餃子屋

营业中

休息中

朋友介紹荃灣有間餃子好好食，終於一試。可能出名好好食，所以去到餐廳都好多人，環境都有少少逼夾。不過冇所謂啦咁先有風味呀嘛。每人叫咗一碗餃子，一碗京蔥羊肉餃，一碗韭菜豬肉餃。呢間餃子專門店都算專業，又可以湯，又可以煎。而且湯底仲有兩款湯底可以選擇，不過真心推介佢個豬骨湯底，我食到連湯都飲晒。佢嘅餃子好大粒，一咬入去入邊啲肉汁bit晒出嚟，食六隻基本上已經好飽。哈哈。仲有另一個驚喜，就係佢嘅自家菜脯，好好食。如果大家鍾意食餃子嘅，冇理由唔試呢間掛。

「餃子屋」————————————————店鋪地址：荃灣西樓角路202-216荃昌商場1樓58號舖————————————————餃子屋我已經食過幾次 每次舖頭門口都人頭湧湧, 好多人等外賣或者等位!!!🥲🥲所以要食到餃子屋🥟亦都唔容易!!! 今次,叫咗自己最鍾意嘅韭菜豬肉餃, 我揀咗煎餃 都會有一碗好好飲嘅魚膠淮山湯個湯真係好好味而且飲完唔會頸渴!!叫親餃子都會有一個辣菜脯比我哋食 , 將菜脯加埋餃子一齊食! 係絕配💯今次仲嗌左一個小食 —— 豬耳 不過始終都係餃子先係主角!!!

又去左呢個商場搵野食，之前都經過呢間餃子店但無食過，次次都坐滿人，今日經過突然想食，所以就試下，等左一陣就有位，不過d位就有d迫都幾多選擇，今次揀左一個煎餃一個湯餃煎既揀左雲耳椰菜豬肉餃，好！大！隻！咬落去好足料，煎得好香，有雲耳同椰菜感覺無咁膩，$42蚊8隻好抵食！呢個係跟煎餃黎既湯，魚膠淮山煲豬骨湯，好香魚味，都幾好飲另一個揀左咖哩薯仔豬肉餃，因為唔知d餃咁大隻所以仲加左淮山麵呢個幾特別，個咖哩似印度果種咖哩味，有少少辣，味道都幾濃，再加埋個淮山麵，真係好飽飲品選擇唔多，點左一枝黑豆漿，順帶一提，隨餃子送既菜脯幾惹味下次再試下其他餃先

今天和隻🐽女朋友出去搵野食，甘岩商場經個餃子店就入左去，雖然係一間平凡小店，但人流非常多，叫外賣嘅人亦都好多，感覺係一間好有口碑嘅老店，最後當然不失所望！ 我就叫咗個香菇木耳雞肉，叫咗八隻，都非常之大隻完全飽肚，價錢非常合適。最重要係佢啲湯好好飲全部都係舖頭自己整，冇任何味精。正！ 隻🐽lady 就食佢最愛的煎餃，呢到哋煎餃子好好食 呢哋餃子既皮都好脆口 食落去香辣有嚼勁好特別Wow，個味道真心好好，食得出有媽媽整的味道， 雖然比不上啊媽煮既 ，你哋根本食唔到 不過都係要推介一下🤣🤣🙏🏻🙏🏻🙏🏻

唔知點解會上左神枱，真係唔岩我地食🙄。直接講問題係邊，煎餃好似炸餃咁油，麵唔好食，餃子啲菜好鞋口。就係因為啲人講到天上有地下無咁，就算要排隊排20-30分鐘，我地都當試一次啦😭。辣炸菜 比其他野好食煎京蔥羊肉餃 $44/6隻煎餃好似炸餃咁油，每一啖都係油，上碟後可睇到碟底有層油🙄。隻餃大隻就大隻啦，但餃皮邊好硬，硬得黎唔脆，煎都煎得唔脆😣。可以用鞋口去形容啲京蔥，咬唔爛架喎，一路食一路諗，到底點解會比人讚到咁😩。湯芹菜豬肉餃 $36/6隻^加$8要左碗上海麵啲菜又係咬唔到，發生咩事啊😕。好彩啲湯好飲，可以話係唯一一樣我地讚既野！上海麵好淋，成餅野咁。。。平就平既加$8就有一碗🤓，好唔好食就見人見智😂。埋單$88（無加一）

