餃子屋

营业中

休息中

黎過好多次架喇 依家最鍾意既配搭係 煎餃8隻 配 上海麵^^每次黎呢度都好多人 今次算好彩喇 等位等左10分鐘左右 如果介意逼或等位耐既朋友 呢間就唔推介喇!呢度既餃子全部大大隻 煎得好香口 內裡材料豐富飽滿 肉汁係會爆發出黎既 真係好好味 其實你叫任何款 都唔會伏上海麵湯底為魚膠淮山豬骨湯 但我發現呢到啲湯有啲唔穩定 太早既時間黎 湯味會較淡 不過配埋佢地既辣菜甫 都可以互補到不足👍🏻暫時都未揾到第二間可以代替佢成為我既最愛 所以荃灣即使遠啲 我都會繼續黎😊😊

媽咪一直好掛住佢個菜甫係菜甫唔係餃子😂7點幾去到都已經排緊人龍等左15-20分鐘就可以入座·餃子可以選擇煎餃或者湯餃仲可以選8隻或者6隻另外可以加上海麵/米線（+$8）如果湯餃會配湯- -魚膠唯山煲豬骨湯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 叫完餃子會即上一碟菜甫佢地個菜甫辣辣地幾惹味絕對係食餃子既好拍檔·芹菜豬肉餃拼香茜馬蹄豬肉餃（8隻 $54）配聲稱無味精既老火湯個湯係住家湯既感覺餃子真係拳頭咁大隻唔會話一夾就散開但因為我叫雙拼就咁望真係分唔到邊個打邊個😂肉同菜既比類4:6個口感都唔錯兩款餃都係重口味既菜餃要選擇既話最鍾意係香茜口味✌🏻香茜愛好者·咖哩薯仔豬肉煎餃（8隻$50）煎得好香同算乾身至少隻碟唔會話好油咖喱餃選煎餃真係無揀錯個咖喱味夠濃用煎香口好多而且更加惹味·最後媽咪仲買左罐菜甫走佢用黎配咩野食都一流🤭🤭🤭🤭。整體而言小店環境都幾擠迫食完唔會想再hea 下速食速走因為無論外賣定堂食條人龍都無少過🤭餃子係好足料無論煎定湯都幾好食但食完個口好乾個人好脹⋯⋯⋯⋯⋯⋯不是說無味精嗎？🥲。

疫情不斷，本人都會特登幫襯d小店，行過荃灣呢間水餃麵食，很多人排隊，晚上6點幾，叫左韮菜豬肉拼羊肉餃加麵，收$ 49，隔左10分鐘，望見牆壁上餐牌，應該唔只$ 49，因為我加麵 $8 就行埋問員工，我有加麵的，態度就麻麻地、我覺得無加咪加反囉！無問題！佢就同另一員工阿姐講（要加麵喎……）完全好似唔想做咁！我覺得嘢食好食嘅、大件夾抵食，餃子好大粒，排隊都轉排得快、因為食客普遍食完都走！所以等候時間不會太奈！

平日這間店舖通常都要排至少半個鐘隊，今天竟然不用排隊，便直接入去吃碗餃子。要了兩碗八隻韭菜豬肉餃子，兩隻滷水蛋，和一支芝麻豆漿。八隻好似太多， 下次都係叫六隻。湯底有蘿蔔同少少雞絲，餐牌上係冇味精的，奶白色的湯非常好飲，成碗飲晒！滷水蛋加咗秘製辣醬，非常惹味！下次會再叫。疫情下，座位坐得寬鬆左，坐得舒服好多，冇以前咁人迫人，都係好事的。服務態度從來都係一般，可能都係小店嘅通病，希望各位可以寬容啲啦。

𝗔 𝗛𝗶𝗱𝗱𝗲𝗻 𝗚𝗲𝗺 - 𝗕𝗲𝘀𝘁 🥟 𝗦𝗽𝗼𝘁 𝗶𝗻 𝗵𝗸⠀As an 𝗮𝘃𝗶𝗱 𝗱𝘂𝗺𝗽𝗹𝗶𝗻𝗴 𝗹𝗼𝘃𝗲𝗿, I’m forever in search of quality dumpling spots and I think I’ve found my 𝘄𝗶𝗻𝗻𝗲𝗿 so far at #餃子屋專門店 in 𝘛𝘴𝘶𝘦𝘯 𝘞𝘢𝘯 - shocked by the 𝗴𝗶𝗻𝗼𝗿𝗺𝗼𝘂𝘀 𝘀𝗶𝘇𝗲 (twice as large as the average 🥟) & 𝘀𝘁𝘂𝗳𝗳𝗲𝗱 𝘁𝗼 𝘁𝗵𝗲 𝗯𝗿𝗶𝗺 with filling, what sealed the deal for me was their 𝘴𝘰𝘶𝘱-𝘣𝘢𝘴𝘦 which was a rich & creamy 𝗳𝗶𝘀𝗵 𝗺𝗮𝘄 𝗖𝗵𝗶𝗻𝗲𝘀𝗲 𝘆𝗮𝗺 (魚膠淮山豬骨湯) soup 🥣 We had 16 between the two of us and was full the whole day 😮‍💨 remember to ask for their 𝘴𝘱𝘪𝘤𝘺 𝘱𝘳𝘦𝘴𝘦𝘳𝘷𝘦𝘥 𝘳𝘢𝘥𝘪𝘴𝘩𝘦𝘴

