餃子屋

营业中

休息中

餃子屋位於荃昌商場，商場人流不算旺，但唯獨是這間舖無論什麼時候都企滿人，總是很多人在等位入去堂食，亦有不少人等外賣。這小店的舖位不算很大，座位比較迫，環境不算很舒服。但是，它最吸引食客的一定是食物的質素。餃子是其中一樣我最愛吃的食物，吃過這間店的餃子都不用再吃其他的了。餃子屋的餃子有多種餡料可供選擇，而且價錢合理，$38-$52，可選6/8隻，如果想試多幾隻味，還可以選擇雙拼，不用加錢。食客可以選擇湯餃或煎餃，隻隻都拳頭咁大，加$8仲可以加淮山麵，包你食到飽飽。而且餃子和湯底用料絕不馬虎，用料十足。湯底是魚膠淮山煲豬骨湯， 好彩仲會有粟米和紅蘿蔔湯料，味道濃郁，超級好飲。今次叫了雲耳白菜豬肉拼菠菜馬蹄豬肉湯餃，和粟米香菇豬肉拼京蔥羊肉煎餃，加淮山麵，配特製香辣菜脯，十分美味。餃子屋的餃子絕對值得一試，而且令人一試回味！🥟😋

今日同女朋友終於出下街食飯，專登走左黎荃灣食餃子。叫左2碗湯餃，1個煎餃，1個涼拌萵筍。餃子味道都還可以，味道偏淡，好大隻。湯都清甜，聲稱冇味精，不過應該唔係完全冇。問題就出係個筍度啦，涼拌萵筍係口水汁。味道好插，完全冇曬萵筍味。不過都唔係重點 食完餃子返屋，返咗屋企就同女朋友開始出現肚屙情況。回想番應該淨係得萵筍有一齊食過，懷疑呢個萵筍放左好耐，攪到出事。絕對冇下次。大家都醒目唔好挑戰啲涼拌野😭

成日經過這間餃子店，見店舖細小又坐得幾迫，但都超多人排隊，好奇心驅使我都試試。店舖餃子款式非常多，有分煎餃和湯餃，跟配魚膠淮山豬骨湯或重慶湯底。我今次選擇了粟米香菇豬肉煎餃，配魚膠淮山豬骨湯。一碟六隻煎餃超大隻！外層非常香脆，裏面餡料超多，肉都醃得入味，超多汁。魚膠淮山豬骨湯我加了上海麵底（$8），豬骨湯底真材實料，味道非常濃郁，而且好有膠質仲有吸收了湯精華的紅蘿蔔，麵條亦都非常入味。

呢間餃子店已經食過好幾次，次次都好多人排隊！但最近疫情嚴重咗，lunch hour都冇乜人排隊，等咗大概10-15分鐘就入得😆我同男朋友每人嗌咗6隻煎餃+1碗麵+1枝豆漿+(仲會送一碗湯)，兩個人食已經好夠飽～而我地兩個都只覺得佢嘅煎餃比湯餃好食🤣(可能我地都鐘意食煎炸熱氣嘢～想特別推介11號紫菜豬肉煎餃🥟✨✔️皮薄+脆口！✔️食得出有紫菜嘅香味，好特別！✔️好Juicy！！食每一啖都有汁！‼️一定要記得配埋佢嘅香辣菜脯！！加埋一齊食甜甜地辣辣地，食起上嚟都冇咁油膩‼️

本來想到附近睇跌打，到來才食閉門羹，肚子餓了，見此店小小，卻高朋滿座，試一下無妨。最後點了個傳統四拼。首先湯底係ok嘅，有件粟米甘荀，話有花膠煲，當然食就食唔到，個湯都唔見得有花膠煲過嘅質感同味道，但豬骨就落得足嘅。四款餃子，老實講都係調好咗個肉餡，再加其他料落去，所以其實唔洗揀呢個雜錦架啦。肉餡都算調得好，唔鞋有汁，皮薄餡足，整體都算高分。菜甫要問先俾，一茶匙咁多，稍見孤寒。整體而言，性價比算高，當然唔好坐又無服務架啦，難怪咁多人外賣。

專程到荃灣為左品嚐聞名已久的餃子店, 一去到已經見到門口排滿人等位, 等了最少二十分鐘後先有位. 湯餃同煎餃各有特式, 所以叫哂兩種食法試下分別. 湯餃白菜豬肉併紫菜豬肉餃, 水餃大大舊頗有份量, 咬落去肉汁鮮甜, 白菜同紫菜味都好食, 配埋魚膠湯底夠濃好好飲. 煎餃就栗米豬肉併菠菜豬肉餃, 餃子皮煎得都好香口, 如果鍾意食有咬口的栗林豬肉餃會係不錯的選擇, 叫煎餃同樣會附上魚膠例湯一碗, 所以唔會食到口乾. 我覺得因為餃子皮相對較厚, 湯餃更能食到餃子餡的味道而咬落又會軟身啲, 所以我比較喜歡湯餃.

