飯飯店 (已結業)

茶記食得多想食下其他野，本來想打邊爐，但好似啱啱先打完，咁就黎左隔離嘅飯飯店，見佢啲炒野好似好正咁樣。芥菜咸魚生菜包 $98先點了呢個，一碟得四件實在有點小貴呀！豬肉餅煎得香脆，肥瘦肉比例適中，下面放左青瓜同生菜，食落爽口又可去油膩感，最正係個醬汁竟然用左washabi沙律醬，直接刺激味蕾，唯美中不足係咸魚味欠奉，有點同菜名不乎。欖角蜜椒金沙骨 $98另一味點了金沙骨，要炸很難係屋企煮嘛，呢碟份量正常，望落金黄色好吸引。啖啖肉同少少軟骨，甜甜地好正，肉香又有咬口，味道好，但又係要挑剔下個菜名，欖角蜜椒……係邊呢？哈哈，叫蜜糖金沙骨咪好囉，不過好味係真嘅，基乎成碟比我搶哂黎食。正宗鯉魚門炆脆骨 $288阿媽話呢個佢好鍾意食，一定要叫，其實咩係脆骨呢！？原來係大魚走油再加芡汁，功夫都幾多喎，屋企唔會煮到囉。是晚條大魚係石班，好多塊好大碟，上枱時香噴噴呀。靚魚～魚塊又香又滑，鮮味滿溢，啲汁勁好下飯，蔥都食哂，正正正！白飯$10大大碗唔姑寒 間中食下小炒又幾正喎，好味好味。

YMT is an area full of tourist and most of them would go to Temple Street for a seafood dinner. Since we don't really want to dine on the street with the crowd, we have picked this Chinese restaurant instead for some local HK food in a quieter enviornment indoor! The restaurant interior looked clean and neatly set up. The staff were all very friendly and helpful throughout the dinner service. Some daily special and drink special posters were hung up on the wall to have you attracted. Asahi Beer

老公話近排食得太多西餐，想換換口味，問我有甚麼中菜館值得一試。從飲食網最新餐廳一欄找到這間《掂‧飯飯店》，翻查資料，得知原來餐廳大廚文哥曾在鯉魚門當廚二十幾年，烹調經驗極之豐富，離開後決意將鯉魚門風味帶進這間飯店。見網上幾篇食評都一面倒地讚店子出品富水準，所以這晚下班後就決定一家人來試新嘢。店子位於炮台街 28 號地舖，講真筆者平日極少會去佐敦一帶覓食，所以初頭還有點擔心，怕會難倒我這個路痴，原來餐廳地點都算就腳，由佐敦港鐵站 A 出口步行過來，亦只是約 10 分鐘路程，交通挺方便。甫踏進店，見舖面裝潢雖然只是一派街坊格局，不過望落去唔算擠逼，而且椅桌擺放得十分整齊企理，具小館子風味。原來這飯店分為上下兩層，不過聽說樓上一層當晚已經全部爆滿，可想而知餐廳有幾咁旺場。入座後先拿起餐牌細閱，菜式選擇非常豐富，包括有游水海鮮、必食的招牌菜、小炒、蟹類、煲仔菜和蒸餸等等，另外餐廳更歡迎食客自攜海鮮，加工每斤 $50，加工配料則另計。見牆身上的蜜椒脆皮德國豬手 ($168) 相片，賣相吸引，決定先點一客試試。原來隻豬手唔算好大，約二人份量，放上檯時已經連脆皮切好一塊塊！急不及待挾起一件入口，外皮