訓醒心血來潮想食餃子🥟任性決定搭1個鐘車出去荃灣陪男朋友回味下佢誠意推介呢間巨高質餃子店。等左半個鐘餓死之前終於食到😇😇🥟湯餃 香茜馬蹄豬肉餃拼京蔥羊肉餃 $54 佢嘅湯係純正豬骨加紅蘿蔔同粟米熬製 成個湯十分濃郁 完全冇加任何味精 就咁飲都可以 餃子方面佢哋真係做到皮薄餡靚 香茜豬肉餃有香口既芫荽味加上脆身嘅馬蹄 伴隨着滿滿嘅豬肉 咬落去湯汁就爆出來 而京蔥羊肉餃既羊肉唔會騷 加上京蔥嘅香味鍾意羊肉個朋友一定不可以錯過 不過京蔥羊肉果然還是用煎的比較能帶出羊油香🥸🥟煎餃 芝士豬肉餃拼香辣豬肉餃 $46 叫咗煎餃嘅朋友 店家都會附上一小碗佢哋熬製嘅老火湯 所以冇嗌湯搞嘅朋友都唔使擔心錯過佢哋咁好飲嘅豬骨湯 佢哋嘅煎餃同湯餃一樣都係大粒且皮薄餡靚 而且煎得十分香口又唔會油淋淋 芝士豬肉煎餃嘅芝士味濃郁 而香辣豬肉就類似韓國嘅辣炒豬肉咁 佢嘅辣味濃郁香口伴隨着豬肉碎包落餃子入面再煎熟 直頭將韓式辣炒豬肉嘅味道帶到餃子入面融合為一體十分之 佢哋仲會附上一人一小碟嘅自家製辣菜脯 帶一點點香辣 食落好過癮😆不過平民小店，加上生意興隆，如果係想食環境食舒適就要諗諗啦～整體評分：好味指數性價比回頭指

餃子選擇相當多，有傳統有新式，芝士控要試芝士煎餃。湯餃的湯底是無添加味精的老火湯，十分滋補。餃子餡料份量十足超大隻，細食既女仔建議不用加麵底已足夠。芹菜豬肉餃💰約36/6隻🔸魚膠淮山豬骨湯，湯底非常濃郁的老火湯，超足料好飲🔸肉汁豐富🔸餃子餡料份量十足超大隻雲耳椰菜豬肉餃💰約36/6隻＋💰8米線🔸重慶湯底🔸肉汁豐富🔸餃子餡料份量十足超大隻‼️ 需長期排隊等候，上次夜晚9點幾去到都要等位‼️ 小食辣菜脯，好惹味‼️❌加一服務費🙂餐廳座位窄小🙂性價比高

我飽飽飽飽了～😋💕屋企人食過兩次都覺得好食 今日提早慶祝父親節，我請食飯 佢哋食第三次喇🤣嗌咗韭菜餃同芫茜餃，加咗個8蚊嘅淮山麵~好鍾意啲大大隻又多菜嘅餃子!!🥰好豐富🤩(睇你哋鍾唔鍾意多菜少肉喇🙈)淮山麵麵條好幼身😊煎餃就係豬肉煎餃，脆脆哋good good~ 個湯底最正⭐⭐⭐🤤🤤🤤聽講係冇味精嘅清湯， it tastes so good 我都飲咗唔少✨👍🏻價錢平均每個人50蚊啦，都幾ok呀！坐嘅話就確實一般D 衛生各樣就還好。

一向都好中意食餃子，睇網上面有好多人都推薦荃灣呢間餃子店，於是就專程嚟試下😋😋太耐無食煎餃，所以就叫左碟羊肉煎餃加上海麵。餃子好大食，而且好脆卜卜，入面亦好多肉汁，的確係幾好食，不過如果佢多返少少羊肉就會更加好食，感覺佢蔥太多🥲🤧🤧希望餐廳有待改善。

這間餃子店很久以前我們品嚐過一次，它的羊肉餃直到現在我還念念不忘，剛巧今天我和老公來到荃灣逛街，所以晚上的時候便來到這裡吃晚餐了可惜的是，我想品嚐的羊肉餃和雞肉餃一早已經售罄了，最後我們只好退而求其次選擇幾款傳統和新式的豬肉餃子，分別是傳統的韭菜、白菜豬肉湯餃以及新式的芝士、紫菜豬肉煎餃No.1【韭菜豬肉餃】$36 (雙拼)湯餃有兩款湯底選擇，而我今次則點了魚膠淮山湯，由於魚肉的精華完美滲透進湯水中，所以我們滿口都充斥著濃濃的魚香之餘，同時亦嚐到一絲絲淡淡花膠的氣息，芳香四溢，香飄十里，餘韻更在口中久久不散，美味得讓人吮指回味，一試傾心！另外餃子皮都算薄身之餘，質感亦微微煙韌彈牙，內裡的豬肉餡料則十分嫩滑可口，鮮美多汁，至於韭菜亦香濃惹味，色香味濃，小口品嚐的時候，淡淡的豬肉韭菜氣息便迴旋在口中，咸咸的，香香的，口感細膩而綿延，讓人口舌生香，回味無窮No.2【雲耳白菜豬肉餃】$36 (雙拼)可惜白菜餃的味道便略遜一籌了，白菜不單止缺乏蔬菜的鮮味，亦欠缺了清新爽口的質感，導致味道相當平平無奇，完全沒有驚喜的感覺，下次我還是品嚐椰菜豬肉餃算了No.3【紫菜豬肉煎餃】$46 (雙拼)老公貪新