🔖餃子專門店🥟呢間餃子店真係任何時間都排緊隊😅平日8點幾去食都等左兩張枱。大大隻既餃子依家周街都係，呢間都係大大隻唔例外🤩如果叫湯餃湯底係老火湯，見好多人都係成碗飲哂！都真係幾好味！佢d香新菜脯好好食，勁香口，辣辣地，細細粒咁食好過癮。🍽芝士豬肉煎餃 $40/6隻熱辣辣煎起，一上枱都唔敢食住😅 咁大隻餃黎講佢既皮其實係好薄，仲煎得好脆！一咬落去好多肉汁！！淡淡既芝士香味加上啖啖肉，好juicy!! 入面仲有d椰菜，增加左口感！煎餃黎講略嫌多左少少油。🍽粟米香菇豬肉湯餃 $50/8隻粟米香菇豬肉3樣材料都好足料，又係隻隻咁大！始終湯餃無落油，食多幾隻都無咁膩🤣💡呢間係我暫時最鐘意既餃子🥟😆😋食物：️8.5/10🤵🏽‍♂️服務：8/10🍴環境：7/10💰人均消費：$50🤩性價比：9/10

🍴荃灣餃子屋次次經開都有好多人圍住等，不論等位定第外賣🥟 週末午膳時間等位大概15-20分鐘左右。餃子出名大粒同足料，而且湯底係老火湯，魚膠淮山豬骨湯。飲落鮮甜，魚膠味突出。叫咗兩款餃子，都係湯餃。🍽香茜馬蹄豬肉餃咬落去充滿芫茜，芫茜控一定要試下，馬蹄好麥口，令餃子口咸豐富。🍽粟米香菇豬肉餃個人認為呢個口味比香茜馬蹄豬肉餃好食，比起芫茜，呢隻餃淡味啲，易入口。加上特製辣菜脯，令餃子變得惹味。PS. 我地今次係叫左8粒湯餃，食到第6粒已經有飽肚感了，食埋第8粒簡直飽到上心口🤣所以6粒係剛剛好。

餃子屋，好多人排隊🤣聽聞好好食，打算一試探究竟有幾好食🤪 由於太多人，所以安排左我地去後巷入面嘅房子，環境唔好指意係乾淨😂不過接受到嘅😌起碼無見到昆蟲🤣 咁就同fd share一個叫煎芝士肉餃子🥟同一個湯餃（唔記得咩味，好似韭菜） 煎餃會有碗湯🥣提供，個湯我揀左🐟湯，個湯好好飲，鮮甜😍到個餃就好鬼大舊真係🤣但我都係鍾意食返d細隻嘅煎餃，無咩汁鎖住，味道可能我有問題😂我真係覺得麻麻地 湯餃，試左我fd個個，都係等於餃子變大版😂但喜好d細隻多味，可以咩都食下，不過不失🥸 整體黎講，多人排隊懶得排，價錢平民都，份量大，味道一般😀，如果係肚餓得滯，對食物又無太大要求，又想飲好飲嘅湯，又想唔太貴，正正適合😊

平時已經好鍾意食煎餃，所以我地今次都叫左煎餃，極度香脆，並且係比想像中大粒好多，餡多到以為唔使錢嘅程度，尤其推薦京蔥羊肉餃，好正，一啲都唔會騷，咖喱薯仔餃都好特別，一咬開就爆曬汁，高質！

等候時間加坐低只係用了15分鐘，但係點完餐後，竟然等咗40-45分鐘，中間等餐等了20至25分鐘時，已經同店員講還未有野食，一般呢啲舖頭都是想客人快啲食完快啲走，我都係善意提醒佢我嘅餐未到，店員同我講是正常時間，我再等了15分鐘，還未有嘢食，因為隔離枱俾我遲坐低，已經差唔多食完，再問店員時，店員竟然反問我究竟是點了什麼餐，當時已經感覺不耐煩了，感覺他們完全忽視了我這個客人，覺得沒有幫我下單，當我詢問亦沒有幫我跟進，所以對店員說我唔想再食了，第一次同店員講唔想食，店員直接忽略我的回應，第二次再同店員説我沒有時間不能食要取消，店員竟然說你要等多15分鐘，我第三次強烈要求取消真的不能再等，因為他們在浪費我的時間，服務員態度非常差，我就是這樣用了一個小時的時間等候，即是餃子再好食，也不能這樣對待客人，未來也不會再到此店幫襯。或者這是我個人不幸運，不過此店的服務態度真的十二分需要改善。

