養心殿台式養生鍋 (已結業)

好鐘意黎打邊爐因為佢地湯底特別 又足料食材一定最新鮮以前食過麻辣同其他養生鍋今次試下酸菜白肉鍋入面既酸菜同豬肉都好足料豬肉好薄片好入味另外火鍋料就叫左嘉美農場雞肉蟹籽墨魚滑白玉蘿蔔萵荀雪花一口肥牛粒嘉美農場雞肉好嫩滑煲耐左都唔會肉質變硬雪花一口肥牛粒賣相好靚肥瘦有致提議落去滾幾滾就可以食唔使煲咁耐蟹籽墨魚滑又係我每次必叫非常彈牙 又索哂d湯好味道另加讚佢地既自家製杞子菊花圓肉露非常足料 飲完覺得好滋潤又唔太甜好過飲其他冇益既飲品

最愛打邊爐養心殿❤️每次黎都一定係叫麻辣鍋🌶辣度可以自己選擇👍🏻我每次都會叫小辣🌶如果唔夠辣可以叫店員再加辣🌶🌶🌶麻辣鍋入面已經有鴨血👄仲可以免費再添加👍🏻👍🏻鐘意食鴨血既朋友 食鴨血都可以食到好飽😂另下叫左手切牛肉細 炸午餐肉 黑柏葉 響鈴鮮蝦滑 韮菜餃😎牛肉一向都好食🤘🏻炸午餐肉比較咸🙊蝦滑同韭菜餃都必點😍黑柏葉好快熟 烚一烚就要食如果唔係會好硬😂最後一定要叫返個寛粉條🍜配麻辣湯真係好好好正 👻好入味🥳🤩無論食到幾飽最後都一定要叫寬粉條😏好出色👍🏻🤩

補身火鍋店好友一直很喜歡 養心殿打邊爐。 剛剛她知道我很喜歡藥材湯底， 邀約我一起試試尖沙咀間分店寧晨養生鍋女人唔補好易老，我哋兩個中女都好明白所以一定要叫這個川芎白芷圓肉烏雞魚頭火鍋底補補主菜前都可以先飲返兩碗濃濃補身湯甜不辣第一次食這個小吃，有點似炸魚餅或蝦餅的口感， 點上小小茄汁，可以當火鍋前的前菜炸午餐肉又是可以另一個當餐前小食的菜這樣厚的午餐肉一定在其他火鍋店找尋不到的手切牛肉牛肉味極濃，配上濃郁的火鍋湯底，任何調味都不需要落已經很夠味脆炸響鈴看落厚身又粗還以為會硬繃繃，但滾 30秒已經淋曬入味， 食多兩嚿都唔會覺得滯蟶子皇海鮮最緊要新鮮， 大大隻的蟶子皇， 一分鐘已經熟透，很鮮味什錦蔬菜盤真係冇得輸，粟米，雜菇 ,菜都有兩款， 又有青葵， 最重要全部都很新鮮洗得也很乾淨。自家製沖繩黑糖烏梅汁酸酸咪咪又大渣 ,抵飲

夜晚收工同幾個同事去左棉登徑呢間火鍋店，夜晚9:30有7折好抵，除左海鮮同啤酒外其餘都有折，食物新鮮，牛肉好好味，叫左個鹽酥雞粒好正送啤酒一流不過份量好多，4個女仔都食唔哂，叫左個一半養生鍋湯底夠滋潤養顏，入面湯底內有材料、蜂巢豆腐好入味，另一邊叫左麻辣湯底，越食越辣不過好正，因為我超鐘意食辣叫左麻辣鴨舌都好正、蝦滑各丸類都ok，不過無我最鐘意食既支竹、每次打邊爐我食好多支竹所以叫左個台灣豆皮，超入味因為係地牢,餐廳會有wifi提供夠貼心

今日去左食晚飯 你都知佢不單止冇比茶 漿料亦都冇提供 到買單嘅時候 佢竟然又收我茶芥 我好奇一問你哋同事都冇比茶我你望吓枱面都冇茶點解仲要收茶界 佢就答我我哋冇比茶你但係我哋都會照收茶界錢 我覺得好莫名其妙囉 有乜理由咁樣答我 服務態度又差 真心嗰句尖沙咀大把打邊爐啦 同埋有閉路電視 店員都可以查返佢哋自己員工真係冇俾個我哋 佢個麻辣鍋勁多味精 食完超口渴 因為我哋坐房嘅關係所以叫服務員都係禁鐘 但係禁極都無人應 我覺得比咁嘅價錢咁嘅質素同埋服務態度真係非常差