帶媽咪去食我好掛住嘅餃子屋！不過唔知係咪星期六人多，等得耐就梗焗㗎啦！但係原來質素都會差啲㗎今次有三個人，可以試多啲味！試咗紫菜餃，辣豬肉餃，辣豬肉就比較普通，紫菜餃果然係幾好味！阿哥介紹嘅！不過煎嘅就會熱氣少少，我自己都係鍾意皮滑又飽滿嘅湯餃～ 下次可以嗌紫菜湯餃！今次終於可以食到有料嘅湯底！上幾次食都冇，不過有冇都係睇運氣啦！原來佢個粟米都好甜㗎喎！以為會冇晒味同埋今次真係好好彩，有好多豬筋喺度上次記得食個羊肉9號出嘅味，無論係洋味定係京蔥味都好正好鬼香，今次我哋三個人都覺得冇乜味，好平淡！可能因為人多所以質素差咗？加上佢個九上枱已經有幾粒穿咗，似係煮得太熟冇睇火喉！其實我哋等半夜上枱都等咗成三個字，又等位到入座差唔多要50分鐘先有嘢食今次個羊肉餃好令人失望啊！另外佢個馬蹄芫荽豬肉餃都係一樣嘅問題！美好平淡得來，我嗰粒冇乜馬蹄，但係阿媽胃口話佢食到一粒馬蹄，點解啲餃子嘅餡了今次會做得咁差嘅雖然係咁，我都仲係好鍾意食嘢，因為佢嘅賣點真係好大粒但係今次真係扣好多分，希望下次唔會係咁，如果次次都係咁唔知會唔會令到我唔想嚟食呢🤣仲有兩種味就係，咖喱餃同埋三色蕉，上次食過三色蕉覺得好味，所以

今日經過荃灣，唔知早餐食咩好兩個人一於去餃子屋試下 上網睇食評好似好推介，我哋兩個人叫咗八隻白菜豬肉湯餃同埋八隻韭菜豬肉煎餃餃子嚟到非常大件，餃子多汁多餡個湯先非常好飲，飲得出完全冇味精有住家媽媽嘅味道👍👍唯一嘅缺點地方比較細 同埋都坐得好迫，冷氣一般般，呢排天氣太熱🥵🥵🥵不過呢個價錢加質素🤩一定有下次😏

下午3時左右到達店舖，門前已有人群聚集。假日繁忙時間也不敢奢望有良好服務態度 😬。我和友人在cashier前站了一回也無人理會，由於我們是首次光顧，未知需否取票，於是問了一下男店員。他非常冷淡地說「要取票，92號」。😆😆 已經很感恩 因為他樣子很兇，我和友人糾結了數分鐘才敢招手問他。幸好沒有被他罵之類的🤪。2人輪候時間快很多，我們只等了大概15分鐘便可入座。只是商場走道狹窄 不便排隊，生怕阻礙到鄰近店舖做生意😅😅 而且大熱天時 在焗促的商場排隊 要是餃子不好吃 我很可能會手刀劈我的友人吧🥵我們被安排坐在門口的位置，可想而知，是大汗搭細汗的最佳位置。店員頗多。一舉手，她們很快便來下單了。 下單過後，她便詢問我們要不要菜莆，我也爽快地回點了頭。 其實本人並非菜莆愛好者，我不喜歡鹹辣鹹辣的。而剛好，餃子店免費提供的是甜辣甜辣的，很開胃！搭配煎餃，湯餃吃也沒衝突感，一絕！我們點了8隻粟米香菇豬肉餃 （湯餃）、8隻芝士豬肉煎餃、雙併咖喱薯仔豬肉煎餃和紫菜豬肉煎餃（各4隻）。粟米香菇豬肉湯餃配豬骨湯🥟🐖🍲湯頭鹹鮮鹹鮮，粟米和蘿蔔的甜味在舌尖散開，讓人一口接一口！湯餃很紮實，用料很足，一顆餃子需要3

雖然由細到大一直都住喺荃灣，但係次次經過餃子屋都咁多人，成日都覺得餃子有咩咁巴閉可以咁多人排隊等，所以次次都係過門不入🤣🤣✨✨直到有一次，朋友過海過嚟都話指定要去食呢間餃子屋，仲話唔介意先去排隊拎飛等位。✨✨結果真係名不虛傳，食完會上癮。大大粒餃子🥟又有多款口味可以揀，又可以雙拼，仲可以自選煎餃定湯餃。✨✨所以而家中午放飯，提早半個鐘就派一位同事先去拎飛🤣🤣✨✨推介羊肉餃，冬菇粟米豬肉餃，韭菜餃

🥟此店藏於毫不起眼的商場裏 但店外經常站滿人龍 皆因餃子是店家親手製作十分足料 較坊間一般餃子大很多👍🏻除了多款湯餃外亦有煎餃 湯底更是自家煲的老火湯 完全沒有味精 清甜的味道令人回味無窮🤩