飯飯店在炮台街那邊，近著柯士甸站或敦A出口，星期五放工後便與數個同事吃一頓晚飯，整體感覺還不錯欖角蜜椒金沙骨一吃下去便想起可樂雞翼, 大概是因為欖角味吧! 這道金沙骨一試難忘, 甜甜的味道配上啖啖肉的金沙骨, 很開胃呢!!生炒骨 (咕嚕肉)賣相吸引, 除了不可或缺的菠蘿外，還有洋蔥,紅青椒伴碟。外脆內軟, 味道偏甜, 唯一美中不足的是肉不夠厚。黃金蝦配紅咖哩一直對黃金蝦都有偏好! 蛋黃炸得香香的, 總是吃到停不了。這裡的黃金蝦也很香口, 蝦肉也談得上新鮮。但中間的紅咖哩醬偏喊, 跟咸蛋黃和蝦的味道不是太合得來, 而㕑師亦可能為了協調而分薄了蛋黃的份量。但總算幾好食@@

前排同媽媽去佐敦做facial，做完見係時間夠鐘食晚飯，就周圍行下，睇下有咩好食！行到去炮台街，啊媽就比呢間飯飯店嘅餐牌介紹吸引住，有海鮮，又有雞煲。炮台街唔係位於旺區，真係唔係咁岩經過附近，都未必會知道。而飯飯店門口廣告有介紹到呢到嘅大廚文哥，曾經係鯉魚門做廚二十幾年，搬出黎佐敦係想多啲人食到好野 見佢介紹到好似幾正咁，我就叫啊媽唔好諗喇，拉左佢入去坐。入面分左兩層，但唔算闊落！坐低之後，我地叫左正宗鯉魚門炆脆骨(HK$288)、秘製辣雞煲(HK$128/半隻)同芝士海皇焗西蘭花(HK$188)，真係有魚有雞，又有菜，樣樣齊 等左一陣，店員就已經set好爐，放埋雞煲上去。我地要左小辣，所以入面嘅辣椒唔多。太約10分鐘左右，雞煲就開始出煙，事不宜遲我地就撈混佢，可能因為加左好多莞茜同芹菜，所以特別香 辣味調較得岩岩好，香辣得惹味 而雞件醃得入味之餘，肉質都嫩口。同時半隻份量亦都唔少，足夠2~3個人食！食到咁上下芝士海皇焗西蘭花(HK$188)都送到黎。嘩！成個面都鋪滿左芝士，而且仲用火槍整到有少少燶芝士多到可以拉絲，仲正係濃郁得黎帶啲焦香，西蘭花又整得爽口，真係岩哂我口

知道媽子最愛吃中菜，所以上個月就和媽子倆人在附近逛完街後，我就提議試下這間老闆是鯉魚門著名飯店大廚的"飯飯店"，看看大廚食物"掂唔掂" 雖然當日是平日，但客人都不少。6PM去到，下層已經坐滿了客人或已經訂座。幸好原來還有上層。店內裝潢是一般街坊中菜的格局，下層較光猛熱鬧！上層則比較舒適，有4張大桌，桌與桌之間有足夠空間，不會有壓迫感，而且有冷氣，這點對爸媽十分重要，有時他們首要考慮不是食物質素，還真的是要坐得舒適。而當天上層不太多人，就好像包了場一樣XD 不過坐上層，要叫侍應點菜就難一點， 幸好後來人越來越多，有一個笑容可掬的職員專門負責上層。人不多，只點了3樣菜加2個白飯，已經非常飽！！1. 花雕醉乳鴿（$118)。先來冷盤。鴿肉浸醃入味，入口酒香四溢，不難吃到淡淡帶芳香的花雕酒味。而且鴿肉腍身，肉質嫩滑。2. 花雕蛋白蒸蟹。花雕作為配角可謂恰如其分，濃得來又不會搶掉蟹的鮮味，反而更加喚醒蟹最原始的鮮甜。春天最適合用花蟹，蟹肉肉質結實，吃來啖啖肉。蛋白也蒸得十分滑溜，完全吸收蒸蟹時流出的精華和花雕酒的芳香。  花雕蛋白蒸蟹是海鮮價，這碟用了約一斤重的花蟹，$298。3. 芝