其貌不揚但食過翻尋味，想試埋其他口味🧐雖然係舊區荃昌商場，但午市時間，門口已經有一堆人等緊，拎完飛四圍行下，睇下格仔鋪，有小時候既回憶，另有一番風味🤣因為有太多款餃子，就試下傳統四併$46，試下唔同味🤤有韭菜、椰菜、白菜同芹菜🥬加上豬肉🐷大大粒啖啖肉🤩肉質厚實，韭菜同芹菜味好香濃👍👍椰菜白菜就略為清淡，浸係魚膠淮山豬骨湯，配少量香辣菜脯，層次分明，香口濃郁⚠️⚠️留意番，粒粒都牛油果咁大粒，食唔曬既唔好嗌咁多，唔好浪費食物💢再嗌埋芝士豬肉煎餃$40/6隻🧀但芝士控都覺得太膩，有啲過鹹，同埋煎得有啲過火，邊位都變黑，一兩舊即可🤭見外賣生餃番屋企煮好抵，$46有一打傳統味，下次方便會再黎試試😌

📍荃灣 Tsuen Wan 呢到嘅餃子應該係我食過覺得最好食❤️🤩 大大粒之餘仲好飽滿多汁☺️The signature large-size dumplings stood out!!!🥰🥟 They are super juicy and filing!!😆-• 粟米香菇豬肉餃 😋餃子皮首先唔會太厚同太薄, 真係啱啱好👍🏻 咬落有咬口😍 份量十足🤩 仲大過個匙羹😙 餡料方面好多汁爆肚, 味道好好食😋💰$50 (8隻）🪄4.8/5 •金菇肥牛煎餃🥟😍呢個真係好surprising😙 餡料首先多牛肉汁爆滿, 煎餃嘅脆邊增添口感👍🏻😆 不過嗌左8隻食到最後真係好鬼飽😂💰around 54🪄4.8/5-🍝麵條方面嗌左上海麵, 無話有咩特別🙈不過個豬骨湯底真係值得讚😆👍🏻 好好飲 同埋飲得出係親自熬製😋

返工Lunch不時都會嗌外賣，其中有間餃子係我公司嘅外賣大熱之選，食過嘅同事都會覺得好好食！不過外賣淨係得湯餃，煎餃要堂食先有，為咗試埋佢個煎餃所以同男朋友去咗店度食~ 呢間嘅餃子大大粒，裡面包咗超多餡，而且真材實料，一啖咬落超超超滿足！除咗餃子有特色，仲要特別推介佢個辣菜脯，做得超出色，超好味，食到辣嘅朋友仔一定要試ar~ 🧡風味三拼（$56/9隻）湯餃湯底有魚膠淮山煲豬骨湯同重慶辣湯可以揀！不過我次次都係揀魚膠淮山煲豬骨湯，因為試過一次就返唔到轉頭，個湯底真係超超超鮮甜，味道濃郁，但飲落好順喉好舒服，超正！餃子方面基本有都試過，其中最鍾意金菇肥牛餃同雲耳椰菜豬肉餃！ 🧡芝士豬肉煎餃（$40/6隻）餃子煎得金黃焦脆，外酥內嫩，一啖咬落滿口滋香！仲有淡淡嘅芝士味，少少芝士唔會好膩，同埋煎餃都會跟一碗魚膠淮山煲豬骨湯，食完都唔會有好熱氣嘅感覺，超正！

荃灣有一間好出名嘅餃子店，午市時候要排隊輪候，生意特別好。今日我哋選咗「紫菜豬肉餃」及「香茜馬蹄豬肉餃」，正考慮要六隻還是八隻呢，因為這裏的餃子非常大隻，包你吃得飽飽的。「香茜馬蹄豬肉餃」好惹味，他們的餃超大仔，餡料豐富，香茜餃有好香濃的芫茜味道而且有馬蹄的爽脆，味道很好。「紫菜豬肉餃」味道好濃，有紫菜的味道好像增添了醬油的味香，我們都愛吃，另外加了上海麵底，湯是用冇味精的魚膠淮山豬骨加上紅蘿蔔粟米等煲成，好好味。