諗住話同同事farewell, 開開心心咁一大班人打邊爐，見呢度又可以唱k 咁創新，一入到去，成陣廁所的氣味，原來廁所同K房好似本地k場咁同一間房，但點解人地K場啲房唔會咁，呢度又會咁？試諗諗當你係一個連電話收唔到既地牢位置，肥牛同埋湯味兩種一啖砂糖一啖_既情況下打邊爐，會係一種咩野既境界？個湯同野食幾好味都無用啦，其實食過將軍澳分店，衛生真黎講真係比呢一間好得多多聲，下次都係正正經經去唱k了，唔好貪一雞兩食好了

朋友介紹第一次黎呢度食火鍋，其實見呢度越開越多分店，都知應該唔會太差，估唔到有驚喜，樣樣食物都新鮮好味，湯底更是一絕，一連飲左兩碗寧神養生湯，好足料，讚！有半隻烏雞，藥材也很出味，有誠意的湯底！👍

喜歡養心殿的我真的想每間分店也試試。初到尖沙咀 位於棉登徑 這間分店 寧晨養生鍋 夠曬足料，淨係飲湯都飲飽因為湯底是有川芎 ,圓肉，魚頭還有竹絲雞 ,喜歡中藥藥材味的這個一定一定要試手切肥牛(細份)一上碟 已經覺得好靚無論切割方面和質地。食落一啲也不簡單，薄薄的，但超濃牛味即炸脆響鈴點解好似比之前粗碌咗呢！ 但只需滾滾15秒已經淋曬即炸五餐肉又是我的必食之選，平常火鍋店吃午餐肉總覺得很不化算，但養心殿的午餐肉切得厚厚，又經過炸，肚餓一族可以即食。黑松露丸/雲吞/韮菜餃最出眾的是黑松露丸， 黑松露的香味 從丸子裏爆發出來

又黎食養心殿，尖沙咀呢間養心殿好就腳，係尖東站出，k11行幾分鐘就到，十分方便。叫左個寧神養心鍋，好大鍋，d湯非常香甜。$168的湯底入面仲有雞及魚，好足料，十分抵，仲好好飲。d雞好香好滑，跟湯飲好好味。其實食完d雞同魚都已經飽飽地，個湯底入面好足料，絕對值168元。👍飲完湯就打邊爐，叫左雪花肥牛，蟹籽墨魚滑同菜。霜降雪花肥牛，入口牛肉味濃郁，食落口感很好味。墨魚滑十分彈牙及鮮甜，食到非常飽😁

「養心殿」特色之一就係湯底，我揀左「養生鍋」，菜單上寫有名貴藥材及人參，好吸引呀。而湯底真係好足料！堅有好多藥材同人參，感覺幾滋補養生，女生推介！手切牛肉牛肉味重而有咬口，好食！台式火鍋當然要試佢地另一特色：手工野，佢有手工丸同埋手工餃，我點左手工黑松露蝦丸，彈牙爽口，好重黑松露味，不錯！推介厚脂黑毛豬梅花肉，唔係cheap cheap豬肉，油脂均勻多汁！食物吸收哂充滿人參甘香既湯，好夠味，全程冇沾醬料！

今晚夜來到了棉登徑的養心殿😋一來到就點了兩款$188的美人與養生湯底有烏雞的美人湯底帶有陣陣香氣撲鼻的藥材味，另一款養生湯，喝一口也完全是另一境界，一個字：正。因為實在是嚐過便知龍與鳳～P.S.養生湯也有少量鴨血另外點了豬天梯（不過最後沒貨也沒有人來跟我們說一聲，有點失望）除此之外，其他都很好吃！也來得齊！看照片便知道食物的質素很好🧐👍🏼不得不讚有厚切午餐肉 也有新鮮冰菜，最後更追加了一份🤤最後記錄一下位置有滴水問題 雖然不是直接影響到食物擺放的位置 但也建議盡快處理一下吧 謝謝

