養心殿台式養生鍋 (已結業)

環境係幾好, 有預先booking (6pm), 到左可以即入唔駛等.... 食物/上菜都快....但所有菜到齊才上到鍋....(不過都唔緊要), 職員忙但態度OK....食飯2.5小時 (8:30前還台有7折), $650都OK LA, 有靚牛肉食, 白酒豬肉片味道都OK, 韮菜餃都大隻而且都香....整體黎講都幾好, 冇乜唔好... 下次可以同未去過既朋友試下, 環境係有啲特別, 唔錯....

是次選擇了寧神養心鍋，湯底不錯，足料。點了麵食，配合湯底，蠻好吃😋。因為湯底夠入味。不過打打下都係要加湯，果汁湯底會有啲杰。如果想試吓個湯底味道建議未落任何料打邊爐之前，先喝一口。否則湯底會變杰喔！上菜有效率，但叫了牛肉和羊肉都一般。魚皮餃亦不錯但價錢有點偏貴。茶介$20，但沒有茶的種類可供選擇有點可惜。不過在七點前買單有半價。而且漿料其實可以不用因為湯底已夠入味。湯底真的值得推介。不過肉類真的一般。

入到間餐廳,就聞到好香嘅鍋底味道,而且呢度裝修好有特色,古色古香,每一張枱都用左屏風相隔,令到大家嘅私人空間大增，形成一個小小嘅角落,呢一點非常讚賞，適合大班朋友一齊傾吓計食飯。。餐廳設有一個醬汁的小角落，可以自行條配適合自己味道的醬料，不過可惜沒有我最喜歡的麻醬呢🙈。湯底嘅選擇都幾多,包括左麻辣鍋、酸菜白肉鍋、寧神養心鍋、秘製薑母鴨鍋、美人鍋、養生鍋。美人鍋一聽到個名，最吸引當然係美人鍋，佢嘅材料包括左桃膠、原隻烏雞、仲有杞子、南棗、金華火腿嘅湯底，又有豐富骨膠原蛋白，滋陰又補虛，所以呢一個鍋係必選。麻辣鍋$128餐牌介紹麻辣鍋係用多種香料及藥材，加入台灣直送鴨血及凍豆腐，口味地道而不油膩。你個麻辣鍋都幾香，坐咗頭幾啖覺得唔太難，但係食到最尾嘅時候，真係覺得好難，尤其啲凍豆腐，吸收左啲汁，好惹味啊。呢度嘅肉類選擇好多，有手切牛肉、雪花肥牛、雙降肉眼肥牛、雪花一口肥牛粒、厚脂黑毛豬梅花肉、清湯牛腩件、嘉美農場雞肉、羊肉片、仲有比較特別嘅包括左牛胸爽、豬天梯、新鮮雞佛、竟然連鴨舌都有。。除咗肉類，仲有不同嘅海鮮，淨係豆品類都已經有六樣，真係選擇好多。平時我唔太鍾意食肉丸類，不過呢度有黑松

這家店是台式火鍋店，之前也聽説過好好食，這次好開心有食神了有人請客來這家店😜，還好我們一早已經訂了位，我們平日也非常滿座😝店內用餐的位置好特別用屏風間隔而且有鈎鈎可以掛袋和外套🙂非常細心！我們點了美人鍋，那個湯一定要先喝一口先，真的非常好喝👍🏻另外我們點了很多食物而且很新鮮又好食👍🏻👍🏻睇相片就知好材料🤪🤪服務還可以啦！有些可能是新服務員有些不太清楚但也很快為我們解答👍🏻