食過幾次，永遠都等好耐，永遠都係要乜無乜。但今次太過份，買兩份外賣等左足足半個鐘，問職員A有未，好唔耐煩話未有呀。再等多五分鐘，另一職員B出嚟話其中一份無貨，仲話叫過我地唔應，我話我一直企係度，啱啱先問完你隔離果位職員A話未得喎。職員B更唔耐煩鬧我，『快啲啦！轉咩呀！』我等左半個鐘你先同我講，逼我轉其他，仲要鬧我，叫我快啲揀？如果唔係朋友堅持食，必定退錢走人。永遠永遠永遠不會再幫襯。態度惡劣，既然客多唔憂做，那就不要做了。

其實都好耐冇食過餃子屋 以前好鍾意食 排好耐隊都要等到為止 不過搬咗屋之後就比較少嚟荃灣呢頭喇🙈 今次再食 質素都同以前食差唔多👍🏻我地嗌咗兩款傳統餃子 兩碟都係嗌8隻 由於驚食唔晒 冇加錢要多個上海麵或者米線🙊 其實加幾蚊有個麵底都抵食嘅煎韮菜豬肉餃 呢碟等得比較耐 因為即叫即煎 非常香口 一咬落去真係有食餅乾咁脆嘅聲音😍 又多肉汁流出嚟 不過食嘅時候真係要小心啲 啲汁好熱 唔小心嘅話會燙親😂雲耳椰菜豬肉餃 呢碗係湯餃 份量真係好足料 一隻餃子甚至比一隻匙羹更大😮 個湯底都值得推介 更有湯料粟米 紅蘿蔔🥕 之前有一次更食到有一大塊魚膠俾我地🙊 我個人比較鍾意個湯餃😺 不過店面都幾熱 食呢啲熱辣辣嘅餃子 真係食到滴晒汗🥵 同埋坐得唔太舒服 始終店面較細 但食物質素真係唔錯

之前大肚一想食餃子嘅話都會黎呢度食同埋最重點係飲佢個花膠魚湯，因為冇落味精之餘又好味道因為呢間鋪頭出名個魚湯同餃子大大隻又好味道，所以平時鋪頭門口都會一堆人排隊，所以每次都有心理準備會預早黎排定隊尋晚收工之後又好想食餃子所以約埋老公過黎一齊食，我地叫左一個淨6隻雙拼煎餃一個6隻雙拼水餃米線，味道同之前食嘅一樣咁好，湯嘅水準仍然保持到，正👍🏻

今日下午做完Facial，諗住簡簡單單食個下午茶，路過呢個商場，見到門口好多人排隊，心諗咩料啊！超細間的舖頭但係不停坐滿人，我就等位試吓囉，一人排隊等咗大約10分鐘，好興奮咁叫咗一個新嘅菠菜豬肉餃，好彩我叫咗細的是六粒，碗餃子來到嚇親我，超級巨型，本來諗住叫八粒，好彩心諗叫六粒試吓先。我試吓啖湯，原來係魚膠魚骨湯，雖然個湯沒有魚膠，但係香噴噴，有紅蘿蔔有粟米配搭，仲有一碟辣菜甫送埋比我，個湯真係好好味😋跟住再試吓啲餃子，果然零舍唔同，排隊都係值得。真心推介一定要去試吓👍買生餃子都唔錯平靚正👍

每次到荃灣見客一定會來走一轉，外賣又好堂食又好總會幫襯下。中午1:40 人龍較少，不過都要排隊 5 分鐘都可以喇！🥢新品推介菠菜豬肉餃，好大隻餃子覆蓋整隻大湯匙，一碗六隻巨餃都只係 $36 超抵食。👍先喝啖魚膠淮山豬骨湯濃而不膩啖啖魚膠香氣，一匙滋味在心頭。🤣🤣好似誇咗少少不過堅好味😋👍菠菜豬肉餡包得實一實份量十足，味道可口。👍👌

朋友介紹荃灣有間餃子好好食，終於一試。可能出名好好食，所以去到餐廳都好多人，環境都有少少逼夾。不過冇所謂啦咁先有風味呀嘛。每人叫咗一碗餃子，一碗京蔥羊肉餃，一碗韭菜豬肉餃。呢間餃子專門店都算專業，又可以湯，又可以煎。而且湯底仲有兩款湯底可以選擇，不過真心推介佢個豬骨湯底，我食到連湯都飲晒。佢嘅餃子好大粒，一咬入去入邊啲肉汁bit晒出嚟，食六隻基本上已經好飽。哈哈。仲有另一個驚喜，就係佢嘅自家菜脯，好好食。如果大家鍾意食餃子嘅，冇理由唔試呢間掛。