亞嫂話佐敦有間食冰鎮芥蘭幾特別同小炒不錯，所以專登叫我地一家人去試下，但因為爸爸吾食辣關係所以儘量吾食辣而叫多海鮮試下…..大約7點半到達好開心仲有電視位坐添，我地4個人叫左6個餸，其實都份量吾少，差一點吃不完，而且坐得舒服同待應都Keep住比茶之類，感覺不錯。小炒王$108：沒想到咁多料，海鮮質素不錯而多，加上九王一起炒好香而有丁點辣香，腰果又夠脆，加上白飯一起食可以超送飯，怪不知果日食飯周邊幾桌人都叫小炒王吧。蒜茸焗蠔$198：仲以為一碟4隻咁少，點知亞嫂話原來勁多蒜茸入面竟然有2隻蠔，食落幾鮮甜有蠔味，而加上少少脆面的蒜茸，增加了不少口感和有蒜茸香在口腔肉，配合得不錯。冰鎮芥蘭$78：亞嫂必叫的芥蘭黎到勁多冰係度，食落去凍凍地又有芥蘭脆口和葉的軟熟，真的比較少可咁食，其實可以完全食到原來芥蘭味，但如果覺得太淡可以加豉油和芥辣增加味道，但豉油真的偏咸左少少，而且要快食，因為凍會溶。雞煲半隻$128：今次因為爸爸吾食辣原因而叫我從來未食過的吾辣雞煲，但味道出奇不錯，味道濃之餘還有雞香，雞肉份量多而肉質嫩滑，加上勁多配菜令到這個雞煲味道和口感增加不少，還有火KEEP住溫度令到汁滲入去更

今日2口子吾知食咩好，去完廟街又吾想食煲仔飯，之後係openrice見到有間叫飯飯店的小店野食影相吾錯，鯉魚門廚師煮理就去試下佢，去到原來有上下2層，我地今次坐係樓上，人吾叫好多，餐牌都有好多圖可以知道有咩好食。2個人原因我地叫左3個小菜和1個飯，每人$160價錢都抵食又乾淨。其實佢海鮮方面都好多選擇，我地今次因太少人黎未食到，期待下次找一班朋友再黎食返餐！冰鎮芥蘭$78：見到餐牌有這個芥蘭覺得好特別，所以諗住試下，黎到時好多冰壓住芥蘭，食落去難得有芥蘭的脆口而吾會太淋仲沒有份草青味，因為往往要沒有草青味都要加酒，今次這個方法真的我第一次食，味道加上豉油和芥辣少少辣，口感特別，可以一試。小炒王$108：因為吾知食咩好，待應推介多人叫，所以今次都試下，黎到好香，食落去乾濕度適中而吾咸，海鮮方面都好多而新鮮吾梅，腰果都脆口仲要加上炸菜絲一起食送酒一流。雞煲半隻$128：今次叫左中辣，辣度夠之餘又吾太咸，好多番茜勁香，仲要本人勁鐘意食，加上洋䓤增加了不少味道！～而雞肉方面都好嫩同滑，如果汁方面多一點會更好，送白飯一流！！