在眾多的火鍋店之中養心殿是我會返頭吃的一間自上一次吃過之後對這裡的酸菜白肉鍋念念不忘所以舊同事叫我出街吃飯我二話不說就叫佢陪我到養心殿荃灣的養心殿跟其他分店一樣裝修中國風比較重如需要調味料的話客戶可以自助到這裏的自助調味吧自行調較來到這裏我亦叫返自己最喜歡的酸菜白肉鍋最開心的事是會再多送一份酸菜白肉鍋內除咗一些蔬菜之外還有薯粉薯粉煮了很久亦不會爛開而且還很入味這裏的豬肉片亦很好吃還有這裏的特色手打丸有不同味道相當特別

📍香港📍荃灣📍養心殿 台式養生鍋📍荃灣眾安街55號大鴻輝(荃灣)中心17樓📍星期一至日 12:00-06:00🦄評分: 9/10聽過好多朋友介紹養心殿唔錯🍲終於有機會試下啦！！養心殿岀名養生鍋 就試下個薑母鴨鍋啦😽熱辣辣既薑母鴨湯 夾帶住淡淡既藥材味 湯底唔會過鹹 藥材味唔會過重 飲落好暖身🥰好好味😻😻鴨同豆腐份量都幾多 鴨肉幾新鮮唔會痴牙 吸哂個鴨湯味 真系好正🔥🔥👇🏻推介❣️❣️12粒餃子拼盤$118 皮薄餡料多🥟抵食😁6款口味🤙🏾即炸脆響鈴$68 好新鮮😍食落唔會好油膩 脆卜卜 正！！！紫淮山麵$38 比較少見 健康推介🌟日本山藥$88 好長好大塊 口感好似薯仔 煮得越來會越淋 吸哂湯汁 好難唔好食🤤🤤 淡淡藥材味嘅薑母鴨鍋好養生仲好暖身 下次帶屋企人嚟試吓😋😋

台式打邊爐嘅食材好特別，「美人鍋」好好味。除咗有桃膠，仲有成隻烏雞個湯底好甜；麻辣鍋就越食越辣。最抵食嘅時間都係7:00前埋單半價🙈（尖沙咀分店除外）.以下幾種係當晚試過好味既（價錢係未半價前）▪手切牛肉$238 （細）👍🏻👍🏻👍🏻👍🏻👍🏻▫▫雪花一口肥牛粒$138👍🏻👍🏻👍🏻👍🏻▪牛胸爽 $138👍🏻👍🏻👍🏻👍🏻👍🏻▫▫千層凍豆腐$48👍🏻👍🏻👍🏻👍🏻👍🏻▪鴨血$48👍🏻👍🏻👍🏻▫▫鵝肝墨魚丸 $48（可以唔試哈哈）▪黑松露蝦丸$48（黑松露味道唔算太濃郁🙈）。最鍾意就係食牛肉食咗兩碟手設肥牛🙈牛肉款式好多，雪花肥牛、霜降肉眼、一口肥牛粒等……能夠滿足牛魔王。好鍾意食牛胸爽，幾秒就食得，好鍾意食嗰種口感。😂.▪仲有好多特色食材，想是豬天梯、炸午餐肉但係眼闊肚窄，食幾樣都飽咗🙈▪餐廳用屏風將啲位分隔左，有啲似坐監😂不過又提高左私隱度呢▪唔收切餅費抵讚哈哈😄

近期最喜愛既一間台式火鍋店，最吸引我既就系不同款式既鮮味湯底，真系可以當湯甘飲，最正就系可以無限添加湯底，重要唔系清湯差甘簡單！燈光較暗，每間分店都好有古色古香既感覺。湯底可雙拼，亦都唔洗額外收費，甘當然點都揀兩款試，揀左寧神養心鍋 (168) & 秘製薑母鴨鍋 (168)，價錢以較高者為準。前者系用鮮魚餚製既湯底，加入川芎、白芷、天麻等料，味道濃郁鮮甜，我地都搶住飲呢款，起碼加左三次湯而薑母鴨鍋既薑味都幾出，但唔會太濃，湯鍋偏甜，飲太多會膩，整體都唔錯，但大家都focus飲魚湯。手切牛肉 (238/細) - 牛肉鮮紅色，睇落好新鮮，賣相非常吸引。牛味濃郁得黎都算嫩滑，系必食之選。酒香白肉 (58) - 呢款系用經酒醃製過既豬腩肉片，酒香味突出，但食落又唔會覺得太strong，$58份量仲有唔少，既抵食又好食。餃子拼盤 (118) - 六款餃子，每款兩隻，分別系極品水餃、鮮蝦雲吞、水蓮餃、韮菜餃、麻辣牛肉餃及魚皮餃。粒粒都皮薄餡多，味道都幾唔錯，比較特別既系麻辣牛肉餃，味道屬小辣，非常惹味好食。台灣水蓮 (88) - 通常食台灣菜先有水蓮，非常清甜，爽脆嫩口，但$88稍貴，平$20＋就