超鐘意食餃子嘅我，已經一早食過好多間，銅鑼灣、觀塘、太子、深水埗、荃灣... 有人推介又出名嘅我都會去食，有啲真係好食到會成日去去荃灣我必食呢間餃子店，次次門口都好多人排隊，外賣一樣多人，要食嘅話就早啲嚟等位啦～🥟京葱羊肉湯餃🥢💰$44/6隻好多水餃舖嘅湯都可以飲埋，而且仲係老火湯又濃味嗰啲～呢間都唔例外，係魚膠准山煲豬骨，味道夠老火又甜，飲晒成碗都飽晒😋餃子大粒又好味，饀料多👍🏻🥟芝士豬肉煎餃🥢💰$40/6隻呢間芝士餃真係好好食！勁多芝士仲要溶溶哋！我真係經過親必食！好想學佢包餃🤣饀好味夠味，皮薄👍🏻但呢間煎餃略油，如果佢煎得好啲會感覺良好啲，但佢太好味所以都🉐推介🉐呢間真係款款都好食，但太多人啦，有時買返屋企煲仲好👍🏻💰$84/2ppl🚩餃子屋 (荃灣)📍荃灣西樓角路202-216荃昌商場1樓58號舖

真係名乎其實，這間餃子店嘅餃子超好食，仲好鬼大隻添。每個餃子充滿餡料，不論你叫煎定湯，都一樣好食。今次食一碟韮菜煎餃，一個白菜煎餃加上海麵，一個羊肉湯餃加麵，兩個人食，真係食剩嘢，但又真係想食，但係都食唔落。我哋揀上海麵食，都算爽唔黐牙。同八卦問師傅一日做幾多，佢話一個盆就60隻，一個雪櫃睇嚟，應該都有20-30間，一日做三轉，都有成萬隻喎！

餃子屋傳統四拼風味三拼三式煎餃湯咖哩薯仔豬肉餃6隻價錢💲: $46/ $56/ $50/ $42好味程度😋: 4.3/5服務🍴: 3.5/5環境🗾: 3/5性價比🥢: 4.3/5回頭率😚: 4/5-荃昌中心呢間餃子店係餃子關注組好出名，平日晏奏去都有機會要等下，因為店鋪細細，估唔到臥虎藏龍。大食的我表示食6隻竟然會飽😱-✅風味三拼煎餃子🥟。煎餃大隻但比較油膩，已經去到小小似炸咁，所以千奇唔好叫晒煎‼️ 粟米豬肉餃，粟米好多好甜，同豬肉的味道幾夾😋香菇木耳雞肉餃好爽口，但成個味道比較淡🧐 三色椒餃就好睇你中唔中意三食椒陣味啦，我就唔中意，食完成日有胃氣😂-✅三式煎餃。芝士煎餃的芝士味都幾濃，好味😚 紫菜豬肉餃都食到紫菜味，但成個感覺唔係好夾🥶香辣煎餃都唔太辣，正常水準。-✅傳統四拼(湯)。佢地的餃不得了❤️ 係魚膠淮山豬骨湯，有淡淡的沙魚骨味而超鮮甜🤩 冇味精，仲要係熬到奶白色咁，濃味又唔口渴🥳 韮菜同芹菜仍然係我的最愛，因為呢2款菜比較香口重味，做餃子餡會香啲。另外的白菜同椰菜都ok，特別椰菜口感幾爽脆😙-✅湯咖哩薯仔豬肉餃。呢個係好食同特別d的餃🤤 食到薯仔的軟綿帶小小顆粒，再有濃濃的咖

朋友成日話要帶我去食嘅餃子店，終於有機會食到啦果然係冇介紹錯，一去到門口已經好多人排隊🙈🙈好彩佢哋有識食開，有得去後門坐，好快就有得食😌😌今次叫一共叫咗五款餃子🥟三款放湯兩款煎餃，全部都大大粒😜食完超級飽🤪韭菜豬肉湯餃朋友大愛韭菜超多非常重口味，湯底一流，感覺冇咩味精，但有好好飲😊白菜豬肉餃拼咖喱薯仔豬肉餃白菜豬肉餃正常冇乜特別，咖喱薯仔豬肉餃就有啲奇怪🤔，可能食唔慣而且放湯好似污染左個湯咁，味道一般🤭芝士豬肉煎餃拼紫菜豬肉煎餃從來未食過紫菜豬肉餃好新奇，意想不到嘅味道，好好味😋外皮煎得好脆，咬開超多汁👍🏽👍🏽估唔到係咁好味，芝士豬肉煎餃味道就比較濃😀啱晒重口味嘅人🤪每一份餃子都會跟辣菜譜，呢個又係必食既，唔算好辣，咬落爽脆，配埋餃子食一流😋😋下次有機會去開荃灣，記得要去試吓😋值得推介👍🏽👍🏽👍🏽👍🏽