飯飯店開業於炮台街，因不是位處旺區，不是朋友介紹也不懂前來。依據餐牌上的介紹，大廚文哥在鯉魚門當廚二十多年，離開鯉魚門後將當地風味帶入佐敦飯飯店，期望以平民化的價錢，為食客提供一流的美食享受。餐廳總共有兩層，筆者安坐於地下一層。店內裝潢是一般街坊中菜館的格局，地方光猛，舒適度普通喇！首先送上的菜式是芥末鹹魚煎肉餅生菜包，以鹹魚製作肉餅，味道固然鹹香搶口，與下方的生菜同吃，則有助平衡肉餅的濃烈食感。在肉餅的上方，唧有少量芥末醬料。不要少看這些醬料，味道較鹹魚肉餅更搶口攻鼻，刺激得有點過火，建議可減少芥末的份量，或考慮與肉餅分開送上。原隻切件的蜜椒脆皮德國豬手，味道比在德國菜館吃到的鹹豬手放輕了一點，空口吃也不會太鹹。豬手經炸煮後豬皮相當脆口，蘸點桂花蜜吃是一道既邪惡又美味的甜點小吃。椒鹽鮮魷同樣是香口炸品，金黃色的外層做得相當酥脆，鮮魷口感彈牙而不韌，但本體味道不算十分濃郁。粟米斑塊是為家中細細而設，斑塊選用青衣柳而棄用龍脷柳，魚肉口感味道固然更勝一籌。不過，當與椒鹽鮮魷的金黃外層相比，斑塊的酥脆感明顯稍遜，既厚又實了一點。 欖角蜜糖金沙骨是餐廳的推介菜式，醬汁口味帶辣，辣中帶甜，甜中又

落雨天無乜心機搵餐廳就入左呢間細鋪仔啦 (後來先知原來有樓上既), 見時間仲早, 就慢慢研究下餐牌, 於是店員就推介左幾款特色菜比我地啦第一味: 鑊仔蘿蔔石斑仔望住師父係魚缸拎條魚出泥, 超新鮮, 仲會識跳嫁! 滿心期待, 絕對不負所望啦! 首先, 條魚完全係足晒秤既, 先飲啖湯, 甜甜地既, 因為入面有粟米啦, 蘿蔔啦仲有蔥, 非常鮮甜~之後再試下D蘿蔔, 唔好太淋, 而且都有魚既鮮味! 之後就食主菜----石斑仔啦! 石斑仔唔會太硬, 有咬口既, 絕對唔會因為鑊仔而變得太熟啦, 而且最緊要係新鮮, 唔係出名既海鮮店, 但都有咁既水準, 值得推介啦第二味: 羊腩煲其實呢個時節能夠有羊腩食都已經好少數, 真材實料! 羊腩唔會太蘇, 而且都幾入味, 店員幫我地加水果時都係加埋羊腩湯汁嫁! 絕對係有誠意, 配上生菜底, 真係入晒味呀兩款完全夠晒3個人食! 絕對係抵食之選嫁!

我同老豆一向都好中意食海鮮，所以成日會周圍尋鮮^_^ 近排聽過有個鯉魚門做開大廚既師父係佐敦開左間海鮮檔，所以今晚就黎左品嚐一下做左20幾年師父既手勢～我看一看個菜單，有點雜亂不想看了～ 直接問侍應有甚麼特別推介好食呢？ 就直接點了辣酒煮花螺，芝士焗蠔同埋冰鎮芥蘭^^ 辣酒煮花螺我吃過很多間海鮮酒家的辣酒煮花螺，大部分都是很淡味，或是極度麻辣，吃不出花螺原有的鮮味！這家真的很不同！還沒吃就看到用料非常上盛，用了很多種的秘製配料去烹調! 辣度適中，清香咖哩同埋沙爹的味道 ^_^ 花螺的size適中，因為大的花螺吃落會un, 而這個不個！而且辣度並沒有蓋過花螺原有的鮮味！最後就淡淡發出酒的香味! 十分有層次感的一度菜式！也吃出了大廚的用心烹調！ 冰鎮芥蘭冰鎮芥蘭用左生菜絲及紅辣椒拌碟，芥蘭因為夾係夾中間，所以食落味道清甜爽口，因為芥蘭味道比較清，所以沾了日本醬油同芥辣一拼吃，又是一份特別的口感！特別的配搭👍🏼 芝士焗蠔芝士味道十分出眾！甜甜地咸咸地好香濃！芝士溶化了蠔的外層，外面吃到香濃芝士味道，咀嚼一下，蠔的鮮味就慢慢由裡面跑出來了！吃剩的芝士用來撈飯