今晚又约咗大班老友去荃灣大鴻輝打邊爐， 今次我哋去咗一間未試過嘅 "養生殿台式養生鍋"， 之前一大班人都係去放題， 都食到有啲悶，今次試下散叫，認真品嚐一下手工嘅台式火鍋！先點了多款不同嘅手工肉丸，牛肉丸裏面嘅芝士真係好流心！其他手打丸類無輪質感及味道都真係唔錯！ 尤其是係黑松露蝦丸、芝士牛肉丸、墨魚丸都十分爽口彈牙I墨魚滑口感十足，味道鮮甜！手切肥牛真係纹理分明， 好有牛味， 肉汁豐富！牛肉色澤紅潤，脂肪分佈亦十分均勻，只要落水輕輕 灼熱幾秒，就即能入口！

天氣轉涼又想打邊爐，見到荃灣有養心殿分店，之前喺旺角食過覺得好好食，今次就試吓荃灣分店先一坐低就已經七點幾食飯時間，非常肚餓嘅我即刻揀湯底，結果同朋友揀咗麻辣鍋同美人鍋雙拼兩個湯底都非常足料，美人鍋入邊仲有一整隻烏雞，其實基本上唔叫配料都夠飽馬勒湯底仲會奉送鴨血佢哋嘅配料其實都係好新鮮，要特別講下自家製響鈴真係好好食，浸完麻辣湯底3秒拎上嚟，脆卜卜之餘中吸收晒湯底，正！另外佢哋嘅韭菜餃都非常足料，大粒加鮮甜我哋有叫到羊肉，不過唔記得咗影相，味道都係非常之鮮甜，而且羶味並唔強烈，係代表新鮮嘅味道啊結果兩個人食咗$500，飽肚程度10分！同埋環境舒服，所以我同朋友都覺得價錢合理

同男朋友去打邊勞，呢間個名好響 成日都聽到 決定去試試 唔洗點等位 一入到去 通風不是太好 有d焗 坐低先 叫左鴛鴦鍋 麻辣+人參 我地兩個都比較中意人參果個 白色湯底加一條條人參蘇 超正！！響鈴必試 現在都很難找到這種響鈴 唯一唔好就是成個場都好忙 d staff做到發哂脾氣

終於有時間食下呢間賣點養身既火煱。見咁多人讚美人煱就試同女友人下啦！剛到的煱比較清同淡味，確係極多桃膠，烏雞足一隻！飲完就黎涮涮啦。今晚冇乜運，冇一口牛又冇牛胸爽。。。。終於叫左黑毛豬。冇花冇假肯定係黑毛，因為冇左果陣豬臭味爽滑汁甜又叫左個鵝肝墨丸，口感彈牙味道夾一點肝香，幾okay。再叫左唔係人人 like既鴨血 (一心唸住想補下全面D養顏再補血！）。食到呢個時候，湯底開始變濃出味，呢個時候飲👍👍同剛才比較，天壤之別！因為有好多棗同桂圓，湯底甜甜，烏雞滑滑，桃膠吸左湯底更好味！其實兩個人，食左大半隻雞，已經有飽。接住就食清d！滑豆腐加什菜。秋葵打邊爐真係好正，淥下10秒吸左湯但仍胎囗。新鮮淮山都好正，食爽囗既，都係十令秒好啦！最後仲送甜品，滿足！

