛肩胛肥牛，油脂分佈均勻，入口軟滑。放題任點任食非常開心，還要了: 田園韭菜餃、炸魚皮、牛柏葉、稻庭烏冬、日版出前一丁及粟米、脆肉瓜、冬瓜、番茄...等等。少不了飲品及甜品哦。這就是食放題的誘惑哦，食得開心又滿足。

聽朋友講大角咀同太子之間有間食雞餐廳都幾抵食下，重點係仲要不限時任飲任食任坐，平日星期一至四都只係人頭 HK$258, 啱晒d大胃王同雞啄唔斷嘅人去食！哈哈！火鍋料選擇都唔少，有d仲係坊間少見的混醬區有豉油，辣椒粒，蒜蓉，芫荽，蔥及麻醬！任飲嘅飲品選擇都唔少！加HK$20仲可以任飲啤酒同含酒精成分飲品tim另外仲有個自助蔬菜及甜品櫃！都係任食的！我地叫左個養生正氣雞煲！入面除左有雞之外，仲有冬菇，豆卜，紅棗及蟲草花等，夠晒養生同時又美顔，好啱女仔食先黎一份預設併盤！當中包括一啲不同嘅丸類，西班牙黑毛豬梅肉，安格斯雪花肥牛，韓國珍寶蟹棒同炸魚皮等！其實食完個雞煲同個份預設配料已經飽左八成！所以只是後加左少少配料如鴨血 、雲吞 、鵪鶉蛋及安格斯牛小排等！我個人喜歡食安格斯肥牛及牛小排，肉質鮮嫩，不肥也不膩，還有韓國珍寶蟹棒，夠晒份量又好食...食飽飽仲可以坐下勁吹下水！唔擔心被趕！正！

通常食雞煲都係食麻辣味，聽朋友說呢間雞煲竟然有好多特別既味道，咁就真係要試下啦價錢好平，任飲任食都只係258蚊位而且平時食雞煲都好趕，2個鐘就要交台，完全同唔到朋友好好聚會。呢間竟然不限時，真係好好雞煲有咁多味道選擇，最特別當然係椰香雞煲、南姜雞煲以及芝士雞煲啦，出面真係唔多見！食完雞煲仲有以下配料可以任叫！連安格斯牛肉都有自助區域選擇不算多，除左蔬菜仲有啫喱、涼粉等。不過餐牌可以叫既就真係超多！自助飲品區域，如果想任飲酒只需加20我地今晚叫左椰香雞煲。雞煲除了椰奶味超濃，仲有檸檬葉、香茅、青檸等泰國香料，食落濃郁惹味，超正本身未食之前都擔心會唔會膩，估唔到完全唔會，仲越食越開胃！超級推薦！！食完雞煲之後就可以打邊爐，店員話如果食唔慣椰奶味可以幫我地換番茄湯底，不過我地好鍾意所以沒有換啦～食左咁多款食材，全部都新鮮好食，不過以下真係必點安格斯牛小排肉靚又厚，牛味又重，係平時食火鍋二百幾蚊先得幾片果種，一定要食豆皮有超級濃郁既豆味，好好食蓮藕玉米娃娃菜等蔬菜全部都好甜好新鮮前菜送既金錢肚超好食，入味呢度環境唔錯，食物好食，價錢唔貴仲不限時，會再黎幫襯

It's been a while since I have last had chicken pot.Chicken pot was a trend a while ago before the Korean Grills.Located in Taikoktsui is Winner Winner Chicken which is based on the video game PlayerUnknown's Battlegrounds (called sikgaai in Cantonese).Inside you will find Chicken themed artwork modified from War movies posters.I was captivated here because it is all you can eat from the menu, vegetables and they have different chicken pots like Turmeric Chicken, Cheesy Chicken etc.There is Engl

今日系朋友屋企附近搵左間食雞煲，打邊爐。叫左個養生正氣雞煲，除左有蟲草花紅棗外，仲可以ORDER豆卜冬菇落去煮。雞肉份量好多，好似仲可以加雞(唔肯定)，因為食完都夠，仲有得打邊爐。飲品任飲，我見到有保礦力😻，仲有啲甜品，啫哩同涼粉。豆卜吸左雞煲汁好惹味超正。雖然話養生但味道都唔會好淡，其實都好夠味。跟住先係重點，可以選擇直接放豬骨湯或ORDER一個蕃茄玉米豬骨湯，留意番係豬骨湯底並唔係蕃茄湯底。叫左湯底之外會主動上一個火鍋拼盤，食完之後仲可以任食任ORDER。以下係我食過覺得一定要食同ENCORE既食物：珍寶蟹棒，牛肩胛肥牛，水晶魚丸，黑毛豬梅肉等等。太多選擇唔夠肚試晒所有野食，下次會再黎過。

今次去到大角咀附近，見到招牌好突出「食雞」，個名好像最近好Hit嘅手機遊戲，正直我哋兩個人都想食雞煲，而且門口位置好方便泊車，所以就選擇左呢一間餐廳食雞煲火鍋放題作為晚餐。星期日至四雞煲火鍋放題都只係$258一位，仲要係無限時任飲任食任坐，真係好少有！見到餐紙上有好多五種款式嘅雞煲選擇，仲有一個叫做「兒童適宜芝士雞煲」，顧及一家大細兒童的需要，可見餐廳非常體貼。我哋最後揀選左招牌川味雞煲，仲有六種嘅配料自由選擇份量，一目了然。等左一陣雞煲終於來了，原隻新鮮芝麻雞，加上秘製醬汁醃制，難怪零舍香！職員俾咗一個黃色嘅漏斗讓我們自己計時3分鐘之後就可以食得，很新奇特別。半隻雞嘅份量都非常多，雞肉味道很新鮮，肉質鮮嫩，咬落去仲有肉汁，以我食雞煲的經驗來說這一個雞煲真係好好吃！火鍋拼盤中的「安格斯雪花肥牛」賣相非常吸引，薄薄切成鋪滿成碟，一塊塊放入火鍋，食落去肉質好軟身，有即溶嘅感覺，咬幾啖就吞咗落肚啦，正！火鍋拼盤中還有西班牙黑毛豬梅肉、韓國珍寶蟹棒、極級丸類六天王、鬼馬扎肉片、魚皮餃、金菇菜白蘿蔔炸魚皮等。當中的「珍寶蟹棒」果然配合其食物名稱，條蟹棒好長，而且食落去質感好軟熟。食咗咁多肉要食返

之前已經食過一次覺得超級之好味今日特登再約朋友仔一齊再嚟食我覺得間餐廳好好，好舒服⭐️D座位特別闊落⭐️D雞特別嫩因為用芝麻雞⭐️雞煲可以無限添食⭐️入座無限時⭐️用靚既火鍋配料⭐️非酒精飲品任飲 (酒精飲品加錢都可以任飲)有別於一般嘅雞煲餐廳食得夠自在唔使因為限時所以趕頭趕命等雞煲之前仲食咗少少小食添除左一般食開既川味雞煲之外，仲出左4款新野❤️芝士雞煲🧡南薑雞煲💛養生正氣雞煲💚秘製椰香雞煲我就叫咗椰香雞煲，香噴噴嘅椰香雞又夠嫩同平時雞煲一樣食完就加湯打邊爐呢度嘅牛同埋豬肉都係十分之推介嘅有自助蔬菜櫃貴同埋甜品櫃