唔係猛龍唔過江，絕對可以用於養心殿！據知養心殿有好多間分店，而我同朋友去咗尖沙咀呢間。一年四季都打邊爐既我地決定今次要試下特別湯底！美人鍋同養生鍋都好似好出名，由於朋友已經食過美人鍋，所以今次試下養生鍋啦！湯底未黎，可以自己出去準備一下醬汁呢度既鼓油帶有少少甜味，就算唔加其他配料都合適！登登登登！養生鍋到！原對貨真價實，大量人參和其他藥材，入面有豆腐及鴨血「邪惡」午餐肉又點可以少呢～外層脆卜卜，入面肉質細膩，口感結實。朋友說這裡的肉類很好食，於是點了手切牛肉及御選梅花豬手切牛肉（細份）：幾秒就可以，剛剛好御選梅花豬：薄薄一片，不會韌還點了些雲吞及蔬菜雲吞：蝦肉彈牙冰菜及水蓮：爽口，但切記不要落太耐

食過好多養心殿，尖沙咀呢間係咁多間最好坐，又大又有岩聽嘅歌，嘢又好食！茶又好飲！首先介紹下呢個手切牛肉，淥一淥放入口，真係超juicy！食多碟都唔怕！之後係豚肉，肥瘦分明，唔會漏又唔會韌！perfect！可以一戰！之後就要介紹主菜啦！因為叫咗好多蔬菜！先黎係台灣水蓮同冰菜！唔好淥太耐，保持口感爽脆！另外係炸腐皮同炸響鈴！脆到不得了！之後係雲吞！大大粒！超大舊蝦肉！淮山亦好新鮮！秋葵一份原來都好多條！金菇正常！炸午餐肉係鎮店之寶！唔叫就走寶！熱辣辣！養生鍋湯底入面真係好多料！又有人蔘，龍眼，超甘甜

「養心殿」相信好多人都有聽過，我終於第一次食啦！台式火鍋特色之一就係湯底，我揀左「養生鍋」 $188，單睇菜單上寫係精選中外食材、配以多款名貴藥材及人參，以火腿、老雞及豬肉精心肴製而成，就已經好吸引。湯底真係有好多藥材同大大條人參，仲有鴨血同蜂巢豆腐，材料非常豐富高質，感覺滋補又養生，養生粉絲唔好錯過！首先點左細份「手切牛肉」$238，肉質鮮紅色好新鮮，肉味重且厚度適中，有咬口，好食！「嘉美農場雞肉」 $108，大家都知香港一向活雞難求，呢到用既雞係不含激素既香港名牌嘉美雞，出名肉質嫩滑，脂肪較少，肉質爽口好食，食落絕對有雞香味！「萵筍」$48碧綠清脆爽口，「潮州白魚蛋」$48夠哂彈牙充滿魚鮮味。

今次既聚會我地揀左「養心殿台式養生鍋」，尖沙咀棉登徑好方便，用木屏風分隔每張枱，非常貼心！朋友上次已經試左「美人鍋」，今次就試「養生鍋」！湯滾起時已聞到好香既藥材味，我未食就先飲左啖湯，飲落好香藥材味，好滋潤好補既感覺，令人驚喜，我平時唔飲湯都飲到停唔到口。佢都有自助醬料區，不過我覺得湯味濃郁，所以完全冇用過醬料。打邊爐當然要食牛，點左份「手切牛肉」，牛味濃且肉質嫩滑，脂肪適中，清晰紋理，牛肉質感同入口味道都屬上乘，大讚，下次要叫大份！「厚脂黑毛豬梅花肉」，豬肉中頂級的部位，脂肪分佈如大理石紋，肉質細嫩，油潤甘香，鬆軟多汁！仲有「豬粉腸」烚熟後煙韌彈牙，「唐生菜」亦新鮮爽脆。不得不提「手工黑松露蝦丸」，好重黑松露味！「自家製鮮蝦雲吞」皮薄餡靚！「鴨血」口感嫩滑，再追加左一份！最後以「新竹米粉」作結，米粉吸收哂湯既鮮味，充滿人參甘香真係不得了，大滿足！