之前已經黎過養心殿幾次，但每次都係夜晚，非常多人。今次就揀LUNCH黎食，人流少好多之餘，自然光由窗邊透入黎，令店面望落更開揚。重點係LUNCH黎既話，只要係晚上7點前埋單，即可享半價優惠 (不包括飲品、醬料費、加一收費，只限現金付款)!! 換言之，即係可以坐5至6個鐘，慢慢嘆，唔怕超時過左個優惠時段。每次黎都會點酸菜白肉拼麻辣鴛鴦鍋，除左因為中意食酸甜既酸菜外，亦因為佢可以一解麻辣既油膩感，所以兩者係絕配!! 即炸響鈴($68)同炸芋頭($58)都係必點食品，兩款既賣點都係即點即炸，上枱果陣都仲係熱辣辣!! 前者每層都好薄，所以食落油膩感無咁重，加上豆味濃郁，係我食過最好味既響鈴!! 手切牛肉(大) $338今次既牛肉比之前幾次既有D遜色，除左肥膏多左之外，肉色更是唔新鮮既暗紅色….食落肉質軟嫩，但油脂較重，好快滯餃子拼盤 $118之前都係食丸子，今次試下呢個餃子，分別有鮮蝦雲吞、水蓮餃、韭菜餃、麻辣牛肉餃、魚皮餃、豬肉餃。每粒都包到脹卜卜，經煮熟既餃子，變得更飽滿。餃皮呈半透明，餡料約隱約現，非常誘人。🤤每款餃子口感都好豐富，皮薄餡多、蝦肉爽口彈牙、水蓮菜爽脆、瘦肉比肥肉多，但唯獨

今晚黎到比較上高端嘅火鍋店打邊爐，同放題個感覺好唔一樣，裝修亦好華麗好舒服，雖然價錢相對上較高，但絕對值得一試，首先間鋪服務幾好，因為都幾多員工下，廢話唔多講😂😂叫左個湯底先，叫左寧神養心鍋$168，呢個鍋係我飲過最好飲嘅湯底，有成隻烏雞同魚去煲，個味極濃，真係好飲到一個點，唔洗食其他野已經覺得正爆，火鍋料就叫左涮鍋小羔羊肉片$108，好有羊肉味又夠羶，山水滑豆腐$38，真係好滑，鮮蝦滑$88，個蝦味食得出新鮮，稻庭烏龍麵$48，係靚烏冬好煙韌，白玉蘿蔔$48亦係靚蘿白冇渣，最後仲送芋圓湯丸食，好好味！❤️❤️

天氣尼排又凍返，最啱打邊爐，大家都想食得健康啲，於是就過來養心殿試一試。我地叫左鴛鴦鍋，美人鍋同養心鍋。美人鍋既材料有鳥雞、桃膠、金華火腿藥材等等，味道鮮甜，冇陣陣藥材既味。養心鍋材料主要係魚加藥材，所以顏色係奶白色，味道一樣係鮮甜，冇藥材苦澀味。尼度打邊爐建議先食飲佢既藥材湯，先好開始打邊爐。手切牛肉顏色鮮紅，牛肉雪花紋分佈均勻，夾一片放入湯中數秒，馬上可以吃，牛肉味不太濃，肉質順滑，味道唔錯。 梅花豬肉顏色一樣鮮紅色，雪花紋分佈都均勻，食起上黎味道甜美。什錦蔬菜盤一般打邊爐常有既蔬菜，冇乜特別。淮山麵麵既口感一般，叫寬麵應該會更好。總結一下，如果喜愛打邊爐，可以黎試一下，湯底同港式邊爐好唔同。